Gourry fyrir 23 árum, 1 mánuði Fjöldi lestra: 792

Kennarar og þeirra vandamál.

Eftir að hafa fylgst með þessari umræðu hérna um launamál þingmanna þá ákvað ég að koma með tillögu. Það er menntakerfið sem þarf að laga. Eins og margir hafa sagt þá eru launin fyrir þá allt of lág. Xavier deilir þó á móti hækkun þar sem það muni hafa áhrif á þjóðfélagið og það ekki til góðs. Persónulega finnst mér menntun vera alltaf til góðs, hvernig sem litið er á það.

Alla vega. Mína tillögur hljóma svona:
Einkavæða skólakerfið en hafa ríkið samt í málunum. Ríkið myndi borga ennþá í skólana en minnka útgjöldin. Þar sem skólarnir yrðu einkareknir þá myndi skólagjaldið hækka. Skólagjöldin og framlag ríkisstjórnar yrði lagður til að gera laun kennara mannsæmandi. Nú segir fólk aftur á móti “Hvað með þá sem geta ekki borgað skólagjöldin? Verða þeir bara skítugir verkamenn? Fá þeir enga menntun?” Mitt svar: Ekki allir skólarnir yrðu einkareknir. Nokkrir sérvalnir skólar, helst þeir sem hafa góða staðsetningu, myndu halda áfram að vera ríkisreknir og þar afleiðandi með lægri laun, en samt væri hægt að hækka launin um einhver prósent. Sérstaklega þar sem ríkið myndi ekki borga eins mikið í alla hina skólana. Önnur mótmæli:“Afhverju ætti einhver að fara þangað að vinna ef þeir geta fengið hærri laun í einkareknum skólum?”. Svar: þeir sem klára kennaranám og ætla í kennarastöðu þurfa að taka 2 til 3 ár, jafnvel lengur, við að vinna hjá ríkisreknum skóla. Þetta er í raun það sama og gert er á heilsugæslustöðvum hér. Með þessu yrði kennarastaðan miklu betri, þeas betri laun og fleiri eiga eftir að vilja taka þann veg og samt myndi vera til ríkisreknir skólar fyrir fjölskyldur sem eiga ekki eins mikið milli handana.

Þetta er einungis ein lausn á kerfinu sem er orðið svo sjúkt hjá okkur. Þetta er ekki endanlegt dæmi og þetta er ekki að fara gerast þannig að fólk þarf ekki að panica :)

Endilega rökræða um kosti eða galla á þessari tillögu. Hvað má gera betur og svoleiðis.

Og Xavier, mér finnst eins og þú ætlir að gerast pólitíkus fyrst að þú berst svona hart fyrir launum þingmanna :) (paranoia, paranoia, everybody is coming to get me)

[------------------------------------]

kamalflos fyrir 23 árum, 1 mánuði

Jámm, skemmtileg tillaga..en mig langar að rýna aðeins dýpra í þetta..
Ef að við tökum skóla út á landi, þá er erfitt að fá þá einkarekna, því myndi það ekki lækka útgjöldin það mikið, við værum kannski að tala um nokkra skóla á höfuðborgarsvæðinu sem ríkið myndi sleppa við að styrkja. Út á landi er kannski bara einn skóli fyrir stóra sveit, til þess að hann borgi sig, og þá eru fáir í bekkjunum, og einfaldlega fáir nemendur í skólanum yfirhöfuð. Svo er það líka þannig að ef sumir skólar eru betri en aðrir mun þetta kerfi snúast út í svo mikla pólitík, ríkisstjórnarflokkarnir munu fá gamla pólitíkusa til að taka við “fínu” skólunum osfr.
Ég vildi bara fá að segja mína skoðun á hlutunum,
Kveðja Kamalflos

Fyrra álit

Gourry fyrir 23 árum, 1 mánuði

Það er alveg satt hjá þér með skóla utan borgarinnar. Þetta kerfi myndi í raun ekki virka þar.

[------------------------------------]

Fyrra álit

Czar fyrir 23 árum, 1 mánuði

ekki gott kerfi, alls ekki, við mundum enda með kerfi svipað og bandaríkin eru með, góðir einkaskólar og svo hörmulegir ríkisreknir skólar.

Það sem á að gera eins og með allt er að árangustengja launin. Kennari hefur ákveðin grunnlaun sem eru kanski svona 10% lægri en þeir hafa núna, en svo geta þeir fengið bónusa, allt eftir því hvernig nemendum gengur. Til að þetta virki verða öll próf að vera samræmd svo að kennararnir búi ekki bara til skítlétt próf til að hækka meðaleinkunina.

Ég er orðinn þreyttur á að sjá kennara sem er skítsama um starf sitt og nemendur.

_______________________

Fyrra álit

indridi fyrir 23 árum, 1 mánuði

Verður þá ekki vonlaust að fá kennara til að kenna þeim sem eru í erfiðleikum með að læra og erum þið þá nokkuð betur sett.
Það sem vantar er pólitískan vilja til að gera vel í þessum málum ef hann er ekki fyrir hendi þá er þetta vonlaust.
Ef almenningur vill taka þessi mál föstum tökum þá verður þetta baráttumál fyrir næstu kosningar.
Ef ekki er nokkuð ljóst að þetta er dauðadæmt. En hitt er ljóst að við þurfum að gera það uppp við okkur hvort við höfum efni á því að gefa skít í menntamálinn. Því að þetta mun kom aí bakið á okkur.

Fyrra álit

Gourry fyrir 23 árum, 1 mánuði

Indriði, þetta er alveg satt. Við snúum baki í vandamálið og stjórnmálamenn gera það líka. Við höldum að ef við hunsum vandann þá hverfur hann smátt og smátt. Hvernig væri að við myndum horfast í augu við vandann, leysa hann og gera eitthvað rétt svona einu sinni. Þetta mun skella á okkur eftir nokkur ár ef við tökum ekki í taumana.

Svo er þetta svo mikill misskilningur að námið sé lélegt út af kennurum nú til dags. Ekki myndi ég nenna að vinna mig til dauða og fá magasár fyrir 100.000- í laun. Allt í lagi að vera duglegur í starf og að mörgu leyti sjálfsagt, en þegar maður er í vinnu sem enginn ber virðingu fyrir, nema kannski örfáir og með svona léleg laun og fáránlega streitu, þá er auðvitað sjálfsagt að þeir verði slappir fyrir vikið.

[------------------------------------]

Fyrra álit

Gourry fyrir 23 árum, 1 mánuði

Elvar minn. Ef maður hugsar út í það þá eru margir af þessum einkareknum skólum í bandaríkjunum svoleiðis miklu betri en skólarnir hérna. Gott dæmi er tildæmis LHÍ og svo einhver annar listaskóli í Amríku(feeling a Halldór Laxness coming on).

allt í lagi að hafa eitthvað árangurstengd launasystem en, og þetta er stórt EN, það myndi samt ekki breyta neinu. Launin þyrftu að vera eitthvað til að byrja með. Eins og HR tildæmis. Þar eru kennarar metnir af nemendum. Ef þeir standa sig ekki þá er þeim vinsamlegast visað úr starfi. Þetta myndi að vísu ekki virka í grunnskóla þar sem agi og metnaður er enginn. Starfið þarf að vera eftirsótt til þess að fólk nenni að halda í það til að byrja með.

Ef þú heldur að þetta sé kennurum að kenna og að þeim sé skítsama, þá segi ég eitt, þetta er að öllu leyti rangt. Þetta er í raun stjórninni að kenna. Kennurum er eins og þú segir skítsama um nemendurna, en það er útaf því að nemendum er skítsama um kennarana og stjórnin er einnig skítsama um kennarana. Ef þeir væru einkareknir þá myndu nemendurnir fara í skólann með eflaust aðeins meiri metnaði og eflaust meiri virðingu fyrir kennaranum.

[------------------------------------]

Fyrra álit

Czar fyrir 23 árum, 1 mánuði

Svanur minn, þetta er ekki svo einfalt, já auðvitað eru einkareknir skólar betri. Málið er að þeir sem hafa efni á góðri mentun fara í þá, þeir sem hafa ekki efni á því fara í almenningsskóla sem eru verri en skólarnir hér. Ef einkareknir skólar verða þá kemur upp samkeppni, samkeppni eins og þú veist hefur þannig áhrif að þeir lélegustu detta út. Með því að hafa einkarekna og almenningsskóla þýðir það að einkareknu skólarnir verða mun betri en almenningskkólarnir verða verri og ættu eftir lögmálinu að fara “á hausinn”. En fyrst að þetta er ríkisrekið þá verður þeim haldið lifandi á lagmarkskosnaði sem borgaður er af ríkinu.

Kennurum er í rauninni ekki skítsama, þeim vantar bara ástæðu til að vera sama. Og hvaða ástæða er betri en hærri laun?

_______________________

Fyrra álit

Gourry fyrir 23 árum, 1 mánuði

Samkeppni er í raun mjög jákvæð. Svo lengi sem hún líkist ekki samkeppni hins hreina kapítalisma. Auðvitað þyrfti að hafa haldgóða menntun í ríkisreknu skólunum líka. Hún yrði bara aðeins meiri í einkareknum skólum.

Annað sem þú mælir vitlaust. Hærri laun = meiri ábyrgð, einu skiptin sem þetta á ekki við er hjá guttum eins og Guðjóni hjá OZ. Kennarar myndu vera í símati í skólanum. Hugsaðu líka út í það að einkarekinn skóli byggist á því að fá nemendur í skólann. Til að fá nemendur þarf góða kennara og menntun. Samkeppnin yrði ekki bara á milli nemenda en líka á milli kennara eða þeirra sem sækjast eftir vinnu í kennarabransanum.

[------------------------------------]

Fyrra álit

kamalflos fyrir 23 árum, 1 mánuði

ég vildi bara benda á að þetta kerfi með árangurstengdum bónusum hefur ekki virkað sem skyldi í Texas, BNA. Þar kvarta kennarar að börnin eru bara undirbúin undir þessi próf en öll önnur “auka” kennsla, sem er mjög mikilvæg líka, þ.e. læra siði, og þess háttar, er illa kennt. Þar kvarta menn undan því að það er eingöngu “fókusað” á þessi próf, sem er alltaf hætta á að gerist, fái kennarar bónusa ef nemendum gangi vel.

Fyrra álit

Czar fyrir 23 árum, 1 mánuði

það er nú ekki kennurum eða nemendum að kenna heldur foreldrum, það eru foreldrarnir sem eiga að kenna börnum sínum mannasiði.

_______________________

Fyrra álit

Gourry fyrir 23 árum, 1 mánuði

En það er í höndum kennara líka. Hvort myndirðu treysta manni sem hefur heyrt öll sín gildi frá einum manni allt sitt líf eða hefur fengið gildin sín frá fólkinu sem það ólst upp í kringum.

Í fyrra dæmi væri það mikil spurning hvort að hann hafi alist upp hjá Jóni eða Séra Jóni, eða Adolf Hitler eða móðir Theresu.

[------------------------------------]

Fyrra álit

Czar fyrir 23 árum, 1 mánuði

Kemur þessu nú ekki mikið við, verk foreldra er að kenna börnum siðfræði, börnin læra mest af þeim en svo helling af öðrum. Ef börnin kunna ekki grunn siðfræði áður en þau koma í skólaann þá er það svo sannarlega foreldrunum að kenna.

_______________________

Fyrra álit

ADD fyrir 23 árum, 1 mánuði

Og þegar börnin sem hafa ekki lært siðfræði heima hjá sér koma í skólann þá bitnar það á börnunum okkar. Þess vegna m.a. þarf að tryggja það öll börn læri einhverja siðfræði - eða er það kannski í lagi að skila einstaklingum út í þjóðfélagið sem finnst t.d. sjálfsagt að beita ofbeld bara af því að þeim var aldrei kennt það heima hjá sér og skólakerfið sagði að siðferðisþroski kæmi sér ekki við.

Fyrra álit

RatCat fyrir 23 árum, 1 mánuði

Er ekki allt í lagi?
Ef að við myndum einkareka flesta skólanna og suma ekki þá gerist eins og hefur gerst í mörgum löndum í heiminum, ríkisreknu skólarnir verða vanmetnir og ekki er tekið fólk inn í háskóla nema með próf úr einkareknum skóla.

Fyrra álit

Saabster fyrir 23 árum, 1 mánuði

Einkavæðingu tel ég ekki vera af hinu góða í skólakerfinu. En einhversstaðar verður að fá pening til þess að hækka laun kennara og stjórnenda. Ég hef í raun ekki svar á reiðum höndum en ef meiningin er að bæta skólastarfið þarf að auka virðingu þjóðarinnar fyrir kennarastarfinu. Hvernig á að gera það?? Ég held og veit reyndar að það er alltof neikvæð umræða um kennara og kennarastarfið í heimahúsum. Sem dæmi frétti ég af mínum besta vini, sem er kennari og kennir myndlist, þar sem hann var að leggja fyrir verkefni sem var þannig að nemendur þurftu að setja upp sýningarvegg af sjálfsdáðum en með leiðbeiningum frá kennaranum. Einn nemandinn hafðu greinilega ekki mikla trú á því að kennarinn gæti leiðbeint þeim með vegginn og sagði “Hvað haldiði að hann kunni þetta.. hann er búinn að halda á pensli allt sitt líf”!!!!! Hvaðan haldið þið að nemandinn hafi þetta…? Það er eins og kennarar hafi ákveðið að gerast kennarar 6 ára og hafi ekkert annað gert í lífi sínu… Málið er að auka vegsemd og virðingu fyrir kennarastarfinu…. og það gerist ekki ef menn eiga að vinna fyrir skitnar 100.000 krónur á mánuði… þá er nú betra að fara að vinna á kassa í Hagkaup…með fullri virðingu fyrir því starfi.

Fyrra álit

Gourry fyrir 23 árum, 1 mánuði

Eflaust skemmtilegri mórall þar alla vega.

[------------------------------------]

Fyrra álit

Deiglan

Deiglan

Ofurhugar

Hverjir eru inni

Greinar

Kennarar og þeirra vandamál.

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi