gmaria fyrir 22 árum, 3 mánuðum Fjöldi lestra: 483

Þungir refsidómar/ mistök stjórnmálamanna ?

Ég hlýddi á sjónarmið Jóns Steinars Gunnlaugssonar hrl, í Kastljósi í kvöld og get ekki annað en tekið undir það hve illa er komið í réttarþróun hér á landi þar sem lagasetning og þynging refsidóma í fíkniefnabrotum er þannig orðin að ekki lengur virðist finnanlegar forsendur til þess að dæma höfuðpaura heldur eru
“ bakarar hengdir fyrir smiði ” svo sem svokölluð burðardýr, og
samræmi í dómum varðandi líkamsárásir, og nauðganir talið léttvægt miðað við ofuráherslur löggjafans til þess að henda fíkniefnafábjánum í fangelsi.

Sem sagt örfá ár eða kanski bara nokkrir mánuðir fyrir að nauðga konu og berja sundur og saman, sem ef til vill kann að hafa af ævilöng örkuml eftir.

Ef líkamstjón hvers konar, sem einn maður kann að valda öðrum er ekki metið sem glæpur ofar öðrum glæpum í siðmennntuðu samfélagi, þá hefur siðmenntun hnignað mjög að mínu mati.

Þætti fróðlegt að heyra ykkar álit.

kveðja.
gmaria.

jonr fyrir 22 árum, 3 mánuðum

Jamm, refsing við fíkniefnasmygli er orðin ansi nærri refsingu við morði. Þannig að, það gæti borgað sig að koma burðardýrinu fyrir kattarnef frekar en að láta það kjafta í lögguna, ekki satt? Nær væri að sekta fólk meira fyrir smygl, því þetta eru í eðli sínu efnahagsbrot, hvort sem þú ert burðardýr eða sali.

J.

Fyrra álit

thossi fyrir 22 árum, 3 mánuðum

Þetta er svo löngu tímabær umræða því að þessi mál eru bara í tómu rugli. Fyrir síðustu kosningar þá kepptust stjórnmálamenn við að lofa þyngri dómum og meiri peningum í “baráttuna gegn fíkniefnadjöflinum”. Þetta var svona tíska því að með því að tala um þetta fannst þeim eins og þeir gætu nú veitt atkvæði hjá móðursjúkum húsmæðrum af báðum kynjum sem vita ekki betur. Það er alveg ótrúlegt að stjórnmálamennirnir skuli ekki hafa meiri metnað heldur en þetta. Það virðist vera einhvert þögult samkomulag á þingi að finna engar lausnir á þessum málum. Það er hent einhverjum milljónum í “forvarnir” sem eru nú í flestum tilvikum í einhvejum nefndum þar sem situr fólk (flokksbundið vinafólk stjórnmálamanna) sem hefur ekki hugmynd um hvað er að gerast í þessum málum og mun aldrei gera það þó það lesi milljón skýrslur.Auðvitað á bara lögleiða fíkniefni og henda þessum peningum í meðferðar-stöðvar. Forvarnir eins og það er kallað hafa aldrei, hvar sem er í heiminum skilað árangri. Það vita það flestir að ef að maður á annað borð vill nota dóp, þá notar maður dóp, hvað sem það kostar og hvort sem það er löglegt eða ólöglegt.

Fyrra álit

Pipppi fyrir 22 árum, 3 mánuðum

Reyndar er nú aðallega við dómarann að sakast í þessu tilfelli. Hann ákveður að beita hámarksrefsingu, sem mér sýnist enginn grundvöllur fyrir í þessu tilfelli. Þessi dómur verður alveg örugglega lækkaður í hæstarétti.

Fyrra álit

daja fyrir 22 árum, 3 mánuðum

já þetta er nú allt saman voða skrýtið og ég hef lengi fussað og sveiað yfir þessu. Það er bara alveg fáránlegt hvernig menn geta komist upp með barsmíðar og nauðganir og svo eru fíkniefnadómar hækkaðir uppúr öllu valdi eins og þetta tengist ekkert!!! Væri ekki bara nær að berja þann sem gæti kjaftað… ekki langur fangelsisdómur fyrir að berja nánast líftóruna úr annarri manneskju.

Ég mundi frekar vilja vera örugg í fangelsi í stað þess að vera sleppt beint í gin ljónsins, does that make sence??? Á ljónið ekki að vera í búrinu?

Fyrra álit

Malki fyrir 22 árum, 3 mánuðum

Þetta er alveg fáranlegt!
ég vil sjá þessa barnaperra og nauðgara dæmda í
10-15 ara fangelsi, ef að það sannast að einhver
maður/kona hefur nauðgað og kanski hálf drepið einhverja manneskju þá á auðvitað að dæma þá almennilega.
kanski þarf einhver af þessum ráðamönnum í þessu landi að lenda í einhverju svona löguðu eða börnin þeirra, ég veit að maður á ekki að segja svona en þeir virðast bara ekki skilja hvað þetta er alvarlegur glæpur!

ég er orðinn hundsvekktur á að pæla í þessu málefni :)

Takk

Malki

Fyrra álit

rism fyrir 22 árum, 3 mánuðum

Nú fara ellu-popparar að hætta pilluátinu, og fara bara að nauðga!! Ég meina 9-12 mánuðir eru nú skárri heldur en 9-12 ár, eða er það ekki??
Þetta er RUGL!!

Respect
rism

Fyrra álit

radical fyrir 22 árum, 3 mánuðum

Það sem mér þykir fróðlegt að vita er hvort fólk telji það glæp að valda sjálfum sér skaða.

Það er glæpur að valda öðrum skaða hvernig sem á það er litið, hinsvegar er ekki verið að valda fólki skaða með því að selja þeim eitthvað/eða leyfa fólki að gera það sem það VILL, hvort sem það er að nota fíkniefni, stunda hnefaleika eða spila fótbolta.

Forvarnir er að upplýsa fólk um hættur OG kosti sem fylgja ákveðnum lífstíl eða ákveðnum ákvörðunum. Að sína einungis eina hlið á málunum kallast í daglegu tali áróður. Fólk á að gera það upp við sjálft sig hvað það velur og bera fulla ábyrgð á því.

Að gera fólk að glæpamönnum bara fyrir það eitt að velja ekki skynsamlega leið er fáránlegt og algerlega siðlaust. Það er ekki verið að hjálpa einum né neinum með þessháttar vinnubrögðum og í raun er verið að gera hlutina enn verri.

Það að refsingar fyrir líkamasmeiðingar séu oft á tíðum lægri en fyrir ólöglegan innfluttning [hvort sem það er rétt eða rangt] er varhugaverð þróun. Það er alveg á hreinu að líkamsmeiðingar er rangt, það er ekki hægt að segja það sama um innflutning á vímugjöfum.

Að stjórnmálamenn komist upp með svona dellu eru mistök þjóðarinnar í heild.

friður
potent

Fyrra álit

siggibet fyrir 22 árum, 3 mánuðum

Mja… ég held að það séu aldrei of þungir dómar kveðnir upp hér á fróni. Þessi 12 ár eru fín en það má alveg hækka dóma yfir nauðgurum, buffurum, þjófum og öllu því óþarfa pakki sem setur blett á þjóðfélög heimsinns. Það eru kannki ekki nema 5% þjóðarinnar sem eru drullusokkar en geta samt eyðilagt fyrir restinni……

Fyrra álit

Lilu fyrir 22 árum, 3 mánuðum

Ég er sammála þessu. Mér finnst fíkniefnadómarnir alls ekki of háir en þeir sýna dóma yfir kynferðisafbrotamönnum í frekar fáránlegu ljósi. Og já það þarf að þyngja þá dóma allverulega, ég held það séu allir nokkuð sammála um það.

En það er alger óþarfi að fara að stilla fíkniefnasmyglurum upp sem einhverjum fórnarlömbum eins og mér fannst Jón Steinar vera að gera í þessu viðtali. Þeir geta ekkert að þessu gert af því að þeir eru fíkniefnaneytendur??
Ég er ekki alveg að kyngja þessum hugsanahætti.

Kveðja,
Lilu.

There is no sin but stupidity. (Oscar Wilde)

Fyrra álit

gmaria fyrir 22 árum, 3 mánuðum

Í upphafi skyldi endirinn skoða og endalaus þynging dóma er engin aðferð til þess að taka á glæpum og vandamálum þeim tengdum í raun.

Hins vegar þarf að vera að finna eitthvert samhengi í skipulagi hvað varðar tök löggjafans á þeim er tjóni kunna að valda og skilgreiningu þess hvers eðlis tjón kann að vera.

Ég gat ekki fundið neina “fórnarlambsuppstillingu” af hálfu lögmannsins varðandi “ burðardýr ” heldur einugis umræðu um réttarþróun í ljósi þess að löggjafarvaldið hefur farið langt fram úr sjálfu sér í þessu efni, því miður, með tilliti til m.a. dóma um líkamstjón af völdum ofbeldis hvers konar.

kv.
gmaria.

Fyrra álit

vortex fyrir 22 árum, 3 mánuðum

Þú hefur allveg rétt fyrir þér.

Kveðja

vortex

Fyrra álit

Surmjolk fyrir 22 árum, 3 mánuðum

Mér finnst þessi dómur yfir fíkniefna-fíflinu vera lélegur og hefði mátt vera 3x meiri! Ég er á móti fíkniefnum og þessu helvítis rugli í kringum þetta. Burðardýrin fá oftast mestu dómana en þeir á bakvið allt saman sleppa vel. Þetta með “nauðgunarmálið” að maðurinn skuli “sleppa” með 2 ár er náttúrulega alveg eins og að ég færi í Landsbankann og rændi 1 milljarði og fengi að labba út án þess að neinn gerði neitt!!! Hengja bakara fyrir smið my ass! Komið með rafmagnsstólinn og það strax!!!! Mér líst illa á þessa helvítis þróun í landinu. Ég vill að svona menn fái að blæða fyrir hversu ógeðslegir þeir eru og hvað þeir eru að gera fólki til elífðar! Rafmagnsstólinn og það strax! Ég skal taka það af mér að setja rofann í gang ef það er málið! Ok…nú er ég orðinn pirraður!!!!!

Fyrra álit

vortex fyrir 22 árum, 3 mánuðum

Það þarf að taka svona fólk einsog þig surmjolk úr umferð hið snarasta því þið eruð hættuleg samfélaginu. Einfalt mál.

Heldurðu að burðardýrin neyði dópið ofan í einhver meðvitundarlaus fórnarlömb ? Það er fáránlegt því vímuefni hafa verið notuð af mannkyninu frá upphafi. Það er eins gott að þú viljir líka láta banna áfengi (eins mikill siðapostuli og þú þykist vera) því það deyja að meðaltali 40 manns á ári á Íslandi af völdum áfengis, við vitum ekki hversu margir nauðga undir áhrifum áfengis eða er nauðgað vegna þess að þær/þeir eru ofurölvi en við vitum að það gerist of oft. Tæp 80 % alvarlegustu ofbeldisglæpanna á Íslandi eru framdir undir áhrifum áfengis (ofbeldisglæpir með hnífum og vopnum). Hvað er þetta ekki að segja fólki svart á hvítu ? En ókey, ég veit að meirihluti þjóðarinnar vill geta drukkið og óhugnanlega stór prósenta fer ítrekað í meðferð, og óviss prósenta hefur lagt líf fjölskyldumeðlima sinna í nokkra rúst vegna vímunnar af áfenginu. Þessvegna er umræðan á því lága plani sem hún er víðsvegar í heiminum. Umræðan á Íslandi er þó á óvenjulega lágu plani því vegna tregans við að gera uppá milli vímuefna, skipta þeim í hörð efni og væg er það orðið svo að mun auðveldara er orðið fyrir unglinga að redda sér e-pillum og kókaini heldur en því sem er vægara. Það lýst mér ekkert á, enda er ég ekki hlynnt notkun vímuefna, mér finnst það þegar kemur að fullorðnum einstaklingum vera þeirra einkamál, nema þegar þau eru að stofna öðrum í hættu eða eitthvað sambærilegt. Undir áhrifum hvaða eiturlyfs skildi það vera algengast ? Samt vill enginn taka drykkjurútana af lífi…..bara þá sem fullnægja eftirspurn eftir öðrum vímugjöfum.

Það er tímabært að flokkun fíkniefna verði gerð landsmönnum heyrinkunn, áfengið er í flokki hættulegustu fíkniefnanna.

Þótt surmjolk sé á móti dópi gefur það honum enga afsökun fyrir fáfræðinni og viljanum til að dæma og drepa aðra. Það er mun meiri glæpur en það sem fyrst var hér til umræðu.

Sem betur fer eru næstu kynslóðir mun fróðari og fróðleiksfúsari um þessi málefni og þeim frekar treystandi til að horfast í augu við hlutina á réttum grundvelli. ´

Ástæðan fyrir því að fólk einsog ég er orðið mjög reitt útaf þessu er sú að hér er ekki gerður neinn munur á glæp með fórnarlambi og glæp án fórnarlambs.

Fyrra álit

gmaria fyrir 22 árum, 3 mánuðum

vortex.

Ég er sammála því að áfengi er enn talið afar léttvægt í ljósi afleiðinga þess alls konar, og aðför að reykingamönnum sem aðalvandamáli heilbrigðis og félagskerfis nokkuð hjákátleg í þvi sambandi.
Með réttu hefði átt að setja aðvaranir um mögulegar afleiðingar notkunar áfengis á sama tíma á flöskur eða dósir um leið og slíkt var sett á sígarettupakka ef einhverja samræmingu ætti að vera hægt að finna.

Ég er innilega sammála því að mikill munur er á því hvort um er að ræða glæp með fórnarlambi eða glæp án fórnarlambs en skilgreiningu á slíku virðist hafa hnignað verulega.

kveðja.
gmaria.

Fyrra álit

gmaria fyrir 22 árum, 3 mánuðum

Það er alveg rétt vitundarleysi þjóðarinnar varðandi mál sín öll , er fyrst og síðast orsök þess að alls konar lagasetning hvað “ óvitræn svo sem hún er ” í öllum sínum birtingamyndum, er það sem stjórnmálamenn hafa hingað til talið að endalaust væri hægt að bjóða þjóðinni, en nota bene flest allir lögspekingar þegja þunnu hljóði, meðan slíkt gengur yfir. Hvers vegna ?

Hvað í ósköpunum hefur orðið af siðfræði menntunar þeirra hinna sömu, sem ég hélt m.a. hafa að hluta til verið ráðgjafa Alþingis við lagasetningu.

Kemur réttlætisþróun á Íslandi aðeins við siðferðisvitund eins lögfræðings er lætur skoðun sína opinberlega í ljósi ?
Hvað með alla hina ?

Meðan álitið er léttvægara í dómum að “ menn berji konur sínar og nauðgi ” eða “ einn maður lemji annan, jafnvel gangi að dauðum ” heldur en flutningur milli landa á ólöglegum vímuefnum, þá held ég að eitthvað þurfi að enduríhuga.

kveðja.
gmaria.

Fyrra álit

MrGoodman fyrir 22 árum, 3 mánuðum

Ég heyrði viðtal við breskan stjórnmálamann á bbc útvarpsstöðinni þar sem fram kom að því þyngri sem dómar eru, því meira græði innflutningsaðillinn. Semsagt, því stærri sem við gerum áhættu hans, því meira getur hann lagt á og einng verður rukkunaraðferð hans mun grófari þar sem að meira er í húfi.
Mér skilst líka sem svo að í Noregi séu einhverjir þyngstu dómar við fíkniefnabrotum í Evrópu, en þar er einmitt eitthvað stærsta heróín vandamál evrópu og verstu “rukkunarofbeldisglæpirnir”.
Mér finnst vera komin tími til að reyna eitthvað annað en aðferðir sem greinilega virka ekki.

Góðar stundir.

Fyrra álit

china fyrir 22 árum, 3 mánuðum

Þetta eru mál sem flest allir eru sammála aðrir en HÆGRI-armur sjálfstæðisflokksins og Vinstri-Grænir og held ég að ég geti fullyrt að meirihluti þjóðarinnar sé sammála okkur um þessi fíkniefna mál, AF HVERJU GERIST þá ekkert?? þetta er svo mikið Taboo að það má ekki tala um þetta, Pælið í því að Einhver samtök ætla að kæra stöð 2 því að siggi hall sagði að eitthvað X vín passaði vel með einhverjum rétti…..

´Þetta er eins og í fasisma ríki, Reykingarfólk er gert að glæpamönnum dópsistar drýgja jafnmiklar syndir og morðingjar og Búsið góða leiðir alla til glötunar…

Þetta er fáránlegt og held ég að einungis Samfylkinginn hafi hugrekki til að takast á við þessi mál…..

BJÖRN SEM BORGARSTJÓRA

Kv:vigni

Fyrra álit

Swiiiiiing fyrir 22 árum, 3 mánuðum

Hvað er HÆGRI ARMUR?

Frjálshyggju (HÆGRI) armurinn vil afnema bann við fíkniefnum. Íhalds (?) armurinn vil halda hlutunum eins og þeir eru. Vilja ekki “feica” vandann, eins og meirirhluti þjóðarinnar.

Það gengur einfaldlega ekki upp að einhver vímuefni séu tekin út og bönnuð en önnur (áfengi) ekki. Fólk fer ekki eftir lögum sem meika ekki sens.

Auk þess er ríkið búið að búa til alltof góðan business hérna fyrir atvinnuglæpamenn. Þeir eru þeir einu sem þessi lög vinna fyrir.

Það er komin tími til að hætta þessu rugli. Hausinn upp úr sandinum Sólveig og félagar!

Fyrra álit

gmaria fyrir 22 árum, 3 mánuðum

China.

Réttætissjónarmið þeirra mannréttinda að ofbeldi í formi líkamsárása sé refsivert, og ekki leyfilegt getur aldrei gengið kaupum og sölum pólítiskra sjónarmiða, hvort sem er til hægri eða vinstri, nákvæmlega sama hvort Inga eða Björn verður borgarstjóri, eða Imba situr áfram.
eða samfylking og framsóknarflokkur tapa fylgi
eða sjálfstæðisflokkur er stór eða lítill, eða sérframboð önnur gapi eða góli.

kv.
gmaria.

Fyrra álit

Cruxton fyrir 22 árum, 3 mánuðum

Gaurinn sat bara á bekk á Leifsstöð og beið eftir fluginu sínu til US. Nú þarf ríkið(VIÐ) að púnga út 36milljónum (300þ x 12 x 12) til að svala siðferðiskennd hæstvirts dómsmálaráðherra og svo hún og kolkrabbasonurinn(Kristinn forst. Shell) geti sofið vært á nóttunni.

Fyrir ykkur sem ætlið að stunda glæpi: Ekki selja dóp…nauðgið frekar kvennfólki og misþyrmið börnum! Næs skilaboð á nýrri öld!!!

“True words are never spoken”

Fyrra álit

gmaria fyrir 22 árum, 3 mánuðum

Nákvæmlega ,“ mjög næs skilaboð fyrir glæpamenn”.

Þokkalegt réttlæti á borð borið í formi laga, til handa vorri vel menntuðu kynslóð sem varla á orð til eigu sinni yfir hinni töpuðu siðvitund.

kveðja.
gmaria

Fyrra álit

danna fyrir 22 árum, 3 mánuðum

Í stuttu máli sagt:
Þar kom að því að ég yrði sammála Jóni Steinari Gunnlaugssyni (það hlýtur að vera frost í helvíti).

Kveð ykkur,

Fyrra álit

gmc fyrir 22 árum, 3 mánuðum

réttarkerfið á íslandi sucka

Fyrra álit

Deiglan

Deiglan

Ofurhugar

Hverjir eru inni

Greinar

Þungir refsidómar/ mistök stjórnmálamanna ?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi