“Sama með ökumanninn með svarta kassann, þarf ekki að hafa verið ökumaður bílsins þegar hann fór yfir hámarkshraða.
Oft á tíðum nota fleiri en ein manneskja sama bílinn.”

Er það ekki sama með hraðamyndavélarnar og rauðuljósamyndavélarnar? Ef það sést ekki hver er að keyra og eigandi bílsins segir að það hafi ekki verið hann, þá verður hann að gefa upp hver það var. Það má líka segja að eigandi bíls sé að einhverju leyti ábyrgur fyrir því hverjum hann lánar bílinn.

Annars finnst mér þetta ekkert stórmál. Það er ekki eins og löggan ætli að nota þetta til að sjá á stórum skjá hvar allir eru hverju sinni og hvað þeir eru að keyra hratt heldur væri þetta notað ef það væri grunur um eitthvað. Ég hefði ekkert að athuga við það að löggan hefði myndavélar heima hjá mér ef þær væru ekki beintengdar heldur einungis notaðar til að hreinsa mig ef það væri grunur um að ég hefði brotið eitthvað af mér.

Svo er alltaf að tala um að löggan þurfi að vera sýnilegri. Löggan getur ekki verið alls staðar og það eina sem sýnilegri lögga nær fram er að fólk keyrir ekki eins og hálfvitar rétt á meðan það er þar sem löggan er. Við þurfum eitthvað sem kemur í veg fyrir að fólk keyri eins og hálfvitar líka þegar löggan er ekki nálægt.

BlackMOOn segir:

“það kemur nákvæmlega engum við hvað ég er að gera, hvar ég er eða hvernig ég keyri.”

Þessi fullyrðing væri svo sem í lagi ef glannaakstur þinn stofnaði bara þínu lífi og limun í hættu. Það er hins vegar ekki svo og þar sem þinn glannaakstur getur kostað aðra en þig líf þitt og limi þá kemur okkur hinum við hvernig þú keyrir. Þú hefur engan rétt á að brjóta umferðalögin og þjóðfélagið hefur fullan rétt á að gera það sem hægt er innan vissra siðferðismarka að fylgja því eftir að umferðalögum sé framfylgt.

Þetta er hins vegar rétt hjá þér með það að erfitt er að sanna hver ók bílnum fyrir vissum tíma síðan og því er hugmyndin um að sekta afturvirkt frekar vafasöm.

Ég er þeirrar skoðunar að eðlilegt sé að krefjast þess að svona kubbar séu í bílum þegar sýnt þykir að þeir séu áreiðanlegir en hvernig heimilt verður að nota þá er síðan annað mál. Málið er nefnilega það að ástæðan fyrir því að ekki hefur enn verið heimilað að nota svona kubba er ekki bara af persónuverndarástæðum heldur líka vegna þess að þeir teljast ekki enn vera orðnir svo áreiðanlegir að gögn úr þeim stæðust fyrir dómi.

Það er til dæmis hægt nota kubbinn til að bera saman við radarmælingar lögreglunar, þó ekki væri nema til að sýkna menn ef radarinn er að gefa rangar upplýsingar. Hann er ekki óskeikull. Ég man ekki betur en ökumaður hafi einmitt verið sýknaður um daginn vegna þess að ökuritinn í bíl hans gaf aðrar upplýsingar en radar lögreglunnar.

Það atriði sem ég tel hins vegar gefa tilefni til þess að skylda menn til að hafa svona kubb þegar áreiðanleiki hans telst nægur er til að bæta úrskurð um það hver er í rétti þegar slys ber að höndum. Ég tel að þegar umferðaslys verður þá séu kubbarnir í öllum þeim bílum sem lentu í slysinu skoðaðir og þær upplýsingar notaðar ásamt öðru til að skera úr um það hver er í rétti. Þarna koma nefnilega fram hagsmunir sem ég tel meiri en friðhelgin, en það eru hagsmunir þess sem er í rétti að fá rétt sinn viðurkenndan og fá tjón sitt bætt.

Við gætum til dæmis hugsað okkur mann sem fer inn á aðalbraut og sér bíl langt í burtu. Fjarlægðin er slík að eðlilegt er að áætla að óhætt sé að fara inn á götuna, sem ökumaðurinn gerir en skyndilega er bíllinn bara kominn og lendir með miklu höggi á bíl ökumannsins sem fór inn á aðalbrautina. Ástæðan fyrir þessu er sú að sá bíll sem var á aðalbrautinni var langt yfir löglegum hraða og kom því mun fyrr að gatnamótunum en ella hefði verið og ætla hefði mátt miðað við fjarlægð hans.

Í þessu tilfelli er það hraðakstur þess sem var á aðalbrautinni sem olli slysinu en ekki það að hinn hafi ekki virt aðalbrautarétt hans. Ef engin kubbur er til staðar er hætt við að ökuníðingurinn sem olli slysinu verði dæmdur í rétti en hinn sem varð fyrir þessum ökuníðingi sitji uppi með sitt tjón. Þess vegna tel ég rétt að leita allra leiða til að ganga úr skugga um hraða ökumanna þegar slys ber að höndum til að rétta hlut þeirra sem eru í rétti en gætu ekki sýnt fram á það með öðrum hætti.

Faikus: “Þessi hugmynd um að setja kubb í alla bíla er eitthver sá mesti fasismi sem ég hef nokkurntíman heyrt.”

Þá geri ég ekki ráð fyrir að þú hafir heyrt mikið um fasisma…