Ég held að það þurfi ekki mikla vanlíðan til hjá einstaklingi til að hann byrji að fikta við fíkniefni. Ég held að þetta sé meira spurning um vinahópinn og tilraunagleði unglingaaldursins. Í flestum tilvikum. Því miður, gott væri ef við gætum fundið þá fyrirfram sem eru líklegir til að nota fíkniefni en það er ekki hægt.

sko… mér finsnt alveg nauðsynlegt að velta þessu fyrir sér og það hafa margir sjálfsagt gert.. Þú talar um að ráðast á orsökina í stað afleiðingarinar.. erum við þá að tala um fíkniefnin sjáf? Mér finnst ísland vera vel á verði gagnavart bæði innflutningi og útbreiðslu.. sona miðað við þær tölur sem maður heyrir í fréttum og sona.. eða ertu kannski að beina spjótum þínum að samfélagslega þættinum … þeim sem veldur því að einstaklingur fer á annaðborð útí fíkniefnaneyslu… þá erum við komnir í hálfgerðan vítahring því hvað er annað hægt að gera við félagslegum þrýstingi annað en að reyna að sannfæra múginn um ókostir fíkniefna … Forvarnir!!

Fíkniefni eru hættuleg.

Samt sem áður er verið að valda meiri skaða með því að banna þessi efni og gera fólk sem þarf á hjálp að halda að glæpamönnum. Það er verið að ýta undir andfélagslega hegðun þar sem fólk þarf að fela sig frá samfélaginu ef það vill nota ákveðin efni.

Að halda að það sé hægt að stenfa á útópíur eins og “fíkniefnalaust Ísland 2002” lýsir fáfræði þeirra sem koma með slíkar yfirlýsingar. Annaðhvort það eða fólkið sem kemur með svona yfirlýsingar er bara algerlega óheiðarlegt.

Það er verið að henda fleiri milljónum útum gluggann í herferðum gegn fíkniefnum á meðan forvarnarstörf liggja í lamasessi. Á meðan það er eftirspurn þá verða dreifingaraðilar.

Fangelsi eru oft vaðandi í fíkniefnum. Hvernig er það raunhæft að koma í veg fyrir að heil þjóð verði fíkniefnalaus ef það er ekki einu sinni hægt að koma í veg fyrir að það séu fíkniefni í fangelsum landsins, með öllu þeim öryggiskerfum sem þeim fylgja.

Mörg dauðsföll má rekja til óhreinna efna. Fólk er að kaupa eitthvað rusl á okurverði, og til að geta fjármagnað þá þarf að ræna og meiða.

Refsingar eru líka orðnar svo háar að það munar varla um það hvort að sá sem er rændur er skildur eftir nær dauða eða lífi.

Og hvernig er þetta allt saman að bæta eða laga vandann sem fíkniefni geta ollið, beint og óbeint?
Í raun er ekki verið að laga nokkurn skapaðan hlut með bönnunum. Það er verið að gera hlutina verri, flóknari og dýrari fyrir alla. Það er verið að auka eftirlit með fólki og lög sett sem leyfa stjórnvöldum að vasast enn lengra inn í einkalíf fólks.

Þess má geta að “War on Drugs” í Bandaríkjunum kostar fleiri manns lífið en fíkniefnin sjálf. Kostar óhemju fjármagn sem mætti margfalt betur nota í forvarnarstarfi og í hjálp til þeirra sem misstíga sig í lífinu, í stað þess að henda þeim öllum í steininn.

friður
potent

ætli það þurfi ekki að byrja á að stöðva einelti og annað sem veldur því að fólki líði illa og leiðist út í neyslu, en eins og venjulega fatta þeir sem stjórna landinu ekki það frekar en svo margt annað.

“Það er vitað mál (og jafnvel sannað) að það eru alltaf ”ákveðnar týpur“ sem leiðast útí fíkniefni og glæpi”

Þetta er að mínu mati, sitthvor hópurinn. Vímuefnaneytendur og svo þeir sem misnota vímuefni og enda þar af leiðandi í skít. Það er að sjálfssögðu stór munur þar á. Ég er ekki viss um hvor hópurinn er stærri.

Er búið að rannsaka til hlítar hvort einstaklingnum líði illa áður en hann fer út í neyslu fíkniefna?

Ég er ekki svo viss að það sé staðreynd. Þetta er samt alltaf spurning um umhverfi, það er allveg rétt…. þú færð náttla ekki send fíkniefni í pósti með notkunarleiðbeiningum. Þetta er án undantekninga félagslegt atferli .

Það fyrsta sem fólk þarf að átta sig á er að ástæðan fyrir því að fólk fer út í vímuefnaneyslu er af því að neysla vímuefna er nær undantekningalaust skemmtileg. Það er mjög fjarri lagi að fólki sem líður mjög illa séu í meirihluta þeirra sem neyta vímuefna, löglegra eður ei. Það sem er nayðsynlegt að spyrja sig er hvort það sé fíkn sem sé skemmandi eða það sem fíknin læsir sig í. Vissulega skulum við horfast í augu við það að morfínfíkn er líkamlega óhollari en spilafíkn. Ég veit ekki hvor þessara tveggja er óhollari fyrir litla heilan. En staðreyndin er bara einfaldlega sú að allir eru fíknir í eitthvað. Það er bara þannig. Ekki er hægt að segja að mannskepnan sé fíkin í mat, því að mat þurfum við jú til að lifa. Fyrir þeim sem eiga við offituvandamál að stríða lítur það mál allt öðruvísi út.
Varðandi vímuefni er staðreyndin sú að fæst vímuefni, þá sérstaklega þau sem eru til sölu af götunni, leiða beint til dauða. Kókaín á sín fáu tilfelli. Sama með áfengi. Morfín eða heróín eru betri í að drepa, en, eins og segir í aðalgrein þessa umræðu, þá er til eitt skráð tilfelli, þó svo ég leyfi mér að gruna að þau séu fleirri. Ástæðan fyrir því er að þetta stöff er ekkert til sölu á götunni þó svo að það sé eflaust hægt að verða sér útum þetta sé maður algerlega ákveðinn.
Mig grunar að við fáum að heyra vel frá fólkinu sem er að reyna að hugsa fyrir okkur ef unglingar fara að deyja hist og her sökum vímuefnanotkun.
Auk þess sem Thompsen, Vegas, Óðal, Freddi, Spotlight, Skötuhúsið, Hljómalind ofl yrðu kærðir/lokað/misstuleyfið/drepnir.
Pís. Óver and át.

ég komst að þessu sama og þú fyrir ekki mörgum mánuðum síðan, það sló mig líka að staðreyndirnar séu svona. Ef það á að eigna fíkniefnum ástæðuna fyrir sumum sjálfsmorðum þá verð ég að minnast á það líka að það hefur skeð (gerist ábyggilega oft) að unglingar hafi orðið mjög þunglyndir af því undirferli og feluleik sem þeir neyðast til að hefja þegar þeir byrja að neyta fíkniefna. Ég veit um tilfelli þarsem það er orsök sjálfsmorðs (mörg ár af fordæmingu samfélagsins hafa þær afleiðingar á veikbyggðan einstakling sem lærir að lokum að hata sjálfan sig því hann sé “aumingi” og “dópisti”). Það er fáránlegt að gera fólki ókleift að fara í vímu af öðru en áfengi nema að vera algerlega fordæmdur af samfélaginu, hverju á það að koma til leiðar ? Um 40 manns deyja að meðaltali árlega beint af völdum áfengis, hvernig væri að tala aðeins um það ?

Annars er ég ekkert að reyna að vera ofstækisfull hérna, vona að það komi ekki þannig fram. En þessi kvíði og feluleikur sem neytendur ólöglegra vímuefna eru dæmdir til er bara mjög hræðilegur að mínu mati og þjónar engum tilgangi, við fáum engu breytt með þessu, mörg ár af baráttu hafa sannað það. Það er samt nauðsynlegt að halda baráttunni áfram en það verður að hætta að stimpla þetta fólk sem glæpamenn og aumingja, það er ekki sannleikurinn.

Eitt að lokum, sumir einstaklingar eru staðráðnir í að prufa sem flest og dópa sem mest, það er svo ósanngjarnt að dæma alla útfrá þeim, þeir eru mjög fáir hlutfallslega. Mjög margir neyta t.d bara kannabisefna í hófi, drekka ekki og vilja fá að gera þetta þegar þeir koma saman að skemmta sér. Afhverju að neyða þá til að vera annaðhvort edrú eða fullur ? Þeir gera engum mein og eiga ekki að þurfa að þjást vegna þess að fáir aðilar lendi í miklu klandri og séu gerðir að táknmyndum fyrir alla sem nota vímuefni. Það er einsog að gera rónann að táknmynd þess meðalmanns sem drekkur áfengi þegar hann fer á djammið eða fær sér rauðvín með sunnudagsteikinni.

Það er vitað að t.d fólk sem hefur staðið sig mjög vel í t.d skóla hefur “villst” útí neyslu fíkniefna og þá oftast vegna þess að félagarnir eru farnir að prufa og þá er fólk oft ekki nógu sterkt til þess að neita. Þetta er þekkt í félagsfræði að fólk mótar sig að samfélaginu sem í þessu tilviki er vinahópurinn. Þetta á sjálfsögðu ekki við um alla heldur aðeins þekkt orsök þess að krakkar fara útí neyslu. Þegar það er búið að prufa er oftar en ekki erfiðara að hætta en byrja.

Þetta með hver margir hefðu látist af neyslu. Fyrir það fyrsta eru þessar uppl síðan 1998 og þar af leiðandi ornaðr frekar úreltar. Svoí öðru lagi er kannski ekki hægt að tengja andlátið beint við efnið sjálft heldur frekar afleiðinga af notkun þess t.d þunglyndi eða slíkt.

Smávegins um skaðleg efni:

Amfetamín.
Einnig þekkt sem spítt. Tekið inn um nef sem duft eða gleypt í töfluformi. Stundum leyst upp og sprautað í æð. Amfetamín er mjög örvandi efni, eykur snerpu, minnkar þreytu, heldur neytanda vakandi lengi og eykur líkamsþrótt. Áhrifin af einu “skoti” vara í um 3-4 tíma. Fráhvarfseinkenni geta verið alvarleg, eru oftast ótti og stundum ofsóknaræði. Eftir nokkurra daga stöðuga neyslu getur tímabundin geðveiki gert vart við sig. Þessi einkenni geta einnig komið fram löngu eftir að neyslu lýkur. Aðrar afleiðingar mikillar neyslu eru t.d. svefnleysi og lystarleysi.
Amfetamín er ólöglegt á Íslandi.

Kanabis.
Kanabis er til í mörgum afbrigðum sem í daglegu tali eru kölluð: gras, maríúana, hampur, kvoða, hass og hassolía. Gras er reykt óblandað. Hassolían, kvoðan og hassið er oftast blandað með tóbaki í vafning (jónu) og reykt eins og sígaretta. Sumir leggja það á sig að búa til svokallaðar vatnspípur, sem með ærinni fyrirhöfn gerir sama gagn. Stundum er kanabis notað við “matargerð” og étið. Áhrifanna gætir fljótlega og getur víman varað í nokkra tíma ef miklu er neytt. Merkjanlegar persónuleikatruflanir og brenglað veruleikaskyn er sjaldgæft, en þá helst ef mikils er neytt í langan tíma. Áhrifin eru róandi og þvoglumælgi einkennandi. Fyrstu skiptin geta orsakað svokallaða “hvítu”. Þá verður viðkomandi bæði fölur og stjarfur, verður óglatt og syfjaður. Því hefur verið haldið fram að líkaminn nái ekki að hreinsa sig fullkomlega af virka efninu í kanabis, heldur helmingist það niður á ca. 7 daga fresti. Eftir langvarandi neyslu eru því líkur á sálfræðilegum kvillum, eins og t.d. skorti á einbeitingu, viljaleysi og ósjálfstæði. Einnig er hætta á öndunarerfiðleikum og krabbameini í lungum.
Kanabis er ólöglegt á Íslandi.

LSD.
Einnig þekkt sem sýra. Gleypt í ýmsu formi, eins og t.d. pappír, sem vættur hefur verið með sýru, töflum o.s.frv. Hámarksáhrif nást eftir 2-6 tíma og endast í um 12 tíma. Áhrifin eru mjög sterkt skynvilluástand. Ofskynjun og tímabundin geðveikiköst eru algeng. Svokallað flassbakk (endurtekning áhrifanna löngu síðar) er mögulegt. Eftir langvarandi notkun verða flassbökkin tíð. Stöðug flassbökk eru möguleg og þá helst hjá viðkvæmum einstaklingum. LSD er ekki vanabindandi. Eftir 3-4 daga stanslausa notkun hefur frekari neysla ekki áhrif.
LSD er ólöglegt á Íslandi.

Alsæla.
Efnafræðilega nefnt methylenedioxymethamphetamine, eða MDMA. Alsæla sameinar áhrif LSD og amfetamíns og er flokkað sem örvandi skynvillulyf. Tekið inn í töfluformi. Útþandir augasteinar, stífni í kjálka, vottur af ógleði, sviti, þurr háls og munnur, hár blóðþrýstingur, ör hjartsláttur og lystarleysi eru helstu einkenni alsælu. Jafnvel löngu eftir neyslu getur það verið hættulegt að aka bíl eða vinna við vélar, því samhæfing getur bjagast svo erfitt getur reynst að hafa vald á hreyfingum. Orsökin er sögð stafa af taugaendum sem skemmast við neyslu og ná ekki að endurnýjast með eðlilegum hætti. Þessi skaði er talin varanlegur. Lítil neysla alsælu framkallar milda og skjóta gleðitilfinningu og síðan upphafna ró og kæruleysi sem endar oftast með reiði og fjandskap. Alsæla virðist örva huglæg tengsl á milli neytenda en hinsvegar er talið að neysla alsælu dragi úr kynorku og áhuga á kynlífi. Neysla alsælu getur hindrað fullnægingu beggja kynja og komið í veg fyrir holdris karlmanna. Eftir nokkurra daga neyslu geta flassbökk átt sér stað.
Alsæla er ólöglegt á Íslandi.

Kókaín.
Er einnig til sem krakk. Kókaín er duft sem annaðhvort er tekið í nös eða leyst upp og sprautað í æð. Krakk er reykt. Mjög örvandi, líkt og amfetamín, en áhrifin endast aðeins í 15-30 mínútur. Síendurtekin neysla marga tíma í senn getur valdið mjög mikilli geðshræringu, sjúklegri tortryggni, ofsóknaræði og varanlegum heilaskemmdum. Dauði af völdum öndunarstopps er líklegt, sérstaklega ef heróín, eða önnur slakandi lyf, er notað samhliða. Þegar krakk er reykt verða áhrifin ennþá öflugri og fljótvirkari, en endast skemur. Eftir langvarandi notkun fer að bera á öfgakenndum geðsveiflum og brenglun á matarvenjum . Ofsóknaræði og skert veruleikaskyn eru talin einkenni. Sé kókaín sniffað í nös getur það skemmt slímhúð í nefi og öndunarfæri. Sé krakk reykt getur það valdið öndunartruflunum.
Kókaín er ólöglegt á Íslandi.

Heróín.
Heróín er unnið úr virku efni ópíumjurtarinnar. Oftast er það leyst upp og sprautað í æð, en einnig sniffað í nös og reykt. Heróín er mjög sterkt og neytandinn verður háður neyslu þess nánast strax. Það smýgur auðveldlega inn í heilann, eins og t.d. morfín, og gefur því vímu nær samstundis. (Morfín er t.d. notað sem staðdeyfilyf í bráðatilfellum við lækningar). Margir fíklar kjósa sér heróín fram yfir önnur fíkniefni. Skynjun og verkir dofna og kvíðatilfinning hverfur. Áhrifin vara í um 3-6 tíma og eftirköstunum fylgir mikil sælutilfinning, sem dofnar þó eftir langvarandi notkun. Fráhvarfseinkenni geta verið mjög kvalafull og geta varað í marga daga og verða neytendur heróíns oft þrælar þess.
Heróín er ólöglegt á Íslandi.

Sniff.
Sniff er ekki lyf heldur athöfn, þegar viðkomandi þefar af ýmsum efnum, eins og t.d. lími og gasi. Áhrifin vara í um 15-45 mínútur og finna sniffarar oft fyrir miklum svima, dofa og rofnum hugmyndatengslum. Veruleikaskyn brenglast og ofskynjun er möguleg. Hætta er á köfnun og hjartakvillum. Langvarandi sniff getur skaðað heilastarfsemi og líffæri, jafnvel löngu eftir neyslu. Dæmi eru um lömun eftir litla neyslu.
Ekki eru til lög um sniff á Íslandi, enda ekki gert ráð fyrir að fólk sé svo vitlaust að anda að sér eitruðum lofttegundum án þess að vera þvingað til þess. En þar sem ekki er til þekking hefst fiktið.

Áfengi.
Áfengi er róandi lyf. Það slakar á spennu og kvíða, getur skaðað heilastarfsemi, minnkar sjálfstjórn og getur valdið þunglyndi. Áhrifin geta varað í nokkra tíma, miðað við “hæfilegt” magn. Áhrifin aukast ef áfengi er drukkið óblandað og /eða á fastandi maga. Lítið glas af bjór og léttu víni (hvítvíni/rauðvíni…) samsvarar einum einföldum af sterku víni (vodka/vískí…). Hófleg drykkja er talin vera 2-3 einfaldir á dag. Drykkja umfram það slævir dómgreind í réttu hlutfalli við magn. Mjög mikil drykkja er talin auka líkurnar á hjartaáfalli, lifrarsjúkdómum, háum blóðþrýstingi, ófrjósemi og taugasjúkdómum. Fíkn er einnig talin fylgifiskur mikillar drykkju. Fráhvarfseinkenni, eftir mjög mikla drykkju, geta undir vissum kringumstæðum verið banvæn, en orsaka oftast óráð og/eða æðisköst sökum mikilla geðsveiflna. Sé drukkið reglulega á meðgöngu getur það valdið varanlegum skaða á fóstri.
Svokölluð timburmenni eru að hluta til afleiðing eitrunar og að hluta til vökvataps og lágs blóðsykurs. Efni þau er valda eitrun eru til staðar í öllum áfengum drykkjum en í meiri mæli í dökkum drykkjum, eins og t.d. brandý og rauðvíni. Vökvatap (dehydration - þornun líkamsvefja) á sér stað vegna þess að áfengi er þvagörvandi. Áfengi örvar einnig framleiðslu insúlíns (stjórnar nýtingu líkamans á sykri og öðrum kolvetnum) sem gerir það að verkum að magn blóðsykurs minnkar. Lítið blóðsykurmagn getur orsakað vanmátt, skjálfta, yfirlið, syfju og svengd. Sýrumagn ýmissa drykkja getur valdið pirringi í maga. Sumir drekka vatn við timburmönnum, en þó er ekki til nein alvöru lækning. Slíkt ástand varir oftast í 1-2 sólarhringa.

Áfengi er löglegt á Íslandi.

Nikótín.
Nikótín er einstaklega sterkt lyf. Finnst í tóbaki sem unnið er úr jurtum af ættkvísl einærra hitabeltisplantna, “Nicotiana”. Rannsóknir staðfesta að nikótín er álíka vanabindandi og heróín og kókaín. 60mg af hreinu nikótíni, sem komið væri fyrir á tungu viðkomandi, myndi valda dauða á örfáum mínútum. Þegar kveikt er á sígarettu breytist nikótínið í gufu sem viðkomandi andar að sér. Líkaminn vinnur mjög hratt úr gufunni og nær nikótínið til heilans á innan við 7 sekúndum. Það örvar miðtaugakerfið, eykur hjartslátt, hækkar blóðþrýsting og eykur súrefnisþörf líkamans. Eftir reglulega neyslu finnst flestum þessi áhrif vera róandi. Strax eftir að sígaretta hefur verið reykt finnur neytandinn fyrir fráhvarfseinkennum. Þeir sem reykja í fyrsta skipti finna fyrir flökurleika og svima. Afleiðingar langvarandi reykinga geta verið öndunartruflanir, lungnakrabbamein, hjartakvillar, truflanir á blóðstreymi o.s.frv. Sé reykt á meðgöngu getur það haft áhrif á vöxt og þroska fósturs og í sumum tilfellum orsakað ótímabæra fæðingu. Nikótín getur verið mjög vanabindandi. Miklar reykingar valda því að blóðkorn ná ekki að flytja nema um 85% af eðlilegri súrefnisþörf líkamans. Óbeinar reykingar geta einnig haft svipuð áhrif.

Nikótín er löglegt á Íslandi.

LadyGay

Fíkniefni hafa alltaf verið notuð á einn eða annan hátt, allt frá upphafi mannkyns. Þetta er vandamál sem er samvaxið mannlegri tilveru og á aldrei eftir að verða útrýmt. Fíkniefni verða ALLTAF til og ALLTAF er einhver reiðubúinn að nota þau. Stríðið tapaðist í árdaga mannkyns en eina og eina orrustu má samt sigra.