Sivar fyrir 22 árum, 7 mánuðum Fjöldi lestra: 2368

Að sjá ekki bjálkan í sínu eigin auga

Nafnið á þessari grein vitnar í gamal málsátt sem er einhvern vegin svona “ auðveldara er að sjá flís í augum annara en bjálkan í augunum á sjálfum sér” Það er ekki víst að ég hafi málsháttin á hreinu en skilningurinn á honum ætti að komast til skila.

Man einhver eftir Tjetjeníu?

Rússar gerður árás á það land í annað skiptið í enda árið 1999 eða byrjun á 2000. Man einhver eftir afhverju Rússar gerðu árás á landið?

Munið þið hvernig BNA, og flest öll vestræn ríki brugðust við? Þær fordæmdu árásina á tjetjeníu. Sögðu að það væri hægt að leysa málin á annan hátt.

Ástæðan fyri því að Rússar gerður árás inní Tjétjeníu var sú að það höfðu nokkrir kallar sprengt upp íbúðarblokkir í tætlur í Rússlandi (Moskvu og Volgodansk). Rússar auku löggæsluna á þessum tíma í borgunum og handtóku hvern sem var grumsamlegur. Síðan komust þeir að því hver voru sökudólgarnir og það voru Tjétjenar. Þannig að Rússar réðust á Tjétjeníu í eitt skiptið fyrir öll. Útrýma hryðjuverkum frá þessu svæði. Nú hafa bardagar þar staðið í tvö ár og ekki er lát á þeim. Jú Rússar eru búinir að leggja höfuðborgina í rúst og ekki hafa verið gerðar fleiri hryðjuverkaárásir en tjetneskir skæruliðar eru enn að og eru að skjóta Rúsneska hermenn. Mennirnir sem stóðu fyrir sprenginunum hafa ekki verið dregnir fyrir dóm, þeir eru horfnir. (þessar upplýsingar eru teknar frá theMoscowtimes.com).

Bandaríkjamenn mótmæltu þessu! Munið eftir því.

Horfið núna á BNA. Stríð, stríð, dauður eða lifandi, Bin Laden - sterklega grunaðu, árás á afghanistan.
Halló!!!
Hvað er að gerast. Nú eru BNA að gera það sama og rússar gerðu, nema þeir eru að stíga einu skrefi lengra. Rússar gerður árás á land sem var undir þeirra stjórn en Bna eru að gera árás á annað land. Á stjórn sem þeir styrktu! Þetta er geðveiki.

Jú það á að refsa Hryðjuverkamönnunum. En ekki saklausu fólki! Komið með sannanir, ekki óbeinar sannanir, ekki sterkan grun, ekkert bull. Komið með beinharðar sannanir, þá skal ég segja já, ríkisstjórn sem heldur þessum manni ber að refsa. En ekki fyrr.

Ég vil fá mótmæli ef það verða gerðar árásir á Afghanistan. Ég vil að fólk flykkist fyrir framan þinghúsið og hvetji ráðamenn til þess að segja nei við árásum. Segja að það vilji ekki refsa þeim sem eiga það ekki skilið.

Siva

Lynx fyrir 22 árum, 7 mánuðum

Já, það virðist ekki vera sama hvort það er Jón eða Séra Jón. Góður punktur.

Fyrra álit

smartguy fyrir 22 árum, 7 mánuðum

Það er friðarganga á morgun sem þú getur mætt í.
Lestu um það á www.fridur.is

kv sg

Fyrra álit

srjong fyrir 22 árum, 7 mánuðum

Mistök rússa voru að þeir reyndu að taka alla Téténíu, þar með talið fjallahéruðin.
Þeir áttu að stoppa við ána rétt sunnanvið Grozny
(man ekki nafnið) en voru of gráðugir….

Fyrra álit

sljo fyrir 22 árum, 7 mánuðum

Þetta er mjög góður punktur Sivar og ég er ekki viss um að BNA viti hvar þeir ætla að draga mörkin - frekar en Rússar. Þetta stríð sem stefnir í verður ekki í nokkra mánuði það verður örugglega í nokkur ár…

Fyrra álit

[Notanda eytt] fyrir 22 árum, 7 mánuðum

Þetta er hárrétt athugað og langt frá því að vera eina svona dæmið. BNA er þversagnakenndasta þjóð heims. Öll ídeulógían stangast einhvers staðar á innbyrðis.

Fyrra álit

Harry fyrir 22 árum, 7 mánuðum

Eruð þið virkilega á móti því að Bandaríkjamenn ráðist inn í Afganistan, það er besta land sem hugsanlega er hægt að ráðast á. Það á að útrýma talibönunum. Haldið þið að íbúar Júgóslavíu séu fúlir út í NATO, ég held ekki, nú loksins eru þeir frjálsir og sömuleiðis standa Kosovo-Albanir í þakkarskuld við þá. Setjið ykkur í spor Afganskra kvenna, hvort vilduð þið deyja eða lifa í helvíti á Jörð

Fyrra álit

Lynx fyrir 22 árum, 7 mánuðum

Hey Stepford Boy, hverjum heldurðu að innrás komi verst niður á? Mér dettur ekki til hugar að hvetja til ofbeldis, sama hver á í hlut. Og ég er ekkert viss um að allir kosovo-albanir séu neitt að deyja úr hamingju og þakklæti.
Þetta er ekki eins einfallt og það lítur útfyrir að vera. Og “frelsi” er hugtak sem ég held þyrfti að fara varlegar með.
Ég hef aftur á móti skilning á því að deilur BNA og Talibana í Afghanistan gætu farið í hart, en ég vona af öllu hjarta að ekki komi til innrásar og stríðs. Eins og hernaður er í dag kemur stríð ALLTAF verst niður á þeim sem síst skyldi: mæðrum, börnum og gamalmennum. Þau eru flest alsaklaus af hryðjuverkum og pólitísku tippatogi. Og þessvegna vona ég að það sé enginn að missa sig í þessu máli og gera eitthvað vanhugsað. Fyrir utan að það er ekkert búið að sýna fram á það með óyggjandi hætti að Osama Bin Laden hafi í raun staðið á bakvið þetta í eigin persónu.

Góðar stundir,

L.

Fyrra álit

cyrez fyrir 22 árum, 7 mánuðum

svo er afganistan mikið sterkara en tjetjenía

Fyrra álit

OBhave fyrir 22 árum, 7 mánuðum

HAH! Sterkara eða ekki þeir eiga ekki minnstu möguleika á móti öllu NATO… þar á meðal 4 öflugustu hernaðarríkjum heims Bandarríkjunum, Bretlandi, Þýskalandi og Frakklandi

Fyrra álit

Gandalfur fyrir 22 árum, 7 mánuðum

Auðvitað eru NATO ríkin miklu öflugri. Þau munu samt ekki gera innrás því þá yrði mikið mannfall. Mundu bara að heimsveldið Sovétríkin gáfust upp eftir 10 ára stríð(1979-1989) og eftir að hafa mist tugi þúsunda manna.

Fyrra álit

wbdaz fyrir 22 árum, 7 mánuðum

Það er einmitt enginn tilgangur í því að gera árás á Afganistan, í hvaða formi sem hún væri. Það er ekkert þar til að skemma, og það á bara eftir að bitna á saklausum borgurum. Það kom skemmtilegur linkur á mjög gott bréf á tilverunni skrifað af afgana sem hefur búið í USA í langann tíma. Ég mæli með því að fólk lesi það :)

Fyrra álit

Harry fyrir 22 árum, 7 mánuðum

Það er alveg satt, ég er búinn að sjá ljósið. Afganistan á að vera látið í friði um aldur og ævi. Talebanarnir eru að standa sig frábærlega þarna, ég vildi bara að við vesturlandabúar hefðum sama þorið og gerðum það sama við konurnar okkar, þær eru óæðri hundum. Það er alveg satt ég sé það núna, hún mamma segir mér ekki lengur að taka til í herberginu mínu, næst er hún gerir það slæ ég hana. Jibbí! (ef þú ert ekki búinn að fatta kaldhæðnina ennþá þá ertu hálfviti)

Guð blessi Kúgunina!

Fyrra álit

wbdaz fyrir 22 árum, 7 mánuðum

Mig langaði bara til að láta þig vita að ég las svarið þitt harry :) og að ég er greinilega hálfviti af því að ég er á móti því að nokkrar beinar árásir verið gerðar á Afghanistan.

Takk fyrir
:*

Fyrra álit

wbdaz fyrir 22 árum, 7 mánuðum

Er ég svona þunnur og þú ert ekkert að svara mér kannski? :) Það er nú gott, því að ég minntist aldrei á það að Talebanar væru eitthvað voða góðir eða að við ættum að taka upp siði þeirra (og vonandi ertu ekki að rugla saman Talebana og Afghanista?)

Enn og aftur takk fyrir mig.
(blóm og konfekt fyrir hann harry minn :* )

Fyrra álit

Harry fyrir 22 árum, 7 mánuðum

Nei þetta átti ekki að vera beint að þér heldur að Lynx (my bad), en rest assured ég veit nákvæmlega muninn á Talebönum og Afgönum. Málið er bara að ef enginn gerir neitt við ástandinu í Afganistan munu þeir halda áfram að kúga Afgani til frambúðar, andspyrnan í norðurhéruðunum er greinilega ekki nógu sterk til að koma þeim frá. Og þú getur búist fastlega við því að Talebanarnir munu ekki þróast baun á meðan, enda er það kjarninn í þessum ofstækishóp; hræðsla við breytingar og framþróun og áhrif þeirra á menningu þeirra. Sorglegt fólk/rottur.

Fyrra álit

wbdaz fyrir 22 árum, 7 mánuðum

Og eigum við þá að gera árás á Afghanistan? Svona alveg persónulega finnst mér það ekki mjög góður heimur sem við lifum í ef að það er hægt að gera innrás í eitthvað land bara afþví að við erum óssammála stjórnendum þess (okok, ekki er ég neitt að styðja þá, en ef að þjóðin er ekki nógu sterk til að breyta þessu sjálf, þá held ég að það myndi ekki hjálpa Afgönum neitt þó að BNA myndu gera innrás þar. )

Fyrra álit

Refur98 fyrir 22 árum, 7 mánuðum

Árás Árás.
Þetta er fast í öllum að tala um árás.
Þeir ætla ekki að gera eins og var gert hér forðum(lúgan opnuð á flugvélinni, hundruðum sprengja sleppt bara einhverstaðar).
eða senda tugþúsundir manna og skjóta allt sem hreyfist.
Þeir sprengja bara það sem skiptir máli fyrir Talebana eða Osama. í 90% tilfella hitta þeir.
Það er ekki að gera árás vegna þess að þeir eru ósammála Talebönum. þeir eru búnir að vera ósammála þeim í 10 ár.
Það er verið að eltast við Osama.

En hvað getum við gert. Eigum við að reyna að semja við hann… æji plís ekki taka fleri flugvélar, við skulum bara borga þér.
eða hóta…. Sko ef þú gerir þetta aftur(takið eftir að þetta er fimmta áras hans) þá gerum við eitthvað. Right.

Ég veit ekki hvað við getum annað gert.
Mér finnst bara að ef við gerum ekkert núna erum víð að sýna hryðjuverkamönnum að þeir geta drepið þúsundir manna án þess að við aðhöfumst neitt gegn þeim.

Lifið heil Kodak

Að sigra heiminn er eins og að spila á spil

Fyrra álit

DeTox fyrir 22 árum, 7 mánuðum

Refur98:

Þetta var einmitt það sem þurfti að koma fram hérna..

-DeTox

Fyrra álit

Gandalfur fyrir 22 árum, 7 mánuðum

Því miður hafa Bandaríkin ekki hjálpað Afgönsku þjóðinni hingað til né önnur ríki. Það eina sem skiptir þá máli eru hagsmunir. Gott dæmi um það er Saudi-Arabia sem er vinaríki USA. Það getur maður verið tekinn af lífi fyrir galdra. Slæmt að enginn vilji koma einræðisstjórninni í Saudi-Arabíu frá því það land er eitt hið ógeðslegasta í veröldinni.

Fyrra álit

Gandalfur fyrir 22 árum, 7 mánuðum

Ég held að það sé nokkuð öruggt að Bandaríkin geri ekki innrás í Afganistan. Það yrði bara nýtt Víetnam stríð fyrir þá. Rússar áttu í stríði við þessa menn í 10 ár og urðu frá að hverfa. Bandaríkin munu líklega senda sérsveitir í stuttar ferðir í þeim tilgangi að eyðileggja búðir hryðjuverkamanna eða handsama Bin Laden. Þetta er í raun svo óendanlega flókin staða fyrir Bush. Það er lítið sem þeir geta gert. Ekki þýðir allavega að gera loftárásir því Afganistan er gjörsamlega í rúst. Ég yrði samt ánægður ef þessum Talibönum yrði komið frá völdum því þeir eru hrein ógeð(slátra fólki og koma fram við konur eins og dýr). Það leiðinlega er samt að Bandaríkin hafa stutt Talibana fjárhagslega um tugi milljóna dollara til að koma í veg fyrir eiturlyfjaútflutning. En þeir hafa ekkert stutt fólkið sem berst á móti Talebönum í Afganistan. Stjórnarandstaðan ræður örlitlu svæði nyrst í Afganistan en Talibanar ráða restinni. Nú nýlega var Masood foringi þeirra myrtur af útsendurum talebana(þeir þóttust vera blaðamenn og vildu taka viðtal við Masood en sprengdu sig svo í loft upp ásamt Masood). Sorglegt að USA hafi ekki séð sóma sinn í því að styðja þá.

Fyrra álit

[Notanda eytt] fyrir 22 árum, 7 mánuðum

Bandaríkin og aðrar þjóðir hafa iðulega sett sig í spor hins góða. Kórea, víetnam og Chile eru góðir punktar.

Ég veit ekki hvað BNA eiga að gera, en ég þykist heldur ekki vita það.

Fyrra álit

kokos fyrir 22 árum, 7 mánuðum

Nákvæmlega sammála.

En síðan hverær mótmæla íslensk stjórnvöld sefnu Bandaríkjana, er td. ekki helsta hlutverk Íslands hjá sameinuðuþjóðunum, að segja já við tillögum Bandaríkjamanna?
Jæja, hver veit nema við verðum sjálfstæð einn daginn.

Kókos

Fyrra álit

Froztwolf fyrir 22 árum, 7 mánuðum

Ég verð að viðurkenna að ég græt það ekki mikið ef USA ráðast á Talebanana. Aftur á móti finnst mér ekki rétt hvernig þeir eru að fara að þessum málum.

NATO er varnarbandalag og á ekki að ráðast á að fyrra bragði. Því miður hafa bandaríkjamenn náð að misnota það svo mikið að sá tilgangur NATO er fyrir bý. Lagaklausan sem USA misnotaði í þetta skiptið er sú sem segir að ef ráðist sé á eitt ríki bandalagsins, jafngildi það árás á öll hin ríkin. Málið er bara einfaldlega það að þetta var ekki árás. Þessi lagaklausa átti aldrei að ná yfir hryðjuverk. Annars væri búið að kalla bandalagið margoft til vegna svipaðra mála. En nei, það skiptir ekki máli fyrr en það kemur eitthvað fyrir í Bandaríkjunum, því þau eru leiðtogar hins frjálsa heims! (Hóst hóst)

Hvernig Talebanar fara með konur kemur okkur bara alls ekkert við. Það eru þeirra innanríkismál sem þeir hafa fullan rétt á að hafa í friði fyrir áreiti annarra þjóða. Þetta er þeirra trúkerfi og þeirra þjóðfélag. Við höfum ekkert leyfi til að neyða þá til að breyta því.

Mér er persónulega slétt sama þó Talebanar séu sprengdir beint til helvítis, en ég vil ekki láta neyða mig til að taka þátt í því. Ég vorkenni fólkinu sem dó í hryðjuverkunum en USA sem stofnun vorkenni ég ekki neitt. Þeir hafa kallað þetta yfir sig með endalausum afskiptum af innanríkismálum annarra þjóða og öðru sem þeim kemur í raun ekkert við.

kv.

Fyrra álit

Eldar fyrir 22 árum, 7 mánuðum

Góð grein Sivar!

1. Telebanar eru auðvitað viðbjóður!! Gott dæmi um hræsni Bandaríkjamanna er hins vegar sú staðreynd að þeir hafa stutt þessa kúgara í mörg ár…sendu síðast í ár peningagreiðslur til þeirra. Aðeins 3 ríki í heiminum viðurkenna stjórn Telebana; einræðisstjórnirnar í Saudi Arabíu, Sameinuðu Arabísku Furstadæmunum og í Pakistan. Það vill svo “skemmtilega” til að einræðisherrarnir eru allir bandamenn Bandaríkjamanna.

2. Ef einhver heldur að árásir Bandaríkjamanna á Afgani verði Afgönum til góðs þá ætti sá hinn sami að kynna sér viðhorf þeirra hreyfinga sem berjast gegn Telebönum í heimalandi sínu. Kíkið t.d. á www.rawa.org sem er heimaslóð andspyrnuhreyfingu kvenna í Aganistan (liðsmenn hennar voru áberandi í góðum sjónvarpsþætti um Telebanana sem sýnd var á RÚV um daginn). Árásirnar munu aðeins efla og styrkja Telebana. Hins vegar er ég hlynntur því að Andspyrnuhreyfingarnar gegn Telebönum verði studdar en til þessa hafa Íranir (miklir fjendur Bandaríkjamanna) og Rússar staðið einir í því.

3. Ef USA ætlar af góðmennsku sinni að steypa Telebönunum verða þeir líka að hætta stuðningi sínum einræðisklíkunna í Saudi-Arabíu, en þar í landi eru konur kúgaðar á svakalegan hátt, að hætti Telebana.

4. Svo mættu Bandaríkjamenn hætta stuðningi sínum við hryðjuverkamenn sem þeir telja bandamenn sína. Þeir ættu að sjá sóma sinn í því að reyna koma í veg fyrir hryðjuverk á Kúbu, í Palestínu og fleiri löndum og auðvitað hætta ólögmætum loftárásum sínum á Írak.

5. Telebanir hafa sent Bandaríkjamönnum a.m.k. 3 föx þar sem þeir segjast munu framselja Osama Bin Laden…en þeir vilja fá upplýsingar um að eitthvað tengi Laden við voðaverkin. Bandaríkjamenn hafa til þessa ekki svarað þessu og ekki heldur komið með nein gögn sem tengir Bin Laden við hryðjuverkin. Þess í stað koma þeir með hrokafullar yfirlýsingar um stríð! Ég er ekki tilbúinn að skrifa undir það að sambandslausi fjallabúinn Bin Laden, frekar en nokkur annar, hafi staðið á bak við þetta fyrr en komið verði fram með gögn sem benda til þess.

6. Hryðjuverkin í Bandaríkjunum er einn hryllilegasti atburður aldarinnar. Árásir á saklausa borgara eru aldrei réttlætanlegar. Vonandi getum við komið í veg fyrir fleiri árásir á óbreytta borgara og hryðjuverk allstaðar í heiminum í kjölfar þeirra. Árásir á fátækt fólk í Afganistan bætir hins vegar ekki fyrir hryðjuverkin í USA! Auga fyrir auga gerir fólk hins vegar blint!!

Fyrra álit

DeTox fyrir 22 árum, 7 mánuðum

Halló. Ég ætla að gera tilraun til að svara ykkur öllum því að ég er ykkur flestum ósammála:

Þegar Sovíetmenn voru í Afganistan þá voru CIA að dæla Peningum og Vopnum til Afganistan. Á ákveðnum tímapunkti í baráttunni kom fram önnur stór tekjulind og byggingarafl - Osama Bin Ladin. Hann og CIA stóðu að því að byggja eitt stærsta herbyrgi í Afganistan sem er einnig vopnageymsla og sjúkrahús.

Allt til þess að hefna ófaranna í Víetnam og gera Sovíetmönnum erfiðara fyrir.

Þannig að BNA hafa víst hjálpað Afganistan í gegn um tíðinna - en það var af hagsmunaástæðum. Nú þurfa þeir að súpa seyðið af þeirri aðstoð, því að enn eiga Afganir vopn og eldflaugar sem komu frá BNA.

Talibanar eru hópur öfga-islamstrúarmanna sem er kennd við Wahhabisma. Wahhabismi er u.þ.b. 300 ára púritönsk mótmælandastefna Islamstrúar sem hvetur í kenningum sínum kynþáttarfordóma. Konur hafa engin réttindi, mega ekki læra eða einusinni lesa bækur. Kynlíf utan hjónabands er dauðasök hjá konum. Þetta er aðeins brotabrot..

Þau ódæðisverk sem Talibanar hafa framið þarna eru óteljandi. Hermenn (ef hermenn skyldi kalla) þeirra nauðga konum og börnum án þess að hugsa sig tvisvar um. Þeir hafa myrt, rænt og nauðgað afgönskum borgurum, brotið þau mannréttingi sem við teljum vera sjálfsögð. Það er ekki hægt að líta endalaust framhjá þessu.

Osama Bin Laden er hetja í augum Talibana og annarra Wahhabista. Helsta ástæðan fyrir andúð hans á BNA er stefna þeirra að vera friðarafl í heiminum með veru í öðrum löndum, þ.á.m. Saudi Arabíu. Það er ekki séns á að Talibanar framselji hann og því þarf að sækja hann því að hann má ekki hafa frelsi til að fremja svona verknað aftur.

Allar tilraunir Talibana til að sannfæra menn um að þeir vilji sannanir um sekt Bin Ladins eru bara rugl! Það er þegar búið að sanna upp á hann a.m.k. tvær fyrri árásir, m.a. sjálfsmorðsárás á Bandarískt herskip, sem ætti að vera nóg til að fá hann framseldann. Ég segji það aftur að hann má ekki vera frjáls. Hvað gerir hann ef hann kemst í efnavopn? Hann er þegar búinn að reyna að kaupa Uranium á svörtum markaði en það tókst að koma í veg fyrir það..

BNA ætla ekki að sprengja Afganistan. Þeir segja það sjálfir að það virkar ekkert. Þeir eru ekkert að ráðast á hervirki eða vopnaverksmiðjur og þeir vita það alveg.

Nató er ekki að ráðast á neinn af fyrra bragði. Nató er að fara eftir 5 grein laga Nató sem segir að verði ráðist á eitt aðildarríki þá telst það árás á þau öll. Árás að þessu tagi er ein helsta ástæða þess að Nató var stofnað til að byrja með!!!

Það er ekki hægt að sitja hjá í öllum málum þó að þetta sé ekki eitthvað sem kemur manni beint við. Íslendingar hafa samt alltaf verið góðir í að gera ekki neitt nema að rífa kjaft og sitja aðgerðarlausir.

Ekki gleyma einu! BNA hafa oft þurft að koma á friði fyrir hönd Nató eftir að aðrar þjóðir hafa lofað aðstoð en ekki getað staðið við það! Þetta segja Bretar t.d. að hafi gerst í Kosovo og Júgóslavíu. BNA sögðu að þetta væri Evrópuvandamál og því ætti Evrópulönd að bregðast við. Þau gerðu það ekki og þá sögðu BNA “Jæja þá, við skulum koma..” Hafið þessa hluti í huga, þetta er eki bara BNA heldur Nató sem stendur fyrir þessu þó svo að her BNA endi svo í skítnum.

-DeTox

Fyrra álit

Froztwolf fyrir 22 árum, 7 mánuðum

Detox: Þetta eru ekki þínar skoðanir, heldur áróðurinn sem USA er búinn að vera að dæla í okkur, nánast orðréttur. Þú verður að læra að þeir segja ekki alltaf sannleikann eins og hann er heldur eins og þeim finnst hann vera. (Eða finnst hann eiga að vera.)
USA eru ekki úti í heimi til að verja frið, heldur til að verja eigin hagsmuni. Það eru milljón deilur út um allt sem USA skiptir sér aldrei af. Og af hverju? Af því að þeir græða ekkert á því. Fólk verður að fara að átta sig á því að USA er ekki einhver hugsjónaþjóð, heldur kapitalismi í sinni hreinustu mynd. (Ekki það að ég hafi neitt á móti kapítalisma)

kv.

Fyrra álit

Froztwolf fyrir 22 árum, 7 mánuðum

Sammála Eldari.

kv.

Fyrra álit

DeTox fyrir 22 árum, 7 mánuðum

Kæri Froztwolf,

Það er rétt. Þetta eru ekki mínar skoðanir.

Þetta eru staðreyndir um Wahhabisma og tengsl Talibana og Bin Laden við þá trú.

Staðreyndir um þátttöku CIA í stríðinu milli Rússa og Afganista. Þar sem þeir - eins og ég skrifaði - voru að styrkja Afgani til að grafa undan Sovíetmönnum, vegna eigin hagsmuna og í hefndarskyni. Lestu aftur, það stendur þarna.

Staðreyndir um að CIA voru ekkert smá ánægðir þegar Bin Laden fór að dæla peningum í vopn og virkjanir í þessu sama stríði.

Síðan staðreyndin um að það voru menn Bin Ladins sem stóðu fyrir árásinni á herskipinu. Þetta er víst sannað enda og á hann að vera búinn að semja um það ljóð og er að dreifa því á áróðurs-geisladisk.

Veit ekki hvaða áróður þú ert að tala um, líklega þar sem ég tala um þátttöku hers BNA í friðargæslusveitum NATÓ. Það var utanríksráðherra Breta sem kom fram í viðtali á Sky News í s.l. viku og sagði þetta. Ég horfði á þetta sjálfur.

Þessar upplýsingar eru m.a. fengnar frá Breska tímaritinu Spectator en einnig Newsweek sem reyndar er Bandarískt blað.

Auðvitað spila hagsmunir mikið inn í þetta en ekki gleyma því Froztwolf að Hagsmunir BNA eru oftar en ekki samtvinnaðir okkar hagsmunum, sem og hagsmunum annarra vestrænna ríkja.

-DeTox

Fyrra álit

Froztwolf fyrir 22 árum, 7 mánuðum

Detox: Ef þú ert að reyna að setja fram staðreyndir, ekki blanda því við ályktanir og skoðanir. Þá eru þetta ekki staðreyndir lengur.

Ég veit að Talibanar eru engin góðmenni en það sem ég er að reyna að segja er að á meðan þeir eru ekki að angra önnur lönd, sem biðja okkur um hjálp, kemur það okkur ekkert við. Við eigum ekki að skipta okkur af þeirra innanríkismálum. Þeir eru ekkert hrifnari af kristni en við erum af þeirra trúarbrögðum, en ekki viljum við að þeir skipti sér af því að við lifum í þjóðfélagi sem hefur mótast af henni. Það kemur þeim ekkert við.

kv.

Fyrra álit

DeTox fyrir 22 árum, 7 mánuðum

Mín mistök með að segja að CIA hafi verið ánægðir með Bin Laden á sínum tíma sé staðreynd. Klaufalega orðað hjá mér…

-DeTox

Fyrra álit

Tax fyrir 22 árum, 7 mánuðum

Frostwolf:
Nú ertu greinilega komin út í einhverja vitleysu. Telur þú það vera rök að hlutir séu innanríkismál, þegar verið er að brjóta mannréttindi á mjög grófan hátt. Heldur þú virkilega að þetta fólk myndi ekki biðja um hjálp ef það gæti ?? Og hvar ætlar þú þá að draga mörkin ? Snýst þetta bara um ríki eða ætlar þú líka að kalla það innanríkismál ef brjálaður trúarofstækismaður tekur yfir Vestmanneyjar ? Ef fólkið væri allt sömu trúar og Talibanar myndi þetta kannski líta öðruvísi út en svo er bara ekki.

Tax

Fyrra álit

Eldar fyrir 22 árum, 7 mánuðum

De Tox. Þú miskilur friðar hlutverk USA hrapalega. Ef þú veist það ekki nú þegar skal ég benda þér á það að Bandaríkjamenn styðja apartheit ríkið Ísrael. Þeir styðja líka öfgasinnuðu múslismku einræðistjórnina í Saudi-Arabíu sem fer á svipaðan hátt mað konur og Telebanar, hryðjuverk gegn Kúbu, hernám Marokkó í Vestur-Sahara og hafa komið einræðisherrum á borð við Pinochet til valda (gerðu það einmitt 11. september 1973).

Fyrra álit

Kristbjorn fyrir 22 árum, 7 mánuðum

Sælir

Hlutverk utanríkisstefnu Bandaríkjanna er það sama og það hefur verið alla tuttugustu öldina, þ.e. tryggja hagsmuni bandarískra stórfyrirtækja. Hagsmunir íbúa landanna sem í hlut eiga eru algert aukaatriði. Hugtakið bananalýðveldi er einmitt dregið af því hvernig United Fruit Company valtaði yfir ríkisstjórnir Mið-Ameríku.

Stuttur listi yfir góðkunningja Sáms frænda er á:
http://www.thirdworldtraveler.com/US_ThirdWorld/dictators.html

Kristbjörn

Fyrra álit

Froztwolf fyrir 22 árum, 7 mánuðum

Tax: Eigum við þá að fara og vasast á málunum allstaðar þar sem okkur sýnist verið vera að brjóta mannréttindi? Hver ákveður hvað mannréttindi eru? Nú USA eins og allt annað. Þeir hafa UN í vasanum alveg eins og NATO.
Talebanar hafa alveg sama rétt á að lifa eftir þeirra trú og við. Ef allt fólk væri kristið myndi þetta kannski líta svolítið öðruvísi út en svo er bara ekki.
Ég er ekki að segja að ég sé sammála Talebönum, ég get bara sætt mig við að þeir hafi aðrar skoðanir um lífið og alheiminn.

Og enga vitleysu. Ef einhver ræðst inn í Vestmannaeyjar eru það að sjálfsögðu OKKAR innanríkismál (Nema Vestmannaeyjar lýsi yfir sjálfstæði) og því myndum við hafa fullan rétt til að gera eitthvað í því.

kv.

Fyrra álit

Tax fyrir 22 árum, 7 mánuðum

Frostwolf:
1. Mannréttindastofnum Sameinuðu Þjóðanna ákveður hvað teljast mannréttindi og hvað ekki. Ekki USA.

2. Já við EIGUM einmitt að fara að vasast í málum annarstaðar. Ef einhver sértrúarflokkur tæki sig nú til og tæki völdin á Íslandi og færi að drepa og pína alla íslendinga, myndir þú ekki vilja fá hjálp ?? Þú talar alltaf eins og fórnarlömbin í Afghanistan hafi kosið sér Talibani fyrir stjórn.

3. Já Talibanir hafa alveg sama rétt til að lifa eftir sinni trú eins og kristnir. Með því GRUNDVALLARLÖGMÁLI að ganga ekki á rétt annara. Með þínum rökum mætti ég, ef það væru mín trúarbrögð, láta höggva puttana af konum með naglalakk. Jú það væri nú bara mín trú. Þú sérð það alveg sjálfur að þetta er argasta bull. Viðkomandi kona ræður hvað hún gerir og ég ræð hvað ég geri svo lengi sem við sköðum ekki hvort annað eða annað fólk.

4. En Færeyjar ?? Ef einhver brjálæðingur tæki nú yfir Færeyjar. Eigum við þá bara ekkert að skipta okkur af ?? ,,Þetta er nú þeirra innanríkismál" Hvar ætlar þú að draga mörkin ? Eru það öll önnur lönd sem við eigum ekki að skipta okkur að, eða bara lönd sem eru langt í burtu ?

Það er nú bara gott að Bandaríkjamenn og Bretar hugsuðu ekki eins og þú í seinni heimstyrjöldinni.
Ég hef bara aldrei á ævinni rökrætt við neinn sem er eins mikill einangrunarsinni og þú Frostwolf.

Tax

Fyrra álit

DeTox fyrir 22 árum, 7 mánuðum

Eldar:

Ég er ekkert að misskilja eitt né neitt. Ég var einfaldlega að vitna í orð utanríkisráðherra Bretlands.

Þú hefur greinilega ekki lesið greinina mína almennilega..

Fyrra álit

Froztwolf fyrir 22 árum, 7 mánuðum

Tax:

1. Það vita það allir sem ganga ekki með bundið fyrir augun að USA ræður öllu sem þeir vilja ráða hjá UN.

2. Jú ég myndi vilja fá hjálp. En ekki frá hverjum sem er. Þetta er mjög trúrækið fólk og það vill ekki endilega hjálp frá okkur “Vestrænu guðleysingjunum”.
Þau lönd sem USA hefur “hjálpað hafa líka oft komið verr út eftirá.

3. Ef konan væri af sömu trú og vissi og sætti sig við að hún gæti átt á hættu að láta höggva af sér puttana fyrir þetta myndi ég ekki skipta mér af því svo lengi að það bryti ekki á bága við landslög. Það eru ýmsir svona hlutir þarna sem eru mjög alvarleg brot á þeirra trúarlögmálum. En það er ekki hægt að ætlast til að við guðleysingjarnir skiljum svoleiðis.

4. Færeyjar eru undir eign Danmerkur og eru þar af leiðandi í NATO er það ekki? Þá værum við skuldbundin til að hjálpa þeim.

Ég vil líka taka það fram að ég er alls ekki einangrunarsinni. Ég er mjög fylgjandi alþjóðlegu samstarfi og hef t.d. verið frekar aktívur í því að taka málstað ESB hér á Huga. Ég vil sjá sameinaða Evrópu. Það sem ég vil ekki er að ríki eins USA geti hleypið um allt og haft áhrif á innanríkismál þeirra sem þeim dettur í hug.

Auðvitað eru þetta hryllilegir hlutir sem eru að gerast í Afghanistan, en væri ekki rétt að reyna að hjálpa Afghönum að setja upp sterka og sanngjarna ríkistjórn (eftir áliti Afghana) og hjálpa þeim að byggja upp landið í staðinn fyrir að brjóta það niður af því að þeir séu allir ”ómennskar ófreskjur"

kv.

Fyrra álit

DeTox fyrir 22 árum, 7 mánuðum

Froztwolf:

1. Mig langar til þess að fá rökstuðninginn sem stendur að baki staðhæfingu þinni um áhrif BNA í SÞ. Þú sem ert greinilega svona mikill talsmaður röksemdarfærslu ættir ekki að fullyrða svona án þess að færa fyrir því rök.

2. Þetta fólk hefur ekki getað kallað á hjálp. Wahhabistar eru aðskilnaðarsinnar og eru á móti veru hermann Nató á þeirra landi. Flest Islamstrúað fólk er ekki aðskilnaðarsinnað og sést það best á þeirri gífurlegu útbreiðslu sem þessi trú hefur náð. Auk þess er asnalegt að segja að fólkið þarna vilji ekki þiggja hjálp frá hverjum sem er. Hvernig ætlar þú að skýra strauminn af flóttamönnum sem reynir að komast til annarra landa, alveg sama hvaða landa?

3. Þú veist að það eru ekki allir Afganir Wahhabistar er það ekki? Ef ekki, þá er það tilfellið. Ef þú vissir það fyrir, hvernig getur þú þá haldið þessu fram sem kemur fram í punkti nr. 3 hér að ofan. Talibanar eru ekki að taka neitt tillit til trúarbragða annarra þarna. Þeir refsa jafnt þeim sem eru Wahhabistar og þeim sem eru það ekki. Þessi staðhæfing þín fellur um sjálfa sig. Greinilega finnst þér þetta ekki í lagi ef marka má rökin þín.

4. Er það þá rétt skilið hjá mér að aðeins ríki sem eiga aðilld að Nató og SÞ eigi skilið að fá aðstoð ef þau þurfa á henni að halda?

Fyrra álit

Froztwolf fyrir 22 árum, 7 mánuðum

1. Eitt dæmi er það að þeir hafa ekki borgað sín gjöld til UN á fleiri fleiri ár, ef ekki frá upphafi, án nokkurra refsiaðgerða. Gætirðu ýmindað þér ef Ísland reyndi að komast upp með eitthvað álíka?
Ekki segja mér að þú trúir ekki að USA hafi UN vasanum, maður þarf ekki að vera neinn stjórnmálafræðingur til að sjá það.

2. Auðvitað eru Wahhabistar á móti veru hermanna Nató á þeirra landi. Vildir þú hafa her frá frekar óvinveittum þjóðum sem álíta þig barabara og villimenn á þínu landi? Og ef það er svona stöðugur straumur af flóttamönnum út úr landinu (Sem ég er ekki að rengja) hvers vegna segirðu þá að þetta fólk geti ekki beðið um hjálp? Getur flóttafólkið ekki beðið um formlega aðstoð fyrir hönd þeirra landa sinna sem sluppu ekki?
Ég er ekki að segja að það sé algilt en að er staðreynd að í gegnum tíðina hafa múslimar oftast ekki verið yfiránægðir með þá hjálp sem þeir fá frá vestrænum ríkjum.

3. Ég veit að ekki aðhyllast allir Afghanir sömu trú, en það breytir því ekki að fólk veit vel hvað það má gera og hvað kallar á refsingar. (jafnvel þær sem okkur finnast skuggalega harðar)
Til hvers að naglalakka sig ef þú átt á hættu að missa fingurna fyrir það? Auðvitað er þetta fáránleg kúgun en hún á sér stað víðar en bara Afghanistan.

4. Ef ríki sem við erum ekki samningsbundin til að vernda og biðja ekki um okkar hjálp, þá ber okkur heldur engin skylda til að vernda þau. Hertaka á sér ekki stað á klukkutíma. Ríkin hafa meira en nógan tíma til að biðja sér aðstoðar.
Þau ríki sem hafa notið óumbeðinnar verndar eru nær undantekningalaust þau ríki sem verndaraðilinn græðir á að hafa í óbreyttu ástandi. Það hefur verið mikið af stríðum og styrjöldum sem enginn hefur skipt sér af vegna þess að þeir hafa ekkert grætt á því. Þessar “frelsanir” USA hafa nánast alltaf verið í gróðahyggju frekar en af hugsjónum. Um hvað heldurðu að Persaflóastríðið hafi verið?

Annað sem mig langar að vita. Hvernig hjálpar það kúguðum lýðnum í Afghanistan að USA, NATO og allir stórukallar í heiminum komi og sprengi það í loft upp? Eðaráðist inn í það með landgönguliði? Það er varla að það sé neitt þarna til að sprengja nema óbreyttir borgarar. Þeir eru þeir einu sem hefðu ekki skjól fyrir sprengjuregninu. Öll merkileg mannvirki voru sprengd þegar Rússar reyndu að ráðast inn.
Eftir það var öllum sama hvað gerðist í Afghanistan þangað til allt í einu nú, þegar þeir meiða USA. Þá eru Telebanar djöflar í mannsmynd sem ríður á að eyða.

kv.

Fyrra álit

[Notanda eytt] fyrir 22 árum, 7 mánuðum

Vel mælt Eldar!

Ég er ekki 100% sammála þér, en þú mælir af krafti!

Fyrra álit

Harry fyrir 22 árum, 7 mánuðum

Er ekki í miklu skrifstuði þannig að ég segi bara Víst Er Það Okkar Mál! Óska eftir innleggi konu bitte.

Fyrra álit

[Notanda eytt] fyrir 22 árum, 7 mánuðum

Sovietríkin gátu ekki unnið Afgana sama og BNA gat ekki unnið Víetnam. Sjálfur er ég ánægður að nú hafa mörkin gegn hryðjuverkum verið dregin.

Fyrra álit

zorglubb fyrir 22 árum, 7 mánuðum

Var það ekki Dulles varnarmálaráðherra í ríkisstjórn Trumans sem sagði “he´s a son of bitch, but he´s our son of bitch”
Bandaríkjamenn styðja hvern sem er ef það þjónar þeirra hagsmunum, sagan styður það.

—–

Fyrra álit

Buddy fyrir 22 árum, 7 mánuðum

Góð grein Sivar.

Mér fannst flest allir sem svöruðu þér hafa misst af efni hennar. Þetta er rétt að núna fyllast allir heilagri reiði yfir því að það sé verið að berja á könunum en þegar Rússarnir verða fyrir barsmíðum er öllum sama. Ég var einn af fáum sem vörðu Rússana þegar þeir fóru inn í Tsjeteníu enda hef ég aldrei heyrt neitt nema illt um þennan þjóðflokk, bæði frá Rússum og Íslendingum sem þekkja til.

Það er líka rétt að kanarnir eru að ganga langt í hræsninni í þessu WTC máli.

1 Þeir geta ekki sannað neitt á OBL en eru samt tilbúnir að taka hann af lífi án dóms og laga. Eina sem að OBL hefur játað á sig er þátttaka í hernaði á móti US í Sómalíu þar sem hann rasskellti US Rangers (sérsveit bandaríska landhersins).

2 Þeir vældu hvað mest þegar Rússar réðust inn í Tjeteníu en eru núna tilbúnir að ganga mun lengra í að berja á þjóð sem á nógu bágt fyrir.

3 Núna allt í einu þurfa þeir að leita til Pakistana sem þeir hafa haft viðskiptabann á í 2 ár að verða.

4 Peru hefur sótt um að fá stríðsglæpamanninn Henry Kissinger (fyrrv. Utanríkisráðherra) framseldann til Perú fyrir glæpi gegn mannkyninu en fengið neitun.

5 Menn sem stóðu í fjöldamorðum á óbreyttum (t.d Me Lai) borgurum í Víetnam fengu yfirleitt um 2 vikna fangelsi í BNA. Einn þeirra er þingmaður í neðri deildinni Bandarísku.

Hræsnin á sér engin takmörk.

Fyrra álit

Deiglan

Deiglan

Ofurhugar

Hverjir eru inni

Greinar

Að sjá ekki bjálkan í sínu eigin auga

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi