Auðvitað hefði löggan átt að keyra þarna framhjá og athuga hvort þær fyndu gaurinn og taka hann í varðhald. Þetta er nú tilraun til innbrots og skemmdir á eignum. Úff, ég hefði sko verið skíthrædd. Ég er sko verulega hneyksluð á löggunni núna.

Ekki skemmtilegt að lenda í svona! maður spyr nú bara hvort ekki sé í lagi með lögguna að koma ekki á staðinn þegar þetta átti sér stað

Áttu heima niðrí bæ? Ég átti heima niðrí bæ í nokkur ár og ég fór aldrei einu sinni að útidyrunum þó það væri hringt. Bara breiddi upp fyrir haus og fór aftur að sofa. Þetta kom samt ekki fyrir nema svona 1-2 á ári. Alla vega, fólk sem hringir dyrabjöllunni hjá þér kl. 4 að nóttu hefur ekkert gott í hyggju þó yfirleitt sé það nú bara að gera at.

Þessi sem þú lentir í hefur hins vegar bara greinilega verið eitthvað ruglaður. Kannski haldið að hann ætti heima þarna eða eitthvað. Alla vega frekar gróft að fara að sparka í hurðina og auðvitað hefði löggan átt að koma fyrst hann var að reyna að brjótast inn.

Sögðust þeir eitthvað ætla að kanna af hverju enginn kom? Mér finnst að þú ættir að spyrja að því og líka hvort þú getir átt von á jafn lélegri þjónustu ef þetta gerist aftur og hvort þú eigir bara að fá þér haglara og sjá um þetta sjálf.

Ég mundi nú gera læti útaf þessu ef ég væri þú ! Ég mundi vægast sagt BRJÁLAST út í lögregluna !

Ég varð vitni af grófu broti og hringdi í lögregluna , en mér var tjáð að allir bílar væru uppteknir! Ég sagðist þá taka völdin í mínar hendur og það dugði (til að málið var sett í forgang ???) Allavega kom bíll skömmu síðar og afgreiddi málið. Það er greinilega pressa á þeim og eitt leiðir af öðru, ég þurfti að pressa á þá á þenann hátt.

Þetta er náttúrulega mjög óskemmtileg lífsreynsla sem þú hefur orðið fyrir, en ég vona að þú hættir samt ekki að gá út, ef hringt er á bjöllunni hjá þér um nótt. Þó að í þessu tilfelli hafi það verið einhver vafasamur, þá veistu ekki nema að næst sé það einhver sem þarfnast raunverulegar aðstoðar.
Ef þú ert ósátt við viðbrögð lögreglunar, þá er um að gera að skrifa formlegt bréf til viðkomandi lögreglustjóra, og kvarta. Þar sem öll samtöl við lögregluna/neyðarlínuna eru tekin upp, ættirðu að geta sannað mál þitt, og fengir vonandi betri þjónustu næst.
Reyndar spurning hvort þú hafir lýst málinu nægilega vel fyrir viðkomandi lögregluþjóni, svo að hann skildi alvöru málsins, tókstu til dæmis fram að hann hefði reynt að brjóta upp hurðina.
Kveðja habe.

Löggan : To Serve And Protect… My A$$

Helvítis löggurnar ættu að fara að einbeita sér að alvöru glæponunum og rugludöllunum í þessu landi sem eru að angra almenning í staðinn fyrir að vera að eltast við óskoðaða bíla og þvíumlíkt!
Erum við ekki öll að borga launin hjá þessum ösnum?

ViceRoy

etta er mjog halfvitalegt i Löggunni að koma ekki ein heima og med 4 börn ufff ! en hehe Komin med varðHund Gj !! hehe

dísus

Ef löggan myndi ekki aðhafast neitt myndi ég taka lögin í mínar hendur.

Það hefur gerst áður og ég mun gera það aftur ef ég þarf þess.

Það var einu sinni ráðist á mig og mér tókst að flýja inn, og liðið beið fyrir utan hjá mér (veit ekki af hverju það hljóp inn til mín og hélt áfram) ég hringdi í lögguna en hún gerði ekki neitt.

Þannig að ég hringdi í félaga mína og við tókum lögin í okkar hendur, það er það eina sem virkar.

Ég myndi varla treysta löggunni fyrir kókómjólk.

Óþolandi eins og t.d. með sjálfsvörn, ef það ræðst á mann einhver forfallinn dópisti og aumingi á mann og maður ver sjálfan sig og hann nefbrotnar, þá fer maður verr útúr því en árásarmaðurinn!

Alveg magnað þetta kerfi í dag.

Ég hef 2 sögur að segja af löggunni.

Ég bý í pínulítilli kjallaraíbúð ásamt kærastanum mínum í norðurmýrinni. Nokkrum dögum eftir að ég flutti inn í fyrra kom úturdópaður karl og stóð fyrir utan dyrnar mínar. Vinur minn var hjá mér og opnaði hurðina fyrir manninum því hann hélt að ég þekkti hann (það er gardína fyrir glugganum á hurðinni svo það sést ekki almennilega inn/út). Allavega þá þekkti ég þennan gaur ekki baun, hann var mjög greinilega útúr dópaður, gat varla talað og ég veit ekki hvað og hvað. Maðurinn kom inn og við þurftum nánast að beita handafli við að reka manninn út úr íbúðinni! Vorum sjálf á útleið og þegar við komum út sá ég að maðurinn var kominn inn í bíl konunnar á efri hæðinni. Ég hringdi strax í manninn hennar og lét hann vita af því, og á sama tíma komu 2-3 litlar stelpur og létu konuna vita að maðurinn væri þarna. Allavegana, þá hringdi konan á lögregluna, sagðist vera ein heima með 2 börn og það væri maður inní bílnum hennar fyrir utan. Þegar hún var búin að tala við lögregluna hringdi hún í manninn sinn sem var að vinna í Hafnarfirði. Maðurinn hennar kom heim 10-15 mínútum áður en lögreglan mætti á staðinn! Þetta var á kvöldmatartíma á föstudegi, og maðurinn náði að stórskemma bílinn (reif sætin úr honum og hátalarana og miðstöðina og mælaborðið og ég veit ekki hvað og hvað!

Saga 2:
7. nóvember í fyrra sat ég handleggsbrotin alein heima um miðnætti á fimmtudagskvöldi. Það var rigning úti og mjög hált því það hafði verið snjór og læti. Rétt um hálf 1 fer ég að heyra svona.. öskur. Búandi í “Harlem” þá hélt ég að þetta væri einhver að skemmta sér eða eitthvað. Þegar ég hafði heyrt svipuð öskur svona 5 sinnum ákvað ég að hætta mér út til að gá hvort einhver róni hefði dottið og brotnað fyrir utan hjá mér. Ég fer út og labba framfyrir húsið (íbúðin mín snýr að bakgarðinum) en ég sé engan. Þegar ég kem að tröppunum niður að íbúðinni minni er eins og hurð eða gluggi fjúki upp og öskrin margfaldast! Ég varð svoooo hrædd að ég hélt að ég myndi gera í buxurnar. Ég hljóp inn og skellti hurðinni á eftir mér með púls 180 eða svo ;) Allavega.. ég settist niður til að róa mig aðeins og áfram halda öskrin. Núna eru þau farin að hljóma óheyrilega mikið eins og “HJÁLP” og einnig eru komin alls kyns aukahljóð.. svona eins og einhver sé að berja stól eða skella borði í gólfið á fullu og manneskjan hljómar líka eins og hún sé hálf grátandi. Ég hringdi í kærastann minn til að athuga hvort hann væri ekki að fara að koma heim, og hann sagði mér að hringja á lögregluna. Ég endaði á að hringja í 112 og segja þeim frá þessu (þá var ég búin að ná að staðsetja öskrin nokkuð vel, heyrðist þetta vera í húsinu beint á móti íbúðinni minni (2 garðar á milli)) og lögreglan var komin eftir 5 mín. Mikið var ég fegin þegar ég heyrði þá banka á dyrnar hjá manneskjunni! En ég hef samt ekki hugmynd um hvað var í gangi þarna.

Ætlaði aldrei að ná að sofna, og sef mjög illa ef ég þarf að vera ein :Þ

Annars er ég svo sammála ykkur í því að löggan er ekki að sinna starfi sínu sem skyldi hérna!

Kveðja,
Corta :)

Þetta er mjög ljótt að heyra. Ég þori samt að ábyrgjast að þetta sé að vissu leyti sök þessa einstaklings sem tók á móti samtalinu, hann hefur ekki skilið ástandið.
En varðandi lögguna, hefa þeir alltaf reynst mér vel.
Það þarf bara að auka framlög til þess að það sé hægt að fjölga löggum.
Einn félagi minn er í löggunni í Reykjavík, og hann segir að stundum komist hann ekki á salerni í 8-10 klst á vaktinni vegna anna.
Vissi einhver hér að löggur á íslandi lifa að meðaltali 11 árum styttra en aðrar starfsstéttir, segir sitt um álagið!!!! (þetta kom fram í skýrslu frá Dómsmálaráðuneytinu.

Þetta eru týpísk vinnubrögð lögreglunnar og ég hef orðið fyrir barðinu á þessu sinnuleysi hennar. Þau virðast bara fara í þau mál sem þau hafa áhuga á.. Þetta er engan veginn ásættanlegt og ég hvet þig til að skrifa lögreglustjóranum bréf og krefja hann skýringa.

fyndið sko…

Mamma sá unga stelpu út um gluggan heima fyrir nokkrum vikum, alleg sót-ölvaða á einhverju ráfi, og einhverjir gamlir rónar voru að áreita hana eitthvað og hún vissi ekki hvað hún hét. Mamma ákveður að hringja á lögregluna sem segir við hana að “hún skiptir sér ekkert af svona hlutum”. Þetta er upp í Breiðholti.

Í fréttum sama kvöld kemur þessi frétt á rás-2:
“Lögreglan hjálpar kanínu úr klóm hunds á 11 tímanum í kvöld.”

Kræst… laugardagskvöld klukkan 23:00 …. og löggan er á hlaupum eftir kanínum !?!??!

Ein önnur sönnunin að löggann er bara að chilla á Mc Donald´s eða Nonna bitum eða einhvað á vakt..

Náttúrulega alveg ófært að lenda í svona. Áttu enga karlkyns vini í stærri kantinum til að hringja í þegar svona stendur á?

Annars eru til tvær týpur af löggu, sú góða og sú slæma, þú hefur ábyggilega bara verið óheppin.

þetta er nú bara fáránlegt, ég heyrði nú um eitt partý, og þangað komu bara fimm löggubílar eða eitthvað, þó það væri ekkert að gerast, reyndar var fullt af fullu fólki þarna, en það voru engin slagsmál eða neitt þannig. og það að þeir geti ekki sent einn bíl til að litast aðeins þarna um er fáránlegt, ekki það að ég vilji hræða þig, en maðurinn hefði alveg getað komið aftur, en ef löggan hefði sent bíl, hefði það frekar látið manninn verða hræddan og hann þá drullað sér í burtu.

Ég myndi í alvörunni verða skíthrædd ef það yrði dingla á bjöllunni heima hjá mér snemma um morguninn. Auðvitað átti lögreglan að vera send á vettfang, ekki bara vegna þess að hann var að áreita þig heldur einnig þar sem hann skemmdi útidyrahurðina ykkar og ætti því að borga skaðabætur.

Ég get sagt ykkur lesendum eina sögu að því þegar ég var lítil. Þá átti ég heima í Breiðholtinu og svo eina nóttina kom e-r fyllbytta og vildi komast inn. Pabbi minn fór til dyra og sagði honum að hann ætti ekki heima hér. En maðurinn þráaðist við að fara og byrjaði að berja þvílíkt í hurðina og því næst í herbergisgluggann sem var við hliðin á útidyrahurðinni, sem vildi svo til að vera glugginn að herberginu mínu. Foreldrar mínir létu kalla til lögreglunnar sem þurfti þrisvar sinnum að keyra framhjá þar sem maðurinn faldi sig bakvið húsvegginn. Loksins fór maðurinn og sem betur fer vaknaði ég ekki við barsmíðarnar. Við komumst að því deginum eftir að fyllibyttan var fyrrverandi fangi, nýkominn úr fangelsinu. Móðir hans hafði átt heima þarna á undan okkur og ekki sagt honum frá flutningi sínum.

Líka eitt sem ég vildi segja er að lögreglan var alltaf í Breiðholtinu á vakt að keyra um en nú er ekki lengur lögreglustöð þarna í Breiðholtinu vegna skorts á peningum og þar af leiðandi er ekkert aðhafst á t.d. vandræðaunglingum sem eru hangandi við verslunarhverfin alla nætur, alla daga og ungum krökkum undir 10 sem eru að brjóta útisvistarreglur.

Komiði öll sæl og blessuð.
Þetta er nú í fyrsta skipti sem ég skrifa hér á huga en nú finnst mér réttast að maður tjái sig aðeins.

Þannig er nú mál með vexti að ég er aðeins kunnugur innan lögreglunnar og get kannski aðeins sagt ykkur frá því. Það væri til dæmis ágætt að segja ykkur að af meðaltali eru ca.6-7 lögreglubílar á vakt. Hmmm, hugsum aðeins um það. Það segir okkur að á hverjum tíma eru 12-14 lögreglumenn sem eiga að sjá um hvert einasta mál sem getur talist lögreglumál. Umferðarmál, líkamsárásir, innbrot, skemmdarverk, slys, eldsvoða, fíkniefnamál o.s.frv. Finnst ykkur þetta vera svo ríflegur mannskapur á þá 100.000+ íbúa sem hér búa? Að þessir menn hafi virkilega ekkert betra að gera en að “angra saklausa borgar, sem aðeins keyra of hratt” eða “hanga á Nonnabitum” ?

Ég get allavegana sagt ykkur það að það er auðvelt að fela sig á bakvið nafnleysi svona spjallrása og gagnrýna það sem miður fer þegar maður þarf ekkert að gera sjálfur.

Ég skil ótrúlega vel að Harpajul sé ósátt við það að ekkert hafi verið gert í þessu máli og ekkert er til að afsaka ef svo hefur ekki verið. En ein spurning: Varstu úti í glugga að fylgjast með þannig að þú getir staðfest að enginn lögreglubíll hafi keyrt við og leitað að þessum manni? Með þessu er ég ekki að reyna að kasta rýrð á það sem þú ert að segja en ég er að benda á að oft er það nú þannig að lögreglumenn vinna sína vinnu fullkomlega en sökum þess að þeir eru bundnir þagnarskyldu get þeira ekki varið sig fyrir árásum sem þessum.

Fyrir um einu ári síðan voru þrír lögreglumenn að handtaka mann sem var eftirlýstur vegna alvarlegra mála og er þekktur eiturlyfjaneytandi. Er þeir voru komnir með hann inn í bíl réðst hann að þeim sem endaði með því að hann handleggsbrotnaði sjálfur í átökum. Þetta fór auðvitað fyrir dómstóla sem afréðu að lögreglumennirnir væru sjálfir skaðabótaskyldir! Hvernig haldið þið að það sé að vera í vinnu þar sem launin eru ömurleg, þið eruð undirmönnuð, það er hrópað að þér formælingum og þurfa svo að sitja undir því að vera gerður persónulega skaðabótakyldur vegna þess að einhver dópista-ræfill réðst á þig?

Svona spjallþræðir eiga fullan rétt á sér og öll umræða er góð en menn sem fela sig á bakvið nafnleysi og níða lögregluna vegna þess að þeira hafa verið boðaðir í skoðun eða teknir fyrir of hraðan akstur, sem í raun er engum nema þeim að kenna, eiga kannski að líta sér nær.

Takk.

Bara vanaleg reynsla af lögreglunni

Þetta er vissulega fáránlegt. En ég er samt á því að það sé ekki rétt að kenna lögreglumönnunum um, því að þeir eru jú undirmannaðir. Reykjavíkur borg er búin að reyna að vera að berjast við Dómsmálaráðuneytið til að fá fleiri menn, en nei, ráðherrabeyglan ákveður þess í stað að SKERA NIÐUR fjárveitingar til lögreglunnar í Reykjavík. Reyndar er þetta vandamál víðar en í Rvk, í Kópavogi skilst mér að séu mun fleiri íbúar á hvern lögreglumann heldur en annars staðar á landinu.

Muniði þetta þegar það kemur að kosningunum.