Það að kosningaherferðinni og atkvæðasmöluninni skuli stýrt inn á þessi svið, þ.e.a.s. Nammi, pulsur, kók og annað slíkt, segir ótrúlega mikið um viðkomandi samfélag. Þetta er ekki gert “af því bara” heldur af vel yfirveguðu ráði auglýsingastofa og “propaganda”-ráðgjafa flokkanna er þar starfa. Það er verið að smíða ímynd í hugum kjósenda og ég er viss um að sumir kjósa nær eingöngu á þeim forsendum.

Ytra byrðið skiptir margan nútímamanninn miklu máli og ímyndin er það sem oft “blífur”. Vangaveltur um innihaldið fara þá stundum hallloka. Má bara ekki alveg búast við því að einhverjir, sem muna eftir því við kjörkassann þegar þeir fengu slatta af pulsum, hamborgurum og kók, og sáu sæta unga frambjóðandan syngja með t.d. Birgittu Haukal á samkomunni, merki X-ið við flokkinn sem var svona gjafmildur, sætur og “cool”?

Sem betur fer eru nú flestir ekki svona grunnir og sjá í gegnum “plottið”, trúi ég, en mér býður í grun um að fleiri og fleiri noti slík “nammirök” þegar þeir standa frammi fyrir því að velja sér fulltrúa til setu á Alþingi.

Mér finnst það skelli, skelli-hlægilegt að heyra þig segja frá því að Framsóknar-Dóri skuli hafa verið í atkvæðasmölun á Ómega! Mikið rosalega hefði ég haft mikinn áhuga á því að sjá þann þátt. HAHAHAhahahahaaaaaa! En auðvitað er það skynsamlegt fyrir frambjóðendur að veiða á sem flestum miðum svo þeir komist í alþingishúsið, hehehe… Ætli Dóri sé öfgafullur í trú sinni á almættið? Skyldi þó ekki vera að blessaður kallinn væri dottinn í það og kominn á kristilegt ofsatrúar-fyllirí! Getur það verið, annars?

Það er svo sem ekki ný bóla að kosningabaráttur komist niður á “botnleðju” stigið á lokasprettinum. Það verður að skafa pottinn svona í lokin og þá hafa menn á stundum lagt málefnin á hilluna og gripið til sleifarinnar.

En fyrir alla muni, skoðið innihaldið sem flokkarnir standa fyrir og kjósið rétt. Ég ætla alltént að gera mitt til að fella núverandi ríkisstjórn. Ég bara tel það vera mína borgaralegu skyldu!

Strákar, það er ekkert að því að flokkarnir séu að gera eitthvað skemmtilegt fyrir kjósendur sína svo að kjósendurnir haldi nú ekki að þeir séu bara frík sem hugsa ekkert annað en að vinna. Þ. e. a. s. sýna dáldið af björtu hliðinni.

Varðandi Omega, þá var auglýsing frá þeim um að þeir ætluðu að vera með þætti um kosningarnar svo að það gæti alveg verið að þið sjáið einhverja fulltrúa frá hinum flokkunum þarna. Fulltrúarnir nefna ekki alls staðar að þeir ætli að styðja kristilegt málefni en þeir nefna auðvitað málefni sem tengjast staðnum sem þeir eru á og koma þeim við.

Já það voru líka einhverjar kappræður á Omega, fulltrúar frá öllum stjórnmálaflokkunum voru þarna. AHAHAHAHAHAHA.
Frjálslyndir eru líka í þessum bransa þeir voru að gefa fisk um daginn.

Þú sagðir þetta allt í síðustu þremur línunum, VG láta sig málefnin meiru skipta…

Zedlic

vinstri grænir eru kommúnistar!!!! á móti virkjun og frjálsu markaðshagkerfi!! HVAÐ ER ÞAÐ???

“Einu flokkarnir sem virðist ekki vera að fara yfir um eru að sjálfsögðu Vinstri Grænir og svo líka Frjálslyndi flokkurinn.”
Ok ég kalla þetta kannski ekki að fara yfir um..en það er ekki hægt að segja að Vinstri Grænir séu ekki að reyna að “heilla” kjósendur með einhverju sem er ómálefnalegt…td var ég að fá sent núna sem ungur kjósandi sem má kjósa í fyrsta skipti til alþingis ágætis bækling um málefni Vinstri Græna og með fylgdi tilkynning sem ég ætla að skrifa beint upp:

Stórtónleikar UVG!
UVG blæs til stórtónleika miðvikudagskvöldið 30.apríl á ofurbúllunni Grandrokk! Magnaðir tónlistarmenn: Amos, Dóri DNA, Sign, Tvö dónaleg haust, Ekkert kjaftæði. Stuðið heft klukkan 22:00. ókeypis aðgangur!

Ég fór nú bara að hlæja þegar ég las þetta verandi nýbúin að lesa þessa grein :D

Eini flokkurinn sem hefur ekki ennþá farið í það að vera með skemmtanir og þess háttar atkvæðaveiðar er Nýtt Afl… Ætli það sé eini flokkurinn sem ætlar að fá atkvæði eingöngu á málefnunum?

www.nu.is

Já, kosningabaráttan virðist ætla að fara í hund og kött þetta skiptið. Samt virkar þetta þannig á mig að ef einhver frambjóðandi vill gefa mér grillaða pulsu og kók af því bara….. að þá sé hann lúmskt að reyna að kaupa mig. Myndi hann gefa mér þetta “af því bara” ef ekki væru kosningar framundan? Ónei. Hann er semsagt ekki að gefa mér pulsu góðmennskunnar vegna heldur vegna þess að hann er í einhverri mynd að búa til eins konar sektarkennd hjá mér. Þ.e. hugsunarhátturinn gengur út á það að ég fari og kjósi hann og hans flokk því að hann var svo indæll að gefa mér pulsu. Þá hlýtur honum að vera annt um velferð mína.

Þetta er bara svo mikið bullshit. Ég veit að þessum manni er svoleiðis skítsama um mig svo lengi sem ég merki við bókstafinn hans á fjögurra ára fresti. Þetta finnst mér ótrúlega falskt og frekar lame ef ég á að vera alveg hreinskilin.

Þetta tel ég vera eitt form af ómerkilegri kosningabaráttu sem er að tröllríða þjóðfélaginu akkúrat núna. Ég held að sjaldan ef ekki aldrei hafi kosningabaráttan verið jafn ómálefnaleg, því miður.

Ég hef reyndar bara gaman af þessu…

Það er skemmtilegt og áhugavert að fara á svona fund með fullt af öðru fólki sem að styður sama flokk og þú, og fá sér “nammi” saman á meðan það er verið að tala um framtíðar ríkisstjórn!

Annars þá tel ég að rosa fáir eða undir 10% kjósi útaf svona góðgætum sem að eru gefin í baráttunni, sjálfur styð ég flokk eftir stefnum og fólki í flokknum en þó hef gaman af því að hafa svona sniðuga og skemmtilega kosningabaráttu! ;D

Birgitta Haukdal rúlar en ekki fær það mig til að styðja X-B…

Ég þoli ekki Botnleðju og var mjög ánægður með að Birgitta sé að fara í Eurovision, samt styð ég Samfylkinguna þó að Botnleðja sé að teimast með þeim ;)

Ég verð að segja að þessi grein er svona tíbískt hugsunarháttur hjá þeim sem sitja heima og eru ekkert að leggja til kosningabaráttunar.

Ég er að vinna fyrir einn flokk, og ef þú hefur ekki gert þér grein fyrir því þá er stór hópur manna að vinna fyrir alla flokkana. Ég var á pizza fundi með ungu fólki fyrir stuttu, það var eitt afþví skemmtilegasta sem ég hef gert, þarna komu fullt af krökkum sem höfðu haldið hingaðtil að þau spáðu ekkert í pólitik en þegar þau voru mætt þá kom í ljós, líka hjá þeim sjálfum að þau höfðu helling að segja og spyrja og gátu skotið fast á okkar stefnu.

Það er ekki verið að gefa kjósendum neitt í hreinni góðmennsku en það er einginn sem kippir sér upp við það þó fólk komi bara til að spjalla en ætlar ekki að kjósa þinn flokk. Síðan er staðreyndin bara sú að það er dýrt að auglýsa, með því að grilla og halda tónleika þá ertu að fá miklu meiri athygli og sparar þér pening.