icecat fyrir 20 árum, 10 mánuðum Fjöldi lestra: 731

Ólöglegur aðalfundur ?

Sæl
Mig langar til að fá álit fróðra Hugara um aðalfundi félaga, lög þess og reglur. Ég er í ákveðnu sambandi hér á Höfuðborgarsvæðinu og í því var haldinn aðalfundur þann 27. júní síðastliðinn. Í þessum samtökum er ágreiningur m.a. um reikninga sambandsins og fleira.
Hér koma lög samtakanna sem koma þessu við en nafnið tekið út.

2.1.
Aðalfund skal halda eigi síðar en 1. maí ár hvert og skal boða til hans bréflega með þriggja vikna fyrirvara hið skemmsta.
Í fundarboði skal tilgreina eftirfarandi:
A. Fundarstað og tíma.
B. Hverjir ganga úr stjórn og fastaráðum samtakanna.
C. Hverjir eru í uppstillinga- og laganefnd.

Aðalfundur er löglegur ef löglega er til hans boðað. Aðalfundi skal stjórnað samkvæmt almennum fundarsköpum. Aðalfundur setur sér starfsreglur.

2.4
Viku fyrir aðalfund skal stjórn samtakanna senda út til xxx og formanna starfseininga eftirfarandi:
A. Tillögur um lagabreytingar.
B. Tillögur uppstillinganefndar.
C. Endurskoðaða reikninga samtakanna.
D. Skýrslu stjórnar.

Til aðalfundar var boðað á með réttum fyrirvara og bréf sem send voru út lögleg. En aðalfundur var EKKI haldinn fyrir 1. maí og EKKI voru sendir út endurskoðaðir reikningar né skýrsla stjórnar viku fyrir fundardag. Þar sem ágreiningur er um reikninga samtakanna þá var ekki hægt að skoða þá fyrr en á sjálfum aðalfundinum.
Þegar gerðar voru athugasemdir um reikningana þar sem ómögulegt er að samþykkja eitthvað sem ekki hefur verið farið yfir þá ákvað stjórn samtakanna að kjósa um hvort aðalfundur væri löglegur. Það fór 17 atkvæði með og 13 atkvæði á móti. Eru eðlileg fundarsköp að sjálf stjórnin fái að taka þátt í þessarri atkvæðagreiðlu þar sem hún er um þeirra störf ?
Ef stjórnin hefði ekki kosið þá hefðu farið 12 atkvæði með en 13 á móti. Svo er spurning hvort þetta sé eðlilegt að kjósa um lögmæti aðalfundarins.
Eru þessi lög sem rituð eru hér að ofan ekki nógu skýr ? Hvað finnst ykkur ? Er þetta löglegur aðalfundur ?

IceCat

indridi fyrir 20 árum, 9 mánuðum

Það eru náttúrulega annamarkar á þessu fundarboði en spurning hvað er hægt að gera ef að það er orðið of seint að boða til aðalfundar 1 maí er þá bara ekki hægt að halda aðalfund.

Fyrra álit

icecat fyrir 20 árum, 9 mánuðum

Ég skil hvað þú ert að fara. Þessi lög hafa verið til í mörg ár og því ætti stjórn að vita af þessarri dagsetningu og passa að hafa allt tilbúið fyrir þann tíma.

IceCat

Fyrra álit

Gregor fyrir 20 árum, 9 mánuðum

Það eru fá félög/fyrirtæki sem fara eftir lögum um aðalsfundi. Því hvað á þetta væl að þýða, stjórnin má kjósa - eru þeir ekki partur af prógramminu?
Þú ert einfaldlega bara svekkt yfir úrslitum þessa fundar sem þú fórst á.
Þessar 4 “starfseiningar” af átta þ.e.a.s. þær sem eru það litlar og því er þeirra vægi í slíkum kosningum mjög lítið.

Fyrra álit

slick111 fyrir 20 árum, 9 mánuðum

Lögin hljóta að vera til þess að fara eftir þeim. Og þarna var klárlega ekki farið eftir lið nr 2.4. sem segir til um að þessi gögn skuli send út viku fyrir fund. Og þegar greidd eru atkvæði um lögmæti fundarins þá er verið að greiða atkvæði um lögmæti aðgerða (aðgerðaleysis) stjórnarinnar. Getur virkilega einhverjum manni fundist eðlilegt að stjórnin taki sjálf þátt í slíkri atkvæðagreiðslu?

Fyrra álit

indridi fyrir 20 árum, 9 mánuðum

Ef hún er sannanlega meðlimur í félaginu er ekki neitt sem að egir að hún megi ekki taka þátt í henni.

Fyrra álit

slick111 fyrir 20 árum, 9 mánuðum

Umræddur félagsskapur er þess eðlis að þetta eru samtök og innan þeirra starfa 8 félög sem hvert um sig hafa ákveðinn fjölda atkvæða eftir félagafjölda í hverju félagi fyrir sig.
Þannig háttaði til á umræddum aðalfundi að stjórnin var með 5 atkvæði á móti 25 atkvæðum aðildarfélaganna. Finnst einhverjum þetta eðlilegt hlutfall?

Fyrra álit

icecat fyrir 20 árum, 9 mánuðum

Mér er nokkuð sama þótt önnur samtök fara ekki eftir þessum reglum. Mér finnst skrýtið ef farið er eftir einum reglum og önnur hundsuð. Ég myndi nú ekki kalla þetta væl, þetta er eins hlutlaust og hægt er að vera af manneskju með skoðanir. Af því að hlutaðeigandi aðilar koma sér ekki saman þá sendi ég bréf hingað inn til að fá hlutlaust álit…er það væl ?

Já ég er svekkt yfir þessum úrslitum en það þýðir samt ekki að ég megi ekki spyrja aðra um álit. Ég allavega fullyrði ekki að aðalfundurinn hafi verið ólöglegur.

Vægi atkvæða þessarra 4 starfseininga eru 13 atkvæði af 30. Hinar starfseiningarnar 4 hafa 12 atkvæði og stjórnin svo 5. Því myndi ég segja að vægi þeirra sé ekki lítið en samt í minnihluta.

IceCat

Fyrra álit

Baddinn fyrir 20 árum, 9 mánuðum

Lögin eru skýr. Aðalfundur er löglegur ef löglega er til hans boðað. Til að svo sé þarf í fundarboði að tilgreina fundarstað og tíma, hverjir ganga úr stjórn og fastaráðum samtakanna og hverjir eru í uppstillinga- og laganefnd. Sé þetta allt á tæru í fundarboði er fundurinn eins löglegur og henn getur, því löglega var til hans boðað. Hvenær hann er haldinn skiptir engu máli varðandi lögmæti hans svo lengi sem það er tekið fram í fundarboði.

Auk þess hefur það engin áhrif á lögmæti fundarins hvort reikningarnir hafi verið sendir út eða ekki, þess gerist ekki þörf til að halda löglegan aðalfund, enda hafði í þessu tilfelli löglega verið til hans boðað áður en senda átti út reikningana, og því hefur sá misbrestur engin áhrif á lögmæti fundarins.

Það er því einföld niðurstaða að fundurinn var löglegur, og í þokkabót var kosið um það. Það er niðurstaða sem menn verða að sætta sig við. Það er út í hött að reyna að friða hugann með því að efast um úrslit kosninganna, vegna þess eins að stjórn fari með sín fimm atkvæði. Það þykir allsstaðar sjálfsagt, og hin tólf atkvæðin komu nú frá félögum sem voru sömu skoðunar og stjórn og ekkert um það að segja.

Fyrst reikningarnir voru eitthvað að plaga menn, þá átti einfaldlega að fara fram á framhaldsaðalfund, sem er einföld lausn og gefur mönnum meiri tíma til að fara yfir hluti sem þeir geta ekki sætt sig við. Á þessum framhaldsfundi hefði svo mátt úrskurða um þessa reikninga. Óþarfi hins vegar að biðja um frestun þegar menn eru eitthvað ósáttir við einn lið fundarins af mörgum. Alltaf að klára það sem hægt er.

Þar sem ég þekki nú til staðreynda málsins, sem og þinna fyrri skrifa, vil ég vinsamlegast biðja þig að kynna þér staðreyndir á málefnalegan hátt, og hætta að snúa út úr þeim lögum og reglum sem þér líkar ekki við.

Fyrra álit

icecat fyrir 20 árum, 9 mánuðum

Heheheh…hin alræmda IceCat hahahah…

Veistu að þar sem ég þekki til þín og þinna fyrri skrifa þá ætla ég að láta eins og svarið þitt sé marklaust. Við vitum bæði að þú ert eins óhlutlaus og hægt er að vera.

Hvernig er ég að snúa út úr lögum og reglum ? Ég myndi segja að þetta bréf væri mjög hlutlaust. Ég spyr aðeins fróða Hugara um þessar reglur og hvernig er hægt að túlka þær.

Einhverra hluta vegna kusu 4 “starfseiningar” af 8 að halda því fram að þessi ákveðni fundur væri ólöglegur og því veist þú ekki allt um staðreyndar málsins, þá semsagt væri enginn efi…ekki satt ?

Eigum við bara ekki að taka þessar reglur og kveikja í þeim þar sem ekkert er að marka þær ? Við gætum haldið brennu…hvað segir þú um það ?

Samkvæmt lögum nr. 2.6 um dagskrá aðalfundar er liður C. svohljóðandi:

Lagðir fram endurskoðaðir reikningar og fjárhagsáætlun til eins árs. - Umræður

Svo kemur liður E.

Afgreiðsla tillagna til lagabreytinga, skýrslu stjórnar, reikninga og fjárhagsáætlunar.

Ég bara spyr, hvernig er hægt að samþykkja reikninga sem enginn hefur séð ? Af hverju var aðalfundi ekki frestað þar sem reikningarnir voru ekki tilbúnir ? Þetta var nú ekki nema vika. Síðast þegar ég vissi voru aðalfundir akkúrat til þess að fara yfir endurskoðaða reikninga og fara yfir skýrslu stjórnar. Hefur það eitthvað breyst ?

Núna síðustu mánuði hefur sambandið verið við það að klofna í tvennt og þá þarf stjórnin að hella olíu á eldinn ? Það hefði mátt komast hjá þessu á mjög auðveldan hátt.

Góðar stundir :-þ

IceCat

Fyrra álit

Deiglan

Deiglan

Ofurhugar

Hverjir eru inni

Greinar

Ólöglegur aðalfundur ?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi