Þessi göng eiga vonandi eftir að hleypa nýju lífi í svæðið kringum Siglufjörð, það er þekkt staðreynd að landsbyggðin er að veikjast. Það þarf að sporna gegn þeirri þróun með t.d. framkvæmdum af þessu tagi.
Spyrjið ykkur nú hvort er mikilvægara að fólk á höfuðborgarsvæðinu komist hraðar á milli, eða að byggðir á landsbyggðinni styrkist.

Og einnig hefur bent á að um 10 sinnum fleiri bílar fari um Hvalfjarðargöngin,

Bara 10 sinnum fleiri?

Það á alltaf eftir að fara til anskotans!
Siglfirðingar og Ólafsfirðingar á köflum eru ekkert bestu vinir í heimi…

Ég horfði á Brennidepil í sjónvarpinu núna áðan, og þar var verið að fjalla um ástandið á vegakerfinu eftir að sjóflutningar lögðust af.

Það eru allir sammála um að gera þurfi stórfelldar lagfæringar og breytingar á gatnakerfinu á Íslandi, samt hafa stjórnvöld ekkert pælt í þessu.

Hvernig væri að nota þessa 7 milljarða í að styrkja þjóðveginn á milli Reykjavíkur og Akureyrar? T.d. væri hægt að stefna á að tvöfalda hann, og stytta!

Nær væri að styrkja ákveðna punkta á landsbyggðinni, s.s. Akureyri, Selfoss, og einhverja á Austfjörðum og Vestfjörðum, frekar en að reyna halda uppi smábæ með dýrum og óhagstæðum framkvæmdum.

Já, 10-20 milljónir per fjölskylda. Nærtækast væri að leggja niður Siglufjörð og flytja allt þetta fólk í nýtt sveitarfélag, þar sem meira af atvinnutækifærum eru, og nægt landrými. Þar með mætti byggja upp öfluga kjarna á landsbyggðinni, og þar með styrkja í heild allt landsbyggðarsvæðið.

Ef til væri öflugt kjarnasvæði á landsbyggðinni, mætti vel flytja opinbera þjónustu þangað, þar með væri þörfin á að ferðast til höfuðborgarinnar farin, og við getum loksins flutt þennan flugvöll eitthvert annað.

Ég ætti að stjórna þessu landi!

Já þetta er ansi vafasöm framkvæmd og var nú búinn að vona að það yrði hætt við þetta..enda er þetta rándýrt kjördæmapot sem var lofað fyrir seinustu kosningar. Dýr voru þau atkvæði :/
Þessi göng eru síðan ekki á nokkurn hátt hagkvæm,
7 milljarðar fyrir 1600 manns er allt alltof mikið til að þessi sparnaður sem á að fást nái að vega hann upp.

Plís! Bjargið okkur !! Við viljum öll búa á höfuðborgarsvæðinu!!! Landsbyggðin sucks! við viljum öll þurfa að vakna kl 6 á morgnana, henda krökkunum í skólann, fara í bullandi trafík frá heimili til vinnu, eiga það á hættu að missa vinnuna vegna þess að tæjari kemur og segir að hann vilji vinna fyrir minna, skíta á landsbyggðina og vilja flytja allan þennan skara í Breiðholtið. Fiskveiðar eru megin auðlind þjóðarinnar og kemur klárlega ekki nema kannski 10% frá Reykjavík og nágrenni. Ég er ekki að segja að við eigum að hafa líf í öllum krummaskurðum landsins en stundum finnst mér að Reykvíkingar haldi að þeir búi í einhverri milljónaborg, en hún er reyndar bara örlítið stærri krummavík í þessu hörmulega asnalega landi. Verði bættar samgöngur annarstaðar en í Reykjvarvík verður þá að gera veður útaf því? Talið við Sturla Böðvars og hann getur fundið lausn á því að hjálpa ykkur! Nóg er af milljörðunum í þessu landi, kannski getum við styrkt Bandaríkinn í stríðsrekstrinum?

Sonur borgarbarna sem býr á landsbyggðinni

nákvmælega!

Þú hefur greinilega ekki hugmynd um hvernig er að búa í svona bæjum þannig ég held að þú ættir bara að sleppa því að tjá þig um að það sé svona mikið betra að gera einhvern veg í Reykjavík svo eithvað fólk geti verið fljótar í vinnuna…

Reykjavík er ekki Ísland… nokkkrir höfuðborgarbúar sem þurfa að átta sig á því og róa sig á þröngsýninni.

Hvernig haldið þið að þetta sé í Færeyjum? Þar eru hvergi jafn mörg jarðgöng per íbúa. Í sumum bæjarfélögum búa bara 500 manns þar sem jarðgöng tengja þá bæi.
Hvað haldið þið að þeir í Þórshöfn geti sagt?
Þetta er bara ekkert annað en sjálfsagt mál að fá jarðgöng og allmenn mannréttindi að geta komist út úr svona krummaskuð.

Eitt verða höfuðborgarbúar líka að spá í. Flestir fara í ferðalög á sumrin, hitta vini og ættingja og fara í sín sumarhús hvar svo sem þau eru stödd á landsbyggðinni. Þið þurfið líka að keyra í gegnum hina ýmsu bæi og firði til að geta komist á leiðarenda.
Þannig að það er ekki hægt að segja að það sé bara eitt eða tvö sveitarfélög sem nota hinar ýmsu samgöguleiðir sem ríkið býr til fyrir okkur.
Og ekki má gleyma erlendum ferðamönnum sem staldra stutt við. Þeir vilja skoða mikið á stuttum tíma.

Ég væri líka til í að sjá jarðgöng í gegnum Víkurskarðið.

Því fleiri jarðgöng því betra :)

Þessi göng munu ekki bara einungis nýtast Siglfirðingum og Ólafsfirðingum, heldur mun hún gagnast vel fyrir Akureyri og alla austfirðina. Þessi göng stytta leiðina frá Siglufjarðar og til Akureyrar verulega, sem og til Egilsstaða sem hentar vel fyrir fótboltann þar sem liðin þurfa að keyra á milli bæja til að spila leikina.
Ég bjó á Siglufirði eða reyndar ég bý þar, ég er á heimavist á Akureyri og þessi göng þýða bara gott fyrir mig og fjöldan allan af Siglfirðingum sem eru í skóla á Akureyri.

Það er komið nóg af framkvæmdum bara á höfuðborgarsvæðinu… Þið Reykvíkingar hafið fengið allt of mikið til ykkar og það er kominn tími til að landsbyggin fái sitt….

Það er þvílíkur ASNASKAPUR að taka kostnaðinn við göngin og deila á íbúafjölda þarna. Með sömu aðferðarfræði gæti ég tekið t.d. öll gjöld við samgöngumannvirki í Grafarvog og deilt þeim á þá 20.000 sem búa þar. Þrátt fyrir að búa í Reykjavík þá á ég aldrei erindi þangað þ.a.l. varðar sá kostnaður mér ekkert. Þá yrðu Grafarvogsbúar baggar á okkur hina sem svo heppilega búum meira miðsvæðis.

Nú, eða taka allan kostnað við geðdeidlir spítalanna og væla yfir honum. Það eru ekki nema einhver prósent þjóðarinnar klikkuð. Og verður nokkuð úr þeim? Á ekki bara að láta þau drepast frekar en að setjast að í höfuðborginni og vera baggi á okkur?

Svona rökfærsla gengur ekki. Við búum í samfélagi sem hefur ákveðið að tryggja landsmönnum ákveðna þjónsutu. Þessi göng fylgja bara þeim pakka.

Svo spyr ég: ef þessi harða “höfuðborgarstefna” yrði fylgt eftir hvaða áhrif hefði það á Reykajvík? Getur höfuðborgarsvæðið tekið á móti 5-10þús manns án verulegs aukins kostnaðar - og það á ári í nokkur ár? Fasteignaverð upp (aukin eftirspurn), laun niður (aukið framboð launamanna), slæmar samgöngur verða verri…

Héðinsfjarðagöng kosta 20% af tekjum ríkisins frá þessum byggðarlögum samkvæmt sjónvarpsviðtali við bæjarstjórann. Restin af tekjunum fer svo líklega í að gera þitt líf þægilegra hér í borginni.

Þú heldur alltaf aftur og aftur að landsbyggðarfólk sé bara baggi á þínu lífi. Þetta fólk er að skapa peninga og þú hoppar alveg brjálaður yfir því í hvert sinn sem að peningar eru sett í eitthvað annað en þig.

Þetta eru ekki þínir peningar. Þú áttir ekki þátt í að skapa þá. En samt þá færð þú meirihlutann af þeim og vælir svo eins og kelling yfir því þegar þú færð ekki allt.

Er ekki kominn tími til að hætta þessum fordómum og væli?

Já það er svo góð lausn að flytja, íbúðarhús á höfuðborgarsvæðinu kostar bara 20-30 milljónir sem maður getur fengið fyrir 2-3 milljónir á landsbygðinni. Þó ótrúlegt virðist þá er ekki allt fólk svo heimskt að taka lán fyrir bílnum, húsinu og alles, það er sem betur fer bara fólk eins og þú.

Ég þoli ekki hvernig fólkið þarna í þessar leiðindar “borg” Reykjavík, getur dottið í hug að hugsa. Ég meina þið viljið alltaf ráða öllu sem við kemur landinu, viljið bara að allir flytji í borgina og búi þar. Það er t.d. hægt að nefna KÁRAHNJÚKA, hverjir vildu fá ða ráða öllu um þá? Nú Reykvíkingar - suprise, suprise! En núna þegar verið er að ræða flugvöllinn í RVK, þá megum við fólkið á landsbyggðinni ekkert koma nálægt því, vegna þess að við eigum ekki heima í RVK og þetta komi okkur ekkert við!
Hverjir nota flugvöllin í RVK?? Nú landsbyggðarfólkið… svo hverjir ættu að fá að ráða um það, auðvitað landsbyggðarfólkið. Þessi héðinsfjarðargöng, hverjir eiga eftir að nota þau? Norðurlandsbúar og þess vegna finnst mér að við Norðurlandabúar eigum að fá að ráða þessu. Ég myndi ferðast meira til Siglufjarðar ef þessi göng væru og þar væri þá strax búið að batna ástandið á milli bæjarfélaganna..

Já ég var nú að muna eftir einni staðreynd… Þormóður Rammi - Sæberg, útgerðafélagið hér á Ólafsfirði og Siglufirði, skilaði 1.5 milljörðum króna í hagnað á síðasta ári… Þannig er ekki alveg jafn sniðugt að skipta því niður á hvern haus á Siglufirði rétt eins og með kostnað á göngunum

Ég átti heima á Siglufirði og þeir eiga alveg skilið þessi göng þegar ég var þar var sagt að göngin myndui koma rétt bráðum ríkið er búið að vera fresta þessu og fresta og síðan er nóg að gera á Siglufirði og öðrum bæjum útá landi þótt að það sé ekki með bíó.

Reykjavík 22.03.2005

Það er mögulegt að ferðast á milli þó ekki væru gerð göng. T.d. að sprengja fjöllin á milli fjarðana og ýta þeim á milli fjarðanna og búa þannig til veg yfir fyrðina. Þetta er svona hugmynd hvernig einnig má gera leið á milli fjarða.
Katrin H.

Katrín H. aftur
það mætti sprenja fjöllin nægilega smátt svo að fljótlega væri að ýta efninu á milli fjarða. Þetta væri ódýrari aðverð en að búa til göng. Eða hvað finnst þér, um þetta mál?

Katrín H. aftur
Það mætti sprengja fjöllin það smátt, að auðvelt væri að ýta efinu á milli fjarða. Þetta gæti verið ódýrara en að búa til göng. Eða hvað finnst ykkur um þetta mál?

Jæja þar sem ofurmennið Bessib neitaði að samþykkja þetta sem grein þá set ég þetta bara hér….

Ástæðan fyrir því að ég skrifa þessa grein er sú að ég vil og ég verð að koma nokkru á hreint hvað varðar Héðinsfjarðargöngin og afhverju framkvæmdir á landsbyggðinni eru nauðsinlegar.
Ég er nú enginn greinasmíðir en ég ætla að láta þetta flakka engu að síður.

Nýlega sendi ákveðinn aðili, eða reyndar appel, til að vera með allt á hreinu, inn grein og fyrisögnin var “Héðinsfjarðargöng” og er sú grein drifkrafturinn á þessari grein hér.

Þessi göng munu einkum nýtast Siglfirðingum, og einnig Ólafsfirðingum þar sem þessi göng tengjast beint þessum bæjum.

Þetta skrifaði kæri appel í grein sinni sem sannar nú þröngsýni hans á einu smávægilegu atriði. Þessi göng munu ekki einkum nýtast Siglfirðingur og Ólafsfirðingum, þau munu nýtast fyrir Akureyringa sem og alla austfirðina. Siglufjörður, Ólafsfjörður, Akureyri og austfirðir eru mikið í fótboltanum og eru þessi lið oft að spila móti hvoru öðru, en til þess að geta spilað sína leiki þá þurfa liðin að keyra á milli bæja til að geta spilað, tökum sem dæmi að Siglufjörður (KS) á að spila við Egilsstaði og leikurinn fer fram á Egilsstaðarvelli, þá þarf KS að keyra til Egilsstaða sem er drjúg vegalengd til að geta spilað leikinn. Stytta nú þessi göng lengdina heilmikið eða ef ég á að giska um tíma þá held ég að tíminn styttist eitthvað um 1-2. tíma jafnvel 3. tíma sem er nú allverulegur tími.
Svo virkar þetta líka öfugt að vegalengdin styttist frá Egilsstöðum til Siglufjarðar, en ekki bara frá Egilsstöðum, heldur líka alla austfirðina. Svo eru það nú líka þeir sem eiga ættingja á austfirðum eru heilmikið fljótari að heimsækja ættingja sína og svo þeir sem eiga ættingja á Siglufirði.

Margir hafa velt þessu fyrir sér, t.d. hefur verið bent á að önnur brýnni og hagkvæmari verkefni væri hægt að fara í, t.d. Sundabrautin. Og einnig hefur bent á að um 10 sinnum fleiri bílar fari um Hvalfjarðargöngin, sem kostuðu rúmlega 4 milljarða, og að fólk þurfi að borga fyrir að fara í gegnum þau.

Þetta skrifaði kæri appel líka í grein sinni og vil ég benda á, eru aðrar framkvæmdir á höfuðborgarsvæðinu eitthvað brýnni en aðrar framkvæmdir á landsbyggðinni? (Héðinsfjarðargöngin)
Er mikilvægara að fólk á höfuðborgarsvæðinu sé korter skemur á leið í vinnuna en að fólkið á Siglufirði, Ólafsfirði, Akureyri og fólkið á austfirðum sé kringum 1-3. tímum skemur á leið sinni um alla þessa staði?
Ég ætla nú ekki að fara skjóta á Hvalfjarðargöngin þar sem hún er nú algjört “möst” fyrir þá sem keyra til höfuðborgarinnar, göngin stytta leiðina talsvert. Ég man hvernig þetta var áður en göngin komu, þá þurfti maður að keyra inn Hvalfjörðinn og út um hann til að komast til höfuðborgarinnar sem gat nú lengt ferðina um heila klukkustund.
Svo er rétt að skjóta inn í að þeir höfuðborgarbúar sem eiga ættingja á Siglufirði (og þeir eru margir, það ábyrgist ég) geta stytt för sína allsvakalega með því að fljúga til Akureyrar og keyra restina af leiðinni með tilkomu Héðinsfjarðargöng.

Hvalfjarðargöngin styttir leiðina frá landsbyggðinni til höfuðborgarinnar og öfugt.
Héðinsfjarðargöngin stytta leiðina frá Siglufirði til Ólafsfjarðar til Akureyris og til austfirðina og öfugt.




Fólk virðist halda (aðallega höfuðborgarfólk) að þessi göng gagnist bara Siglfirðingum og Ólafsfirðingum og hef ég leiðrétt það hér vonandi.
Ég er Siglfirðingur búsettur á Akureyri, ég er í Menntaskólanum á Akureyri og er á heimavistinni. Við erum þónokkuð mörg hér í skóla frá Siglufirði og við viljum þessi göng, ekki bara fyrir okkur heldur líka fyrir komandi kynslóðir sem munu hefja sín framhaldsnám vonandi á Akureyri, eða á austfirðum?
Ég ætla ekki að hafa þetta eitthvað lengra en það gæti ég eflaust en ég sé að þetta er komið nóg í bili. Ef fólk vill aðra áframhaldandi grein um þetta mál þá látið mig vita. Ég hef aðeins eitt að segja við þig appel, við landsbyggðarfólk eigum líka rétt á framkvæmdum sem bæta samskipti og vegaleiðir okkar á milli og ef þið höfuðborgarfólk ætlið að fara setja ykkur á háan hest útaf nokkrum framkvæmdum sem við fengum í pokann þá segi ég, hvað eruð þið búnir að fá margar framkvæmdir í pokann?

Kveðja,
Öskuillur Siglfirðingu

Ég verð nú að segja að ég er algjörlega ósammála þér um að ráðamenn hugsi aðallega um hag landsbyggðarinnar, því ef svo væri væri landsbyggðinn í miklu betra ástandi en hún er í nú. Sveitarfélöginn eru flest öll mjög illa stödd og ekkert gert til að reyna að sporna við því eins og þyrfti nauðsynlega að gera. Höfuðborgarbúar hafa miklu meira að segja um hvað er gert en landsbyggðin nokkurntíman, en hinsvegar sjá þeir á eftir hverji krónu sem fer ekki til reykjavíkur. Það gleymist hinsvegar alltaf að það var landsbyggðin sem byggði upp reykjavík, með fjármagni sem skapaðist af sjónum. Hvernig helduru að vestfirðirnir væru staddir ef allt fjármagn sem skapaðist þar hefði haldist þar.


En hvað varðar þessi göng þá er ég sammála þér. ég vill þau ekki (bý á tröllaskagasvæðinu). en ekki vegna kostnaðar, heldur vegna áhrifa sem þau koma til með að hafa á Héðinsfjörðinn, sem hingað til hefur verið mjög lítil umferð um, aðeins nokkrir göngumenn, og er algjör náttúru perla.

Hvernig væri nú frekar að gera eitthvað viturlegra við peningana eins og að t.d. bara setja fleiri járntyppi á laugarveginn, planta trjám einhversstaðar útí buska eða búa til aðra Perlu á Grafarholti en að gera einhver göng lengst útá landi svo að þú komist frá rassgati í annað rassgat??

Ég held að þú hefðir gott af því að skella þér aðeins út á land og kannski kynna þér aðstæður þar áður en þú opnar munninn. Jú vissulega eru þessi göng dýr en ég heyri engan nefnast á það að Lagheiðin sem er jú leiðin til Siglufjarðar er aðeins opin 3-4 mánuði á ári. Þú segir líka ráðamenn aðeins hugsa um landsbyggðina og þá spyr ég einfaldlega hvar hefur þú verið síðustu árin? Ég veit ekki betur en að landsbyggðin sé að grotna niður vegna þess hversu illa henni er þjónustað.
Einnig tek ég eftir því að fólk sé að segja “hvað hefur landsbyggðin gert fyrir okkur” og þá segi ég líka eru þið ekki í skóla? Það vita allir sem vit hafa að 60% af tekjum Íslendinga af útfluttum vörum eru af sjávarafurðum og þá er kannski rétt að þið snobbhanarnir fyrir sunnan sem sjáið ekki lengur en Mosfellsbær áttið ykkur á því að eitt af 10 stærstuu sjávarútvegsfyrirtækjum landsinns eru einmitt á Siglufirði og Ólafsfirði, Þormóður Rammi-Sæberg þ.e.a.s. og ef þið haldið að Reykjavík sé einhver gullnáma sem að landsbyggðin sé að rýgja inn að skinni til þess að fá ein jarðgöng þá mæli ég með að fólk lesi sér aðeins til um það sem um er rætt. Ég tel þessi 2 bæjarfélög vera löngu búin að borga þessi göng með þeim tekjum sem ríkiskassinn hefur af fólki og fyrirtækjum við utanverðan Eyjafjörð.