Gangi ykkur rosalega vel. Ef ykkur tekst ekki að vinna þá bara komiði heim, æfið meira og vinnið næsta ár! En gerið ykkar besta og setjið 100% í þetta.

Eyjólfur Eyfells

Mótshaldarar lenntu í vandræðum með að finna drengjunum andstæðinga og fengu þeir þvi ekki að keppa á laugardaginn. Doddy átti vísan bardaga á Sunnudegi en þad vantaði andstæðing fyrir Skúla. Að lokum tókst að finna mann frå Åarhus Atlet Klub, sem samþykkti ad ferðast med lest i þrjá tima til þess að mæta Skúla. Hafði þessi náungi víst mætt í vigtun á föstudaginn en ekki séð sér hag í þvi að mæta einhverjum Íslendingi med enga reynslu.

Bardagi Skúla vid þennan strák, Erhan Kekec, varð ákaflega stuttur. Aðeins höfðu liðið um 10-12 sekundur þegar Kekec sló asnalegu hægri handar höggi sem Skúli varði med vinstri hanskanum. Kekec kveinkaði sér þegar í stað og sýndi Skúli drengilega framkomu, því hann hefði auðveldlega getað slegið andstæding sinn kaldan þar sem hann var með öllu varnarlaus. Kekec hafði vist farið úr axlarlið og gat ekki haldið áfram. Dómarinn vísaði Skúla i hlutlaust horn og taldi yfir Kekec. Þegar talningunni lauk hópuðust læknar og þjálfarar í kringum hann og hjálpuðu honum aftur i lið. Skúli stóð eftir ósnertur og var dæmdur sigurinn. Dómarinn hafði stöðvað viðureignina. Skúli hefur lengi verið kenndur við goðið sitt Mike Tyson, en réttara væri hér eftir að kenna hann við “Stein” enda er hann skýrður það. Andstæðingurinn rétt kemur við hann og hnígur við þad í gólfið eins og moskítófluga! Alla vega hafdi Skúli unnið sinn fyrsta sigur, tæknilegt rothögg i fyrstu lotu, og þad á manni með meira en fimm bardaga á bakinu.

Það var indæl stund þegar Doddy steig i hringinn. Andstæðingur hans, Peter Larsson (frá SIK FIGHT i Kaupmannahöfn) hafði fimm bardaga á ferlinum og virtist ágætis boxari. Okkur hafði þó verið sagt að hann hefði litið hjarta, hugrekkinu væri ekki fyrir að fara. Hann kom inn i hringinn með eitthvað voða glott á andlitinu og ætlaði greinilega að reyna að skjóta okkar manni skelk í bringu. Það fór þó allt á annan veg en Daninn hélt, því Doddy hélt rónni og var ótrúlega einbeittur, enda hefur hann beðið þessa færis lengi. Hann sýndi honum með fyrsta höggi hver það væri sem ætti hringinn. Hann bombaði Larsson með “hægri hendi dauðans” eins og ég hef eftir honum. það var ekki hægt að vera annað en sammala því. Larsson var i sókn í tvær sekundur áður en hann fékk að éta hægri handar leður, eftir það var pakkað i vörn. Doddy barðist ákaflega yfirvegað og “boxaði eins og engill a jólakorti,” eins og Guðjón Vilhelm þjálfari orðaði það. Snöggar og baneitraðar fléttur héldu Larsson á flótta. Höggin voru vel valinn og hittu öll i mark. Doddy tók að ég held ekki eitt skref aftur á bak i öllum bardaganum. Hámarki upplifunarinnar var náð þegar hægri höndin snéri Larsson í heilhring. Vörnin var óaðfinnanleg hjá Dodda, daninn kom ekki inn einu einasta höggi í fyrstu tveimur lotunum. Doddy hafði refsað honum svo illilega að hann hafði misst allt sjalfstraust og gafst upp í horni sínu aður en 3. lota hófst. Við vorum nokkrir Íslendingar við hringinn og gátum vart hamið okkur í fagnaðarlátum, höfðum látið vel í okkur heyra á meðan á bardaganum stóð. Larsson var svo illa bakaður að þjalfarar hans trúðu því vart að Doddy hefði ekki keppt áður. En þó var það satt.

Þetta verður að teljast glæsileg byrjun fyrir Íslenska hnefaleika og frábær árangur hjá Skúla og Dodda. Þarna skilaði sér mikil og erfið undirbúningsvinna og var frabært að fá að vera með í för og upplifa þetta.

Tekið af www.Boxing.is

Til hamingju! Þetta gerir gott fyrir boxið á íslandi, inspiring fyrir okkur sem ætlum að keppa bráðlega.