Ég er ekki sammála. Tel að það sé búið að reyna eitthvað svipað þessu, og þá hét það kommúnismi. Það gekk því miður ekki upp, og ég held að þetta myndi bara aldrei ganga.

Bara svo að ég sé viss um að ég skilji þetta rétt hjá þér…

Þannig að það er skoðun þín að þeir sem eru lélegir í að vinna sín störf eiga samt að fá jafnmikið borgað og þeir sem eru framúrskarandi við sín störf?

Skurðlæknar með sömu laun og hjúkrunarfólk???

Hmmm.. um að gera að láta þá sem kjósa að fara í gegnum mikla menntun og sérhæfingu að njóta þess ekki. Menn eru bara með ein opinber laun sem að Launamálaráðuneytið skipar. Á sama tíma þarf að hefta ferðafrelsi fólks því ekki viljum við að hinir kapitalísku auðvaldssinnar annarsstaðar í heiminum tæli til sín allt okkar besta fólk. Hefta verður frelsi einstaklingsins til að hér verði ekki bara hjúkrunarfólk heldur læknar líka.

Þessi heimsmynd gengur ekki upp. Á Kúbu þar sem þetta hefur gegnið hvað lengst eru læknar að keyra leigubíla til að geta haft í sig og á.

Þetta hlýtur að vera ein heimskulegasta hugmynd sem að ég hef heyrt eða lesið lengi.

Later… Xavie

Svona dæmi myndi útrýma vísindamönnum og skurðlæknum í þjóðfélaginu. Það sem rekur þetta fólk í nám eru launin, ekki áhuginn. Sama gildir um tölvumenntun.

Þessi draumsýn minnir á kommúnisma, en frumskilyrði þess að kommúnismi gangi upp er að nær allir í samfélaginu séu góðir, nægjusamir, hjálpfúsir, áhugasamir um samfélagið og sáttir við stjórnvöld. En ég leyfi mér að fullyrða að fæstir séu þannig gerðir að þeir geti sætt sig við “sæluríki” kommúnismans. Flestir eru nokkuð góðir, en fæstir eru nægjusamir, eða mjög hjálpfúsir, fæstir eru mjög áhugasamir um samfélagið og fæstir eru alltaf sáttir við stjórnvöld og stjórnarskipti eru tíð. Ólíklegt er að kommúnísk stjórn verði nokkurn tímann kosin lýðræðislegri kosningu á Íslandi og ef svo ólíklega vildi til þá væri ólíklegt að hún næði að sitja óslitið við völd í lýðræðisþjóðfélagi. Þetta myndi þýða að þó svo að kommúnistastjórn kæmist að þá myndi hún seint eða aldrei ná neinum árangri í að færa þjóðskipulagið nálægt kommúnisma þar sem kommúnismi krefst svo róttækra breytinga og víðtækrar samstöðu.

Einn helsti hvati aukinnar framleiðni er umbunin sem felst í hærri launum fyrir aukið vinnuframlag, aukna menntun og þess háttar. Með algerum launajöfnuði væri þessum hvata kippt burt.

Mikilvægara markmið en ALGER JÖFNUN LAUNA væri það að gera launakerfið réttlátt og vinnuhvetjandi en um leið að tryggja ákveðinn launajöfnuð til þess að veita öllum JÖFN TÆKIFÆRI til árangurs í lífinu.

Þú ert að grínast er það ekki?!?

Til hvers ættu menn að vera að leggja það á sig að fara í háskólanám eða taka áhættu með fyrirtækjarekstri þegar þeir geta fengið það sama úr því að vinna á búðarkassa/ræstingar. Hugsaðu aðeins rökrétt. Þetta er hreinn kommúnismi sem drepur niður allt sem heitir frumkvæði og metnað. Grunnatriði lífsins er að þeir sem eru tilbúnir að leggja á sig hluti verða að hafa þann möguleika að vera verðlaunaðir (laun sem dæmi). Ekki er ég að vinna það starf sem ég er í af tómri hamingju, því ég veit um margt annað sem ég myndi miklu frekar vilja að vera gera (Þó ég hafi nú samt ágætlega gaman að vinnunni).

kv
Halldó

kommi

Ég efast stórlega að fólk færi í rándýrt nám bara útaf áhuga efað þau gætu fengið ræstistarf með sömulaunum en voða lítilli ábyrgð.

Þetta mundi aldrey nokkurntíman virka.

Þetta er auðvitað bara það sama og kommúnismi, nema reyndar var þar fólki almennt valin störf af ríkinu. Þannig að einhver sem fékk alltaf 10 í eðlisfræði varð kjarnorkusprengjusérfræðingur.
En þessi sérfræðingur uppgötvaði það svo allt í einu hvað hann var menntaður og hvað kanarnir myndu greiða honum mikið betri laun.

Steuba

Ef flest fólk velur sér atvinnu peninganna vegna, ekki áhugans, þá er það fólk frekar sorglegt. Annars held ég nú að margt fólk geri þetta ekki, efast stórlega um að kennarastéttin sé í sinni atvinnu peninganna vegna.
Peningar koma og fara, en áhuginn getur verið eilífur.
Held líka að það sé allskostar rangt að fólk skili betra starfi ef það fær vel borgað, hvort vildu þið hafa málaliða eða sanntrúaða þjóðernisviní í hernum ykkar?
Mér er spurn..

Ef þú ert að tala um að allir hafa nákvæmlega sömu laun þá held ég að það muni aldrei ganga.
En hins vegar ætti að vera hægt að setja hámakslaun. Þ.e. að lágmarkslaun mættu ekki vera lægri en ákveðið hlutfall af hámarkslaunum.
Þannig gæti enginn haft meira en t.d. tíföld lágmarkslaun. Eða kannski bara fimmföld.

Þetta kerfi gæti hugsanlega gengið upp en þá þyrti margt annað að breytast.

Kveðja,
Ingólfur Harri

Þetta er fáránleg hugmynd, minnir mjög mikið á kommúnisma. Hinsvegar er ég hlynntur því að útrýma peningum, þ.e. engir peningar.

Því miður er mannkynið ekki nógu þroskað til þess, né nægilega tæknivætt. Einnig er mannkynið ALLTOF háð peningum í dag, ef það yrði einn daginn svo að engir peningar væru til þá myndi ALLT hrynja og ríkja upplausn allsstaðar.

Ef mannkynið ætlaði að útrýma peningum, líkt og var gert í Star Trek ímyndunarheiminum :) , þá verður að finna upp tækni sem getur skaffað jarðarbúum (energy to matter). Einnig þyrfti að finna nýja orkugjafa. Ekki ætla ég að vinna sem bóndi að rækta korn ef ég fæ ekkert fyrir það.

Við skulum segja að þetta yrði gert núna, ætti þá að taka alla peningana af þeim sem eru ríkir, “til að hafa allt sangjart”. Kanski líka taka allar eignir líka, öskra á þá skammyrðum. Bara horfa á gamlar myndir frá kína til að fá rétta fílingin. En nátturulega mundi það ekki ganga því svona 60-70% af öllum mundi ekki vilja fara að lifa í kúguðu umhverfi. Þirfti þá ekki öll fyritæki að vera í eigu ríkisins. Því eigendurnir meiga nátturulega ekki græða meira en ræstitæknirinn. Ég það yrði gaman*



*hæðni

Ég er ekki sammála ljosa.

Mér finnst persónulega að það verði að vera töluverður munur á launum. Sem dæmi kennarar og tölvugúrú. Kennaranám er ekki langt og því miður ekkert sérstaklega erfitt. Það eru litlar sem engar endurmenntunarkröfur og gæðakröfur sömuleiðis. Viðurkenndur tölvunarfræðingur er með þriggja ára erfitt BS nám að baki (Ef ekki master), þarf sífellt að vera að endurmennta sig og vinnur oft undir gífurlegu álagi. Fyrir utan það að þeir sem vinna við þetta eyða oft sínum frítíma í að kynna sér tengda hluti og hafa eytt mörgum árum fyrir utan nám í að læra á tölvur. Því finnst mér alveg sanngjarnt að tölvunarfræðingar fái meira borgað.

Fyrir utan svoleiðis hluti, þá munar oft ekkert svo gífurlegu þegar tekjuskattur hefur verið tekinn, þó að grunnlaun hljómi mun hærri.

Ljosi, hvaða rétt hefur þú eða ríkið á annað borð til þess að takmarka laun fólks?

þetta er eins og að segja: “Nei, þú mátt ekki byggja 300 fermetra húr. Kalli á bara 100 fermetra hús. Nú verður þú að draga frá 100 fermetra af þínu húsi og byggja þá við húsið hanns Kalla.”

Sannleikurinn er sá að þú eða ríkið hefur engann rétt til þess að segja fyrir um hvað fólk má græða eða ekki.

Það er sorglegt þegar að fólk misskilur hlutverk ríkisins. Hlutverk þess er að koma í veg fyrir óréttlæti en ekki búa það til.

það eru náttúrulega sumir sem eru búnir að vera í lengi námi en aðrir og vinna erfiðari störf en aðrir, og að mér finnst að þeir ættu að fá hærri laun en aðrir, en ef það myndi gera eitthvað gott fyrir samfélagið að takmarka hámarkslaun væri það svo sem ágætt, en ég sé ekki tilganginn með því að takmarka, sumir fá há laun og eiga það alveg skilið, en sumir eiga það ekki skilið, en ef að takmörkun hæstu launa myndi hækka lægstu launin væri það bara fínt, en samt ekki, þetta fer eiginlega bara í hringi, eftir því frá hvað sjónarhorni maður lítur þetta

Djöfulli er ógeðslega pirrandi þegar fólk talar eins og það að vera kommúnusti sé eitthvað hræðilega slæmt.
Vitið þið ekki að komúnísk hugsjón er einvher sú fallegasta husjón sem hægt er að hugsa sér ?
Að allir eigi sama rétt til lífsgæða og hamingju sama hvaðan uppruni þeirra, líkamlegir eða andlegir hæfileikar hafa um það að gera.
Ég meina - ég er tölvumenntuð og hef þrusugóð laun en mér finnst að maðurinn sem tekur ruslið mitt hafi alveg rétt á sömu launum. Hann vinna er alveg jafn mikilvæg ef ekki mikilvægari en mín.
Og hvaða bull er þetta með að fólk myndi ekki mennta sig ef það hefði sömu kjör við verkamannavinnu. Við ættum öll að vera að gera það sem okkar hæfileikar og áhugasvið snýr að og plííís segið mér að þið mynduð frekar kjósa að fara til læknis sem gerðist læknir af því að hann vill hjálpa fólki en ekki vegna peninganna ?

Vitið þið ekki að einir af fáum “alvöru” kommúnistum í heiminum eru persónur eins og Jesú og Jólasveinninn ?

Og alltaf þetta - Sovétríkin voru svo vond og þar af leiðandi er kommúnismi vondur….
Ja þið vitið þá ekki mikið um söguna eða pólítík almennt.
Það sem var gert rangt í Sovétríkjunum var ekki AF því að það var kommúnistaríki og í rauninni má segja að USSR hafi aldrei náð að vera kommúnistaríki - þetta fór allt til andskotans hjá þeim útaf spillingu og valdagræðgi leiðtoganna. En það var aldrei hugsunin í upphafi að það yrði svo - heldur akkúrat öfugt.

Og ekki segja mér að þið vitið ekki að á sama tíma og USSR lét dæma mann og annan fyrir að vera með aðrar skoðanir en tíðkaðist þar þá voru USA á nornaveiðum eftir kommúnustum og hver sá í USA sem vogaði sér að segja að hann teldi að verkafólkið ætti nú kanski rétt á mannsæmandi launum var stimplaður kommúnisti (eins og það sé nú slæmt) og jafnvel dregin fyrir dómstóla og hent í fangelsi fyrir þessar skoðanir sínar.

Ég er orðin alveg rosalega þreytt á að fólks skuli vera svona fáfrótt gangvart þessari hugsjón og ég er enn þreyttari á fólki sem segir kommúnismi er fallegur en hann bara gengur ekki upp.
Því það finnst mér vera svo mikil uppgjöf á manninum sem lífveru, ef maðurinn er svona illur þá held ég að við eigum ekki skilið að vera þar sem við erum.
Ég neita að trúa því að mannsekjan sé almennt svo illa innrætt að það sé ekki hægt að lifa í samvinnu og sátt um að allir geti verið jafnir.

Og ég nenni ekki einu sinni lengur að rífast af viti um þessi mál - ég nenni ekki að hlusta á aftur og aftur að þetta þroskist af mér.
Kommon - ef þroski er að hætta að hafa samúð með náunganum og verða eigingjarnari þá tel ég ekki gott að þroskast. (enda tel ég það vera akkúrat öfugt að með þroska læri maður að hætta eigingirninni)

Því miður er ég ekki kommúnisti, allavegana ekki eins og “alvöru” kommúnistar myndu skilgreina það.
Ég keppist um í kapítalismanum um að verða ríkari og ríkari og hugsa yfirleitt bara um rassinn á sjálfri mér.

En ef einvher myndi kalla mig kommúnista á réttum forsendum þá myndi ég deyja hamingjusöm.
En ég myndi deyja úr skömm ef ég yrði orðuð við þá sjálfselskuhyggju sem einkennir hægri-pólítík.

Skemmtilega er að líklega væri Adam Smith sammála þér um þessa hugmynd. Hann var á móti því að fólk ætti meiri peninga en það kæmist yfir að eyða yfir lífshlaupið.

Faðir kapitalismans tæki undir með þér :)

En þetta er ekki tímabært. Kannski þegar betri stjórn er komið á alheims fjármálaumhverfið.

mér finnst að laun eigi nær eingöngu að vera tengd því námi sem liggur að baki
= ÉG TEL AÐ heilaskurðslæknar og kennarar eigi að fá hærri laun en skúringarkonu