Heimasíða Icelandic defensive Administration er í vinnslu…

Takk fyrir framlagið!
við munum taka þetta til skoðunar, því get ég lofað. Ég skal svo setja nýju stjórnarskránna sem avar hérna aftur. Hérna eru svör við atriðunum sem þú minntist á:

A) Við höfum þá reglu að aðeins megi kalla til þingfundar ef að meirihluti þingsins mætir (1.1). Auk þess á aldrei að verða mjög brýnt að breyta stjórnarskránni. Kannski mætti orða þetta öðruvísi eða blanda 1.0 og 1.1 öðruvísi saman. En eins og ég sagð i áðan, við munum taka þetta til athugunar.

B) Markmiðið er náttúrulega að eiginlega ekkert komi fyrir sem ekki getur um í stjórnarskránni. En mál sem ekki er getið um þar þurfa að fara fyrir þingið til að það geti verið sett í stjórnarskránna í leiðinni.

C) Það er nú aðallega til þess að ef til dæmis eitt corp er í burtu að gera annað er varaforsetinn í öðru corpi sem næst kannski frekar í. Svo eru líka meiri líkur á því að mismunan


D) Það er allt í vinnslu. Þetta er eiginlega svona “BETA” stjórnarskrá. Hluti af þessu er í grein 1.1

E) Auðvitað mega samningar ida ekki brjóta í bága við stjórnarskránna, en það sem við meinum með þessu er að okkar samningar hafa forgang yfir aðra samninga. Þetta er lítið skilgreind setning og óskýr og á henni verða gerðar endurbætur.

F) Allt æí vinnslu. Kaflinn á að heita brot á reglum (eða lögum) og refsvingar (viðurlög) við þeim.

Takk kærlega fyrir framlagið (viðleitnina, eins og hugi segir). Þetta verður allt rætt á næsta fundi og við skrifum svo breytingarnar. Endilega joinaðu IDA og taktu þátt á fundum og hjálpaðu til við að gera stjórnarskránna okkar miklu, miklu betri. Ef þú ert freelancer ertu alveg jafn velkominn, IDA mun ekki skerða persónufrelsi þitt á neinn hátt,og þú færð alltaf stuðning frá okkur ef þú þarfnast hans og biður um hann svo lengi sem þú ert Íslendingur, og þetta á við um alla!

Kveðja,
Björn Br.
or1on corp
fyrir hönd;
IDA
-Sverð Íslands, sómi þess og skjöldur.

Við þökkum þér kærlega fyrir framlag þitt, eins og or1on sagði hér að ofan.

Kv.
Atlas

Ný drög að stjórnarskrá Icelandic Defense Administration:


1. Grein: stjórnarskrá og fundarhöld

1.0
Sama hvað þú gerir, alltaf skalt þú fara eftir stjórnarskránni.
Ef einhverjar breytingar þarf að gera á stjórnarskránni, skal kalla
til þingfundar,og þar skulu að minnsta kosti 2/3 samþykkja breytinguna
Ef ekki er hægt að boða fund, er ekki hægt að breyta stjórnarskránni!

1.1
Er tekin er mikilvæg ákvörðun varðandi málefni IDA skal það gert á
þingfundi. Sé ómögulegt að kalla til fundar, sökum þess að eigi
náist í nægilega marga af meðlimum þings til að mynda meirihluta
skal forseti taka ákvörðun í samráði við þá þingmenn sem í næst.
Hvorki foreti þingsins né varaforsetinn hafa leyfi til að breyta
stjórnarskránni. Ef ekki næst í forseta þingsins skal varaforseti
þingsins taka við stöðu hans þangað til hann er tilbúinn til að
taka við aftur. Utankjörfundaratkvæði teljast gild.

1.2
Forseti og varaforseti þingsins skulu vera kosnir af IDA þinginu.
Skulu þeir kosnir í sitthvoru lagi og má frambjóðandi til forseta
kjósa frambjóðanda til varaforseta og öfugt. Eigi mega forseti og
varaforseti þingsins vera frá sama fyrirtæki.

1.3
Kjósa skal forseta/varaforseta á hálfs árs fresti nema að enginn
annar bjóði sig fram. Allir meðlimir IDAC skulu fá tækifæri til
framboðs og skal boðað til kosningafundar með minnst þriggja daga
fyrirvara. Einnig skal kjósa aftur ef meirihluti þingmanna telur
viðkomandi ekki hæfan til að sinna starfi sínu (grein 3.2)

2. Grein: viðskipti, sambönd og samskipti við aðra

2.0
IDA ver öll heiðarleg viðskipti á sínu svæði, og reynir að koma
í veg fyrir viðskipti, sem IDA þingið hefur úrskurðað ólögleg á
þingfundi (1.1 grein).

2.1
IDA mun líka verja þá íslendinga, fyrirtæki, bandalög, félög o.fl
sem taka þátt í EvE og eru í vandræðum, þurfa, eða biðja IDA um aðstoð.
Þetta á ekki við um þá íslendinga sem eru með ólöglega starfsemi,
standa í viðskiptum sem þingið hefur úrskurðað ólögleg, eða standa
í stríði við aðra sem þingið hefur úrskurðað bandamenn IDA. (2.3 grein)

2.2
IDAC ákvarðar hvaða viðskipti eru lögleg og hver eru ólögleg. Það
skal gert á þingfundi sem skal boðaður af forseta þingsins og/eða
varaforseta (1.1 grein).

2.3
IDAC ákvarðar líka hverjir skulu ganga til liðs við IDA, stofna
viðskiptasáttmála, hefja samstarf við IDA, koma á viðskiptaleit við IDA
o.fl. Það skal gert á þingfundi (1.1 grein)

2.4
Samningar IDA og stjórnarskráin hafa algeran forgang yfir allt annað.
Ef meðlimi IDA er boðið samstarf, samningur eða eitthvað annað skal það
samþykkt eða því hafnað á þingfundi IDAC.



3. Grein: Reglur innan IDA

3.0
Það eru þrjú lögmál sem snerta samskipti meðlima IDA sem alltaf
skulu vera í hávegum höfð. Þau lögmál eru þessi:

1. Meðlimur IDA getur ekki unnið öðrum meðlimi IDA mein, né heldur með aðgerðarleysi,
stuðlað að því að annar meðlimur IDA hljóti skaða.

2. Meðlimur IDA má ekki ljúga að öðrum meðlimi nema því aðeins að sannleikurinn brjóti
í bága við fyrsta Lögmálið.

3. Meðlimur IDA verður að verja tilvist sína svo lengi sem sú vörn brýtur ekki í bága
við fyrsta og annað lögmálið.

Þessi lögmál má ekki brjóta undir neinum kringumstæðum. Viðurlög við þeim má finna í 4. grein.


3.1
Kjósa skal forseta/varaforseta á hálfs árs fresti nema að enginn
annar bjóði sig fram. Allir meðlimir IDAC skulu fá tækifæri til
framboðs og skal boðað til kosningafundar með minnst þriggja daga
fyrirvara. Einnig skal kjósa aftur ef meirihluti þingmanna telur
viðkomandi ekki hæfan til að sinna starfi sínu (grein 3.2)


3.2
Endurkjör á forseta/varaforseta IDAC má framkvæma ef að meirihluti
er samþykkur því að honum sé ekki treystandi til þess sem af honum
er ætlast eða að meirihluti telur hann ekki hæfan til að sinna starfi
sínu. Þetta skal samþykkt af meirihluta ALLRA þingmanna sem sitja á
IDAC. Ef endurkjör er samþykkt skulu allir þingmenn IDAC hafa tækifæri
til að bjóða sig fram. Sá sem rekinn var, má bjóða sig fram aftur.

Eins og áður segir, eru þetta drög. Grein 3. er í vinnslu og 4. grein um refsingar o.fl. er ekki tilbúin til birtingar. Athugasemdir eru vel þegnar.

Gay :)


——————–
Ravenkettle
Uppbyggilegir póstir incorporated

ég býst við það sé auðvitað allt undir hverju clani fyrir sig komið hvort þeir leyfi bara íslendinga í corpin sín.
En ég býst við að IDA sem er auðvitað ekkert annað en bandalag íslenskra clana þurfi ekkert skipta sér af því hvort eitt eða annað íslenskt clan sé með erlenda meðlimi, ef að stjórn clansins er íslensk þá myndi ég nú telja að corpið væri “íslenskt”.

en síðan langar mig að skjóta öðru inní svona til að bæta ofan á spurningu armons, mun IDA taka við erlendum clönum inní bandalagið ef að einhverjir myndu sækjast eftir því?

kv
zeroG
Commander of the ARTS scout squadron

alltaf koma svona skemmtileg comment frá einhverjum sem lífga uppá umræðuna!

Þið segið að maður eigi að vernda tilveru sína svo lengi sem það brjóti ekki 1 eða 2 lögmálið… Hvað ef einhver í IDA ræðst á þig. Þú átt að verja þig en mátt ekki ráðast á manneskjuna… Bara að spá.