Þú verður að athuga það að allt fólkið sem á bíl núna er ekki endinlega tilbúið að fórna honum. Ef það ætlar að fórna honum gæti verið erfitt að losa sig við hann ef að aðrir vilja heldur ekki bíl.
Þetta gæti þó gengið upp á löngum tíma og það er of mikið. Strætó Bs. er að tapa 1200 milljónum á ári og með kaupum á fleiri strætóum og fjölgun ferða eykst rekstrarkostnaðurinn gífurlega.
Það segir sig sjálft að meira álag á strætisvagnanna þýðir meiri eldsneytiskostnað, meira dekkjaslit o.s.frv.

ég verð að segja að ég reyni að spara strædó ferðir mikið eftir að fargjöld hækkuðu svona. eins og í sumar þá er ég á hjóli, og ef ég hjóla í kringluna úr vesturbænum þá er ég búin að spara mér 440 kr þann daginn.

og strædó er ekki að tapa lengur. þeir skila hagnaði eftir þessar svakalegu hækkanir á gjaldskrá plús fækkun ferða, en aftur á móti sér maður færri farðega í strædó sem bendir til óánægju fólks.

ég myndi hiklaust fá mér bíl ef ég hefði efni á því og hætta að nota strædó.

Góðir punktar, en hérna eru smá upplýsingar til athugunar.

Á minnstu leiðum keyra 2 bílar á klst.
Á leiðum þar á milli 3 - 5 á klst.
Á hraðleiðum keyra 6 á klst.

Þetta er það sem þarf til að halda viðkomu á 20 mín fresti báðar leiðir.

Ef að mönnum finnast strætisvagnabílstjórar birtrir þá ættu þeir að prófa að vera með launin þeirra, leiðinlega fólkið í bílunum og stanslaust áreiti af alskyns skríl.

ég þoli ekki hvað strætóbílstjórar eru (flestir) hund leiðinlegir. maður segir góðann daginn og það er horft á mann eins og ég veit ekki hvað, man ekki eftir að það hafi nokkurntímann verið tekið undir hjá mér (orðar maður þetta svona? :S) ég tek strætó oft (nenni ekki að labba allt á hálftíma og hjólinu mínu var stolið og er ekki enn farin að kaupa mér nýtt) og einu sinni td var ógeðslegt veður; grenjandi rigning og rok og þannig og ég bað bílstjórann að stoppa á ákveðnum stað en “NEI! það er ekkert stoppustöð hér” það eru td engar stoppustöðvar nálægt á þessum tiltekna stað. einu sinni var ég að verða of sein (stætó bara á 30 mín fresti) og tók með mér skyr-dollu í morgunmatog strætóbílstjórinn lét mig henda skyrinu!! *pirr*

ég hef ekkert mikið á móti tímonum og hvað það taki strædo langan tima að koma þeir koma yfirleitt á rettum tíma. bara pirrrandi ef marr missir af honum. annnars þá er fokking rang dýrt að fara eina leið marr. 220 ef maður er 12. hins vegar hef ég komist með 60kr í klinki alltaf aldrei borgað meir en það :D. en 220 ef mar ætlar eina ferð. það er of mikið þetta kostaði einu sinni 120kr fyrir 12 ára og eldir og 30 fyrir yngri en 12. þetta þarf að laga!

indriði.

Góð grein.

Þetta er einmitt atriði sem þarfnast verulegrar athugunar þar sem í raun ekkert hefur verið að gert til þess að draga úr fjölda bíla í umferð innanbæjar né heldur ígrundað að þyngd bifreiða hafi eitthvað með slit vega að gera, svo ekki sé minnst á mengun á veturna er bílar þessir aka á negldum hjólbörðum.

Það er vel hægt að stuðla að því að fólk nýti sér almenningssamgöngur með því að þær séu mun ódýrari eins og þú nefnir en til þess að svo megi verða þarf að leggja gjald á einkabíla aðra en þá sem eru orkusparandi og léttir.

kv.
gmaria.

Ég er mjög sammála innihaldi þessarrar greinar. Ég held að aðalvandamálið liggi í leiðunum sjálfum sem strætóarnir fara. Það eru voðalega margar leiðir sem fara nokkurn veginn sömu leiðina..t.d. á Suðurlandsbrautinni…mig minnir að það séu hvorki meira né minna en 5 leiðir sem keyra þá götu. Þetta meikar auðvitað ekki sense og á móti því kemur fullt af götum þar sem engin strætóumferð er um…Það þarf virkilega að endurskoða leiðarkerfið hjá Strætó…

Svo er það auðvitað annað mál að verðið í strætó er allt of hátt. Það má rekja það beint til þess að leiðakerfið er ónothæft og þ.a.l. hefur notendum snarfækkað…sem skilar sér náttúrulega í því að Strætó neyðist til þess að hækka fargjöldin…..

Ég hef mikið þurft að nota strætó í gegnum tíðina og ég mun gera það eins lengi og nauðsyn krefst…..en ég verð að viðurkenna að ég er orðin mjög pirruð á því að þurfa að fara í 40 mínútna strætóferð til þess að fara á stað sem annars tæki mig 8 mínútur að keyra….en sú er einmitt staðreyndin fyrir mig þegar ég þarf að komast í skólann

Góð grein. Alveg sammála. Plús það að allar þessar hækkanir bitna helst á þeim sem eiga þær ekki skilið. T.d. öryrkjum, námsfólki og annað fólk sem hefur ekki efni eða tækifæri til þess að reka bíl. Ég er í skóla niðrí bæ og ég á heima í 104- hverfinu, þannig að það segir sig sjálft að ég verð að taka strætó í skólann því að ég er ekki komin með bílpróf. Það er dýrt að vera í menntaskóla og það bætir ekki úr skák að þurfa að borga morðfjár í strætó.

Ég tek strætó 2-6 sinnum á dag, já 6 sinnum… ég er með græna kortið bara 4500kr ;) En hinsvegar er ég alveg sam´la um að það meigi fjölga leiðum.

Strætó á íslandi er á steinöld miðað við restina af norðurlöndunum. Þegar ég var 6 ára flutti fjölskyldan til svíþjóðar (1984), nánari tiltekið stokkhólms, og þar eru frábærar almenningssamgöngur.

Þar er neðanjarðarlest sem nær út um allt svæðið meira eða minna og svo gastu tekið strætó til að fara restina af leiðinni. Einhverntímann fórum við með skólanum í leiðangursferð á strætóbækistöðvar og við fengum að sjá leiðirnar sem eru farnar. Þetta minnti á könguólarvef, það voru leiðir út um allt sem skaraðist á við hvorar aðrar og ég gat ekki séð annað en að þetta væri mjög vel skipulagt.

Svo keyptirðu kort sem dugaði kannski í 3 mánuði á svona 6-7 þúsund og þú gast farið hvenær sem er í strætó og sama kortið gilti í lestarnar. Krakkar undir 12 ára fengu þetta meiraðsegja ódýrara. Vægast sagt himnaríki miðað við strætó á íslandi.

Fjölskyldan átti bíl þá, Volvo station, enda erum við fimm en hann stóð heima örugglega 6 daga vikunnar. Mamma fór með lest og strætó í vinnuna, ódyrara og jafnvel fljótara en bíll. Pabbi var enþá meiri hetja, hann hjólaði í vinnuna. Ég fékk svo alltaf þetta kort frá mömmu og pabba og fór allar mínar ferðir í strætó/lest enda var þetta kerfi mjög einfalt.

Við fluttum heim 1990 og þvílík viðbrigði. Ég komst ekkert nema á hjóli eða það þurfti að skutla mér. Strætó tók næstum alltaf hálftíma lengur en að hjóla. Satt að segja man ég ekki hvernig ég komst af á íslandi áður en ég fékk bílpróf, svipað og ég man ekkert hvað maður gerði til að ná í fólk áður en gemsamenningin kom.

Það eru auðvitað kostir og gallar við þetta allt saman. Sjálf hef ég aldrei notað strætó neitt af viti vegna þess að ég bý í svo litlu samfélagi. Maður labbar bara eða hjólar. En ég væri til í að hafa strætó hér ef maður ætlar til næsta bæjar eða annað. Það var einu sinni rúta sem fór á milli en nú er ekkert, að ég held.

Já, mengun, slys og traffík yrði minni ef strætó væri notað meira. Sem væri gott en einkabílar eru líka góðir ef maður vill frekar vera í næði og fara beint á staðinn sem maður ætlar á. Þegar fólk fer í strætó þarf það oftast að ganga einhverja vegalengd, auðvitað mismunandi langar en það fylgir þessu alltaf einhver ganga.

Ég get nú ekki sagt hvort ég sé með eða á móti strætó en ég vildi einhvern veginn endilega segja mitt álit.

Takk, og góð grein sem fær mann til að íhuga þessa hluti.

Það er kannski ekki alveg sambærilegt að bera saman almenningssamgöngur í þéttbýlum milljónaborgum eða okkar molbúa-höfuðborg sem telur eitthvað rétt yfir 100 þús.

Ég bý í Kanada og hér eru áætlanir sniðnar að farþegunum. T.d. eru tveir strætóar ekki svo mikið að keyra sömu götuna á sama tíma eins og maður sér oft heima, kannski 4 í samfloti að keyra Suðurlandsbrautina eða álíka. Strætóskýlin eru svipuð og nýju skýlin sem sett voru upp í Reykjavík nema þau eru lokuð og blæs ekki í gegn alls staðar. Þar sem eru skiptistöðvar eru skýli sem eru hituð og skiptistöðvar eru út um allt.

Bílstjórarnir eru mjög almennilegir en þeir gefa ekki til baka. Hins vegar er hægt að kaupa strætómiða og kort í öllum sjoppum. Skiptimiðarnir sem maður fær í strætó eru svo þannig að þeir gilda í 90 mín, sama hvað maður þarf marga strætóa og ég held að þessi regla hjá strætó á Íslandi að láta afhenda skiptimiðann vegna þess að maður eigi að geta komist allt með 2 vögnum sé rugl. Það er bara oft hægt að gera betri áætlanir með að láta fólk taka fleiri.

Það er líka eitt mjög sniðugt hér sem er upplýsingasími strætó. Ef ég ætla að fara eitthvað sem ég hef ekki farið áður, þá hringi ég í strætó og þeir segja mér hvaða vagn ég á að taka hvar og hvenær, hvar ég á að skipta o.s.frv.

Eg helt ad straetisvagnakerfid vaeri skitid a Islandi, samt tek eg straeto daglega tar, en i Virginia i U.S.A !!! O my god! Hraedilegt. Tad er ekki einusinni leidaraaetlun, tu tarft ad hringja og segja hvar tu ert og tannig geturu fundid ut hvada vagn er naestur. Hraedilegt.

Jæja, ég lét til leiðast og skráði mig á Huga!

Strætó á Íslandi hefur mér alltaf fundist svolítið furðulegt fyrirbæri, þó enn frekar eftir að ég fluttist til Kaupmannahafnar. Ég bjó til skamms tíma bíllaus í Reykjavík, aldrei á minni lífsfæddri ævi hef ég lent í annari eins einangrun! Tíminn sem fór í minniháttar ferðalög gerði það að verkum að ég gafst upp á að fara nokkuð, endaði á að ganga megnið af því sem ég þurfti að fara en aðallega hírðist ég bara heima. Ástæðan: Strætó! Ég skildi bara engan veginn hvernig hægt var að setja upp kerfi þar sem allir vagnarnir virtust ganga sömu leiðirnar þó þeir hefðu mismunandi númer.
Eins gat ég aldrei skilið að það var enginn vagn sem ég gat tekið beint úr Grafarvogi yfir í Kópavog, eða úr Grafarvogi niður í Vesturbæinn. Allir vagnarnir virtust hins vegar þurfa að stoppa á bæði Hlemmi og Lækjartorgi, alveg óháð því hvaðan þeir voru að koma eða hvert þeir voru að fara.
Ef ég skoða leiðarkerfið í dag (www.bus.is) sé ég að þetta hefur breyst lítillega en enn virðist ekki hægt að fara með vagni þessar tvær leiðir sem ég þurfti að fara. Stærstur hluti vagnanna stoppar enn á Lækjartorgi og að minnsta kosti 10 leiðir liggja eftir Miklubrautinni. 7 vagnar keyra eftir Suðurlandsbraut og Laugarvegi og 8 vagnar fara eftir Reykjanessbrautinni upp að Mjódd.
Hins vegar keyrir ekki einn einasti vagn um Þingholtin og tveir vagnar um allan Garðabæ, nokkrir keyra reyndar þar í gegn en alls ekkert um bæinn. Svo er mikið af vögnum sem eru að keyra nákvæmlega sömu leiðirnar um hverfin, t.d. fara 14 og 15 nákvæmlega sömu leiðina um Grafarvoginn, 115 fer aðra leið en mikið af sömu stoppunum samt sem áður.
Vagnar númer 10 og 11 eru svo fullkomlega samvaxnir að það er fáránlegt - sennilega er þetta sami vagninn sem fær mismunandi númer eftir því í hvora áttina hann er að fara sem væri vissulega enn heimskulegra en að hann héldi bara sínu númeri.
Það er enginn vagn sem keyrir í gegnum Laugarneshverfið og fer eitthvað annað en niður á Lækjartorg nema númer 4 en skv. korti bus.is skerst leið hans hvergi við leiðir 2 og 5 sem fara um Laugarneshverfið og niður á Lækjartorg fyrr en komið er niðurundir Hlemm.
Vissulega spilar heimskulegt gatnakerfi inn í þessa vitleysu í leiðakerfum, það er bara ekki hægt að keyra um neitt af hverfunum á Stór-Reykjavíkursvæðinu vegna þess að allar götur þurfa orðið að vera botnlangar.
Afköst kerfisins eru furðulega léleg miðað við að allir vagnar keyra sömu leiðir en nýting þeirra verður aldrei góð vegna þess hve Höfuðborgarsvæðið er dreifbýlt. Einhvern tíma las ég að til að almenningssamgöngur gætu gengið þyrfti þéttleiki byggðar að vera ca. 75 íbúar á hektara, á Höfuðborgarsvæðinu er þessi tala víst nær 25 á hektara! Það er furðulegt til þess að hugsa að Kaupmannahöfn með sínar 2 milljónir íbúa er svipuð að flatarmáli og Höfuðborgarsvæðið. Það tekur álíka langan tíma að keyra út í úthverfi í Köben og tekur að keyra frá miðbænum í Reykjavík og yfir í Hafnarfjörð.

Samt sýnist mér á öllu að eitthvað sé að batna hjá Strætó í annarri þjónustu, t.d. er hægt að nota vefsíðuna (www.bus.is) til að finna út hvaða leiðir þú átt að nota til að fara á milli staða (með undantekningum þó).

Í Kaupmannahöfn er enn hægt að borga með t.d. 100 DKK og fá til baka. Kaupmannahöfn (eins og Danmörk allri) er skipt upp í svæði (zoner) og kosta tvö svæði 15DKK sem er lágmark. Hins vegar geturðu notað þennan miða í alla vagna og allar lestar á þessum tveimur svæðum í heilan tíma. Tíminn lengist svo ef keypt eru fleiri svæði.
Kannski Strætó ætti að huga að álíka kerfi, að farþegar geti notað saman miðann alla leið - ekki lenda í að þurfa að borga í einn vagn, fá skiptimiða til að nota í næsta og síðan borga í þann þriðja. Þetta er vel möguleiki að geti gerst. Ef maður þarf t.d. að fara frá Korpúlfsstöðum yfir á Ásvelli í Hafnarfirði er ekki hægt að fara með minna en 3 vögnum. Ég ætlaði að athuga hversu langan tíma þetta tæki en því miður þekkir kerfi www.bus.is hvorki Ásvelli né Korpúlfsstaði og því ekki hægt að komast að því :(

Látum þetta duga í bili.