En eins og mig minnir að Hlynur hafi orðað þetta, þá var eins og hann væri að halda því fram að þessi viðhorfsmunur (sem er augljós) sé bundinn við genin, og sé ekki bara eitthvað áunnið (sagði hann ekki “Það þarf engan snilling eða erfðafræðing til að sjá mun á Íslendingi og Afríkunegra með prik … Það hefur þrisvar þurft að kenna þeim að nota hjólið, og þeir kunna það ekki ennþá”?). Ég skil þetta a.m.k. svo að hann sé að halda því fram, að svertingjar séu svo heimskir að þeir geti ekki einusinni notað hjól, og að þessi heimska sé bundin við genin. Það sé því engin von fyrir þá, og það sem meira er, nauðsynlegt að gæta þess að hingað komi ekki svertingjar til að “menga” ekki okkar genapoll.

Það ætti því að vera í lagi að segja eitt og annað um samfélög sem maður telur verri eða óþroskaðri en sín eigin. En það sem að menn ættu að forðast er að segja eða gefa í skyn að þau séu verri vegna þess að fólkið sem myndar þau sé verra á einhvern “genetískan” hátt.