Þetta Falun Gong fólk er ekki bara frá kína, það er frá Þýskalandi, Kanada ofl ofl löndum. Mér fannst nú í lagi að vísa þessum mótorhjólatöffurum í burtu, enda vitað að þeir höfðu óhreint mjöl í pokahorninu, mig langar ekkert í einhver mótorhjólastríð hér á landi, hef ekkert á móti því að sleppa svoleiðis vitleysu.
Greenpeace menn eru þekktir fyrir að gera eitthvað róttækt, vera með eitthvað vesen. Held að Íslendingar telji Greenpeace ekki mjög friðsöm samtök, sérstaklega þar sem þeir telja okkur ofveiða fiskinn við landið!!!
Þótt að aðrar reglur og lífsviðhorf tíðkist í Kína, þá er ekki hægt annað en að mótmæla framkomu þeirra við sitt fólk, fangelsun, pyntingar og morð td. fyrir þjófnað, það hlýtur að vera betri leið til að draga úr fólksfjölgun.
Kínastjórn beitir kúgunum og hótunum til að halda friði í landinu, sést bara best með því að biðja þá Kínverja hér á landi að “vinsamlegast drulliði ykkur að fagna komu forseta ykkar annars komiði aldrei til kína aftur”. Þetta sýnir bara hugsunar hátt Kínversku stjórnarinnar.
Hafa einhver önnur lönd en kína stimplað Falun Gong sem villutrú og hættulega samfélaginu. Maður sér nú Bush fyrir sér að segja að Falun Gong sé hluti af öxulveldi hins illa!!! Come on, fariði aðeins að hugsa.
Af hverju ert þú þeirrar skoðunar að það hafi verið í lagi að senda Danina í burtu en ekki þetta fólk?
Veistu ekki að Hells Angels og Bandidos eru lögleg samtök? Af hverju átti að vísa mönnunum úr landi? Þeir höfðu ekkert brotið af sér á Íslandi. Ég vil endilega endurtaka mig, einhverjir þeirra höfðu komið til Íslands nokkrum sinnum áður án þess að skapa nokkur vandræði, hvers vegna máttu þeir þá ekki koma aftur?
Nú eru ekki bara glæpamenn í þessum samtökum. Það er löglegt að eiga og keyra mótorhjól á Íslandi og hvernig er hægt að vísa meðlimum í samtökunum frá landinu?
Nú vil ég endilega benda þér á að rök lögreglunnar voru þau sömu og gegn Falun gong, þ.e. að talið var líklegt að þeir myndu viðhafa starfsemi sem gæti verið ólögleg eða skapað öryggi landsmanna í hættu.
Ég veit vel að Íslendingum þykir Greanpeace öfgasamtök vegna starfa þeirra gegn fisk-og hvalveiðum Íslendinga. En ég skrifaði nú að Greanpeace væru mjög virk samtök erlendis og umtöluð sem friðsamleg samtök.
Nú hvað ef hvalakallinn frá Greanpeace myndi droppa upp í Leifsstöð? Heldurðu að honum yrði ekki vísað úr landi? Myndir þú mótmæla því? Trúðu mér, en ég er nokkuð mikið viss um að ansi mörg lönd úti í hinum stóra heimi myndu láta í sér heyra.
Þetta snýst ekki um hvað Kínverjar eru að gera í sínu heimalandi. Þetta snýst um það að litla aumingja Ísland býr ekki yfir þeirri aðstöðu að geta tryggt öryggi landsbúa eða gesta landsins ef til mótmæla kemur. Það er ekki hægt að ábyrgjast að einhverjir verði ekki með læti. Hlutverk lífvarða kallsins er að verja hann, ekki hinn íslenska borgara. Hlutverk íslenska ríkisins er hins vegar að gera það, og eins og flotinn er í dag þá er hann ekki tilbúinn til þess.
Ef Kínverjarnir telja að ógn stafi af samtökunum þá á auðvitað að taka tillit til þess. Auðvitað er hægt að ganga út í öfgar. En ímyndaðu þér fótboltaleikinn í Köben fyrir tveimur árum … fyrir þann leik gaf breska lögreglan og FIFA (held ég) Danmörku lista yfir mörg nöfn sem þeir vildu að ekki væru í Danmörku meðan leikurinn væri.
Núna í byrjun júlí hefst fyrsta umferð EU-fundarins í Kaupmannahöfn. Lögreglan í Danmörku hefur staðið í ströngu undanfarið við að rannsaka öll möguleg samtök, alla þá sem voru með mótmæli í Gautaborg í fyrra, þeir sem viðhöfðu mestu lætin þar voru Danir. Borgin verður í nokkurs konar sóttkví út árið, og ansi margir eru á svörtum lista á flugvellinum. Allir starfsmenn fyrirtækja sem koma nálægt fundinum á allan hátt þurfa að skrifa undir samþykki fyrir að lögreglan megi athuga feril þeirra, og ef eitthvað “grunsamlegt” finnst þá fá hinir sömu einfaldlega ekki að mæta í vinnu á þessum tíma.
Þetta kallast varúðarráðstafanir! Og þær eru gerðar í því skyni að vernda aðila fundarins og alla þá almennu borgara sem koma nálægt honum. Þetta er ekki ólíkt því sem íslenska ríkið er að gera.
Ef fólk er á móti aðferðum kínverska ríkisins þá er um að gera að fjölmenna og mótmæla. Það er ekkert að því að mótmæla.
Hefur þú eða þið hin hér inni einhvern tímann verið viðstödd ALVÖRU mótmæli? Þar sem allt brýst í háaloft út af örfáaum hræðum sem vantar athygli … það er nefnilega síður en svo falleg sjón. Í þess háttar aðstöðu skiptir miklu máli að lögreglan kunni til verka og vinni skipulega. Íslenska lögreglan hefur ekki þurft að takast á við svoleiðis síðan sautjánhundruð og súrkál, sem betur fer, og þess vegna er óþarfi að bjóða hættunni heim.
0
Kallaru þá ekki Falun Gong lögleg samtök? ef samtök má kalla???
Og þú greinilega tekur undir þá móðgun stjórnvalda gagnvart lögreglunni að þeir séu ekki í stakk búnir fyrir 100 manns frá útlöndum sem ætla að standa og binda klúta fyrir munninn á sér?? Eins og staðan er í dag fynnst mér að það er meiri ógn af íslendingunum sem urðu svo hissa á þessu offari íslenskra stjórnvalda.
Ég held að gaurinn frá löggunni sem var í íslandi í dag á stöð 2 í gær hafi kórrétt fyrir sér, kínverski forsetinn vill bara ekki sjá mótmæli fyrir augunum. Ef þetta hefði verið látið afskiptalaust þá hefði eflaust kannski nokkrir íslendingar komið og mótmælt, núna er samfélagið sjokkerað og núna mæta eflaust nokkuð hundruð í staðinn fyrir nokkra tugi!!!!
Og nei ég hef ekki verið viðstaddur alvöru mótmæli, ég bý á íslandi remember og nenni ekki að standa í því að eyða pening í það að fara til útlanda að mótmæla einhverju, það gefur mér ekkert.
Það er nú skrítið að íslensku lögreglunni var lofað hástöfum fyrir frammistöðuna á utanríkisfundi NATO, fyrir mér er þetta miklu minna í umfangi bara 1 gaur að vernda ekki 50 stykki!!!
0
Nákvæmlega hvar skrifaði ég að Falun gong væru ekki lögleg samtök?
Ég veit ekki betur en að ég hafi verið að bera samtökin við önnur lögleg samtök, sorry ef þú hefur misskilið það.
Nú vil ég benda þér á að það er verið að tala um fleiri en 100 manns. Samkvæmt Vísi.is þá fékk dómsmálaráðuneytið lista með nokkur hundruð nöfnum.
Þú nennir ekki að fara til útlanda að mótmæla einhverju! Hvernig í ósköpunum tókst þér að lesa það út úr því sem ég skrifaði? Ég var nú einfaldlega að meina að lögreglan er að reyna að koma í veg fyrir mótmæli eins og þau sem oft eru í öðrum löndum.
Takk fyrir að ákveða mínar skoðanir, já og sömuleiðis takk fyrir að svara spurningunum mínum!
Endilega lestu mitt fyrra svar aftur! Og lestu það sem svar við þínu svari.
0
Nú er bara að fara að sækja réttindi fyrir að iðka luthers-trú og ég-ista hehe.
Eða það sem á við.
0
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.