Kagemusha fyrir 20 árum, 10 mánuðum Fjöldi lestra: 748

Enn um vændi og femínisma

Á BBC er athyglisverð grein um þróun vændismála í Delhí, höfuðborg Indlands:

http://news.bbc.co.uk/2/hi/south_asia/3023 826.stm

Þar segir m.a. að ungar stúlkur úr efnafjölskyldum stundi vændi í síauknum mæli, og að þeir dagar séu liðnir er viðskiptavinir urðu að venja komur sínar í fátækrahverfin til að þjaka bláfátækar stúlkur þar. Í dag hringja efnaðir kaupsýslumenn í dætur yfirstéttarfólks og koma á skyndikynnum gegn ríflegu gjaldi. Stúlkurnar leiðast út í þessa iðju með skemmtan eða skjótfenginn gróða í huga, sem þær nota til að kaupa skartgripi og dýran fatnað.

Nú rímar þetta ekki vel við þá mynd sem femínistar draga jafnan upp af vændiskonunni, að hún sé undantekningarlaust neydd út í þessa iðju vegna sárra báginda, fíkniefnaneyslu og fátæktar með bakgrunn kynferðislegrar misnotkunar. Sjálfur hef ég aldrei haft trú á því að sú mynd sé rétt, m.a. vegna þess að ég þekki persónulega tvær stúlkur sem voru bekkjarsystur í framhaldsskóla, en ákváðu í sameiningu að leggja stund á þetta til þess að verða sér úti um ríflegan aukaskilding.

frjals fyrir 20 árum, 10 mánuðum

Iss átt ekki að skrifa svona greinar. Þú gætir eyðilagt hluta áróðurs feminista með staðreyndum :)
Ekki það að ég efist stórlega um að ákveðinn partur af feministum viti hvað staðreyndir og rök eru - en hafi gífurlega reynslu af sjálfsblekkingum.

Fyrra álit

vortex fyrir 20 árum, 10 mánuðum

já staða vændismála er ábyggilega öll svona í delhi, þú talar um staðreyndir og rök hahahahahahahahahahahahahahahahahahahahahahaha mig langar að vera kurteis en svona greinar eru nú bara allveg síðasta sort. Afhverju skrifaru ekki alvöru grein um ástand vændismála í Asíu þarsem ein algengasta aðferð til að koma stelpum í vændi hefst þannig að foreldrar selja dóttir, sem er kannski svona 10-15 ára, einhverjum köllum sem eiga vændishús. Henni er komið fyrir í húsi þarsem henni er úthlutað koju í litlu herbergi sem hún deilir yfirleitt með nokkrum öðrum stelpum. Í þessu herbergi eyðir hún síðan afgangi ævi sinnar, tekur á móti 10-15 viðskipta“vinum” á hverjum degi og deyr svo milli 20-40, mjög oft úr alnæmi eða einhverju ótilgreindu öðru sem er afleiðing af svona lífi. Hún fær yfirleitt ekki frelsi fyrir dauða sinn þótt einhverjar sleppi þegar útlitið er orðið þeim fjötur. Ein og ein yfirstéttarstúlka sem selur sig á Indlandi (og kom on svona æsifréttir eru örugglega staðreyndir um almennt ástand þar yeah right) breytir engu um hver staða milljóna venjulegra vændisstúlkna er í heiminum. Sjálfsblekkingar ykkar um glöðu vændiskonurnar sem gera þetta vegna þess að þetta er svo hentugt og æðislegt er undantekning frekar en regla og á aldrei að nota slíkar undantekningar sem algildingu. Enda er raunverulegt líf 99.9 % vændisfólks það hræðilegt og átakanlegt að við viljum ekki vera að gera lítið úr því með því að blása upp sögur af einni og einni “ríkri”, “fallegri” og “óstjórnlega hamingjusamri” vændiskonu sem vantar bara svo aðeins meiri pening fyrir fötum, skartgripum eða námi í lögfræði. En það er nú annars ein algengasta afsökun venjulegs fólks fyrir vændisástundum. Hver veit hver sannleikurinn um þetta er, eina sem víst er er að hann er ekki í neinni einni frétt eða lýsingu.

Eitt í viðbót, sko það er ekki allveg í lagi í kollinum hjá stelpum sem ekki leiðast útí þetta heldur taka þá ákvörðun að gera þetta. Þær hafa ekki vit á að nota smokka (einsog flestir þekki ég dæmi um svona hórur) og eru bara að rústa sjálfum sér tilfinningalega. Það er lítið varið í þetta fólk sem segist vera að vinna sér inn fyrir skóla með vændi, ég hef aldrei heyrt neitt skynsamlegt koma frá því. Ég er viss um að það er meiri skynsemi í gangi hjá hóru sem leiddist útí þetta vegna krakkneyslu. Ég er að alhæfa hér því ég tel mig hafa innistæðu fyrir því miðað við það sem ég hef heyrt.

Fyrra álit

eaue fyrir 20 árum, 10 mánuðum

Þú ert nú ekki að koma með neinar nýjar staðreyndir um vændi. Vita annars ekki allir fyrir lifandis löngu að vændi er stundað á Íslandi þarsem félagslega kerfið er til þess gert að tryggja að enginn þarf að deyja úr hungri?

Þessar fjölmörgu greinar gegn feminisma hér á huga (sem í 99,9% tilfella eru byggðar á fáfræði, fordómum og hálfgerðum ótta) hafa þó yfirleitt tilgang, það er, að rakka niður feminisma til að skoðanabræður greinahöfunda geti styrkst í trú sinni, eða fæla konur frá hugmyndinni um að gerast feministar þarsem samkvæmt þessum vitgrönnu greinarhöfundum eiga feministar að vera ljótar, bitrar og algjörar teprur.

En til hvers er þessi grein?
Til að fá fólk ofan af þeirri hugmynd að vændi sé óæskilegt? Eða til að hvetja stelpur til að vinna sér inn aukapening með því að selja sig??

Það er að sjálfsögðu til fólk sem er fylgjandi vændi, bæði konur og karla, en það eru ekki bara kynkaldar og óaðlaðandi teprur sem eru á móti því. Sko, mér persónulega er slétt sama þó að einhver Stína út í bæ selji sig, mér finnst mér ekki koma það við. En þetta með að lögleiða vændi það finnst mér útí hött! Því að það er staðreynd að vændi fylgir oft mannsal þó það gildi ekki um allar vændiskonur og því fylgir oft hrottalegt ofbeldi. Ef við værum að lögleiða vændi værum við að auka hættuna á þessum miður æskilegum fylgifiskum.

Það að það séu til ríkar stelpur líka á Indlandi sem selji sig þá kemur það málinu bara ekkert við!Þegar feministar eru að draga upp mynd af fátækri, misnotaðri og/eða kúgaðri vændiskonu þá er það ekki til að niðurlægja þær á neinn hátt heldur benda á hvernig þessi “bransi” er í ótrúlega mörgum tilfellum, og mótmæla því að hægt sé að fara svona með nokkra manneskju.

Fyrra álit

Pipppi fyrir 20 árum, 10 mánuðum

“Því að það er staðreynd að vændi fylgir oft mannsal þó það gildi ekki um allar vændiskonur og því fylgir oft hrottalegt ofbeldi. Ef við værum að lögleiða vændi værum við að auka hættuna á þessum miður æskilegum fylgifiskum.”

Þetta væri fyndið ef umræðuefnið væri ekki svona alvarlegt; Staðreyndin er að með því að banna vændi er einmitt verið “að auka hættuna á þessum miður æskilegum fylgifiskum”.

En þið sem mótmælið því að þessi grein sé yfirhöfuð skrifuð, af hverju mótmælið þið ekki við BBC fyrst þið teljið ykkur hafa meira vit á því en sú stofnun hvaða upplýsingar er rétt að birta og hverjum á að halda leyndum?

Fyrra álit

eaue fyrir 20 árum, 10 mánuðum

Pipppi, eðli málsins samkvæmt hefði maður haldið að það að lögleiða vændi gerði eftirlit með því auðveldara og því myndi ofbeldi minnka. En reynslan sýnir fram á hið gagnstæða, því að í Hollandi þar sem vændi er löglegt og í miðjarðarhafslöndunum þarsem það er að vísu ekki löglegt, en algjörlega litið framhjá því, þar er stór hluti vændiskvenna ólöglegir innflytjendur eða unglinsstúlkur sem hafa verið neyddar í þetta, og morð og ofbeldi á vændiskonum er daglegt brauð. Þetta lærði ég á ráðstefnu á Spáni um ólöglegan fólksinnflutning og mannsal.

Athugaðu að ég dró aldrei í efa að það sem greinarhöfundur skrifaði væri satt, þvert á móti því til stuðnings benti ég á íslenskar vændiskonur. Og ég þykist ekkert hafa meira vit en BBC á því hvaða upplýsingum á að halda leyndum og hverjum ekki. Ég meina bara, ég skil ekki hvaða tilgang greinarhöfundur sér í því að enda mál sitt á þessari málsgrein:

“Nú rímar þetta ekki vel við þá mynd sem femínistar draga jafnan upp af vændiskonunni, að hún sé undantekningarlaust neydd út í þessa iðju vegna sárra báginda, fíkniefnaneyslu og fátæktar með bakgrunn kynferðislegrar misnotkunar. Sjálfur hef ég aldrei haft trú á því að sú mynd sé rétt, m.a. vegna þess að ég þekki persónulega tvær stúlkur sem voru bekkjarsystur í framhaldsskóla, en ákváðu í sameiningu að leggja stund á þetta til þess að verða sér úti um ríflegan aukaskilding.”

Því er hann að reyna að fá fólk ofan af þeirri skoðun sinni að vændi sé óæskilegt? Eða hvetja konur til að selja sig?

Fyrra álit

Pipppi fyrir 20 árum, 10 mánuðum

“Því er hann að reyna að fá fólk ofan af þeirri skoðun sinni að vændi sé óæskilegt? Eða hvetja konur til að selja sig?”

Ég fæ nú ekki séð að hann sé að því. Mín skoðun er sú að ef einhver heldur einhverju fram sem er satt, þurfi enga frekari réttlætingu á því að láta slíkt í ljósi.

En passaðu þig hins vegar á því að blanda ekki saman tveim hlutum, þe. vændi og þrælahaldi. Það að leyfa vændi þýðir ekki að loka þurfi augunum fyrir þrælahaldi, það síðarnefnda er fyrirbæri sem stjórnvöld verða að berjast gegn með fyllsta þunga, og ættu að vera fullfær um að gera með árangri. Hins vegar virðist áhuginn á því oft vera takmarkaður, sem er ekkert annað en svívirða. En að nota það sem rök í almennri vændisumræðu, það er eins og að nota þrælahald til að koma óorði á bómull, vinnuafl þræla var jú mikið notað við bómullarrækt, og hefði svarið þá verið að banna bómull?

Það að lögleiða vændi er ekki afskiptaleysi, þvert á móti. Það er að viðurkenna vændi sem hverja aðra atvinnugrein og setja starfsemina undir heilbrigðiseftirlit, vinnueftirlit, skatteftirlit og allt sem því fylgir. Ef þetta er allt uppi á borðinu og sinnt með sama hætti og í öðrum atvinnugreinum, þá hafa þrælahaldarar ekki um auðugan garð að gresja.

Fyrra álit

eaue fyrir 20 árum, 10 mánuðum

Já ég efaðist ekki um að hann væri að halda einhverju fram sem er satt, og ég er sammála því að hann þarf ekkert að réttlæta það sem slíkt. En ég var bara að spyrja af hverju hann var að blanda feministum inn í málið, hélt hann að feministar vissu ekki að það eru ekki eingöngu fátækar konur og dópistar sem seldu sig?
Svo finnst mér líka mikið um að stuðningsmenn vændis beint eða óbeint reyni að hvetja ungar konur til að næla sér í aukapening á þennan hátt, með því að benda á staðreyndir á borð við þessar ríku konur í Indlandi eða íslenskar menntaskólastelpur sem stunda vændi. Mér grunaði að greinahöfundur væri að því en hann sagði það ekki beint út þannig að ég leyfi honum að njóta efans. Þar fyrir utan er morgunljóst að slík hvatning virkar sjálfsagt mjög sjaldan á heilbrigðar manneskjur sem hafa þegar gert upp við sig að þær vilji ekki selja sig.

Ég veit vel að vændi er ekki alltaf tengt þrælahaldi, en það fer líka mjög oft saman, og ég leyfi mér að efast um að ef vændi væri löglegt þá væri minnsta mál að halda utan um þá starfsemi og hafa eftirlit með þrælahaldi. Það er allavegana reynslan í Hollandi, enda gífurlegur hluti vændiskvenna þar í landi ýmist ólöglegir innflytjendur sem njóta sem slíkir einskis réttar í opinbera geiranum eða löglegar vændiskonur sem þó hafa verið plataðar í það starf á fölskum forsendum og hafa lítil tök á að berjast gegn því.
Það versta að mínu mati er þó það að vændiskonur eru mjög oft beittar ofbeldi af kúnnum sínum, og tek ég sem dæmi Spán þarsem afrískar ólöglegar vændiskonur þykja vera í hættulegasta “starfi” þar í landi þarsem nánast hver einasta þeirra þarf einhvern tíman á lífleiðinni að fara á sjúkrahús með alvarlega áverka eftir misnotkun eða líkamsárás.
Það má vera að í einhverjum tilfellum væri hægt að sporna við slíku með því að hafa vændið á vegum einhverra opinberra samtaka, en í slíkum væru ólöglegir innflytjendur væntanlega ekki ráðnir til starfa, og um leið og vændi væri löglegt myndi siðgæði fólks smátt og smátt breytast í áttina að því að þetta væri eðlilegur hlutur (sem mörgum finnst nú þegar), og kvenfyrirlitning myndi sennilega aukast.

Mér finnst leiðinlegast þegar andstæðingar feminisma halda því fram að feministar séu á móti lögleiðingu vændis vegna þess að þær haldi að það sé verið að taka eitthvað frá þeim, en það er fjarstæða. Ég tala allavegana fyrir sjálfa mig, ég á ekki í vandræðum með að ná mér í karlmenn og hef ekki áhyggjur af því að vændiskonur séu keppinautar mínir um þá. Og í sannleika sagt er mér nokkuð sama um það þó að áðurnefnd Dísa út í bæ selji sig svo lengi sem hún vill það sjálf og er ekki beitt ofbeldi.
Það sem ég hef áhyggjur af er aukin kvenfyrirlitning (já það getur verið að virðing þín fyrir konum minnki ekkert þó vændiskonum fjölgi vegna lögleiðingar vændis, en það gildir sannarlega um marga aðra) minnkandi siðgæði (ath að ég telst alls ekki tepra í kynferðislegum skilningi)og ekki síst ofbeldið sem vændinu fylgir.

Fyrra álit

Pipppi fyrir 20 árum, 10 mánuðum

“En ég var bara að spyrja af hverju hann var að blanda feministum inn í málið, hélt hann að feministar vissu ekki að það eru ekki eingöngu fátækar konur og dópistar sem seldu sig?”

Ég hef nú heyrt það margoft frá yfirlýstum femínistum að það sé óhugsandi að andlega heilbrigð kona leggi stund á vændi nema hún sé neydd til þess.

Fyrra álit

lhg fyrir 20 árum, 10 mánuðum

Við búum nú á eyju þannig að það á ekki að vera mjög erfitt fyrir okkur að hafa eftirlit með ólöglegum innflytjendum.

Fyrra álit

Pipppi fyrir 20 árum, 10 mánuðum

Öðru vildi ég bæta við, og það er að bollaleggingar um að einhver, sem setur fram skoðanir eða upplýsingar sem eru sannar og/eða í takti við raunveruleikann, geri það með einhver annarleg sjónarmið í huga, er fyrirlitleg hegðun í málefnalegri umræðu, reyndar nánast skilgreiningin á ómálefnalegri umræðu.

Fyrra álit

eaue fyrir 20 árum, 9 mánuðum

“Öðru vildi ég bæta við, og það er að bollaleggingar um að einhver, sem setur fram skoðanir eða upplýsingar sem eru sannar og/eða í takti við raunveruleikann, geri það með einhver annarleg sjónarmið í huga, er fyrirlitleg hegðun í málefnalegri umræðu, reyndar nánast skilgreiningin á ómálefnalegri umræðu.”

Er þetta nú ekki svolítið sterkt til orða tekið. Því ég var bara að mótmæla því að hann reyndi að nota þessar staðreyndir til þess að veikja málsstað feminista eða til að blanda þeim inn í málið yfir höfuð.

Annars verð ég að segja, ég sé alveg einhver rök fyrir því að leyfa vændi, og sem dæmi um það er það að sumir eru kannski fatlaðir eða svo félagslega bældir að þeir geta ekki stundað kynlíf með góðu móti. Þá væri ef til vill skárra en ekkert ef þeir gætu keypt kynlíf.
En rökin gegn því að leyfa vændi eru að mínu og fleirra mati sterkari, því að þessi “bransi” býður ekki upp á að hægt sé að hafa strangt eftirlit með því sem fram fer. Því að flestir vilja stunda kynlíf fyrir luktum dyrum og væntanlega myndu flestir neita að gefa upp nafn og kennitölu þegar þeir væru að versla með það (ef þeir væru til dæmis að halda framhjá). Þannig að þetta dæmi þitt með bómullarrækt var ekki alveg hliðstætt, þarsem það er minnsta mál að hafa strangt eftirlit með slíku með að senda eftirlitsmenn á staðinn og það sama gildir um verksmiðjur. En það er ekki beinlínis hlaupið að slíku þegar vændi er upp á teningnum. Og svo er það nú bara staðreynd að karlmenn hafa það mikla líkamlega yfirburði á við konur að sérhver vændiskona setur sig í gífurlega mikla hættu við að “fara afsíðis” með ókunnugum manni sem hún þekkir ekkert. Það sama gildir svosem um skyndikynni, en enginn er starfs síns vegna tilneyddur til að stunda slíkt.
Það er auðvitað þannig að sumar konur fara að stunda vændi af því að þeim finnst það góð leið til að græða aukapeninga, en það eitt og sér nægir varla til þess að loka augun fyrir þeim miður geðslegu fylgifiskum sem vændi getur haft og gera það að löggildri starfsgrein. Það væri líka ráð svona til tilbreytinga að læra af reynslu annarra, en reynslan hefur kennt öðrum þjóðum að lögleiðing vændis hefur ekkert dregið úr hrottalegu ofbeldi, heldur frekar aukið það.

Fyrra álit

thevoid fyrir 20 árum, 9 mánuðum

“Það sama gildir svosem um skyndikynni, en enginn er starfs síns vegna tilneyddur til að stunda slíkt.”

En það er enginn neyddur til að starfa við vændi því ef einhver er neydd/ur til þess að stunda vændi þá er það ekki starf heldur þrælahald.

Auk þess held ég að ef vændiskona verður fyrir ofbeldi þar sem vændi er ólöglegt þá séu mun minni líkur á að hún tilkynni það til yfirvalda heldur en ef vændi væri löglegt, því ef vændi er ólöglegt þá er hún sjálf að brjóta lögin og því minni líkur á að hún myndi vilja tala við lögguna.

“Það eru líklega aðallega konur sem tala illa um vændiskonur, en það er ekkert feminískt sjónarmið.”

En hvað með þessa feminísta sem Pipppi minntist á sem segja að að það sé óhugsandi að andlega heilbrigð kona leggi stund á vændi nema hún sé neydd til þess. Maður fær það á tilfinninguna að það sé feminískt sjónarmið þótt það sé það í raun ekki. Uppáhalds femínistinn minn er Annabel Chong sem sneri “fola/druslu” dæminu (karlar eiga að sofa hjá rosa mörgum konum og eru fyrir vikið folar en konur sem gera það sama eru druslur) við og svaf hjá 251 kalli í einu. Síðan var gerð heimildarmynd um allt saman.

Fyrra álit

[Notanda eytt] fyrir 20 árum, 9 mánuðum

“En það er enginn neyddur til að starfa við vændi því ef einhver er neydd/ur til þess að stunda vændi þá er það ekki starf heldur þrælahald.”

Jæja, neydd er ekki gott orð… ég meina vændiskonur eru starfs síns vegna skyldugar til að stunda skyndikynni, og ég vil meina að það geti verið hættulegt.

Þú heldur að ef vændiskona verður fyrir ofbeldi þarsem vændi er löglegt muni frekar tilkynna glæpinn, maður myndi ætla það, en það er bara ekki þannig. Ef það munar einhverju, þá munar mjög litlu. Aðalmunurinn felst hins vegar í því að þarsem vændi er löglegt þar er enn meira um
að konur séu plataðar frá öðrum löndum til að stunda það, og þá er ekki hægt að lögsækja “atvinnurekandann” því hann hefur tæknilega séð ekkert gert neitt rangt lögum samkvæmt, og þá eru viðbrögðin þannig ef þær leita sér hjálpar: “Nú hættu bara í þessu starfi og finndu þér nýtt, eða farðu bara aftur heim til þín.”
Hér á Íslandi er vissulega auðveldara en annars staðar að stjórna ólöglegum fólksinnflutningi, öfugt við til dæmis miðjarðarhafslöndin þar sem afrískar ólöglegar vændiskonur skipta hundruðum þúsunda í það minnsta (er ekki með nákvæma tölu). En það þýðir ekki að konur hafa ekki verið fengnar frá öðrum löndum á fölskum forsendum og plataðar til að selja sig. Aðal vandamálið er bara það að þessar erlendu stripp danskonur eru aldrei teknar trúanlega. Munið þið annars ekki eftir þeim tveim eistnesku sem kvörtuðu yfir því að vera fengnar til landsins sem dansarar, og vissu ekki að um ræddi strippdans, og svo voru þær í þokkabót þvingaðar til að selja sig (ég held það hafi verið á Bóhem, þetta var eitthvað um ´99 eða eitthvað). Svo ekki fyrir löngu sagði dönsk kona frá því í dönsku tímariti að hún hefði verið fengin til landsins á fölskum forsendum, einhver Dani hafði reddað henni vinnu sem strippari á sama stað, en svo þótti bara sjálfsagt mál að fyrst hún var strippari á annað borð þá hlyti hún að selja sig líka. Og þegar hún neitaði því var henni sagt upp strax. Í þessum báðum tilfellum voru málin leyst upp á einfaldan hátt: Eigandi staðarins sagði bara að þær væru að ljúga, og allir trúðu því.
Þannig að Íslendingar virðast ekki alveg í stakk búnir til að styðja við bakið á þessum konum.

Þessir yfirlýstu feministar sem Pipppi minntist á sem segja að það sé óhugsandi að andlega heilbrigð kona leggi stund á vændi nema hún sé neydd til þess eru nú ekkert þeir einu sem halda því fram. Ég þekki fullt af fólki, bæði yfirlýstum feministum og megnustu karlrembum sem geta vel fallist á þessa kenningu. Sjálf skal ég vera hlutlaus… ég viðurkenni að ég á bágt með að trúa því að andlega heilbrigð kona vilji stunda vændi upp á gamanið, en ég þekki víst ekki allt fólk í heiminum og hver veit nema ég eigi eftir að kynnast einni slíkri.

Ég er alveg sammála því að það sem Annabel Chong gerði var umhugsunarvert og bara þónokkuð framtak hjá henni. Hún vildi hreyfa við fólki og vekja það til umhugsunar um þetta ævaforna viðhorf með að konur eigi að vera prúðar og svo gott sem skírlífar á meðan karlar eigi að fá sér á broddinn eins mikið og mögulegt er til að vera svalir. Ég sem feministi segi, að ég vil breyta þessu viðhorfi, og Annabel Chong er ekkert drusla fyrir að sofa hjá 251 kalli í einu ef hún vildi það sjálf. Og konur eru ekkert druslur þótt þær reyni við karlmenn, og svonefndur “glyðrulegur” klæðaburður og framkoma afsakar aldrei kynferðisglæpi.

Madonna var á sínum tíma minn uppáhalds feministi, enda gerði hún í því að ganga fram af fólki með að vera djörf og kynferðislega opinská. Og hún var ekki síður ötul í réttindabaráttu sinni fyrir samkynhneigða og svertingja.

Reyndar finnast mér Christina Aguilera, Britney Spears og fleiri alls ekki þjóna sama tilgangi, enda virðist núna vera sjálfgefið að ef þú ert kona og vilt koma tónlistinni á framfæri í poppheiminum verðuru að fækka fötum. Þannig að þetta er etv orðið svolítið þreytt… sem er önnur saga.

Fyrra álit

thevoid fyrir 20 árum, 9 mánuðum

Er ekki hægt að hafa betra eftirlit með þessum konum sem eru plataðar hingað til að strippa, þurfa þær ekki að hafa atvinnuleyfi og eitthvað svoleiðis áður en þær koma til Íslands.

Það er nú líka dálítið heimskulegt að vera fara bara til útlanda án þess að vita eitt né neitt um hvað málið snýst. Ég held bara að það sé á ábyrgð kvennanna að hugsa svona lagað betur.

Og held að ég viti um eitt sem þessir yfirlýstu femínistar og örgustu karlrembur eiga sameiginlegt og það er þröngsýni.

Ég er samt alveg sammála þér með Britney Spears og Christinu Aguileru og allar þessar poppstjörnur. Og ekki nóg með það að þær séu alltaf hálfberar í þessum myndböndum sínum þá eru þær, og aðrar kvenfyrirmyndir (hvað útlit varðar eins og t.d. fyrirsætur, eins og kústsköft. Síðan fá unglingsstelpur anorexíu af þessu öllu saman. Mér finnst það ekki alveg nógu sniðugt.

Fyrra álit

eaue fyrir 20 árum, 9 mánuðum

“Það er nú líka dálítið heimskulegt að vera fara bara til útlanda án þess að vita eitt né neitt um hvað málið snýst. Ég held bara að það sé á ábyrgð kvennanna að hugsa svona lagað betur.”

Tja það hvarflar nú að manni!
Auðvitað er það glannalegt og eiginlega fífldjaft að gera þetta. Málið er bara það að í fátækari löndum eins og til dæmis í Austur Evrópu og Afríku er mikið af fólki sem vill gera ýmislegt til að komast úr heimalandinu og fá hærri laun heldur en þar. Þess vegna er auðvelt fyrir vestræna atvinnurekendur að fá fólk frá þeim löndum kannski í störf sem innfæddir vilja ekki eða notfæra sér vilja þeirra til að borga þeim minni laun fyrir erfiðisvinnu og án allra fríðinda. Þetta á við um alls konar störf, bæði kvenna- og karlastörf. Það er enginn vandi að koma þessu í gegn þarsem til dæmis í eystrasaltslöndunum úir og grúir af vinnumiðlunum fyrir einmitt þessa atvinnurekendur, og þó svo að innfæddir viti af hugsanlegri hættu á að brotið sé á þeim er ekkert lát á umsóknum. En þetta notfæra sér líka margir “melludólgar”, og geta þannig platað konur til að fara í vændi á fölskum forsendum. Auðvitað er þetta algjör fífldirfska af fólki, að ráða sig bara án allra pappíra hjá atvinnurekendum einhvers staðar í Fjarskanistan, en þetta vill það samt hætta á. En ábyrgðin hvílir auðvitað mest á atvinnurekendunum, sem sjá sér leik á borði og notfæra sér slæman efnahag annarra þjóða til að svindla á þegnum þeirra.
Þetta skýrir eflaust líka af hverju danska konan sem ég nefndi hér fyrr hafði tök á því að kvarta og láta reka sig af strippstað en ekki þær eistnesku.

“Og held að ég viti um eitt sem þessir yfirlýstu femínistar og örgustu karlrembur eiga sameiginlegt og það er þröngsýni.”
Tja þetta finnst þér sjálfsagt, en ég verð þá bara að kallast þröngsýn tepra líka, þarsem ég efast stórlega um að andlega heilbrigð kona leggi stund á vændi vegna þess að henni finnst það spennandi starf. Ég leyfi mér að ætla að þær vændiskonur sem við fyrstu sýn virðast heilbrigðar eigi sér samt í flestum tilfella fyrri sögu um misnotkun eða annað í þeim dúr. Athugaðu að ég legg það ekki að jöfnu að stunda vændi og kannski leika í klámmynd. Ég veit það eru margir karlmenn, og konur reyndar líka sem leggja þetta tvennt að jöfnu, og ég hef heyrt marga karlmenn segja að þeir hefðu ekkert á móti að vinna við að sofa hjá og fá borgað formúgu fyrir það. Ég er ekki viss um að þeir væru á sama máli ef þeir pældu í því að 90% hjásvæfnanna væri sennilega gamlar eða feitar eða óaðlaðandi konur, nú eða kannski sadistar sem fá hvergi annars staðar útrás nema á karlhórum.
Þannig lítur nefnilega vændi út í augum flestra kvenna, og ég held að það sé staðreynd að flestir kúnnarnir (kannski ekki endilega 90%) eru menn sem þær myndu aldrei vilja sofa hjá ellegar.

Nú veit ég ekki hversu auðvelt það er á Íslandi að kaupa vændiskonur, en mig grunar að það sé nokkuð auðvelt miðað við það sem maður sér á netinu til dæmis. Þó getur það ekki verið eins auðvelt eins og til dæmis á Spáni þar sem ég bjó, en þar er nóg að fara bara út í næsta almenningsgarð til að sjá minnst 20 hórur sem eru að bíða eftir kúnnum. Samt sem áður eigið þið marga skoðanabræður þar sem berjast fyrir því að vændi sé leyft. En það liggur samt í augum uppi að það er ekki barátta fyrir því að vændi verði aðgengilegra, enda væri það þá væntanlega orðið uppáþrengjandi. Þar gengur baráttan út á að vændi verði viðurkennd afþreyingarþjónusta svo að fólk fari að taka því eins og sjálfsögðum hlut til að menn sem versla með kynlíf fái ekki þennan “stimpil” á sig og verði ekki fordæmdir af samfélaginu og meira óspennandi í augum annarra kvenna. Mig grunar að það sama sé uppi á teningnum hér á landi, þeas að menn vilji fá að versla með vændi óþvingað og afskiptalaust án þess að verða óspennandi í augum venjulegra kvenna, og að umhyggja fyrir vændiskonunum sjálfum sé ekki áhyggjumál nr#1. Endilega leiðréttið mig ef ég hef rangt fyrir mér.

Fyrra álit

[Notanda eytt] fyrir 20 árum, 9 mánuðum

En er það samt ekki á ábyrgð fólksins að tala eða tala ekki við þessar vafasömu atvinnumiðlanir?

Og ég skil ekki af hverju þessar eistnesku gátu ekki bara sagt eigandanum að hoppa upp í óæðri endann á sér og hætt að vinna þarna.

Ég held að það sé fullt af fólki sem er ekki spennt fyrir starfinu sínu en vinnur samt af því að maður verður nú einu sinni að borða. Mér þætti það nú ógeðslega leiðinlegt að vinna fyrir framan tölvuskjá frá 8:00-16:00 en ég held því nú ekki fram að engin heilbrigð manneskja vilji vinna við það. Ég held því ekki heldur fram að það sé ekki neitt heilbrigt fólk sem er tilbúið að vinna einhverja skítavinnu fyrir há laun.

Ég held að það séu margar ástæður fyrir því að fólk vill lögleiða vændi. Ein er sú sem þú nefndir, önnur er sú að fólk heldur að það sé fyrir bestu fyrir vændiskonur, sumum er illa við boð og bönn og síðan eru einhverjir sem er illa við þessa yfirlýstu femínista og (að þeim finnst) tepruskapinn í þeim.

Fyrra álit

eaue fyrir 20 árum, 9 mánuðum

“En er það samt ekki á ábyrgð fólksins að tala eða tala ekki við þessar vafasömu atvinnumiðlanir?”
Auðvitað er það ábyrgð fólks að tala eða ekki tala við þessar vafasömu atvinnumiðlanir og ég vænti þess að margir geri sér grein fyrir hættunni á því að það sé brotið á þeim. Látum það vera að fólk fái í verkamannavinnu og fái lægri laun og enga sjúkratryggingu; fólk þarf þó ekki að missa sjálfsvirðinguna við það. En að bjóða konum gengilbeinustarf og pína þær síðan til að selja sig er að mínu mati full langt gengið og ég held að sjálfsvirðing 99% heilbrigðra kvenna myndi
bíða hnekki við slíkt. Annars sá ég ekki fyrir löngu þátt í sjónvarpinu um svona starfsemi í Lettlandi, en þar kom fram að konur þar væru almennt orðnar meðvitaðar um það að það borgaði sig ekki að taka þjónustustúlkustarfi í öðru landi ef beðið væri um hæð, þyngd og brjóstastærð og þær sendar í HIV próf.

“Og ég skil ekki af hverju þessar eistnesku gátu ekki bara sagt eigandanum að hoppa upp í óæðri endann á sér og hætt að vinna þarna.”

Af því að Eistland er fátækt land og þær höfðu væntanlega ekki efni á því að lifa á Íslandi á þeim peningum sem þær áttu. Það er allavegana mjög algengt vandamál, og þess vegna helst fólk frá fátækum löndum oft í vinnum sem aðrir vilja ekki vinna.

“Ég held að það sé fullt af fólki sem er ekki spennt fyrir starfinu sínu en vinnur samt af því að maður verður nú einu sinni að borða. Mér þætti það nú ógeðslega leiðinlegt að vinna fyrir framan tölvuskjá frá 8:00-16:00 en ég held því nú ekki fram að engin heilbrigð manneskja vilji vinna við það. Ég held því ekki heldur fram að það sé ekki neitt heilbrigt fólk sem er tilbúið að vinna einhverja skítavinnu fyrir há laun.”

Nei ég er sammála því að maður þarf ekkert að vera óheilbrigður til að vilja vinna leiðinlega vinnu ef maður fær háar tekjur fyrir. En samt sem áður legg ég ekki að jöfnu “skítastarf” og vændi. Því að það er ekki eins líklegt fyrir heilbrigðar konur missa sjálfsvirðinguna við að sitja fyrir framan tölvuskjá eða skúra og þrífa eða leggja gangstéttarhellur eins og að leggja sig í hættu við að sofa hjá mörgum mönnum sem í 90% tilfella eru svo ógeðslegir að engin önnur lítur við þeim eða hafa svo afbrigðilegar kynlífslanganir að þeir fá ekki útrás hjá sínum mökum.

“önnur er sú að fólk heldur að það sé fyrir bestu fyrir vændiskonur, sumum er illa við boð og bönn og síðan eru einhverjir sem er illa við þessa yfirlýstu femínista og (að þeim finnst) tepruskapinn í þeim.”

Fólk kann að halda að það sé fyrir bestu fyrir vændiskonur, en þarsem lögleiðing vændis hefur sýnt fram á hið gagnstæða í öðrum löndum, af hverju ættum við ekki að læra af mistökum annarra?
Ég er alveg sammála því að boð og bönn eru leiðinleg, en maður verður bara að sætta sig við að sumir hlutir eru bannaðir af því að fólki er ekki treystandi til að stunda þá án þess að vera sjálfu sér eða öðrum hættulegt. Ef allir væru skynsamir og ábyrgðarfullir þyrftum við engin lög og enga lögreglu, því öllum væri treystandi.

“síðan eru einhverjir sem er illa við þessa yfirlýstu femínista og (að þeim finnst) tepruskapinn í þeim.”
Það er nú bara þó nokkuð margir sem er illa við feminista og virðast óttast þá. En ég verð þó næstum einungis vör við þessa andúð þeirra hér á netinu. Aldrei finn ég fyrir henni sjálf í eigin persónu, af hverju ætli það sé? Ætli það sé ekki bara af því að ég er hvorki fjandsamleg karlmönnum né tepra.

Fyrra álit

Pipppi fyrir 20 árum, 9 mánuðum

“Fólk kann að halda að það sé fyrir bestu fyrir vændiskonur, en þarsem lögleiðing vændis hefur sýnt fram á hið gagnstæða í öðrum löndum, af hverju ættum við ekki að læra af mistökum annarra?”

Ég mótmæli þessu og tel þetta alls ekki rétt. Það eina sem hefur komið fram í þessa veru í þræðinum er að yfirvöld standa sig ekki í því að sporna við þrælahaldi, og að kenna lögleiðingu vændis um er ekkert nema fáránlegt.

Fyrra álit

thevoid fyrir 20 árum, 9 mánuðum

Mér sýnist nú samt að þessar eistnesku beri nokkra ábyrgð á þessu sjálfar. Þær komu til landsins í gegnum einhverja vafasama vinnumiðlun sem þær þurftu ekkert að tala við og síðan gátu þær hætt og gert það sama og aðrir atvinnulausir nýbúar gera (sem ég hef reyndar ekki hugmynd um hvað er en það hlýtur að vera skárra heldur en að selja sig, amk ef vændi er eins hryllilegt og þú segir).

Ég átta mig samt ekki á því af hverju vændi er svona hryllilegt. Ertu alveg viss um að það sé ekki til heilbrigðar konur sem vilja sofa hjá ógeðslegum köllum fyrir peninga? Við vitum bæði að það eru til konur sem vilja gera það því þú segist ekki draga efni greinarinnar né það að til séu íslenskar menntaskólastelpur sem stundi þetta. En af hverju eru þær óheilbrigðar?

Getur virkilega ekki hugsast að til séu heilbrigðar konur sem vilja stunda þetta starf frekar heldur en að vera atvinnulausar eða vinna við að skúra og það fyrir einhver lúsarlaun?

Eða jafnvel að til séu konur sem hálfvorkenni þeim sem eru svo ógeðslegir að engin kona lítur við þeim og eru til í að leggja það á sig að fá svona 15-25 þúsund kall fyrir það eitt að sofa hjá þeim? Eða að þær hálfvorkenni körlum sem vilja klæðast stígvélum (sem dæmi um afbrigðilegar kynlífslanganir) meðan þeir stunda kynlíf og eru til í að leggja það á sig að sofa hjá karlmanni sem klæðist stígvélum á meðan kynmökunum stendur og fá 15-25 þúsund fyrir.

Og ræður fólk ekki sjálft hvort það vill stunda starf þar sem er hætta á að það missi sjálfsvirðinguna? Er fólki bannað að stunda önnur hættuleg störf?

Mér finnst persónulega sú skoðun að vændi eigi að vera að vera ólöglegt af því að það er fyrir bestu vera mun lógískari heldur en sú skoðun að það eigi að vera ólöglegt af því að engin heilbrigð manneskja gæti viljað stunda það.

“Fólk kann að halda að það sé fyrir bestu fyrir vændiskonur, en þar sem lögleiðing vændis hefur sýnt fram á hið gagnstæða í öðrum löndum, af hverju ættum við ekki að læra af mistökum annarra?”

Ég bendi bara á nýjustu svör Kagemusha og Pipppi. Ég held að yfirvöldum í þessum löndum þar sem þetta er löglegt sé bara skítsama um ólöglega innflytjendur sem verða fyrir misnotkun. Ég veit ekki með þig en mér finnst ekki að það eigi að vera svoleiðis hvort sem vændi er ólöglegt eða ekki.

Fyrra álit

eaue fyrir 20 árum, 9 mánuðum

“Mér sýnist nú samt að þessar eistnesku beri nokkra ábyrgð á þessu sjálfar. Þær komu til landsins í gegnum einhverja vafasama vinnumiðlun sem þær þurftu ekkert að tala við og síðan gátu þær hætt og gert það sama og aðrir atvinnulausir nýbúar gera”
Auðvitað báru þær ábyrgð á því sjálfar, þetta er auðvitað eins og ég segi, fífldirfska. En það réttlætir samt ekki þessa misnotkun á þeim, eða finnst þér það? Og það sem mér fannst verst í þessu var að afgreiðsla málsins var einföld: fólk hlustaði ekki á þær. Mér er sama þó að þær hefðu smyglað sér sjálfar til landsins á árabát, það hefði verið nær ef fólk hefði hlustað á þær samt til að opna augun fyrir þessu vandamáli og fyrir þeirri staðreynd að þetta viðgengst á Íslandi, að nota sér bága fjárhagsstöðu erlendra kvenna til að plata þær út í vændi.

“Og ræður fólk ekki sjálft hvort það vill stunda starf þar sem er hætta á að það missi sjálfsvirðinguna? Er fólki bannað að stunda önnur hættuleg störf?”
Manni þætti það svosem eðlilegt að fólk réði sér algjörlega sjálft. En pointið er að ég og skoðanabræður mínir og systur, við viljum ekki styðja við bakið á þessari starfsemi með því að lögleiða hana. Ég meina, það er ekkert öllum treystandi.

“Ég átta mig samt ekki á því af hverju vændi er svona hryllilegt. Ertu alveg viss um að það sé ekki til heilbrigðar konur sem vilja sofa hjá ógeðslegum köllum fyrir peninga? Við vitum bæði að það eru til konur sem vilja gera það því þú segist ekki draga efni greinarinnar né það að til séu íslenskar menntaskólastelpur sem stundi þetta. En af hverju eru þær óheilbrigðar?”
Ég sagði bara að ég drægi það í efa að þær gætu gengið alheilar til skógar. En ég þekki nú ekki margar sem selja sig, þær sem ég hef komist í kynni við eiga allar sameiginlegt að hafa verið í mikilli dópneyslu eða eru það ennþá, og við vitum nú hvernig dóp getur farið með andlegt heilbrigði (og líkamlegt). Nú og svo eru sumir það miklir fíklar að næsti skammtur er jafnvel sjálfsvirðingarinnar virði. En ég dró það nú bara í efa að maður gæti verið andlega heilbrigð og vændiskona um leið, ég fullyrti það ekki eindregið.

“Eða að þær hálfvorkenni körlum sem vilja klæðast stígvélum (sem dæmi um afbrigðilegar kynlífslanganir) meðan þeir stunda kynlíf og eru til í að leggja það á sig að sofa hjá karlmanni sem klæðist stígvélum á meðan kynmökunum stendur og fá 15-25 þúsund fyrir.”
Hvað er svona afbrigðilegt að vilja klæðast stígvélum á meðan á kynmökum stendur? Mér finnst það allavegana eitt og sér ekkert afbrigðilegt. Það sem ég meina með afbrigðilegt er sadistar, náriðlar, fólk sem æsist upp við mannasaur og fleira í þeim dúr.
Allt í lagi að vorkenna fólki, en enn efast ég um að vorkunn og 25 þúsund kall sé þess virði, sér í lagi ef ókunnug persóna á í hlut.

“Mér finnst persónulega sú skoðun að vændi eigi að vera að vera ólöglegt af því að það er fyrir bestu vera mun lógískari heldur en sú skoðun að það eigi að vera ólöglegt af því að engin heilbrigð manneskja gæti viljað stunda það.”

Þarna er ég sammála þér og þessu hef ég verið að halda fram. Það að ég kom með mína kenningu um andlegt heilbrigði vs. vændi var bara beint til þess sem sagði að það væri ekkert nema tepruskapur að útiloka að þetta tvennt færi saman.

“Ég bendi bara á nýjustu svör Kagemusha og Pipppi. Ég held að yfirvöldum í þessum löndum þar sem þetta er löglegt sé bara skítsama um ólöglega innflytjendur sem verða fyrir misnotkun. Ég veit ekki með þig en mér finnst ekki að það eigi að vera svoleiðis hvort sem vændi er ólöglegt eða ekki.”
Já yfirvöld í öllum þeim löndum sem ég þekki standa sig engan vegin í stykkinu við að vernda ólöglega innflytjendur. Að sjálfsögðu er þetta ekki sanngjarnt, hvort sem vændi á í hlut eður ei. En þó að yfirvöld allra landa í heiminum taki höndum saman og geri stórátak með eftirliti og vernd á ólöglegum innflytjendum (sem mér finnst að þau eigi að gera!) þá leysir lögleiðing vændis ekki vandamál innflytjenda. Því eins og ég sagði hér fyrr þá vilja hvorki vændiskonur né viðskiptavinir þeirra láta fylgjast með sér að störfum á meðan athöfnin fer fram, og það eru alltaf þó nokkrir “svartir sauðir” sem eiga afskaplega auðvelt með að beita vændiskonur ofbeldi, og eyðileggja því fyrir ykkur hinum.

Fyrra álit

thevoid fyrir 20 árum, 9 mánuðum

Fyrra álit

thevoid fyrir 20 árum, 9 mánuðum

Helv…. tölva, svarið mitt hvarf. Ég verð að skrifa það aftur.

Ég átta mig ekki ennþá á því af hverju þessar eistnesku gátu ekki hætt og gert það sem aðrir atvinnulausir nýbúar gera, því það getur varla verið eins slæmt og vændi.

Mér finnst það náttúrulega ömurlegt að bjóða fátækum konum þjónusustúlkustarf og segja síðan við þær þegar þær koma til landsins: “Hei, gettu hver ”þjónustan“ er.” En myndi það ekki minnka líkurnar á því að það gerist ef vændi væri löglegt og vændiskonurnar þyrftu að fá starfsleyfi, borga í lífeyrissjóð osfrv. Og ef aðstæður væru slæmar gætu vændiskonurnar farið til annarra vændishúsa eða kvartað í yfirvöld eða eitthvað í þá áttina.

En varðandi andlegt heilbrigði, hvað finnst þér skilgreina heilbrigða manneskju?

Og þér finnst kannski stígvélasex í lagi, en þú ert náttúrulega ekki tepra.

Fyrra álit

eaue fyrir 20 árum, 9 mánuðum

“Ég átta mig ekki ennþá á því af hverju þessar eistnesku gátu ekki hætt og gert það sem aðrir atvinnulausir nýbúar gera, því það getur varla verið eins slæmt og vændi.”

Þær gerðu það sem þær gátu og á endanum kvörtuðu þær og komust svo til síns heima. En þær gátu ekki gert það undir eins af því að þær voru algjörlega mállausar á íslensku og þær áttu ekki nægan pening til að lifa sjálfstætt á Íslandi þarsem efnahagur Eistlands er mun veikari en á Íslandi. En það sem mér finnst hvað umhugsunarverðast er að fólk vildi frekar loka augunum fyrir þeirri staðreynd að vændi þrifist yfir höfuð á Íslandi heldur en að hlusta á þær og taka þær trúanlega.

“En myndi það ekki minnka líkurnar á því að það gerist ef vændi væri löglegt og vændiskonurnar þyrftu að fá starfsleyfi, borga í lífeyrissjóð osfrv. Og ef aðstæður væru slæmar gætu vændiskonurnar farið til annarra vændishúsa eða kvartað í yfirvöld eða eitthvað í þá áttina.”

Þetta er nefnilega ekki rétt. Það eru ekki síst vændis samtök í Hollandi og fleiri löndum þarsem mest er platað konur í starf frá öðrum löndum, og vitnistburður einnar rússneskrar sem ég heyrði staðfesti það, en hún var seld af rússnesku mafíunni í vændishús í Hollandi. En þegar hún reyndi að kvarta og losna úr prísundinni var viðkvæðið þetta: “Hættu bara og finndu þér aðra vinnu fyrst að þessi hentar þér ekki.” Í því tilfelli hefði verið betra fyrir hana ef vændi væri algjörlega ólöglegt því að þá hefðu yfirvöld ef til vill sent hana heim. En það er einmitt gert í mörgum löndum, innflytjendur eru sendir heim ef þeir brjóta lögin. Ekki er það útaf umhyggju fyrir þeim, heldur vegna þess að þeir kosta ríkið svo mikla peninga.
Það er auðvitað alltaf hægt að segja: “herða eftirlit með svona blekkingum”, en þegar batterí eins og rússneska mafían á í hlut, þá er það ekki beint auðvelt.

“En varðandi andlegt heilbrigði, hvað finnst þér skilgreina heilbrigða manneskju?”
Æ ég veit það ekki ég er ekki sálfræðingur. Ég skal ekki commenta þetta neitt meira.

“Og þér finnst kannski stígvélasex í lagi, en þú ert náttúrulega ekki tepra.”
Það er rétt og ég er ennþá að átta mig á því hvað á að vera svona afbrigðilegt við það.

Fyrra álit

thevoid fyrir 20 árum, 9 mánuðum

Þurfti þessi rússneska ekki að fá starfsleyfi sem vændiskona áður en hún kom til landsins? Og hvað er málið með lögguna þarna? Gerir hún ekkert ef einhver kona segir að henni sé haldið í prísund þarna?

“En það sem mér finnst hvað umhugsunarverðast er að fólk vildi frekar loka augunum fyrir þeirri staðreynd að vændi þrifist yfir höfuð á Íslandi heldur en að hlusta á þær og taka þær trúanlega.”

Já, svona lagað gerist ekki á Íslandi þar sem öll dýrin í skóginum eru vinir.

“”Og þér finnst kannski stígvélasex í lagi, en þú ert náttúrulega ekki tepra.“
Það er rétt og ég er ennþá að átta mig á því hvað á að vera svona afbrigðilegt við það.”

Afbrigðilegt þýðir: ekki venjulegt
Venjulega er fólk ekki í stígvélum þegar það gerir það, þess vegna er það ekki venjulegt(afbrigðilegt) að vera í stígvélum þegar maður gerir það.

Fyrra álit

eaue fyrir 20 árum, 9 mánuðum

Jú hún þurfti að fá starfsleyfi og henni var séð fyrir því. Og löggan gerði sennilega ekkert því að hún hefur ekki haft nein sönnunargögn. Það er auðvitað alltaf hægt að segja: “herða lögin og skylda lögguna til að bregðast við.” En slík lög hafa oft verið hert í mörgum lögum, en það virðist bara ekki vera hlustað nóg á þessar konur (eins og í dæminu sem ég tók um þessar eistnesku) og lagasetning er ekki nóg, það þarf hugarfarsbreytingu. Á sama hátt virðist það ennþá skipta máli í nauðgunarmálum. Ef kona er heima hjá sér sofandi og brotist er inn og henni nauðgað er brugðist harkalega við því af laganna vörðum en ef kona er í flegnum bol og býður manni inn í kaffi og er nauðgað þá virðist almenn skoðun lögreglu og lögmanna að hún hafi eiginlega átt sök á nauðguninni sjálf og brotamaðurinn fær lítinn sem engan dóm.
Það er ekkert sem segir um þetta í lögum, en á meðan svona hugarfar er enn ríkjandi er enginn fótur fyrir því að leyfa vændi. Þó svo að þú og ég séum tilbúin til að hlusta á vandamál þessara kvenna þá eru flestir það ekki hvort sem lögin skylda þeim það eður ei.

“Já, svona lagað gerist ekki á Íslandi þar sem öll dýrin í skóginum eru vinir.”
Það er rétt. Það er í raun algjör óþarfi að hafa lög yfir höfuð því við erum öll skynsöm og góð og tökum tillit til nágungans.

“Afbrigðilegt þýðir: ekki venjulegt
Venjulega er fólk ekki í stígvélum þegar það gerir það, þess vegna er það ekki venjulegt(afbrigðilegt) að vera í stígvélum þegar maður gerir það.”
Já hmm í flestum tilfellum er fólk ekki skætt þegar það stundar kynlíf þannig að það hlýtur að vera afbrigðilegt. Nú og einungis 10% fólk er samkynhneigt þannig að það hlýtur að vera afbrigðilegt. Og á Íslandi allavegana stundar fólk oftast kynlíf innandyra þannig að “útisex” er væntanlega afbrigðilegt. Og svona má lengi telja.

Fyrra álit

thevoid fyrir 20 árum, 9 mánuðum

Er ekki hægt að hafa það þannig að fólk sé spurt að því hvort að það vilji vinna við vændi áður en það fær starfsleyfi til þess? Væri ekki líka mun auðveldara að fylgjast með þessu hér á Íslandi heldur en Hollandi?

“Ef kona er heima hjá sér sofandi og brotist er inn og henni nauðgað er brugðist harkalega við því af laganna vörðum en ef kona er í flegnum bol og býður manni inn í kaffi og er nauðgað þá virðist almenn skoðun lögreglu og lögmanna að hún hafi eiginlega átt sök á nauðguninni sjálf.”

HA!?!?!?
Ja, það er nú slæmt ef hugarfar fólks er svona. En þessir “femínistar” eru nú ekkert að hjálpa til við að breyta þessu, því það sem þeir eru að gera í dag með því að banna allt sem tengist klámi og væla yfir því að konur séu með lægri laun en karlar jafnvel þótt það sé af því að konur biðja síður um launahækkanir er að skapa einskonar anti-femínista sem eru á móti öllu sem femínistar standa fyrir.

Já, það er engin ástæða til þess að dæma afbrigðilega hluti ef þeir skaða ekki annað fólk og ef fólk vill vera í stígvélum meðan það gerir það, gera það úti, gera það með manneskju (eða manneskjum) af sama kyni eða láta hina manneskjuna kúka á sig þá er ég ekkert að standa í vegi fyrir því.

Fyrra álit

eaue fyrir 20 árum, 9 mánuðum

“Er ekki hægt að hafa það þannig að fólk sé spurt að því hvort að það vilji vinna við vændi áður en það fær starfsleyfi til þess? ”

Það er hægt að hafa hlutina nokkurn vegin hvernig sem maður vill eða það væri það ef lagasetning væri allt sem til þyrfti. En það er löngu búið að sanna sig að það er svo auðvelt að fara í kringum lög og hugarfar fólks er eins og það er og slíku verður ekki breytt á einni nóttu.
Það væri auðvitað ekkert mál að leyfa hvað sem er ef heimurinn væri eins einfaldur eins og þú setur upp en svona er lífið!

“En þessir ”femínistar“ eru nú ekkert að hjálpa til við að breyta þessu, því það sem þeir eru að gera í dag með því að banna allt sem tengist klámi og væla yfir því að konur séu með lægri laun en karlar jafnvel þótt það sé af því að konur biðja síður um launahækkanir er að skapa einskonar anti-femínista sem eru á móti öllu sem femínistar standa fyrir.”
Sko, eitt af baráttumálum femínista er einmitt að fá almenna viðurkenningu á því að konur eru alveg jafn graðar og karlmenn og að þessi hugmynd með góðu skírlífu stúlkuna er úrelt. Og þetta með að einhver vinni sér inn titilinn “drusla” með að vera kynferðislega frjálst er ekki feminískt viðhorf. Okkur finnst líka tími til kominn að breyta ímynd ósjálfbjarga, barnalegu stelpunni (í klámi) sem fílar að láta nauðga sér og vill helst selja sig. Það er einmitt sú ímynd sem er fórnarlömbum kynferðisglæpa fjötur um fót, og einnig sú skoðun að það sé eitthvað druslulegt að reyna við karlmenn. En konur eru einmitt mjög oft með þessar hugmyndir, en það eru ekki feministar!Þetta er ekki það sama og að vera á móti nekt og erótík!
Það sem þú kallar að “væla” yfir því að konur séu með lægri laun, það er í raun tilraun femínista til að vekja aðrar konur til umhugsunar um þá staðreynd að þær verða meira að taka sig til og biðja um launahækkun. Þetta er ekki væl yfir því að karlmenn og samfélagið sé svo vond við okkur, enda er það ekki hugmyndin, heldur hvatning til kvenna almennt. Það nefnilega vantar svolítið í margar konur þetta element, þeas með að krefjast hærri launa og svona, nema auðvitað femínista sem eru búnir að fatta þetta.

Já ég skal ekki fordæma hluti sem aðrir fíla, eins og með að skíta hvort á annað og beita sadómasó, en ég tók það fram sem “afbriðilegt” í sambandi við það að vændiskonur verða væntanlega að stunda eitthvað af slíku án þess að fíla það, og þá grunar mig að sjálfsvirðing heilbrigðrar manneskju bíði hnekki.

Fyrra álit

thevoid fyrir 20 árum, 9 mánuðum

“En það er löngu búið að sanna sig að það er svo auðvelt að fara í kringum lög”

Ef það er svona auðvelt að fara í kringum lög, til hvers eru þau þá. Þú sagðir sjálf að það væri líklega nokkuð auðvelt að kaupa vændi á Íslandi. Er það virkilega betra að það sé í gangi ólöglega frekar en löglega. Ef það er í gangi ólöglega þá er það í gangi í undirheimunum en ef það er löglegt þá er það meira á yfirborðinu en ella. Þá er mun auðveldara að fela ýmis konar misnotkun en ella.

“Okkur finnst líka tími til kominn að breyta ímynd ósjálfbjarga, barnalegu stelpunni (í klámi) sem fílar að láta nauðga sér”

Hvaða klámmyndir hefur þú verið að horfa á?

Það er kannski ekki feminískt viðhorf að konur eigi að vera rosa skírlífar og “góðar”, en er það samt ekki feminískt viðhorf að klám snúist um að niðurlægja konur?

Fyrra álit

thevoid fyrir 20 árum, 9 mánuðum

Og ef þetta launamunsmál er hvatning til kvenna að krefjast hærri launa en ekki væl af hverju var þá verið að gefa einhverjum yfirmönnum bleika steina? Ef ég væri kona þá myndi ég síður biðja yfirmann minn um launahækkun á næstunni því þá myndi það líta út fyrir að ég væri að notfæra mér aðstöðuna því það að neita mér um launahækkun með bleikan stein á hillunni myndi líta illa út.

Og ef fólk fílar að fá borgað stórfé fyrir að gera hluti sem það myndi annars ekki fíla þá ætla ég heldur ekki að standa í vegi fyrir því.

Fyrra álit

eaue fyrir 20 árum, 9 mánuðum

Ég skil nú ekki af hverju það fer svona fyrir brjósið á þér að yfirmönnum séu gefnir bleikir steinar. En það er víst þitt mál.

Annars skal ég lofa þér því að um leið og vændiskonur sjálfar eru farnar að berjast fyrir því að fá starfsgrein þeirra lögleidda því það væri betra fyrir þær þá skal ég alveg taka því trúanlega. En þessi áróður fyrir því að fá vændi viðurkennt sem löglega starfsgrein er svo gott sem eingöngu frá karlmönnum komin, og yfirleitt er það ekki af umhyggju við blessaðar konurnar heldur fyrst og fremst við sjálfa sig. Það sem vændiskonur hafa helst sagt sjálfar er að hentugast væri að leyfa sölu á vændi en banna kaupin á þeim. Hljómar kannski þversagnarkennt, en þannig er ekki hægt að handtaka vændiskonu sem leitar til lögreglu eftir að henni hafi verið misþyrmt eða sem vill snúa við blaðinu, en hins vegar er vel hægt að sækja brotamenn til saka fyrir að hafa unnið þeim mein. Ég held að þessi regla sé við lýði á Íslandi, allavegana er hún það á norðurlöndunum.
Er hún þá ekki bara góð fyrir alla, ég meina, þetta er skársti kostur fyrir vændiskonur, og ætti að þýða að þeir sem beita þær ekki ofbeldi sleppa með skrekkinn. En það er eitt sem alger lögleiðing vændis gæti haft í för með sér en það er minnkandi siðgæði í þessum efnum, og þið yrðuð kannski fyrir minni gagnrýni sem vilduð kaupa vændi. Og það er fyrst og fremst þess vegna sem það skiptir menn svona miklu máli að berjast fyrir þessu.
Varðandi lög þá eru þau nú bara til þess gerð að hafa vit fyrir fólki hvort sem það telur sig geta haft það sjálft eður ei. Þannig má ég til dæmis ekki ganga inn í flugvél vopnuð vasahníf þrátt fyrir að mér sé 100% treystandi til að beita honum ekki á fólk og að ég er ekki hryðjuverkamaður. Sama þó að í mínu tilfelli væri hnífurinn einungis tekinn með af því að ég vildi tálga viðarbút mér til dægrastyttingar í vélinni. Er þetta hrópleg ósanngirni eða eðlileg niðurstaða af reynslu fyrri tíma? Ég held við getum nú flest tekið undir að hið síðarnefnda er réttara.
Og þetta með að koma með dæmi um ríkar, fallegar og óstjórnlega hamingjusamar indverskar og íslenskar stelpur sem selja sig sem einhver rök fyrir því að mönnum ætti að leyfast það með lögum að kaupa vændi er bara nákvæmlega eins og að nota þau rök að sumum sé treystandi til að ganga um vopnaðir dags daglega til þess að lögleiða það meðal almennings.
Annars voru menntaskólanemar sem hafa þegið greiðslu fyrir kynlíf nýlega rannsakaðir af félagsvísindastofnun háskólans og þá kom í ljós að meginþorri þeirra hafði verið misnotaður kynferðislega einhvern tíman á lífsleiðinni. Þetta sannar kannski af hverju sumir virðist í fyrstu vera heilbrigðir sem selja sig samt.

Þú spurðir hvernig klám ég horfði á. Ég horfi ekki á klám því skilgreining mín á því er að það er það sem er niðurlægjandi fyrir konur eða karla. Hins vegar horfum ég og minn heittelskaði stundum á erótík og höfum gaman af.
Klám inniheldur ekki alltaf nekt, heldur er það oft að sjá í til dæmis tónlistarmyndböndum og fleiru. Þar eru einmitt þessar ósjálfbjarga lólítur sem ég var að gagnrýna. En þær eru samt oftast í einhverjum fötum þannig að ekki er það nekt sem fer fyrir brjóstið á mér.

Fyrra álit

[Notanda eytt] fyrir 20 árum, 9 mánuðum

Já það er nú frekar heimskulegt að vilja lögleiða vændi ef vændiskonurnar vilja það ekki sjálfar (er það svoleiðis? kannski ég ætti þá að hætta þessu) en ég á samt erfitt með að sjá af hverju það að leyfa sölu á vændi en banna kaup sé betra heldur en að leyfa bæði ef karlar sem misnota konur ekki sleppa en þeir sem gera það gera það ekki eru handteknir. Er það ekki dálítið eins og ef bæði er leyft og misnotkun er bönnuð.

“En það er eitt sem alger lögleiðing vændis gæti haft í för með sér en það er minnkandi siðgæði í þessum efnum, og þið yrðuð kannski fyrir minni gagnrýni sem vilduð kaupa vændi.”

Eru þetta ekki svipuð rök og fólk sem vildi hafa samkynhneigð bannaða notuðu?

“Og þetta með að koma með dæmi um ríkar, fallegar og óstjórnlega hamingjusamar indverskar og íslenskar stelpur sem selja sig sem einhver rök fyrir því að mönnum ætti að leyfast það með lögum að kaupa vændi er bara nákvæmlega eins og að nota þau rök að sumum sé treystandi til að ganga um vopnaðir dags daglega til þess að lögleiða það meðal almennings.”

Reyndar. En það sýnir samt að það eru til konur sem vilja selja sig.

“Varðandi lög þá eru þau nú bara til þess gerð að hafa vit fyrir fólki hvort sem það telur sig geta haft það sjálft eður ei. Þannig má ég til dæmis ekki ganga inn í flugvél vopnuð vasahníf þrátt fyrir að mér sé 100% treystandi til að beita honum ekki á fólk og að ég er ekki hryðjuverkamaður.”

En það að banna vasahnífa í flugvélum skapar varla undirheimamarkað þar sem fólk getur farið leynilega með hættulega herhnífa í flugvélar.

“Þú spurðir hvernig klám ég horfði á. Ég horfi ekki á klám því skilgreining mín á því er að það er það sem er niðurlægjandi fyrir konur eða karla. Hins vegar horfum ég og minn heittelskaði stundum á erótík og höfum gaman af.
Klám inniheldur ekki alltaf nekt, heldur er það oft að sjá í til dæmis tónlistarmyndböndum og fleiru. Þar eru einmitt þessar ósjálfbjarga lólítur sem ég var að gagnrýna. En þær eru samt oftast í einhverjum fötum þannig að ekki er það nekt sem fer fyrir brjóstið á mér.”

Ef þetta er þín skilgreining á klámi þá skil ég þig vel og ef klám er það sem þú segir þá er svona 10 sinnum meira klám að finna á Popptíví heldur en á öllu internetinu (smá ýkjur, en samt…). En ég held samt að mjög mikið af fólki líti á þessa baráttu gegn klámi sem einhvern tepruskap sem beinist gegn nekt og kynlífsmyndum því mjög mikið af fólki notar orðið klám yfir svoleiðis.

Varðandi þessa bleiku steina þá finnst mér dálítið eins og það sé verið að segja: “Ráddu fleiri konur, gerpið þitt”. Það er kannski einhver ímyndun í mér.

Fyrra álit

eaue fyrir 20 árum, 9 mánuðum

“en ég á samt erfitt með að sjá af hverju það að leyfa sölu á vændi en banna kaup sé betra heldur en að leyfa bæði ef karlar sem misnota konur ekki sleppa en þeir sem gera það gera það ekki eru handteknir.”
Finnst þér eitthvað að því? Sko auðvitað hljómar þetta ekki rökrétt, en mér finnst ekkert ótrúlegt að þetta hafi gefið besta raun. Því að eins og ég segi, það er hægt að búa til alls konar lög, en almenningsviðhorf eru ekkert alltaf í samræmi við lög. Nú vitna ég aftur í dæmið sem ég tók um nauðgunarmál; eftir því sem ég best veit er ekkert sem segir í lögum að klæðaburður fórnarlambsins eigi að hafa nokkur áhrif á dóm brotamannsins, en þarsem viðhorf lögmanna og almennings gagnvart fórnarlömbum fer að mörgu leyti eftir klæðaburð og hegðun þeirra þá fá brotamenn dóm í samanburði við það. Og sama má segja um eistnesku stripparana. Einhverra hluta vegna fannst fólki þær bara ekki nógu merkilegar til að taka þær trúanlega, og lög þeim til hjálpar hefðu líklegast gert takmarkað gagn.
Nú segir þú sjálfsagt að þetta sé allt femínistum að kenna, en ég mótmæli því áður en þú segir það. Það er það nefnilega ekki! Þetta viðhorf er alveg jafn mikið frá körlum og konum komið, en það er feminískt viðhorf að konur eigi að mega gera hvað sem þær vilja án þess að það sé eitthvað álitið afsakanlegt að beita þær misrétti, og að lögin eigi að vera þeim alveg jafn hliðholl sem þau reyndar eru samkvæmt bókinni en ekki samkvæmt almenningsáliti. Þannig skal ég alveg styðja baráttu þeirra sjálfra fyrir lögleiðingu vændis um leið og þær eru byrjaðar á henni og það þykir sýnt að það muni raunverulega hjálpa þeim. Því eins og ég sagði fyrr þá er mér nokkuð sama þó að Dísa út í bæ selji sig, ekki þykir mér slíkt réttlæta misnotkun á henni.
En ég get næstum lofað þér því að það er langt í að fólk fari að taka eins harkalega á þeirra misréttis og misnotkunarmálum eins og venjulegs fólks. Það sama gildir um strippara. Almenningur er bara ekki tilbúinn til að styðja við bakið á til dæmis konum sem koma frá fátækari löndum og lenda síðan í þessum “bransa”. Sérstaklega ef þær fóru til landsins á ólöglegan hátt eða vissu fyrirfram af hugsanlegri hættu á þessu. Þá kærir fólk sig kollótt og segir: “þeim var nær”.
Semsagt, það er enginn fótur fyrir því að lögleiða vændi hvort sem fólk vill það eður ei.

“En það að banna vasahnífa í flugvélum skapar varla undirheimamarkað þar sem fólk getur farið leynilega með hættulega herhnífa í flugvélar.”
Það hefur nú samt sýnt sig að fólk hefur viljað fara leynilega með hættulega hnífa í flugvélar. Og þá með hræðilegum afleiðingum (enda tilgangurinn slæmur). Og ég tek ekki undir það að það að banna vændi skapi undirheimamarkað. Það er einfaldlega fólk sem blygðast sín fyrir að stunda verslun með kynlíf en gerir það samt sem skapar undirheimamarkað og það er næsta víst að lagasetning með eða á móti breyti litlu þó svo því sé ætlað að breyta öllu.

Mér finnst ósanngjarnt af þér að líkja því saman að berjast gegn lögleiðingu vændis og að berjast gegn samkynhneigð. Ég skil bara ekki hvernig þú getur líkt því saman.

“En ég held samt að mjög mikið af fólki líti á þessa baráttu gegn klámi sem einhvern tepruskap sem beinist gegn nekt og kynlífsmyndum því mjög mikið af fólki notar orðið klám yfir svoleiðis.”
Já þarna er ég sammála þér og ég held þetta sé byggt á mismunandi skilningi á orðinu klám. Margir karlmenn nota orðið klám yfir allt sem inniheldur nekt og kynlíf á meðan ég og fleiri skilgreinum það sem niðurlægjandi fyrir einstaklingana. Ég skil alveg að mönnum finnist tepruskapur að vera á móti klámi ef skilgreiningin væri sú að allt sem innihéldi nekt og kynlíf væri klám. Þetta er semsagt bara mistúlkun á orðinu.

“Varðandi þessa bleiku steina þá finnst mér dálítið eins og það sé verið að segja: ”Ráddu fleiri konur, gerpið þitt“. Það er kannski einhver ímyndun í mér.”
Þetta eru aldeilis frekir steinar. Nema þú sért að ímynda þér.

Fyrra álit

thevoid fyrir 20 árum, 9 mánuðum

“Finnst þér eitthvað að því? Sko auðvitað hljómar þetta ekki rökrétt, en mér finnst ekkert ótrúlegt að þetta hafi gefið besta raun.”

Það getur verið að þetta gefi besta raun og ætti kannski að vera svona en mér finnst þetta bara svo heimskulegt einhvern veginn.
But if it works, it works.

“Það er einfaldlega fólk sem blygðast sín fyrir að stunda verslun með kynlíf en gerir það samt sem skapar undirheimamarkað og það er næsta víst að lagasetning með eða á móti breyti litlu þó svo því sé ætlað að breyta öllu.”

Er ekki hægt að hafa vændishús með nafnleynd fyrir það fólk?

Þú varst að tala um að þetta myndi leiða til minnkandi siðgæðis og minni gagnrýni á þá sem vildu kaupa (og selja) vændi og það gerðu líka þeir sem vildu hafa samkynhneigð bannaða. Þeas minni gagnrýni á samkynhneigð og annað kynferðislega “afbrigðilegt”. Og myndi minni gagnrýni á þá sem kaupa vændi ekki fækka þeim sem blygðast sín fyrir að kaupa vændi sem, eins og þú segir, skapa þennan undirheimamarkað?

“Margir karlmenn nota orðið klám yfir allt sem inniheldur nekt og kynlíf”

Margir karlmenn og margar konur líka. Og örugglega einhverjir sem kalla sig feminísta.

Og ég var ekki að meina steinana sjálfa heldur fólkið sem gaf þá.

Fyrra álit

eaue fyrir 20 árum, 9 mánuðum

“Það getur verið að þetta gefi besta raun og ætti kannski að vera svona en mér finnst þetta bara svo heimskulegt einhvern veginn.”
Þetta hljómar vissulega heimskulega en fullkomlega rökrétt.

“Er ekki hægt að hafa vændishús með nafnleynd fyrir það fólk?”
Er það ekki alltaf þannig nú þegar í vændishúsum? Og ef það á að hafa þetta löglega starfsgrein þá er eftirlitið engu auðveldara ef vændishús eru með nafnleynd og ekki með öryggismyndavélar.

“Og myndi minni gagnrýni á þá sem kaupa vændi ekki fækka þeim sem blygðast sín fyrir að kaupa vændi sem, eins og þú segir, skapa þennan undirheimamarkað?”
Þarna hittirðu naglann í höfuðið. Ég er sammála þessu. En ég get ekki annað sagt en; farið að bera aðeins meiri virðingu fyrir konum og kynlífi og hættið að kaupa kynlíf! Nú er víst til fólk sem er svo gamalt eða ljótt eða bælt að það nær ekkert að “hössla”. Það má vera að sumum fyndist réttast að lögleiða kynlífskaup fyrir þetta blessaða fólk, en er ekki bara brýnna að stuðla að frekari sjálfsstyrkingu og minnkandi útlitsdýrkun til að bæta úr vandamálum þeirra? Nú gæti ég sjálf haft hagsmuni að gæta því að kannski verð ég einhvern tíman gömul og ljót og einstæðingur og þá væri nú skárra fyrir mig ef þeir sem eru í sömu sporum myndu líta við mér í staðin fyrir að þeir tækju vændiskonur fram yfir mig. Skilurðu?

Og varðandi hníf í flugvélum, þá notaði ég þá samlíkingu því það er líka “bann” (af því að boð og bönn eru svo hræðileg“. Þér er líkast til alveg sama þó að þú megir ekki fara með hníf í flugvélar og mér er það líka, en samt megum við það ekki útaf því að aðrir eru hættulegir með þá. Vændi er líka bannað af því að sumir eru hættulegir sem stunda það og þess vegna má það enginn. Aukið eftirlit er bara ekki nóg.

”“Margir karlmenn nota orðið klám yfir allt sem inniheldur nekt og kynlíf”

Margir karlmenn og margar konur líka. Og örugglega einhverjir sem kalla sig feminísta."
Gæti verið, ekki finnst mér þetta nú samt feminískt viðhorf.

Góðar stundi

Fyrra álit

thevoid fyrir 20 árum, 9 mánuðum

“Og ef það á að hafa þetta löglega starfsgrein þá er eftirlitið engu auðveldara ef vændishús eru með nafnleynd og ekki með öryggismyndavélar.”

Fólk veit þó af þeim. Það er skárra en að þau séu leynilega í einhverjum kjallara. Og ef vændiskonur eru skráðar í verkalýðsfélög og hafa starfsleyfi þá er auðveldara fyrir yfirvöld að fylgjast með því hvort misnotkun eigi sér stað þótt það séu ekki eftirlitsmyndavélar allsstaðar. Það ætti að vera mun auðveldara hér heldur en Hollandi að fylgjast með því það er mun erfiðara fyrir ólöglega innflytjendur að komast hingað og landið er miklu minna og því auðveldara að fylgast með íbúunum.

“en er ekki bara brýnna að stuðla að frekari sjálfsstyrkingu og minnkandi útlitsdýrkun til að bæta úr vandamálum þeirra?”

Á ekki bara að lækna krabbamein og leysa hungurvandamál heimsins í leiðinni?

“Nú gæti ég sjálf haft hagsmuni að gæta því að kannski verð ég einhvern tíman gömul og ljót og einstæðingur og þá væri nú skárra fyrir mig ef þeir sem eru í sömu sporum myndu líta við mér í staðin fyrir að þeir tækju vændiskonur fram yfir mig. Skilurðu?”

Stangast þetta ekki dálítið á við það sem þú sagðir áður:

“Mér finnst leiðinlegast þegar andstæðingar feminisma halda því fram að feministar séu á móti lögleiðingu vændis vegna þess að þær haldi að það sé verið að taka eitthvað frá þeim, en það er fjarstæða.”

“Aukið eftirlit er bara ekki nóg.”

Þannig að það er bannið sem sér til þess að fólk fari ekki með hnífa í flugvélar en ekki eftirlitið.

Fyrra álit

eaue fyrir 20 árum, 9 mánuðum

“Og ef vændiskonur eru skráðar í verkalýðsfélög og hafa starfsleyfi þá er auðveldara fyrir yfirvöld að fylgjast með því hvort misnotkun eigi sér stað þótt það séu ekki eftirlitsmyndavélar allsstaðar.”
Ég er fullviss um það að þetta væri fullframkvæmanlegt allt saman ef viðhorfið í heiminum væri ekki á þann veg að ef kona er “glenna” eða “drusluleg” þá sé hún í raun að biðja um að láta nauðga sér eða hvað það nú er. Ég er nú vel sammála því að það er álíka að segja “bætum sjálfsmynd fólks í heiminum” eins og að segja “læknum hungursneyð og krabbamein”. En það er líka alveg jafn fjarstæðukennt að segja: “lögum almenningsviðhorf gagnvart hórum og strippurum” (í þeim skilningi að refsa ofbeldismönnum þeirra jafn hart og ætti að gera og svo framvegis), því að slíkt gerist ekkert einn tveir og þrír. Skilurðu, ég var að koma með fjarstæðukennda hugmynd vísvitandi, alveg jafn fjarstæðukennda og hugmynd þín um að aukið eftirlit á vændi sé góð hugmynd og að það sé mjög raunsætt að ætla að stjórnvöldum muni snúast hugur í viðhorfi þeirra gagnvart vændiskonum með lagasetningu einni.

“Nú gæti ég sjálf haft hagsmuni að gæta því að kannski verð ég einhvern tíman gömul og ljót og einstæðingur og þá væri nú skárra fyrir mig ef þeir sem eru í sömu sporum myndu líta við mér í staðin fyrir að þeir tækju vændiskonur fram yfir mig. Skilurðu?”

Stangast þetta ekki dálítið á við það sem þú sagðir áður:

“Mér finnst leiðinlegast þegar andstæðingar feminisma halda því fram að feministar séu á móti lögleiðingu vændis vegna þess að þær haldi að það sé verið að taka eitthvað frá þeim, en það er fjarstæða.”“

Jú auðvitað stangast þetta á við það, en athugaðu að ég ER ekki gömul og ljót en allur er varinn góður og kannski verð ég það einhvern tíman. Hef svosem ekki miklar áhyggjur að svo stöddu, en ég meina þetta eru alveg jafn góð rök og fyrir því að þeir karlmenn sem eru ljótir og bældir eigi siðferðislegan rétt á að kaupa kynlíf.
Þannig að það er bannið sem sér til þess að fólk fari ekki með hnífa í flugvélar en ekki eftirlitið.

”Þannig að það er bannið sem sér til þess að fólk fari ekki með hnífa í flugvélar en ekki eftirlitið."
Já einmitt, bann kemur líka í mörgum tilfellum í veg fyrir að menn kaupi vændi.
Góða helgi.

Fyrra álit

thevoid fyrir 20 árum, 9 mánuðum

“En það er líka alveg jafn fjarstæðukennt að segja: ”lögum almenningsviðhorf gagnvart hórum og strippurum“ (í þeim skilningi að refsa ofbeldismönnum þeirra jafn hart og ætti að gera og svo framvegis), því að slíkt gerist ekkert einn tveir og þrír.”

Nei það gerist ekkert einn tveir og þrír en það

Fyrra álit

thevoid fyrir 20 árum, 9 mánuðum

Fyrra álit

thevoid fyrir 20 árum, 9 mánuðum

Úps, ýtti á senda takkann áður en ég náði að klára svarið.

“En það er líka alveg jafn fjarstæðukennt að segja: ”lögum almenningsviðhorf gagnvart hórum og strippurum“ (í þeim skilningi að refsa ofbeldismönnum þeirra jafn hart og ætti að gera og svo framvegis), því að slíkt gerist ekkert einn tveir og þrír.”

Nei það gerist ekkert einn tveir og þrír en það gerist mun frekar að þær fái sömu réttindi og aðrir ef þær mega vera til.

Og mér finnst það ekki sambærilegt að vilja banna öðru fólki að gera það sem það vill af því að það það er óhagstætt fyrir mann sjálfan og það að vilja leyfa fólki að gera það sem það vill.

Góða virka viku.

Fyrra álit

eaue fyrir 20 árum, 9 mánuðum

Við erum allavegana sammála um að boð og bönn eru til leiðinda.
EN. Ég vil alls ekki leyfa vændi því lögleiðing á því þjónar ekki hagsmunum neins nema kúnnanna. Það sér það hver maður sem raunverulega hefur einhverja samúð með vændiskonunum sjálfum að samfélagið er þeim andsnúið, og þá er ég ekki að tala um feminista. Samfélagið er líka andsnúið fórnarlömbum kynferðisglæpa þó svo að lögin séu þeim sannarlega hliðholl. Og afstöðu samfélagsins verður ekki breytt á einni nóttu.
Og hversu vel sem reynt er að stjórna innflutningi ólöglegra innflytjenda (sem mér finnst að ætti að gera) þá er alltaf til töluvert af tilfellum sem eru á “gráu svæði” í þessum vændismálum. Ég bendi til dæmis á þessar margumræddu eistnesku konur; þær voru plataðar til landsins á fölskum forsendum og látnar strippa og selja sig, og þarsem þær sýndu það mikið ábyrgðarleysi að sannreyna ekki atvinnumiðlunina og fara lagalegu leiðina áður en þær komu til landsins, þá ákvað fólk að þetta væri bara þeim sjálfum að kenna, þú sagðir meira að segja sjálfur að þér fyndist þær bera þó nokkra ábyrgð á þessu sjálfar. Ég meina, er það heilbrigt viðhorf að halda að þær beri ábyrgð á þessari ömurlegu meðferð útaf því að þær voru ekki nógu skynsamar? Ég meina kannski er hægt að skrifa ábyrgðarleysi þeirra á greindarskerðingu, en er það einhver afsökun þegar fórnarlambið er vitlaust fyrir því að fara illa með það?

Eins og ég sagði fyrr, um leið og það er einhver vitglóra í því að hægt sé að leyfa vændi þannig að það sé vændiskonum í hag, þá skal ég ekki standa í vegi fyrir því. En fram að því er það bara gjörsamlega út í hött. Hefurðu kannski einhvern tíman fylgst með umræðum hér á huga þess efnis að feministar hvetja fórnarlömb nauðgana til að kæra frekar nauðgun heldur en áður? Einhverra hluta vegna þá leysist sú umræða alltaf upp í deilum andstæðinga femínista um það að þetta sé bara tilraun til að láta karlmenn alltaf líta út fyrir að vera “sá vondi” í samskiptum kynjanna, og skilgreiningu á því hvort kona geti nauðgað karlmanni og álíka. Og um leið haldiði að það sé bara hreinn tepruskapur að vilja banna vændi. Ég segi nú bara að ykkur væri nær að hlusta á það sem við segjum og fara að fordæmi okkar í staðin fyrir að eilíft vera svona “óttaslegnir”. Þá vinnst sigur fyrir bæði kynin.

Fyrra álit

thevoid fyrir 20 árum, 9 mánuðum

Já, það er víst rétt hjá þér að samfélagið er ekki næstum því eins umburðarlynt og það ætti að vera og það verður það ekkert á einni nóttu. En hvernig á samfélagið að verða umburðarlynt gagnvart einhverju sem er bannað með lögum? Kannski það sé best að gera það sem þú sagði og leyfa sölu vændi en banna kaupin, amk til að byrja með.

“Samfélagið er líka andsnúið fórnarlömbum kynferðisglæpa þó svo að lögin séu þeim sannarlega hliðholl.”

Er það ekki frekar öfugt? Ég meina þessir kynferðisafbrotamenn fá hlægilega dóma og síðan hneyklast samfélagið á því. Ég held nú að þetta “hún var að biðja um það” fólk sé nú í miklum minnihluta.

En hvers vegna eru þessar eistnesku svona mikið mikilvægari en annað fólk sem er misnotað vegna greindarskorts.

Fyrra álit

eaue fyrir 20 árum, 9 mánuðum

Sko, lögin eru samkvæmt pappírunum hliðholl fórnarlömbum kynferðisafbrota, en lögmenn og lögregla virðast seint þreytast á að taka klæðaburð fólks inn í myndina og létta dóminn samkvæmt því. Það er oft byggt á upplýsingum sem almenningur hefur ekki aðgang að og því verður fólk eðlilega forviða. En ég segi bara margir, ekki allir hafa þetta “hún bað um þetta” viðhorf.

“En hvernig á samfélagið að verða umburðarlynt gagnvart einhverju sem er bannað með lögum?”
Ég var ekki að meina umburðarlyndi gagnvart vændi sem slíku heldur gagnvart konum og fórnarlömbum ofbeldis og svo framvegis. Og þar sem reynsla annarra landa hefur sýnt fram á að viðhorf almennings til vændiskvenna breytist akkúrat ekkert við að lögleiða það er að sjálfsögðu ekkert góðverk fólgið í því að lögleiða það.

Ég sagði ekkert að þær eistnesku væru mikilvægari en annað fólk sem er misnotað vegna greindarskorts, hvernig fékkstu það út? Ég nefndi þær bara af því að þær koma þessu máli við. En svo þarf svosem ekkert að vera að þær hafi verið greindarskertar, kannski voru þær bara einum of bjartsýnar eða örvæntingarfullar. En sama undir hvaða formerkjum það er þá er alltaf dapurlegt að misnota þá aðstöðu og gera eitthvað á þeirra hlut.

Fyrra álit

thevoid fyrir 20 árum, 9 mánuðum

“Ég sagði ekkert að þær eistnesku væru mikilvægari en annað fólk sem er misnotað vegna greindarskorts, hvernig fékkstu það út?”

Það er bara það að þetta er eitt atvik sem skeði fyrir nokkrum árum en samt eru til heill hellingur af leiðum til að misnota greindarskert, örvæntingarfullt eða of bjartsýnt fólk og fá það til að vinna undirlaunaða og réttindalausa vinnu. Samt eru bara lög gegn þessu. Og í þokkabót er örugglega frekar auðvelt að komast fram hjá þeim.

Og er virkilega ekki skárra að þetta sé meira og minna á yfirborðinu frekar en að þetta sé í gangi ólöglega?

Fyrra álit

eaue fyrir 20 árum, 9 mánuðum

Já en þarna kemur bara fram munurinn á þér og mér. Mér finnst verra þegar fólki er boðið gengilbeinustarf og platað til að selja sig í staðin heldur en þegar fólki er boðin byggingarvinna en sett í ræstingarstörf í staðin. Þú getur spurt allar konur sem þú þekkir hvort þær séu ekki sammála mér. Og ég er þó ekki að segja að það sé nokkurn tíman réttlætanlegt að nota veikleika fólks til að láta það fara í starf sem það sóttist ekki eftir, sama hvað það er.

Þú spyrð hvort það sé virkilega betra að hafa þetta í gangi ólöglega heldur en á yfirborðinu og mitt svar er hiklaust já. Það er þó skárra að kúnnar viti af hættunni á að vera handteknir við iðju sína. Þetta er reynsla annarra landa og það er bara skeytingarleysi að halda að Íslendingar séu á nokkurn hátt öðruvísi.

Fyrra álit

thevoid fyrir 20 árum, 9 mánuðum

Jú, það er nú rétt hjá þér, það er verra að plata einhvern til að selja sig heldur en að plata einhvern til að vinna ræstingarstörf. En gera þessi lög eitthvað til að hjálpa þeim? Er ekki álíka auðvelt að plata einhverja konu til að koma og vinna við vændi í kjallaranum hjá sér hvort sem þetta er ólöglegt eða ekki?

En ef þetta er í gangi ólöglega þá eru mun meiri líkur á að misnotkun sé í gangi heldur en annars, því ef þetta er á yfirborðinu þá veit fólk af þessu og þótt meðalmanneskjunni sé skítsama um þær þá er alltaf séns á því að félagsmálayfirvöld eða einhverjir femínistar komi upp um spillinguna með því að tala við vændiskonurnar og spyrja þær kannski hvort þær hafi verið plataðar hingað eða hvort sé verið að misota þær.

Fyrra álit

eaue fyrir 20 árum, 9 mánuðum

Já þetta er þín sannfæring en alls ekki mín. Þartil við förum að gera þetta að lögum er allt eins gott fyrir okkur að fylgjast með því hvort þetta fari einhvern tíman að vera skárra (að hafa vændi löglegt) í öðrum vestrænum ríkjum þarsem það er raunin en hefur ekki reynst neitt skárra fyrir vændiskonur. Þartil er bara fífldirfska að vera að lögleiða það, og sjálfsagt betra að hafa það eins og það er, löglegt fyrir hóruna, ólöglegt fyrir kúnnann.

Fyrra álit

thevoid fyrir 20 árum, 9 mánuðum

Já, það væri talsverð fífldirfska að lögleiða vændi bara einn, tveir og þrír. En ég held samt að það gæti virkað hér frekar en annars staðar, af því að Ísland er svo fámennt og afskekkt. En það væri líklega betra að bíða þangað til fordómar gagnvart útlendingum og “lausgyrtum” konum minnka. Þangað til væri líklega best að hafa þetta eins og þú segir. En er það þannig hér? Hvað var þá málið með þetta bílskúrsvændismál?

Fyrra álit

thevoid fyrir 20 árum, 9 mánuðum

“Það má vera að í einhverjum tilfellum væri hægt að sporna við slíku með því að hafa vændið á vegum einhverra opinberra samtaka, en í slíkum væru ólöglegir innflytjendur væntanlega ekki ráðnir til starfa, og um leið og vændi væri löglegt myndi siðgæði fólks smátt og smátt breytast í áttina að því að þetta væri eðlilegur hlutur (sem mörgum finnst nú þegar), og kvenfyrirlitning myndi sennilega aukast.”

Hvað er svona óeðlilegt við þetta? Og af hverju ætti kvenfyrirlitning að aukast?

Fyrra álit

Pipppi fyrir 20 árum, 9 mánuðum

Góð spurning. Ég held að það séu reyndar femínistar sem sýna vændiskonum mesta fyrirlitningu.

Fyrra álit

eaue fyrir 20 árum, 9 mánuðum

“Góð spurning. Ég held að það séu reyndar femínistar sem sýna vændiskonum mesta fyrirlitningu”

Það eru líklega aðallega konur sem tala illa um vændiskonur, en það er ekkert feminískt sjónarmið. Á sama hátt er mjög svo andfeminískt að kalla konur sem sofa hjá mörgum “druslur” eða halda því fram að sumar konur séu að “biðja um að láta nauðga sér” með því að klæða sig glannalega.
En ég hef ekki miklar áhyggjur af illu umtali, enda veit hver maður að það er alltaf nóg um slíkt og kjaftasögur. Þegar ég meina aukin kvenfyrirlitning í þessu samhengi sem ég hef nefnt hér, þá er ég að meina það sem kemur fram í ofbeldi á konum og minnkandi siðgæði.

Fyrra álit

lhg fyrir 20 árum, 10 mánuðum

Mér finnst hann ekki vera að hvetja konur til að selja sig. Mér finnst hann vera að segja það sem margir vita að það er til fólk sem hefur ekkert á móti því að vinna við vændi. Á að banna því að vinna við þetta þó einhverjir aðrir séu neyddir til þess?

Mér finnst að það ætti frekar að hafa eftirlit með því að það sé enginn neyddur til þess heldur en að reyna að banna þetta alfarið.

Fyrra álit

lhg fyrir 20 árum, 10 mánuðum

Hafa þetta eins og í Hollandi og leyfa vændi en banna dólga. Þá geta vændiskonurnar bara kært í lögguna ef einhver vondur kall er að ræna peningunum þeirra. Ég held að það sé til fólk sem virkilega vill vinna við þetta og mér finnst bara rugl að banna þeim það. Hins vegar finnst mér full ástæða til að banna þrælahald af öllu tagi.

Fyrra álit

Kagemusha fyrir 20 árum, 9 mánuðum

Varðandi vændisþrælahald, þá sé ég ekki að það ætti að vera svo erfitt að sporna gegn því ef yfirvöldum væri alvara, málið er hins vegar að fórnarlömbin eru oftast erlendir ríkisborgarar sem yfirvöldum og kjósendum er nokk sama um.

Besta leiðin held ég að væri að gera vændi algerlega löglegt og skylda jafnframt alla sem það stunda til að afla starfsleyfis, lúta eftirliti lögreglu og heilbrigðisyfirvalda, vera í verkalýðsfélagi, borga í lífeyrissjóð osfrv. Þá myndu þrælahaldararnir skera sig úr og hægt væri að grípa til aðgerða gegn þeim. Þótt þeir næðust aldrei, og enginn fengist til að vitna gegn þeim, mætti gera upptækt húsnæði þar sem ólöglegt vændi fer fram, og þar með væri efnahagslegur grundvöllur starfseminnar fyrir bí. En í dag er því miður lítill sem enginn áhugi á að gera neitt í þessum málum sem skilar árangri, það er ýmist bara afskiptaleysi eða tepruskapur sem er uppi.

Fyrra álit

eaue fyrir 20 árum, 9 mánuðum

“Besta leiðin held ég að væri að gera vændi algerlega löglegt og skylda jafnframt alla sem það stunda til að afla starfsleyfis, lúta eftirliti lögreglu og heilbrigðisyfirvalda, vera í verkalýðsfélagi, borga í lífeyrissjóð osfrv. Þá myndu þrælahaldararnir skera sig úr og hægt væri að grípa til aðgerða gegn þeim.”

Gott og vel, það má vera að þetta sé vel framkvæmanlegt. Allavegana liggur í augum uppi að ef einhver vinnuveitandi býður starfsmönnum sínum upp á mannskemmandi aðstæður þá er hægt að leysa málið á farsælan hátt, með því að herða eftirlit með vinnunni, rýna í launaskýrslur, hafa atvikaskráningakerfi og fleira í þeim dúr. En það er bara ekki svo einfalt að hægt sé að gera þetta þegar vændi á í hlut á meðan almenn siðferðiskennd fólks leyfir yfirleitt ekki að fylgst sé með þeim stunda kynlíf. Og vændi er enn svo fordæmt að flestir myndu væntanlega vilja njóta nafnleyndar við kaup á vændi, þó svo að samkvæmt lögum eigi þeir að gefa upp nafn og kennitölu til að geta fengið sínu fram. Þannig að ef lögleiðing vændis á að vera til að auka eftirlit og vernda vændiskonur verðum við eiginlega að bíða þartil siðferðirþröskuldur almennings hefur lækkað niður í það að það sé álíka sjálfsagt að stunda kynlíf á almannafæri eða amk undir eftirliti 3. aðila eins og að borða ís á almannafæri. En ég held að við vitum öll að þegar og ef það gerist einhvern tíman þá verðum við öll löngu dauð þannig að það breytir engu hvort við rökræðum það núna eður ei. Þangað til er sýnt að lögleiðing vændis gerir lítið gagn annað en að fjölga vændiskonum og kúnnum.

Sá ágæti einstaklingur sem sagði hér fyrr að boð og bönn væru leiðinleg hefur að mínu mati rétt fyrir sér. En það er nú bara þannig að það er ekki öllum treystandi til að hegða sér vel og taka tillit til annarra. Þannig að þó að þið treystið ykkur til þess sjálfir til að beita vændiskonur ekki ofbeldi eða blekkja konur til að selja sig á fölskum forsendum þá er ekki öðrum treystandi til þess. Þið skuluð kenna þeim einstaklingum um að vændi er álitið ósiðlegt og er bannað með lögum!

Fyrra álit

Deiglan

Deiglan

Ofurhugar

Hverjir eru inni

Greinar

Enn um vændi og femínisma

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi