Jæja ég hef engar áhyggjur af stríði milli stórvelda. Í dag eru stórveldi of stór til að fara í stríð, því þau myndu jú útrýma hvort öðru.
Við fyrstu sín virðast BNA menn mun öflugri. En Rússar græða á stærð lands síns. Í kjarnorkustyrjöld held ég að það væri mun líklegra að Rússar myndu hafa flesta eftirlifendur, því auðveldara væri að taka út allar landspildur í BNA en í Rússlandi. Þó eru BNA menn langt á undan tæknilega séð í dag og yrðu því eflaust fyrri til heldur en Rússarnir ef báðir byrjuðu stríð samtímis.
En svona til gamans veltum fyrir okkur stríði án kjarnorkuvopna. Ok. heimurinn eins og hann er í dag engin kjarnorkuvopn.
Og engin viðskiptatengsl heldur, Rússar og BNA munu ganga í sameiginlegt tollabandalag árið 2025, svo stríð er ekki á næstunni. Ímyndum okkur frekar að samskipti Pútíns og Bush séu en stirðari.
Jól 2005, betur þekkt sem hin rauðu jól. Tveim dögum eftir rússneskan aðfangadag, í janúar semsagt, gera rússneskar skriðdrekasveitir innrás inn í úkraínu. Krafan er að Jútsjenko afsali sér forsætisráðherratign. Í lok Janúar hafa rússar hertekið Kiev sumum úkraínubúum til fögnuðar en öðrum til skelfingar. Jútsjenko flýr.
Alþjóðasamfélagið mótmælir kröftulega.
Febrúar. Bush forseti hótar að beita efnahagslegum þvingunum yfirgefi rússar ekki Úkraínu. Sést til rússneskra herskipa við Svalbarða og Jan Mayen. Herskipin hringsóla inn á norskri lögsögu.
Mars.Bush forseti lokar á öll viðskipti við Rússland og lýsir því yfir að Rússar hafa gengist yfir á öxul hins illa. Í augnablikinu veitir hann meiri athygli til Sýrlensk-Íransks bandalags sem orðrómar ganga um að séu að mynda bandalag með Rússum. Sýrlendingar gera innrás í Líbanon í lok mars með aðstoð Rússneskra skriðdreka. Íranskir hermenn fara yfir á afgönsku landamærin.
Apríl. 2.Apríl tilkynnir Pútín endurreisnaráætlunina. Meiningin er að ná aftur landsvæðum sem áður tilheyrðu Rússlandi. Innrás er hafin inn í Azerbajdan og Túrkmenistan undir því yfirskyni að lýðræðisvæða þau og tengja aftur við “ríkjabandalagið”. Pútín krefst þess að eystrasaltsríkin segji sig úr ESB og hleypi rússneskum hermönnum aftur inn í landið. Hvíta Rússar ganga í bandalag með Pútín.
Maí. Kim Jung Il hittir Pútín á leynilegum fundi í Perm. (Sem er í Úralfjöllum). Bush lýsir yfir stríði á hendur Sýrlandi og innrás BNA hefst. Örfáum dögum síðar gera Íranar innrás í Írak og Afganistan. Pakistanar og Ísraelar senda hermenn á átakasvæði bæði í Líbanon og í Íran. Ástralir fjórfalda hermenn sína á svæðinu, Bretar fimmfalda. Nato lýsir einróma yfir stríði á hendur Íran og Sýrlandi. Saudi Arabar lýsa yfir hlutleysi en leyfa BNA mönnum að nýta landsvæði sitt. Indverjar og Kínverjar lýsa einnig yfir hlutleysi.
Júní. Rússneskar hersveitir gera innrás í Pólland, eystrasaltsríkin, Finnland, Afganistan og Rúmeníu. Nato er gjörsamlega komið í opna skjöldu, engin hafði búist við slíkri áræðni í Pútín. Kim Jung, nýtir sér tækifærið sem felst af glundroðanum og gerir innrás inn í Suður Kóreu. Japanir senda enga fleiri hermenn til miðausturlanda en setja á almenna herskyldu og svara með innrás á Kóreu skagann. Taívan setur á almenna herskyldu en sökum ótta við Kína halda þeir sér höndum og lýsa ekki stríði á hendur neinum.
Júlí. Blitzkrieg í annað sinn í Evrópu. Helsinki fellur, Varsjá fellur. Sofía í Búlgaríu hertekinn. Sjóorustur á svarta hafi milli Tyrkja og Rússa sem lýkur með sigri Rússa.
Damaskus er hertekinn af Tyrkjum, Kúrdneskum hermönnum og BNA mönnum. Sýrlendingar algjörlega yfirbugaðir. Palestínskar herdeildir börðust með Ísraelum og veldur því að viss skilningur skapast milli þjóðanna.
Rússar hertaka Jan Mayen, Svalbarða, bomba höfnina í Bergen. Orustan í vestmanneyjum á sér stað 29 júlí er Herskip BNA og Rússland mætast. BNA menn sigra.
Ágúst. Rússneska sóknin stöðvuð fimmtán kílómetrum austan við Berlín. Sjóorusta við Bornholm milli Rússa og Nato (meginlega sænskar, danskar og finnskar flotaherdeildir). Nato tapar en Breskur og Franskur liðsauki stöðvar Rússnesku sóknina við eyrarsund. Íranskar sveitir hertaka Bagdad en halda borginni einungis í þrjá tíma. Ekki stendur steinn yfir steini eftir sprengjuárásir Nato á svæðið.
September. 1. sept brennur Moskva til kaldra kola er Bandarískum herflaugum tekst að brjóta sér leið í gegnum flugvélanet Rússa. Japanskar sveiti bíða ósigur við Seoul, japanski flotinn vinnur á hinnbógin með aðstoð bandaríska lofthersins stórsigur við Kamkatja skaga gegn Rússum. Í lok September fara bandarískar sveitir yfir Beringssund og hernema strandlínuna á Síberíuskaganum. Er þetta gert meginlega til að tryggja að Rússar geti ekki gert innrás á Bandaríska grundu.
September 29. Berlín brennur til kaldra kola er Rússar gera árás.
Október. Rússneski sjóherinn sigrar þann Bandaríska við Jan Mayen. Stórar orustur eiga sér stað undan ströndu Íslands og virðist halla á BNA menn. Björn Bjarnason kemur í gegn herfrumvarpi sínu. Allir Íslenskir karlmenn frá 18-20 ára aldurs eru kvaddir í bandaríska herinn. Björn verður hernaðarmálaráðherra og dómsmálaráðuneytið lendur í höndum Sigurðar Kára.
Bandarískur floti kemur til liðsinnis í baráttunni um Eyrarsund, Rússar hraktir til Malmö. Vesturevrópskar sveitir ná Varsjá á sitt vald.
Nóvember. Kínverjar hafa vaxandi áhyggjur af efnahagsmálum sínum en í fyrsta sinn í mörg ár staðnar hagvöxtur þeirra. Á fundi við Bush samþykkir forseti Kína að Kínverjar ráðist gegn Kim Jung Il og hljóti að launum bæði Taívan og Norður Kóreu. Þann 13 Nóv. gera Kínverjar innrás í N-Kóreu á sama tíma og Kim Jung klárar að hernema allan Kóreuskaga. Á leynifundi við Pútín lofar hann Kínverjum landsvæði í Mansjúríu sem áður tilheyrðu Kína gegn hlutleysisstefnu. Kínverjar samþykkja.
Herir ESB ríkjanna endurheimta Vilinius, skömmu seinna ná þeir einnig Búkarest aftur.
Desember. Pútín segist vera tilbúin til að ræða samningaviðræður. Bush segjir það ekki koma til greina, þrátt fyrir að Schröder, Noregur og Svíþjóð láti í ljós vilja sinn til þess. Aldrei þessu vant er Chiraq sammála Bush, enga samninga er að vænta handa Rússum. Nato stefnir á innrás inn í Rússland.
Átök harðna í Íran og í Afganistan. Bylting á sér stað innan frá í Íran og ný frjálslyndari stjórn (sem þó er skipuð að mestu leyti mönnum úr gömlu stjórninni) segist vera tilbúin í að skipta um hlið. Nato samþykkir. Íranar snúast gegn uppreisnarmönnum í Afganistan og Írak. Indverjar ganga einnig til liðs við bandamenn.
2006
Janúar. Bush fær afnumið lög sem skylda forseta BNA einungis til að vera tvö kjörtímabil. Einnig keyrir hann í gegn valdaaukningu til forsetaembættisins. Mótmæli eru lítil enda verða BNA menn nú að sýna “samstöðu”. Bush sendir út innrásar her til Kúbu. Einnig sendir hann innrásarher inn í Venesúela sem nýtur stuðnings frá Kolumbíu. Brasilíumenn eru eina þjóðin sem mótmælir.
Febrúar. Eystrasaltslöndin endurheimt. Kiev hernumið af Nato. Tétenskir uppreisnarmenn vinna stórsigra á Rússnesku herliði. Helsinki endurheimt í lok Febrúar.
Mars. Túrkmenistan, Azerbajdan bætast í hóp landa sem eru nú á valdi Nato. Hvíta Rússland fellur. Flugher bandamanna vinnur flugher Rússa.
Apríl. "Frelsunarvorið hefst. Hvert vígi Rússa fellur á fætur öðru. St.Pétursborg. Minsk. Jafnvel Volvograd þar sem Rússar höfðu áður náð að stöðva framsókn Þjóðverja. Rússum er gefinn viku frestur til að tilkynna skilyrðislausa uppgjöf.
Maí. Afsögn Pútíns vekur vonir vestræns almennings. Frestur Rússa er framlengdur. Kosningar haldnar í Írak í annað sinn. Saudi Arabar játa að olía sé að verða uppurinn útlit fyrir hækkandi verð á eldsneyti í heiminum og kreppu.
Júní. Ný stjórn Rússa tilkynnir að þeir samþykki þá skilmála að landamærum Rússlands verði haldið óbreyttum. Bush krefst að kosningar verði haldnar aftur og að Pútín verði afhentur. Pútín er afhentur og frestur framlengdur. Anders Fogh Rasmussen lýsir yfir að hann telji að þetta vopnahlé sé sjálfsblekking. Rússar séu að reyna að tefja bandamenn því þeir viti að um veturinn verði mun erfiðara að framkvæma innrás. Það er ekki hlustað á hann.
Júlí. Jútsjenko tekur aftur við völdum í Úkraínu. Lýðræðisþróun mikil í arabaheiminum. Kosningar þar sem öllum er leyft að kjósa haldnar í Íran. Stjórnin fellur í Saudi Arabíu og kosningar haldnar með aðstoð BNA manna. Gömlum valdastoðum í Jemen og Óman hriktir.
Ágúst. Rússar leggja fram þá kröfu að hvíta Rússland og Austurhluti Úkraínu fái að tilheyra þeim við samningaviðræðurnar. Þessu er þverneitað, CIA tilkynnir Bush að ekki sé útlit fyrir að kosningar verði haldnar í Rússlandi né að Pútín verði framseldur. Her Nato er aftur sendur af stað. Indverjar, Pakistanar, Íranar og Ísraelar draga sig úr stríðinu. Her BNA yfirgefur Írak.
September. Blóðugi September, Rússar endurheimta St.Pétursborg og Volvograd. Her bandamanna haldin í skefjum skammt frá Moskvu, mannfall beggja herja helst hátt, en hærra hjá Rússum. Flugher Rússa heldur bandamönnum í skefjum á heimavelli. Rússneskur sjóher vinnur stórsigur á Nato við norðurströnd Noregs. Þjóðverjar, Spánverjar, Írar og Hollendingar óska eftir frekari samningaviðræðum.
Október. Moskva fellur. Nýja höfuðborg Rússa er þó enn í nokkurri fjarlægð en hún hafði verið flutt meðan á samningaviðræðum stóð til Perm. Hægjist á sókn bandamanna í vetrarhörkum. St.Pétursborg fellur aftur en Rússar vinna sigur við Volvograd. Kínverjar leyfa bandamönnum að nota land sitt í stríði gegn Rússum. Argentína, Úrúgvæ, Brasilía og Perú mynda and Bandaríska bandalagið. Mexíkó gengur í Nato formlega og sendir hermenn til Rússlands.
Nóvember. Mannfall Nato í fyrsta sinn hærra en Rússa. Víglínurnar festast.
Desember. Mannfall það hæsta frá upphafi stríðsins. Rússar sækja hægt fram. Svíar, Finnar og Norðmenn semja frið við Rússa. Afganistan semur líka frið. Einræðisstjórn Pakistans fellur.
Janúar 2007. King Kong eftir Peter Jackson frumsýnd. Nýja sjáland semur frið við Rússa, skömmu síðar fylgir afar stríðsþreytt Ástralía með nýjan forsætisráðherra. Kínverjar banna herflutninga og reyna að þrýsta á friðarviðræður.
Febrúar. Rússar ná Minsk og Tallin. Forystumenn Rússa og Nato hittast leynilega, en engin sátt næst.
Mars. Öllum að óvörum á valdarán sér stað innan Rússneska hersins. Bandamenn sækja fram aftur en í lok Mars tilkynnir ný stjórn að hún hyggist koma aftur á lýðræði í Rússlandi. Allar þjóðir reiðubúnar til að semja að undanskildum, Frakklandi, Bretlandi, BNA, Íslandi og Mexíkó.
Apríl. Stríðið heldur áfram. Rússar sækja fram þar til í lok Apríl læsast víglínur aftur. Allt lýtur út fyrir að Bandamenn munu sækja fram aftur þar til sagan muni endurtaka sig um vetrarleytið. Bush kemur þeim lögum í gegn að svo lengi sem styrjaldarástand ríkji verði engar kosningar.
Maí. Rússar viðurkenna sjálfstæði Úkraínu gegn því að Júsjenkó hætti þáttöku í stríðinu. Júsjenko neitar að halda áfram átökum gegn Rússum og krefst brottfarar BNA manna. Valdarán fylgir stuttu síðar og ný stjórn Úkraínu útilokar samningaviðræður.
Júní. Þýskaland, Ítalía og Spánn draga sig endanlega úr stríðinu. Í Póllandi hafa BNA menn ennþá herstöðvar til að nýta og Danir hleypa þeim í gegn á grundvelli bandalagsins.
Bush talar um staðfestu Frakklands, Íslands, Bretlands og Úkraínu og lýsir því yfir að Spánn, Þýskaland og Norðurlönd séu nú í bandalagi hugleysis og því einn versti óvinurinn. Einnig minnist hann á að ný ógn fari vaxandi í suðri, en bandalag suðurameríkuríkja er beint gegn bandaríkjunum.
Júlí. Demókratar hafa aldrei verið óvinsælli í BNA, mikill flótti yfir í repúblikanaflokkinn. Ýmsar bækur bannaðar í BNA. Stjórnarskránni breytt: Tjáningarfrelsi er leyft svo lengi sem það ógnar ekki sjálfu frelsinu.
Ágúst. Rússar og BNA menn komast að niðurstöðu. Vopnahlé, stríðinu lýkur aldrei og engir opinberir samningar fara fram en í sitthvoru ríkinu er einræðisstjórn sem byggir völd sín á óttan við hitt ríkið. Sýrland heldur fyrstu þingkosningar sínar.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.