Leiðinlegt að ég skildi misskilja þig og ég bið þig að fyrirgefa það. Mér fannst spurningin um hvort Austræn menning væri þá verri bara eitthvað undarleg. Nú held ég til dæmis upp á jólin en ekki Ramadan, en það er ekki eins og það sé af fyrirlitningu á öðrum trúarbrögðum, bara afleiðing af því hvar ég er alin upp og hvað mér finnst vænt um. Það er satt hjá þér að “vestræn” menning er afar fjölbreytt. Það væri kannski afar langt mál að skilgreina hvernig ég sjálf lít á þetta og hvað það er í menningu Vesturlanda sem ég met mest, það eru einfaldlega það mörg atriði, ekki bara þau sem augljóslega er vegið að eins og lýðræðið sem við höfum þróað á Vesturlöndum og er talið upprunnið þar eins og þú veist, en ekki í sinni nútíma mynd auðvitað. Hatur á Vesturlöndum er að aukast, og það er ekki alveg rétt að það sé afþví við höfum unnið fyrir því eins og oft er haldið fram. Sögukennsla er til dæmis orðin mjög “westernized” víða í heiminum, og á meðan allir læra um glæpi Breska heimsveldisins og svo framvegis meira og minna, eru aðrir í gamla hetjudýrkunargírnum sem við uxum upp úr, og hafa þá tilhneigingu sem er okkur sjálfum að kenna að vissu leyti, að kenna Vesturlöndum um allt, meðan þeirra eigin menning er séð í fallegra ljósi en ástæða er til. Japanir kenna börnum sínum til dæmis almennt ekki um vísindatilraunir á Kóreubúum sem voru alveg sambærilegar við myrkraverk nazista og í Afríku og Asíu er ekki sama tilhneiging til að fjalla um myrku hliðina á eigin menningu og hér. Sektarkennd er hins vegar orðin, af ýmsum flóknum menningarlegum ástæðum (kristindómur spilar þar inn í, ekki trúin sem slík eins mikið og hvernig við höfum túlkað hana), rótgróin hluti af okkar heimshluta og við breiðum út okkar eigin fölsku mynd af okkur sjálfum í gegnum Amerískt sjónvarp og svo framvegis inn í frumskógana jafnvel. Við erum ekkert “betri” en aðrir, það var rétt, en “verri” það var jafn alvarlegur misskilningur.

Osama Bin Laden lærði kannski ekkert síður að hata Vesturlönd í skólunum sem hann var í sem mjög ungur maður í Bretlandi, þar sem stöðugt er tönglast á eigin glæpum, heldur en hjá ofsatrúarmönnum í sínum heimshluta, þar sem algengara er að sjá sig í hetjuljósi og aðra einfaldlega sem óvininn, þó auðvitað sé það að breytast líka, en fólk er ekki lengur alið upp með þá svart-hvítu heimsmynd hér almennt. Sannleikurinn er auðvitað sá, sem Bin Laden heyrði varla í skólunum í Bretlandi, að Bretar eru á engan hátt sekir um verri glæpi svo sem, en ýmis svæði Afríku og Asíu, þar sem svipuð grimmd hefur þekkst öldum saman, enda er “friðsami Austurlandabúinn” bara blekking hippa sem hafa til dæmis greinilega ekki nennt að kynna sér hugarástandið í Japan, Kóreu eða gamla Kínverska rasisman.

Það er að segja friðsami austurlandabúinn versus illa vesturlandabúinn var aldrei til, þessi svarthvítamynd er bara einhver bítla blekking sem við ættum að vera vaxin upp úr, aðrir eru farnir að trúa þessu án þess að hafa lært sjálfsgagnrýni af okkur, og óþarfi að færa fólki upp í hendurnar vopn gegn manni.
Þess vegna þyrfti að taka upp global, sanngjarnari sögukennslu, sem er ekki eins “Euro Centric” og talar helst ekki um aðra nema sem fórnarlömb þá, sem er alls ekki, og var aldrei satt. Fyrst Ameríka er tilbúin að breiða út okkar sektarkennd, þá er komin tími til að hinir viti líka hvað þeir hafa gert og við vitum að þeir voru ekki bara englar, og við svo djöflarnir, eins og hippakynslóðin vildi hafa það.