Nú er mér nóg boðið. Að ég skuli verða skyldugur til að greiða útbrunnum tónlistarmönnum skatt fyrir einhvað sem tengist þeim á engan hátt. Afhverju borgum við ekki flugmönnum skatt af loftinu sem við öndum, jú eða okkur vefforiturum pening fyrir það eitt að skoða eitt stykki af html-skjali. Hver veit nema fólk fari að afrita loftið eða þá html-skjölin. Hvaða skattafrumvarp verður þá lagt fram? Auðvitað veit Björn Bjarnarsson alveg hvað hann er að tala um, hann er nú alkunnugur tölvuspekúlant mikill með sína flottu síðu Bjorn.is. Hvað ætli sé langt þangað hann fari að rukka gjald til að skoða síðuna sína? Hvað þá Magnús Kjartansson eða hvað sá útbrunni listamaður heitir aftur. Auðvitað borga ég ekki glaður manni skatt sem þýkist vera tónlistarmaður en sást seinast spila á píanó í þættinum Á tali hjá Hemma Gunn. Hversu lengi ætlar þing alþýðunnar að misnota vald sitt? Er ríka fólkið ekki orðið nógu ríkt? Eða er kannski leikurinn til þess gerður að Björn Bj. þurfi smá auka pening í vasann til að láta þýða heimasíðuna sína á Ensku ? Hvað finnst ykkur ?