Bullandi tap er á rekstri FLugleiða,,, það fælir bókað frá. Svo til dæmis þetta sem þú bendir með aðra áhöfn. Þetta er eitthvað samræmi við hvíldarákvæði. Þau eru nefnilega, öryggis vegna heldur þrengri en gengur og gerist. T.d. ef ég man rétt, ef áhöfn flygur til Boston, þá má hún ekki fljúga dagin eftir. Heldur næsta dag. Þar af leiðandi eru alltaf 2crew í boston. En annars lítið hægt að gera við þessu. Þetta eru hálfgerðir Einokunar tilburðir en líka að miklu leyti vegna þess að félögin eru “neydd” til þess vegna ýmisa ákvæða. En þetta með að íslendingar niðurgreiði flugför annara, þeas til Íslands er náttúrlega alger bull hjá Flugleiðum að gera það, Og það vita nú margir af

Ég er 100% sammála Mazoo. Sjálfur hef ég aldrei almennilega skilið hvað Íslendingar almennt virðast hafa á móti Flugleiðum. Margir virðast ekki skilja hversu harður bisness er í flugbransanum og það að að öllum líkindum er Ísland ekki á besta stað í heimi til að vera með höfuðstöðvar fyrirtækis í þessum geira. Það er t.d. að hingað þarf að fljúga með varahluti langar leiðir, vinnuaflið er tiltölulega dýrt og að farið er eftir ströngum reglum í sambandi við áhafnir svo fátt eitt sé nefnt.

Það að Flugleiðir séu í einokunnarstöðu. Spurðu sjálfann þig þessarar spurningar, af hverju fljúga fullt af flugfélögum hingað á sumrin en engin á veturnar?
Að Íslendingar séu að niðurgreiða flugför fyrir aðra, athugaðu að þar nýtast sætin betur í sambandi við tengiflugið auk þess sem það gerir ferðaiðnaðinum gott að fá hingað til lands fleiri útlendinga.
Og að lokum hvernig heldurðu að sætanýtingin væri ef ekki væri yfirbókað, auk þess sem ég sé ekki betur en fólk hlaupi til fyrir 100 dollara og ókeypis gistingu ef flugið er yfirbókað.

hae
eg by i Dublin og er ad fara i fri til frakklands/Italiu flug fyrir mig og kaerustuna med Ryan Air kostar IR£ 100 (x2) og bill i frakklandi i 2 vikur kostar IR£ 210
sidasta haust fann eg pakkaferd fra Dublin til Algarve Portugal i viku, flug og gisting
IR£ 110 (x2) thad sumarfri kostadi okkur IR£220!!!
25.000 Kr. !!!! geri einhver betur!!!
eg aetla aldrei ad koma heim aftur! jahh ju kanksi naestu jol :)

Takk Takk.

Malki.

Flugleiðir er ekki einokunarfélag í þeim skilningi að önnur félög hafa fullan rétt á að fjúga héðan hafi þau áhuga á því. Hins vegar er varla hægt að neita því að Flugleiðir sýna ansi mikla einokunartakta á þeim leiðum sem þeir eru næstum einráðir á og það er ótrúlegt að við skulum sætta okkur við það, en við virðumst gera það samt. Í sambandi við verð og sætanýtingu í Ameríkuflugi þá skil ég ekki þá landafræði eða fjarlægðaskyn sem Flugleiðir fara eftir. Fyrir nokkrum árum keypti ég 2-fyrir-1 miða til New York og kostaði hann um 54 þús. (ca. 27 þús. fyrir sætið á þessu tilboði). Vinur minn sem býr í New York kom svo um 4 mánuðum seinna til Íslands og borgaði um 23 þús. fyrir venjulegt fargjald (4 þús. kr. ódýrara en tilboðið mitt og um 30 þús. kr. ódýrara en fullt fargjald!). Það virðist því samkvæmt þessu vera dýrara (og lengra þess vegna) að fljúga Keflavík-NY-Keflavík en NY-Keflavík-NY. Það er ekki hægt að afsaka þennan mun með sætanýtingu því hann var að fara nákvæmlega sömu leið og ég og ætti því að borga nákvæmlega sama fargjald og ég, annað er ekki sanngjarnt. Ég er ekki tilbúin að vera að borga undir hamborgararassinn á Ameríkönum þó að öll ferðaþjónusta landsins sé að veði.

Þó að þjónustan hjá Flugleiðum sé vissulega mjög góð þá skiptir hún mig persónulega ekki miklu máli (sérstaklega ekki á styttri leiðum). Ég vil frekar getað fengið ódýr fargjöld og sætti mig þá við takmarkaða þjónustu. Ég er ekki að fljúga til þess að horfa á videó, borða gourmet mat eða versla í Saga Boutique, ég þarf ekki á því að halda.

Og í sambandi við verð og samkeppni þá hafa talsmenn Flugleiða stært sig af því í viðtölum (þegar þeir hafa setið undir ásökunum um okurfluggjöld og annað) að þeir hafi lækkað verð til borga eins og London og Köben. Það eru einmitt þær flugleiðir sem hvað mest samkeppni er um og því ekki skrýtið að Flugleiðir hafi séð sig knúna til að lækka verð á þessum leiðum. Talsmennirnir minnast ekkert á hinar leiðirnar sem Flugleiðamenn sitja einir að.

Það er gott að búa á Íslandi en maður þarf að komast í burtu öðru hverju, a.m.k. er það lífsnauðsynlegt fyrir mig. Ég hef hins vegar ekki efni á því þegar flugfargjöld eru eins há og raun ber vitni (þau voru líka há áður en krónan krassaði og eldsneytisverð hækkaði). Mér finnst stundum eins og ég sé í gíslingu hérna á Fróni því mig langar að komast burt en ég get það ekki vegna verðs á flugfargjöldum.

Vinkona mín sem býr í Danmörku hætti við að koma heim um seinustu jól því flugið var svo dýrt. Fyrir andvirði flugsins hingað heim frá Köben hefði hún getað keypt ferð til Portúgal í 3 vikur með hóteli og morgunmat (hjá dönsku flugfélagi). Það er eitthvað að þessari mynd.

Ég skil nú ekkert í hluthöfum Flugleiða að sætta sig við þennan rekstur.Þetta flugfélag getur gert það gott, skilað hagnaði og hvaðeina en forsenda þess er að reka núverandi forstjóra og hans nánasta samstarfslið. HR Sigurður Helgason er einfaldlega úr sér genginn og kann í raun og veru ekkert að reka fyrirtæki. Þetta liggur í augum uppi að flugfélag sem er eina áætlunarflugfélag landsins á að geta skilað hagnaði. Við sjáum þetta gerast allstaðar í kringum okkur að ef fyrirtæki skila ekki hagnaði eru yfirmennirnir reknir og nýir koma í staðinn, nýir menn með ferskar hugsjónir. Svo held ég að flugleiðir ættu að hætta að koma með afsakarnir í sjonvarpið fyrir lélegri afkomu og þusa eitthvað u of hátt olíuverð og óhagstætt gengi , er ekki gengið óhagstætt fyrir alla? Hvernig getur Íslandsflug verið rekið með arfsemi en Flugleiðir ekki? Að lokum segi ég að ef ekki verður hreinsað til á næstu mánuðum þá er eins gott að leggja spilin bara á borðið!