Finnst mjög ólíklegt að hann spili eldra Daft Punk efni úr því að hann kemur til að dj'a, maður veit þó aldrei.

hér er copy/paste af þessari fréttatilkynningu:)

FRÉTTATILKYNNING:
————————-
Thomas Bangalter og Guy-Manuel de Homem-Christo verða gestir Alþjóðlegrar kvikmyndahátíðar í Reykjavík. Saman skipa þeir dúettinn Daft Punk. Thomas Bangalter mun troða upp sem plötusnúður á NASA laugardagksvöldið 7. október ásamt DJ Jack Schidt aka Margeir og DJ Lazer. Bangalter hefur ekki komið fram sem plötusnúður í tæpan áratug og því ljóst að um stórviðburð er að ræða. Miðasala er hafin á midi.is og filmfest.is. Miðaverð er einstaklega hagstætt, aðeins 1.000 krónur í forsölu, 1.500 krónur við hurð. Athugið að magn miða í forsölu er takmarkað.

Franska hljómsveitin Daft Punk hefur verið ein vinsælasta danshljómsveit í heimi um nokkurra ára skeið. Hér nægir að nefna smelli á borð við “Around the World”, “Da Funk”, “One More Time”, “Harder, Better, Faster, Stronger”, “Digital Love”, “Technologic”, og “Robot Rock”. Myndbönd þeirra hafa líka vakið mikla athygli, en leikstjórar á borð við Spike Jonze og Michel Gondry hafa gert myndbönd við lög þeirra. Þá mynduðu myndböndin af plötunni Discovery (2001) samfellda teiknimynd í anime-stíl. Thomas Bangalter hefur einnig gert tónlist einn síns liðs, og lagið ..Music Sounds Better With You.. undir nafninu Stardust er líklega þekktast þeirra.

Meðlimir sveitarinnar, þeir Thomas Bangalter og Guy-Manuel de Homem-Christo, hafa nú gert mynd sem nefnist Electroma. Myndin var frumsýnd á kvikmyndahátíðinni í Cannes í maí við góðar undirtektir. Hún verður sýnd á Alþjóðlegri kvikmyndahátíð í Reykjavík sem stendur yfir 28. september til 8. október. Thomas og Guy-Manuel verða viðstaddir sýningu myndarinnar hér á landi 6. október og svara spurningum áhorfenda.

Electroma er nokkurskonar vegamynd og segir sögu tveggja vélmenna sem vilja verða mennsk. Myndin var tekin upp í Kaliforníu og inniheldur m.a. tónlist eftir Todd Rundgren, Brian Eno, Curtis Mayfield og Sebastian Tellier.

Mér er nokk sama hvað hann spilar, hlýtur að vera eðal mússigg,, og svo að Margeir þeytandi, gott lineup sem gefur manni gæsahúð. I got my ticket! :)

Hey hvað getur maður gert ef maður er undir 20 ára aldri? Mig hefur sjaldan langað jafn mikið á einn viðburð.. Hvað er til ráða?