Það er rétt sem Matti segir, einhvern veginn virðast þeir sem eru gegn því að lögleiða kannabis, eingöngu sjá og heyra rökin um að frelsi einstaklingsins sé í húfi.

Mér er persónulega andskotans sama um þá stefnu að frelsi einstaklingsins sé eitthvað lykilatriði í góðu samfélagi. Sú stefna er hátt í metum höfð til dæmis í Bandaríkjunum, en þeir hafa ekki getað farið eftir henni til þess að halda Bandaríkjunum jafnvel eins og þau eru núna, og í dag er mjög, MJÖG margt slæmt við Bandaríkin sem við Íslendingar eru blessunarlega lausir við.

En það er bara einstaka 15 ára kjaftaskur sem fer að vilja lögleiða kannabis vegna þess að honum finnst allt í lagi að drepa sjálfan sig á meðan það skaðar ekki aðra. Meirihlutinn, eins og þú munt komast að þegar þessi grein fær fleiri svör, vill lögleiða kannabis vegna þess að það eru ekki nægar forsendur fyrir banni þess, og jú… vegna þess að það er gott og gaman að reykja kannabis, og það þarf FÁRÁNLEGA misnotkun til að skadda sig á því.

Og þau rök sem ég ber hátt á lofti eru þau að lögbannið *er nákvæmlega það* sem hvetur til misnotkunar.

Þú minnist á Amsterdam. Vissulega er hellingur af glæpalýð og viðbjóð í Amsterdam, en hvergi í Vestrænni menningu finnurðu borg af þessari stærð sem hefur jafn lítið af glæpum. Og þá er ég ekki að tala um fíkniefnabrot eins og fáfróðari menn vilja meina, heldur ofbeldi, innbrot og morð.

Ég vil notlega ekki ganga jafn langt og Amsterdambúar með því að lögleiða heróín, enda er heróín ekki stærsta fíkniefnavandamál Íslands, heldur amfetamín, kókaín og E. Kannabis er ekki í þessum lista, vegna þess að kannabisneytendur eru hið rólyndasta fólk sem gerir ekki öðrum eða sjálfum sér mein frekar en venjulegt fólk sem neytir kannabiss ekki.

Það hefur verið mikil umræða í gangi um þetta hérna. Ég legg áherslu á að ég er hvorki hægri- né vinstrimaður og legg andstyggð á þau rök að það sé einfaldlega “frelsi einstaklingsins” að geta reykt ef manni sýnist.

Það sem þú munt finna út þegar/ef þú kynnir þér málið og öðlast eitthvað sem væri hugsanlega hægt að kalla reynslu af efninu kannabis, er að kannabis er mun, mun óskaðlegra, andlega og líkamlega, heldur en efni eins og áfengi, tóbak, koffín og fleira.

Og fyrst Amsterdam er nú svona hræðileg, segðu mér þá hvers vegna í ósköpunum þeir hafa ekki bannað efnin aftur? ;) Ef mig minnir rétt, féll glæpatíðni Amsterdamborgar um 80% þegar þeir lögleiddu heróín, sem sannar bókstaflega þá kenningu að lögleiðing ákveðinna fíkniefna *geta gert mjög gott*. Nýlega opnaði trúarsöfnuður heróínstofu í Sydney, Ástralíu, og er hún þegar farin að bæta borgina.

En látum heróínið í friði, ég er engan veginn hlynntur lögleiðingu þess eða sterkari efna en kannabiss. Ég er hlynntur kannabis vegna þess áfengi er (réttilega) löglegt, og kannabis er mun minna skaðlegt, og er mun öruggara efni að öllu leyti.

Hvað eigum við að taka fyrir? Fíknina? Well, hún er sama og engin. Þú þarft FÁRÁNLEGA mikla neyslu til þess að verða háður kannabis, á meðan efni eins og koffín & áfengi eru mun meira vanabindandi.

Líkamlegan skaða? Það er ekki vitað um EITT EINASTA dauðsfall sökum kannabisneyslu, nema óbeinnar tengingar þar sem aðili fyrirfer sér eða álíka, sem hann hefði þá gert einnig ef hann væri ekki kannabisneytandi. Sannleikurinn er sá að kannabis hefur verið notað sem lyf gegn til dæmis þunglyndi í mörg árþúsund (upprunalega í Kína, minnir mig að sé talið), og þó að hass auki þunglyndi með mikilli, langvarandi neyslu, er fleira sem bendir til þess að lögbann á kannabis hvetji einmitt til þessarar langvarandi og geðveikislegu neyslu.

Sjálfur reyki ég af og til kannabis, þó mjög sjaldan vegna þess bæði að mér finnst yfirhöfuð gaman að vera edrú, kýs kannabis HVAÐA DAG SEM ER fram yfir áfengi, og þekki ég bókstaflega fleiri tugi manna sem nota kannabis af og til, og sumir gera það reglulega, svo ég get skýlt mig á bakvið reynslu mína, á meðan þú hefur hvað? Anti-hægristefnu? Skál fyrir því.

Að einfalda rökin niður í “nei, frelsi einstaklingsins má ekki vera allsráðandi” bendir til þess að þú hafir ekki tekið þátt í umræðunni, vegna þess að það kemur aðeins einstaka sinnum fyrir því að dýrkendur alfrelsis poppi upp, og þá eru þeir rakkaðir niður bæði af mönnum sem vilja, og vilja ekki, lögleiða kannabis.

Þá skal tekið fram að ég er eingöngu hlynntur lögleiðingu kannabiss af því sem er bannað í dag, þar sem ég get frætt þig mjög mikið um beina og óbeina skaðsemi hinna efnanna, svosem amfetamíns, kókaíns, alsælu og heróíns.

Frekar vil ég banna tóbak og áfengi heldur en kannabis. :) Alveg án spaugs. En áfengi vil ég alls ekki banna, þrátt fyrir vel augljósa skaðsemi þess.

Til að byrja með vil ég árétta að sterk efni eru ekki leyfð í Hollandi hinsvegar er drug tollerance stefna í landinu þannig basicly er litið framhjá því. Og þetta gætu Íslendingar tekið sér til fyrirmyndar upp að vissu marki. Allavega sé ég ekki ávinningin í því að fangelsa fólk og unglinga fyrir að reykja hass eða Marijuana. Hver á ekki 5-10 vini sem eru í eiturlyfjum. Það er erfitt að komast upp úr þessu og ennþá erfiðara ef það er farið með þig sem glæpamann.
Það er ekki eins og Lög hindri fólk í að gera eittvað sá sem vill prufa getur það. Ef þetta er gert löglegt væri aðgengi ekki auðveldara. Það er ekkert mál að redda sér eiturlyfjum en ég er alltaf spurður um skilríki þegar ég kaupi sígarettur og ég er 22 ára.
Auk þess sem mikið af undirheima starfsemi myndi leggjast niður.