Geturðu ekki tekið eitt skitið dæmi? “bara eðlilegt”. Ég er ekkert forvitinn og hef lesið mikið og margt um þetta. Og eftir að hafa alist upp á and-amerísku heimili, þá kom mér mjög á óvart eftir að ég fór að kynna mér hlutina að aldrei hafa þeir farið í stríð til gróða, hinsvegar hafa þeir farið í stríð til að forðast tap. Þar er mikill munur á.

En svona í alvöru. Hvað græddu þeir á Víetnam & Júgóslavíu sem dæmi? Hverju hefðu þeir tapað á því að sleppa því?

og hvað græddu þeir á því að leysa stríðs deiluna milli Spánar og Marokkó í sumar ? og hverju hefðu þeir tapað á að sleppa því?

BNA hefja stríð til að verja hagsmuni vesturlanda, flestum stríðum hafa þeir ekki grætt á, þeir hafa misst menn og gífurlega fjármuni. Þeir gerðu hins vegar margt rangt á tímum kaldastríðsins, þar sem þeir óttuðust að dóminó-kenningin yrði að veruleika.
1.) WWI
Komu inn undir lokin, þeir sáu sér nú ekki mikla gróðavon í því, nema þá að frelsa Evrópu og ljúka stríðinu þar. Þeir hinsvegar misstu marga menn og það hefur kostað ansi mikið. Hagnaðarvon sama sem engin!
2.) WWII
“Látum Evrópu sjá um sín eigin stríð” Þetta var attitudið í BNA í upphafi stríðsins, það var ekki fyrr en þeir voru dregnir inn í stríðið með árásinni á Pearl harbor (og ákv. farþegaskip.). Þeir þurftu að þola mikið manntjón, og kostnaðurinn við þetta stríð var gígantískur, auk þess sem gífurlegt fjármagn fór í að byggja Evrópu upp aftur í stríðslok. Gróðavon: að Evrópa hætti að berjast svo að BNA myndi ekki þurfa að bjarga þeim oftar.
3.) Kóreu
Kórea óskaði eftir hjálp þar sem það var verið að hertaka þá, mig minnir að það hafi kostað BNA 30-50 þús menn. Kostnaðurinn við að senda allt þetta lið til Kóreu og framleiða vopn, Mikill.
4.) Vietnam
Eitt stórt klúður, partur af því að koma í veg fyrir að dómínókenningin næði fram að ganga. Studdu að því mig minnir spillta stjórn og voru með víetnömsku þjóðina á móti sér.
5.) Kalda stríðið: Sovétmenn hefðu hertekið Evrópu, og ekki sleppt henni, eins og sást með a-Evrópu. BNA setti það fram að ef Sovétmenn myndu ráðast á v-Evrópu (það stóð nokkrum sinnum mjög tæpt), þá myndu þeir beita kjarnorku, sem myndi þýða endalok BNA og USSR. Þeir voru tilbúnir að fórna sinni þjóð til að verja Evrópu.
6.) Írak
Írak réðst inn í Kúwait, SH beitti m.a. efnavopnum á óbreytta borgara. BNA fékk heimild til að ráðast inn og það gerðu þeir, en fóru út strax og þeir gátu (hefðu samt átt að klára þetta og leysa vandamálið).
7.) Júgóslavíu
Ólíkt í Írak þá fengu BNA seint heimild, ef þeir hefðu fengið að ráða þá hefði verið bundinn endi á þessa slátrun fyrir löngu og mörg mannslíf spöruð. BNA vill yfirleitt fara strax inn en það eru SÞ sem draga það á langinn. Þeir réðust ekki strax inn í Írak út af olíunni, heldur af því að þeir fengu strax heimild til þess.
8.) Afganistan
Afganistan var heimastöð Al quada, það gekk ekki að þeir ættu öruggan stað til að skipuleggja árásir á hinn vestræna heim í friði.

Ein flugvél kostar milljónir til milljarða dollara. Að halda úti 50.000-500.000 manna her í stríði kostar óhuggulega peninga (var að lesa í Times að stríð við Írak gæti kostað eitthvað um 270 milljarða dollara miðað við að þetta yrði stutt stríð.) Þeir græða yfirleitt ekki fjárhagslega á stríðum. Ástæða þess að þeir fara í stríð er að þeir eru að reyna að koma í veg fyrir að einhver brjálaður einræðisherra (eins og t.d. Milosevic, Hitler, Stalín o.s.frv.) komist í aðstöðu til að ógna heiminum, Þetta er ástæða þess að þeim finnst réttlætanlegt að missa menn og gífurlega fjármuni í stríði.

Og zedlic, Þú segir að þeir geri ekkert nema þeir hagnist persónulega á því og gera allt til að græða á því, samt hefurðu ekki skoðað hvert málsatvik fyrir sig? Þú semsagt dæmir þjóðina á getgátum og sögum af atburðunum? Farðu inn á bókasafn og lestu þér til um þessar styrjaldir, þar finnuru margt gott og slæmt sem BNA hafa gert, en ég efast um að þú finnir nokkra styrjöld sem þeir hófu til að græða á.

Lokapunktur
Fyrir rúmum 10 árum var Írak sigrað, BNA-herinn átti í raun aðeins eftir að “röllta” inn í Baghdad og ljúka þessu, en þeir sömdu um vopnahlé. Ef þeir voru að þessu út af olíunni, afhverju kláruðu þeir ekki unnið stríð og gerðu Írak að nýlendu sinni til að geta tekið olíuna frítt?