appel fyrir 21 árum, 7 mánuðum Fjöldi lestra: 880

Nám á Íslandi

Halló kæru hugarar :)

Nú er ég snúinn aftur í nám eftir 3ja ára hlé, ætla ég mér að klára stúdentsprófið.

Velti ég því fyrir mér stöðu námsmanna, þar sem 1 af 3 hröklast úr námi vegna ýmissa ástæðna, aðallega fjárhagsástæðna.

Maður eins og ég sem er orðinn 22 ára gamall getur nú varla lifað á foreldrum sínum. Síðan ég “hröklaðist” úr námi þá hef ég verið að vinna, hef ég fengið mín laun mánaðarlega og séð um mig sjálfan, fætt og klætt mig.

En já, nú er skólinn hafinn, er hann að mínu mati full vinna. Tíminn minn leyfir ekki meira, ég er í skólanum frá 08:10 til 16:00, eftir skóla fer ég í líkamsrækt og er ekki kominn heim til mín fyrr en um 18:00. Tekur þá við kvöldmatur, og heimalærdómurinn sem er mikill flest kvöld. Er ég búinn að ganga frá flestöllum mínum málum um 22 leytið og þá fer ég að huga að svefni.

Ekki bættist fjárhagur minn þegar ég þurfti að kaupa bækur fyrir á annan tug þúsunda krónna og kaup á grafískri reiknivél á um 10þús krónur. Þar fyrir utan eru skólagjöldin sem eru um 10þús. Já, samtals um 40þús krónur kostaði þessi munaður.

Nú er ég ekki að segja að aðstæður mínar séu slæmar, ég hef það alveg ágætt. En þegar ég er ekki að vinna þá finn ég virkilega fyrir því að gengið sé á budduna mína. Maður þarf jú að brauðfæða sig. Ekki hjálpar LÍN, þeir lána ekki þeim sem eru á bóknámsbraut til stúdentsprófs (eða hvað?), svo ómerkilegt er nám mitt, a.m.k. skildi ég lögin þeirra svo.

Í löndunum í kringum okkur, sem við berum okkur svo gjarnan saman við, sérstaklega þá í danmörku, fær námsfólk svokallaðan S.U. ríkisstyrk (um 30þús á mánuði). Þar að auki eru engin skólagjöld og allar námsbækur ókeypis. Í svíþjóð fær námsfólk miklar upphæðir mánaðarlega.

Velti ég því fyrir mér hvort það komi ráðamönnum þessarar þjóðar eitthvað á óvart að námsfólk hröklist í stórum stíl úr námi hér? Sérstaklega þegar við berum okkur saman við lönd eins og þessi.

Ríkisútgjöld til menntamála hér á landi er um 5,4% af þjóðarframleiðslu, en öll hin fjögur norðurlöndin (svíþjóð, danmörk, finnland og noregur) eru langt yfir 7%, þar af eru svíþjóð og danmörk með yfir 8%!!

Ég hef reiknað það út að um 30þús styrkur á mánuði til um 10þús framhaldsskólanema kosti ríkið um 1,2 milljarða á hverja önn (4 mán), eða um 2,4 milljarða á ári.

Ég veit ekki hver fjárlög íslenska ríkisins eru til menntamála, en ég þori að veðja að þessi prósentutala (5,4%) eigi eftir að hækka mikið af svona styrktarkerfi yrði komið á. A.m.k. myndu 30þús kr. á mánuði gera margt fyrir mig.

ÞETTA ER EKKI NÖLDURS-GREIN, ÉG ER EKKI AÐ VÆLA. Staðan mín er alveg ágæt. Þeir sem eru ekki sammála mér geta snúið sér eitthvað annað :) Eða sleppt a.m.k. ummælum um aumingjaskap að geta ekki unnið með skóla.

appel fyrir 21 árum, 7 mánuðum

“Ég veit ekki hver fjárlög íslenska ríkisins eru til menntamála, en ég þori að veðja að þessi prósentutala (5,4%) eigi eftir að hækka mikið af svona styrktarkerfi yrði komið á. A.m.k. myndu 30þús kr. á mánuði gera margt fyrir mig.”

Átti að vera:

“Ég veit ekki hver fjárlög íslenska ríkisins eru til menntamála, en ég þori að veðja að þessi prósentutala (5,4%) eigi EKKI eftir að hækka mikið af svona styrktarkerfi yrði komið á. A.m.k. myndu 30þús kr. á mánuði gera margt fyrir mig.”

Vantaði þarna “EKKI” :)

Fyrra álit

[Notanda eytt] fyrir 21 árum, 7 mánuðum

30.000 kr á mánuði er nú ansi mikið fyrir krakka gríslinga sem fá allt upp í hendurnar nú þegar, í flestum tilfellum er þetta fólk sem býr enn hjá foreldrum sínum og þarf ekki að hafa neinar áhyggjur af lífinu. Ég held að þessi 30.000 styrkur sem þú ert að tala um eigi við um háskólanema í heimavist á norðurlöndunum en ekki hvern sem er.

Ég væri hins vegar til í að sjá öll skólagjöld felld niður og fjárframlög til menntamála aukin, þ.e.a.s. betri aðbúnað í framhaldsskólum og síðast en ekki síst uppi í háskóla. En það gerist ekki með þessa ríkisstjórn.

Fyrra álit

[Notanda eytt] fyrir 21 árum, 7 mánuðum

Já, 30.000 er bara allt of mikið á mánuði. Auk þess eru flestir sem þurfa ekkert á þessu að halda,
og síðan ef svona yrði komið á ættu Alls Ekki að láta alla fá svona enda óþarft.

Síðan kunnum við bara ekkert að fara með 30k á mánuði. Flestir eru búnir að eyða sumarlaunum strax fyrir áramót og ekki held að við plebbarnir í framhaldsskóla fari betur með pening sem er gefins.
Held samt að þessi peningur til framhaldsskólanna myndi skila sér fljótt til riksins aftur í gegnum atvr en það er önnur saga :)

Svo þetta með brottnám er bara mest agaleysi enda engin ástæða fyrir að 1/3 detti bara sísvona úr framhaldsskólum sem eru vel flestir bara “chill” !
(fyrir utan mr :O )

Fyrra álit

appel fyrir 21 árum, 7 mánuðum

30þús á mánuði er nú bara einhver tala sem mér datt í hug.

Fyrra álit

lhg fyrir 21 árum, 7 mánuðum

Ég myndi nú frekar vilja sjá 2,4 milljarða á ári fara í eitthvað annað en styrk til menntaskólanema. Kannski segi ég þetta bara vegna þess að ég er búinn með menntaskólann :) Vissulega fá danskir stúdentar styrki en ég veit ekki hvort þeir fái þá nokkuð niðrí menntaskólaaldur? Í Svíþjóð þarftu líka að borga öll þessi námslán til baka og lánskjör eru mun verri en hjá LÍN ef ég man rétt. Ég skoðaði þetta einhvern tímann.

Hvað varstu annars að gera öll þessi ár sem þú varst ekki í skóla? Ættirðu ekki að vera búinn að safna þér dágóðri fúlgu? ;)

Fyrra álit

appel fyrir 21 árum, 7 mánuðum

Tja, auðvitað er á búinn að kaupa mér flotta bifreið á þessum tíma. En svo þarf maður náttúrulega að sjá fyrir sér með mat, föt og annað. Satt að segja þá dugir peningur mjög skammt hér á Íslandi eins og allir ættu að þekkja.

Reyndar er ég líka búinn að vera í kvöldskóla og sumarskóla, og það er mjög dýrt.

Einnig prófaði ég þá vitleysu að reyna að vera með mitt eigið fyrirtæki, það náttúrulega gekk ekki vel og að sjálfsögðu fengu eigendur ekki útborguð laun nema vel gengi, sem var ekki oft.

Jú, ég lagði fyrir. En hinsvegar kostar mjög mikið að halda manni uppi, bensíns, matur og annað. Vona ég bara að þessi peningur endist út önnina, annars mun ég svelta eða þurfa að hætta námi. Svona er lífið (á Íslandi) :)

Ég hef tekið eftir að margir líti á menntaskólanema sem einhverja krakka, það má vel vera, en ég efast um að þú hafir talið þig vera einhvern krakka þegar þú varst í menntaskóla?

A.m.k. hafa flestir mennta-/framhaldsskólanemendur kosningarétt, ökurétt, fjárreiðurétt o.fl. Semsagt teljast fullorðnir!

En í akkúrat í framhaldsskólakerfinu hröklast hvað flestir úr námi. Þess vegna vil ég sjá einhverja aðstoð þar.

Háskólanám er annað mál. Auðvitað þarf að stórbæta aðstöðu háskólafólks, en ég tel að styrkir eigi ekki við hér. Auk þess myndu fleiri fara í háskólanám ef fleiri myndu klára stúdentinn, það segir sig sjálft. Þannig að þetta myndi örugglega koma með tímanum.

Fyrra álit

lhg fyrir 21 árum, 7 mánuðum

Eftir að hafa verið í framhaldsskóla, þá held ég alls ekki að fólk sé almennt að hrökklast úr námi vegna peningaleysis heldur frekar áhugaleysis. Nú er það bara oft þannig að fólk á menntaskólaaldri er ekki búið að ákveða hvað það langar að gera og hefur ekkert að stefna að. Það er þess vegna oft að fara í menntó til að gera eitthvað, elta vinina eða fyrir pabba og mömmu en ekki fyrir sjálft sig. Árangurinn er svo eftir því.

Ef þú sérð fram á að hrökklast úr námi vegna þess að þú eigir ekki pening, þá langar þig bara einfaldlega ekki nógu mikið að vera í skóla. Og ef þér finnst menntó vera full vinna, bíddu þá
bara þar til þú kemur í háskólann :)

Fyrra álit

appel fyrir 21 árum, 7 mánuðum

Ég verð nú að viðurkenna að ein af ástæðunum fyrir því að ég hætti námi á sínum tíma var áhugaleysi og einnig vegna hálfgerðs þunglyndi.

Mig langar mjög mikið til að klára framhaldsskóla, og langar mig að fara að ráðum kennara minna sem segja nemendum sínum “Ef þið viljið ná árangri í námi þá skuluð þið ekki vinna!”.

Ég hef nægilegan mikinn áhuga á skólan til að taka hann alvarlega, og sem fulla vinna. Það alvarlega að ég ætla mér ekki að fá mér einhverja aukavinnu.

Samkvæmt nýlegri rannsókn á ástæðum þess að fólk hröklast úr námi þá er stærsta ástæðan “fjárhagur”, þ.e. peningaleysi, fólki býðst starf, fólk er komið með barn o.fl. Allt snýr þetta að fjárhagi fólks.

Eru einstæðar mæður ekki að kvarta undan því núna í dag að allir framhaldsskólar/menntaskólar heimti að nemendur kaupi fartölvur? Slíkur gripur er nú ekki á færi allra í þessu samfélagi.

Fyrra álit

molby fyrir 21 árum, 7 mánuðum

Framhaldsskóli er djók. Það er nú bara staðreynd. Við erum svo illa undirbúin fyrir háskólanám. Kröfurnar eru engar, því miður :(

Í háskóla þá þarftu að læra og það er í raun það erfiðasta, þ.e. að læra að læra. Mér finnst að á framhaldsskólastigi sé fólki kennt að læra.

Fyrra álit

lhg fyrir 21 árum, 7 mánuðum

“Samkvæmt nýlegri rannsókn á ástæðum þess að fólk hröklast úr námi þá er stærsta ástæðan ”fjárhagur“, þ.e. peningaleysi, fólki býðst starf, fólk er komið með barn o.fl. Allt snýr þetta að fjárhagi fólks.”

Jú en það er líka spurning hvað af þessu er persónulegt val. Ég þurfti að þola blankheit meðan ég var í skóla en mig langaði í skóla þannig að ég þraukaði. Hins vegar þekkti ég fólk sem hætti í skóla til dæmis til þess að geta keypt sér bíl. Ég átti ekki bíl fyrr ef eftir að ég var búinn með háskólann og kominn í fulla vinnu. Ef fólk hættir í skóla af því það fékk vinnu, þá hlýtur það að hafa viljað vinnuna meira en skólann. Það er líka val að eignast börn og gerist ekkert slæmt þó það sé látið bíða í nokkur ár. Þetta er allt hægt ef viljinn er fyrir hendi.

Það sem kennarar síðan segja þér um að vinna ekki með skóla er kjaftæði. Jú, kannski fyrir einhvern sem er 16 og hefur ekki sjálfsaga til að vinna og stunda heimanámið líka. Þú ættir hins vegar frekar að einsetja þér að vinna með skóla og ná líka topp einkunnum vegna þess að þá ertu virkilega að búa þig undir Háskólann. Annars verður það rosalegt stökk fyrir þig vegna þess að vinnuálagið er svona 10 sinnum meira þar. Jafnvel þannig að það er ekki séns að klára allt sem þér er sett fyrir þó þú eigir ekkert félagslíf eða hobbý. Það var alla vega mín reynsla :)

Fyrra álit

ZorK fyrir 21 árum, 7 mánuðum

,,Tja, auðvitað er á búinn að kaupa mér flotta bifreið á þessum tíma."

Seldu bílinn, labbaðu í skólann eða keyptu þér græna kortið. Ef þetta er flott bifreið þá hlýtur þú að fá eitthvað fyrir hana og svo færðu líka ágæta summu í vasann ef þú vinnur á sumrin sem þú getur geymt fyrir veturinn.

Það tók nú ekki svo langann tíma fyrir mig að leysa fyrir þig fjárhagsvandann þinn.

Menntaskólanemar hættið að kvarta. Þið fáið allveg andskoti nóg af skattpeningunum nú þegar!

Fyrra álit

davidjons fyrir 21 árum, 7 mánuðum

Það mynntist einhver hér á að aðbúnaður sé slæmur í íslenskum framhaldsskólum! DJÖFULSINS kjaftæði. Ég er í menntaskóla í Þýskalandi, einu ríkasta landi í heimi blablabla, það er sama sem enginn aðbúnaður hér. Þú þarft sjálfur að kaupa bækurnar þínar og það sem verra er það eru til dæmis engar tölvur sem maður getur farið í þegar maður er í eyðu, það kostar einfaldlega of mikið. þeir spara svo mikið að meira semgja er tafla uppi á einum veggnum sem segir hversu mikið af rafmagni, gasi og mörgu fleiru hefur verið notað í dag, síðustu viku, síðasta mánum og svo s´+iðan skólinn byrjaði. Rauð tala þíðir og mikil notkun, gul mikil notkun(fyrir ofan meðaltal) og græn að notkunin sé í lagi.

Fyrra álit

geiri2 fyrir 21 árum, 7 mánuðum

Allir Danir í gymnasium fá 30.000 krónur á mánuði

Fyrra álit

cosy fyrir 21 árum, 7 mánuðum

Það eru EKKI allir danir í menntaskóla sem fá 30 þús! Ég bjó þar í 10 ár og var í skóla, þannig að ég get frætt ykkur allt um það.

Upphæðin er mishá eftir aðstæðum. Það eiga allir krakkar í menntaskóla í Dk rétt á SU-styrk, en upphæðin er mishá. Þeir sem búa heima hjá foreldrum fá aðeins um 11 þúsund á mánuði. Þeir sem búa einir fá rúmlega 30 þús(eftir skatt). Þessi styrkur er líka fyrir háskólanema, nema hann er takmarkaður. Þú getur ekki bara gerst eilífðarstúdent og lært í 10 ár á styrk. En maður fær hann samt til fjölda ára. Farir þú í lýðháskóla í danmörku færðu borgað 10 þúsund á viku. Það eru hvergi skólagjöld og enginn bókakostnaður.

Þetta kerfi virkar mjög vel þarna úti og mér finnst það bara til fyrirmyndar. Ef ég byggi þarna enþá væri ég örugglega búin að læra það sem mig langaði, en það get ég ekki hér af fjárhagslegum ástæðum. Danir líta líka á þetta sem fjárfestingu, því unga fólkið er framtíðin og ekki verra ef það er vel menntað.

kveðja

Fyrra álit

appel fyrir 21 árum, 7 mánuðum

“Þú uppskerir það sem þú sáir.” Á það vel við menntakerfinu?

Eða að “Í harðgerðum jarðvegi spretta fáar og aumar plöntur.”

Ég bara spyr :)

Fyrra álit

lhg fyrir 21 árum, 7 mánuðum

Eða í harðgerðum jarðvegi spretta fáar og harðgerðar plöntur því þær veikustu deyja ;)

Annars hef ég aldrei fattað þetta “framhaldsskóli fyrir alla” slagorð. Einhverjir verða líka að vinna í fiski og skúra gólf. Ef þig langar nógu mikið í skóla þá finnurðu leið. Ég þekki t.d. fólk sem hefur tekið stúdentinn í öldungadeild með vinnu, jafnvel fullri vinnu. Það er sko harka.

Fyrra álit

jMcGregor fyrir 21 árum, 7 mánuðum

Er það ekki þannig að einungis þeir sem standast prófin fá styrki í svíþjóð og danmörku? mér fyndist það mun gáfulegra

Fyrra álit

appel fyrir 21 árum, 7 mánuðum

Auðvitað mætti setja einhver skilyrði fyrir þessum styrkjum, s.s. að nemandinn stundi skólann og nái fögunum!

T.d. mætti segja að t.d. 20 einingar á önn væri 100% nám, og ef nemandi félli í einu fagi (3 ein. fag) þá væri hann einungis með 17 einingar, og fengi 85% styrk.

Fyrra álit

Blubba fyrir 21 árum, 7 mánuðum

Hæ, hæ. Vildi bara segja að ég er hjartanlega sammála þér.
Ég er 22 ára, með tvö börn og er að reyna að mennta mig. Hins vegar veit ég að ég þarf að lifa á einhverju og fínn kostur sem fáir leiða hugann að er FJARNÁM.
Ég er í 40% vinnu með FULLUM skóla í gegnum VMA og við lifum á þessu, fjögurra manna fjölskylda á Akureyri. Maðurinn minn reyndar vinnur mikið. En við erum að kaupa okkur fjögurra herbergja nýja íbúð og þetta fúnkerar einhvern veginn.
Fjarnám er ekki lengur dýr kostur! Fyrstu ár fjarnámsins kostuðu 17 einingar mig 70000 kr.! Og það var óendurkræft! Auk bókakostnaðar og fleira.
Núna er hins vegar búið að breyta þessu, ég tók 19 einingar, kostaði mig 70000 kr. Auk fjögur þúsund króna skólagjalds,. Þau próf(þeir áfangar)sem ég mæti í, þá fæ ég endurgreidda. ATH! Maður þarf ekki að ná þeim, bara að mæta í prófið. Til þess reyndar að mæta í prófið þarf maður að skila öllum verkefnum og fleiru!
Þetta 19 eininga nám mitt kostar því bara 4000 krónur, auk bókakostnaðar, sem er að einhverju leyti lægri í fjarnámi, því mikið af námsefninu mínu er á netinu. Fjarnám er mjög sniðugur kostur, einmitt fyrir þá sem vilja hafa pening. Svo þarf maður ekki að sitja alla daga frá 8 til fjögur!
Endilega spáiði í þetta!
Ég er að vinna með þessu og það gengur fínt, svo á ég tvo litla gutta og ef ég get það, geta ungmenni landsins gert þetta og sloppið við styrki eða lán í staðinn.
Eitt enn. Þegar maður er að vinna á maður oft rétt á skólastyrk frá stéttarfélaginu, í mínu tilviki 27000 krónur á ári! Það er skárra en ekkert og endilega nýta sér þetta!
Og án fjarnáms væri ég ekki að læra. Auk þess sem það er ekki alltaf hægt að kenna kæruleysi um að vera ekki búinn með skólann um 20 ára aldurinn! Það er margt annað sem kemur inn í, til dæmis búseta, veikindi, fjárhagsstaða foreldra og svo margt fleira!
En ef þú vilt tíma í ræktina, testaðu þetta!Þá geturðu líka unnið með. Þetta krefst reyndar mikils sjálfsaga, sem kannski ekki allir hafa?? :)
Vildi bara troða þessari langloku inn í umræðuna.
Kveðja,

Fyrra álit

appel fyrir 21 árum, 7 mánuðum

Fjarnám er vissulega orðið hluti af skólakerfinu. En ég er ekki alveg viss um að fjarnám henti mér, þar sem ég kýs frekar raunveruleg samskipti við kennarana í tímum.

Kannski væri hægt að taka örfáa áfanga í fjarnámi, en fjarnám krefst of mikils skipulags og sjálfsaga til að það komi í stað dagsskóla.

Fyrra álit

boossmio fyrir 21 árum, 7 mánuðum

Ég vildi bara benda á að á Íslandi er hægt að fá styrki vegna náms í framhanldsskóla.

„Ungt atvinnulaust fólk (18-24 ára) sem býr hjá foreldrum sínum getur sótt um fjárhagsaðstoð að upphæð allt að kr. 33.500 krónum á mánuði, ef tekjur foreldranna eru undir viðmiðunarmörkum.

Að uppfylltum ákveðnum skilyrðum er veitt fjárhagsaðstoð vegna náms til einstæðra foreldra og einstaklinga á aldrinum 18-24 ára. Ekki er veitt aðstoð ef um er að ræða lánshæft nám hjá Lánasjóði íslenskra námsmanna.“

Heimild: http://www.felagsthjonustan.is/hugvit/wpp/Felagsthjonus ta.nsf/pages/adstodvid.html

Ég er samt hneykslaður á því að einstæðir foreldrar og einstaklingar hafa möguleika á styrkjum en ekki hjón með eða án barna. Semsagt 18 ára gutti fær frían pening fyrir bíl á bílalánum en par með barn eða börn fær ekki rassgat…
Aðal vandamálið er ekki að það vanti styrki, heldur að kerfið hvetji fólk til að vera saman og gifti sig en ekki hvetji til skilnaða á akkúrat þennan hátt!

“Ef konur væru með 3 brjóst, væru menn þá með 3 hendur?”, boossmio

Fyrra álit

coupland fyrir 21 árum, 7 mánuðum

nudlur/hrisgrjon/skyr + vatn… 500 kall a dag.. 15000/manudi
litid herbergi? 20-30tus?.. ef ekki, tjalda i heidmork.. kostar ekkert (nema gas a primusinn tha..)
straeto, 300 kall a dag.. 9000
aetti ad komasta af a 50tusund..

og thetta eru betri kjor en meirihluta jardabua..
en nei, islendingar eru ueber alles svoleis..

sorry stafarugl,.. er i skolanum ekkert islenska her.

Fyrra álit

boossmio fyrir 21 árum, 7 mánuðum

Framhald frá coupland:
Að vera í skóla… Priceless

Reyndar langar mig að benda á að strætó er ekki 300 kall á dag ef maður er með Græna kortið. Það kostar 3.800 kr. (Heimild: http://www.bus.is/gjald.html). Líkamsræktarkort kostar svo nokkra þúsara á mánuði ofan á listann þinn…

PS: Ef maður er í líkamsrækt þá borðar maður ekki núðlur og hrísgrjón, svo erskyr líka ekki gott í allar máltíðir.

Svo geta menn unnið um helgar - og geymt líkamsræktina (Sund er ódýrara og heldur manni við þangað til maður getur haldið áfram að lyfta. Þ.e. ef menn eru ekki með árskort sem ekki er hægt að legga inn.).

Ég verð að segja að mér finnst eins og að upprunalegur greinahöfundur hafi ekki pælt málið til enda þegar hann fór að pæla í skólanum (easy 4 me 2 say!).

PS: Að tjalda í Heiðmörk kostar mann heilsuna.. hehe!

“Ef konur væru með 3 brjóst, væru menn þá með 3 hendur?”, boossmio

Fyrra álit

IngaAusa fyrir 21 árum, 7 mánuðum

ég var að byrja í framhaldsskóla núna í ár og verð að segja fyrir mitt leiti, að mér findist nú ekki sanngjarnt að fá eikkura þúsara á mánuði bara fyrir að vera í skóla, en það mætti svo sem styrkja þessi bókakaup. ég eyddi 30 þúsund í bækur, þrátt fyrir að hafa þrætt bókamarkaði. Það fékkst auðvitað ekki allt á bókamörkuðum, sumar bækur vinnubækur og svo framvegis. En það er eiginlega 0f dýrt. aumingja pabbi….

og svo kemur þetta allt aftur um áramótin.

gæti ríkið ekki borgað eitthvað af þessu ég bara spyr?

Fyrra álit

boossmio fyrir 21 árum, 7 mánuðum

„aumingja pabbi” … já þegar pabbi borgar allt þá eru 30þús náttúrulega óþarfa peningar! Pabbi minn gefur mér Toblerone þegar hann hefur verið í útlöndum en styður mig ekki meira en það (þ.e. veraldlegur stuðningur, ég fæ nægan andlegan og verkefnalegan stuðning).
Þannig að smá peningar gætu aðstoðað mig við að fara í skóla en ég mundi aldrei líta á það sem „eikkura þúsara á mánuði bara fyrir að vera í skóla”, heldur eikkura þúsara á mánuði til að geta lifað og keypt skólabækurnar (pabbi mundi ekki borga þær ofan í mig og gerði það heldur ekki á sínum tíma - ég mundi heldur ekki biðja hann um það!).
Kannski er þetta lýsandi hugsanaháttur krakka í framhaldsskóla sem ekki hafa enn uppgötvað hvað þau eru heppin að fá að vera í skóla (ég mundi gera margt til að geta klárað síðustu einingarnar á svo einfaldan hátt).

“Ef konur væru með 3 brjóst, væru menn þá með 3 hendur?”, boossmio

Fyrra álit

nirmala fyrir 21 árum, 7 mánuðum

Já, þetta er ansi áhugaverð grein. Ég er líka 22ára í kvöldskóla að reyna að klára þetta stúdentspróf. Ég verð að segja fyrir mitt leyti, þá gafst ég ekki upp á skólanum vegna aumingjaskaps, eins og margir hugarar vilja meina. Ég vil halda því fram að þeir sem að láta þá skoðun í ljós sé einmitt það fólk sem hefur haft það prýðisgott heima hjá sér, á foreldra sem hafa getað hjálpað þeim fjárhagslega eða verið á dreifbýlisstyrkjum. En við þetta mætti svosem bæta að þeir sem búa á Rvk.svæðinu fá að sjálfsögðu ekki dreifbýlisstyrk, þar sem þau búa auðvitað hjá foreldrum sínum(?!)
Ég reyndi að búa ein, vera í skóla á daginn og vinna á kvöldin og það einfaldlega gekk ekki upp.
Það er samt alltaf gaman að sjá annara manna skoðanir á þessu, en ég vildi gjarnan sjá dæmið uppsett frá fólki sem hefur reynt þetta sjálft.

Fyrra álit

sweetie fyrir 21 árum, 7 mánuðum

Vá hvað ég kannast við þetta!!! Og þá meina ég skil þig… því að ég er jafngömul og er að snúa aftur til að klára stúdentinn eftir 3 ára hlé!!!

Það er rosalegt að það séu ekki til nein almennileg fjárhagsleg úrræði fyrir fólk - þegar maður er í 7-8 fögum og ætlar að gera þetta almennilega (ekki bara rétt skríða og vera með allt niður um sig) þá er ekki mikill tími til að gera annað en læra endalaust og svo sinna öllu sem þarf að sinna inn á milli (fjölskylda og heimili og aðrar skuldbindingar).

Fyrra álit

geirag fyrir 21 árum, 7 mánuðum

18-19 ara krakkar her i Danmorku sem bua hja foreldrum sinum fa um 130 danskar a manudi fyrir ad hanga i skola. Nu er verid ad tala um ad skera thessa “kaffihusapeninga” eins og thad er kallad nidur og notad peningana til ad baeta menntakerfid.

Sjalfur er eg i DTU nordan vid Kaupmannahofn i nami vel a minnst.

300-400 danskar a manudi fa danskir haskolanemar fyrir ad hanga i skola. www.SU.dk fyrir frodleiksfusa. Baekur kosta svipad og heima, kannski 5% odyrari thott eg thekki ekki lengur verdlagid heima og nenni ekki ad ga ad thvi.

Ad minu mati er engin astaeda til ad borga folki fyrir ad hanga i skola. I Evropu, Danmorku allavega eftir thvi sem eg get best sed, er reyndar adeins odruvisi hugsun gagnvart vinnu og ad skaffa ofan i sjalfan sig. A Islandi er langt sumarfri sem nytist til vinnu en herna i Danmorku er haustfri og langt paskafri og fleira og herna vinna krakkar ekki og fa allt upp i hendurnar og foreldrarnir borga 55% skatta svo haegt se ad borga krokkunum pening til ad hanga i skola. Aumingjakerfi!

Nam er fjarfesting - ekki sukkuladikaka a silfurfati.

Fyrra álit

geirag fyrir 21 árum, 7 mánuðum

Ubbs .. 130 danskar a ad vera 1300 danskar, 300-400 danskar atti ad vera 3000-4000 danskar.

Fyrra álit

lhg fyrir 21 árum, 7 mánuðum

Þvílíkt sammála. Svo eyðir það öllum þessum pening frá Danska ríkinu í að mennta sig í greinum sem er lífsins ómögulegt að fá vinnu við. Ég þekkti danskan strák sem var með 2 háskólagráður og var að vinna sem leiðbeinandi á leikskóla. Svo fékk hann nýja vinnu sem aerobic kennari :) Og það eru ekki einu sinni allir svo duglegir að bjarga sér. Kona sem ég þekki sem var atvinnulaus í Danmörku í smá tíma eftir nám sagði að hitt fólkið sem hún hitti á atvinnuleysisnámskeiðum, infæddir danir, voru sumir búnir að vera atvinnulausir í 1-2 ár og höfðu engan áhuga á að finna vinnu nema helst það væri þá kannski svo nálægt heimili þeirra að það væri hægt að rölta þangað á svo sem 5 mín. Nákvæmlega engin sjálfsbjargarviðleitni.

Fyrra álit

cosy fyrir 21 árum, 7 mánuðum

Ehemmm……..ekki eru íslendingarnir neitt skárri. Danirnir gerðu spes lög fyrir þá um að þeir yrðu að finna sér vinnu innan 3 mánaða, annars yrðu þeir sendir heim. Þetta var gert, því þeir flæddu svoleiðis inn í landið til að lifa á bótunum þar og hafa það gott…………..

Fyrra álit

lhg fyrir 21 árum, 7 mánuðum

Jú, það er vegna þess að þeir Íslendingar sem eru svona innréttaðir fara til Danmerkur gagngert til að lifa á sósíalnum enda fá þeir miklu meiri pening þar heldur en hér. Danmörk er með rosafínt kerfi fyrir letingja :)

Fyrra álit

Deiglan

Deiglan

Ofurhugar

Hverjir eru inni

Greinar

Nám á Íslandi

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi