Hann er að fara hætta þessu kallinn, þessvegna lætur hann allt flakka.

Minnir mig á Judgin Amy þáttinn sem ég sá um daginn… n/m that :P

Málið er að hann er búinn að átta sig á því að það breytir engu hvað hann eða aðrir gera, þjóðinni finnst gott að láta taka sig í rassinn án sleipiefnis og merkir alltaf við D þó að æðsti maður flokksins hagi sér svona.

Það er bara einfalt mál að æðsti maður þjóðarinnar á ekki að segja svona nema að leggja sannanir á borðið sem að rökstyðja mál sitt!!!

“Ég er þeirrar skoðunar að það sé nauðsynlegt að æðsti ráðamaður þjóðarinnar tjái sig um heit mál í þjóðmálaumræðunni, þó auðvitað megi hann ekki fella sleggjudóma eða ganga of langt í skoðanamyndunum.”

Það er einmitt það sem hann gerði. kemur með sleggjudóma og gengur of langt. Segir að það sé Daglega verið að ráðast að sér í “Baugstíðindum”. Hvar eru dæmin ? DO er bara ekki búinn að sætta sig við að hann hefur ekki lengur þessa ofvernd í fjölmiðlum einsog áður fyrr. eftir komu fréttablaðsins og brotthvarf óla á dv þarf DO allt í einu að fá á sig gagnrýni. those were days!

Það er stórkostlegur munur á því að segja skoðanir sínar og því að vera með rógburð. Ég ætla ekki að halda því fram að DO hafi verið sekur um ærumeiðandi ummæli. Hins vegar hlýtur hverjum gagnrýnum og hugsandi manni að sýnast hann hafa stigið yfir strikið nokkrum sinnum á síðasta ári. Það er nefnilega ekki hvað hann segir, heldur samhengið og hræsnin.

Hann kvartar yfir kaupaukasamningum Búnaðarbankastjóra, en á sama tíma semur hann drög að eigin starfsloka-'kaupauka'. Á meðan er verið að segja upp 300 manns eða svo á Landspítalanum. Hann kvartaði ekki yfir starfslokasamningum við fv. forstjóra Byggðarstofnunar eða fv. bankastjóra Landsbankans. Hann kvartaði ekki þegar ofurlaun Finns Jónssonar, forstjóra VíS, komu upp á borðið.

Ég hef það á tilfinningunni þegar ég hlusta á hann tala um misnotkun frelsisins sem hann kom á, að þetta frelsi hafi bara verið hugsað fyrir fáa útvalda. Og nú þegar þessir fáu eru að hverfa af markaðnum (Samson, baugur ofl. búnir að bola þeim af markaðnum) þá er frelsið ekki lengur ‘virt og misnotað á ómaklegan og óprúttinn hátt’.

Þetta er því ekki lengur hvað DO segir, heldur um hvað hann er að tala. Eins og áður var bent á, þá þurfti ekki að skoða fjölmiðlalögin þegar MBL átti hlut í stöð 3, en þegar einstaklingar sem DO líkar ekki við (eða eru vinstri menn upp til hópa, eins og einhver mjög málefnalegur einstaklingur benti á (mjög gáfulegur punktur, það segir nefnilega allt sem segja þarf um fólk ef það er vinstri sinnað!!)) eiga blöð eða sjónvarpsstöðvar þá þarf að taka lögin til gagngerrar endurskoðunnar.

Að gefnu tilefni langar mig til að taka það fram að ég er sammála því, það þarf að endurskoða þau.

Sem betur fer er DO að hætta sem PM, vonandi hættir hann alfarið og ég þarf ekki að heyra meira frá honum. Ég tel að hann hafi náð ótrúlegum árangri og fylgt miklu fólki að baki Sjálfstæðisflokknum áður fyrr, en nú, undanfarið ár hefur hann skemmt jafn mikið og það tók hann 13 ár að byggja upp.

Bara svo maður taki eitt fyrir, þá er það yfirlýsing hans um að hann tæki fé sitt út úr búnaðarbankanum. Hvað hefði gerst ef fólk hefði farið að dæmi hans í hundraðatali (“run on the bank”)? Jú, bankinn hefði orðið gjaldþrota og viðskiptavinir hans og hluthafar hefðu tapað öllu. Hverjum hefði verið þjónað með því? Þetta er klárt mál að þarna er forsætisráðherra að misnota aðstöðu sína til þess að koma höggi á aðila sem eru honum ekki þóknanlegir.

Já sem betur fer er hann að hætta. Flónið hefur setið alltof lengi í ráðherrastól.

Mín persónulega skoðun er sú að hann ætti að mega segja hvað sem er, og þá meina ég hvað sem er. En þannig er það bara ekki samkvæmt lögum. Lögin á víst að virða sama hversu fáránleg þau eru, sérstaklega ef maður er forsætisráðherra. Samt hvað mig varðar þá finnst mér að meiðyrða mál eigi ekki að vera möguleg á Íslandi, málfrelsi er málfrelsi.

DAvið er í flokk sem er kendur við kapitalisma. Bónus-feðgar og Jón Bæjó eru menn sem kunna á kapitalisman. Þeir hafa verið ríkir með því koma sér áfram og vera duglegir. Hafa ekki getað né þurft að treysta á velyrði valdamanna bakvið tjöldin. Þeir eru heldur ekki af “réttum” ættum. Þeim er í nöp við Kolkrabban enda grófu þeir hann. Þess vegna er Davíð fúll. Þetta eru ekki menn sem hann getur haft áhrif á og þeir eru ekki að sleikja hann upp til að fá betri björg í bú. Þannig var þetta alltaf og Davið vill hafa það þannig ennþá.

Nú bara mál til komið að þetta hræsnisfífl hann DAvið hverfi frá, líklega sér hann en eftir því að hafa samið við bændaflokkinn þannig að þeir taka við forsætinu í ríkisstjórn og munu leiða hana, meðan þarf Sjálfstæðisflokkurinn að elta hann. Hefur ekki lykilvöld lengur. Davið sér eftir þessu en hann var það gráðugur í áframhaldandi völd(þó stutt yrðu) að hann varð að semja svona. Hræsninn í þessu manni með að ráðast td. á KB-banka um daginn, og leikur síðan nánast sama leik 3 vikum síðar og finnst það allt í lagi með breyttu eftirlaunafrumvarpi.

Menn sem sitja og lengi við völd eiga mikla hættu á því að missa öll tengsl við hinn almenna borgar og færa sig ofar í sinn fílabeinsturn. Nú er komið svo að Davið þarf að fara úr téðum turni og mæta afleiðingum orða sinna.

Ég hvet Jón Ásgeir eindregið til að kæra þennan mann fyrir ummæli sín um áramót og aðra daga síðasta árs. Ekki bara tala um að vera pæla í því. Heldur gera það bara.

Það virðist engu máli skipta hvað Dabbi kóngur og fleiri álíka sterkir leiðtogar segja opinberlega. Það er alltaf þannig að andstæðingar þeirra bregðast illa við óvarfærnislegum málflutningi og samherjar þeirra eru tilbúnir til að verja þá með kjafti og klóm.
Svo er DO líka snillingur í að halda sínum skildi hreinum gagnvart öllum sínum glappaskotum og beina sökinni að öðrum aðilum í staðin.
Og allir trúa honum.

Þetta er bara óþolandi hvernig Davíð má sæta skítkasti villt og galið en hann má ekki svar fyrir sig. Á meðan spila þessir háu herrar, Jón Ásgeri, Jóhannes faðir hans, Jón Ólafs, Björgúlfur og fleiri mattador fyrir framan nefið á okkur öllum án þess að nokkur taki eftir því. Kaupa þetta kaupa hitt Björgúflur kaupir Landsbankan, Jón ásgeir kaupir Fréttablaðið, Norðurljós, Top shop og margt margt fleira, Jóhannes á Baug og lætur lítið í sér heyra í bili, Jón Ólafs selur allt, fer aftur á byrjunarreit í London og byrjar með 1.500.000.000 kr.
Davíð reynir að gera þjóðinni ljóst hvað um er að vera hér í landinu á meðan Jón ásgeir og fleiri Reyna að múta honum með þrjúhundruð millum og segjast svo fara í meinyrðismál þegar davíð segir frá áætlun Jóns en hættir svo við þegar hann veit að hann tapar málinu. Jón Ólafs talar um það sama að fara í meinyrðismál en svo kemur það á daginn að margt gruggugt kemur fram í rannsókn skattrannsóknarstjóra og Davíð fær sönnun fyrir orð sín. Björgúlfur svíkur þjóðina með að græða á tá og fingri á bankanum en lætur svo þjóðina ekki fá neitt fyrir viðskitpin.

Ég er orðinn leiður á þessu og heimta að þessir menn verði settir bak við lás og slá og maðurinn sem getur það er Davíð Oddsson en þar sem fjölmiðlar eru svo duglegir við að segja að hann sé að hætta, sem hann hefur ekki komið með yfirlýsingu um, segja að hann geti ekki annað en hætt í pólitík þegar hann hættir sem forsætisráðherra nú í haust.
Þetta kalla ég að fara illa með hátt settan mann í samfélaginu sem hefur gert allt fyrir þjóðina.
Þetta er sennilega greindasti maðurinn á alþingi og þá meina ég ekki einhverja greindarvísitölu heldur það að hann veit hvað er þjóðinni fyrir bestu.

Svo eru apakettir eins og Ingibjörg Sólrún sem svíkur Reykjarvíkur borg með því að segjast ætla að sitja sem borgarstjóri næstu 4 árin en hættir svo áður en það fyrsta er búið og segist ætla á þing. Hún fer í framboð en kemst ekki á þing.
Það sagði enginn neitt þegar Ingibjörg sveik borgina, hvað er málið íslenska þjóð, opnið augun!
Í kosningabaráttunni er hún svo með þessar umtöluðu dylgjur, segir að davíð sé að ráðast á stóru kallana í samfélaginu sem aldrei hafa gert honum eða öðrum neitt en annað á eftir að koma á daginn.
Svo lofar hún hinu og þessu 2 ár, 3 ár, 4 ár fram í tímann og lætur svo gott fólk sitja sárt eftir, þið vitið hvað ég meina.

Muniði eftir því þegar Jónína fyrrverandi kona Jóhannesar Baugs fór að skrifa bók um stórveldi Bónusfeðga?? Hún ætlaði að gefa þessa bók út í Florída því hún þorði ekki að gefa hana út hér því í þessari bók var skýrt frá öllu í sambandi við Bónusfeðga. Svo kaupa bara feðgarnir allt upplag af bókinni eða einhvernvegin stöðva að hún komist út, man ekki nákvæmlega hvernig það var.

Hvað segir þetta okkur um viðskiptalíf á Íslandi???

En og aftur, kæra þjóð OPNAÐU AUGUN!

Óháð því hvað er til í þessu og hvort hann er hræsnari eða ekki þá á hann að geta sagt þetta ef hann vill.

ég er mjög sammála greinarhöfundi. Davíð má alveg tjá sínar skoðanir eins og hver annar.

Crestfallen

Ósammála. Þykir gott að Davíð komi með skoðanir.

Hræsnin og mikilmensku-frekjan hreinlega vellur úr honum Davíð Der Lúser-fer.

Hann er eins og ofdekraður krakki sem fær frekjukast og er óhuggandi,
kanski að þessi myndarlegi starfslokasamningur hans huggi hann kanski í 5 mín eða svo.

Davíð Oddson og Baugsfeðgar í hár saman?
Hahaha! Hvað með það?
Vanvitinn með kóngakomplexinn og mennirnir sem hafa tekið upp “dönsku” einokunarverslunina aftur hér a landi fara í hár saman?
Ef ég á að segja satt: Mér gæti bara ekki verið meira saman… Látum þá hakka hvorn annan í spað.

Því miður…þá get ég bara ekki staðið með Dabba, né baugsfélögum.

Ég elska að horfa á óvini mína rífast.