nei, Stallone byggði karakterinn Rocky Balbo á boxara sem heitir Chuck Wepner a.k.a. The Bayonne Bleeder en hann endaði ferilinn 35-14-2 17rot. Wepner var kallaður Bayonne Bleeder, þar sem hann skarst mjög auðveldlega og það blæddi mikið úr honum, og tapaði jafnan vegna þess. En Wepner var samt frægur fyrir að gefast aldrei upp þótt að móti hafi blásið og barðist alltaf til sigurs og var mjög harður nagli, t.d. þurfti að sauma 100 spor í andlitið á honum eftir bardaga við Sonny Liston.

Wepner er auðvita mun frægari fyrir töpin en fyrir sigrana, þar sem hann tapaði fyrir köppunum eins og Buster Mathis, Sonny Liston, George Foreman sem Wepner sló niður í 2 lotu og Joe Bugner. Wepner var varla álitin áskorandi árið 1971, heldur var honum lýst sem farandverkamanna þ.e. Journey man í boxinum. Hann vann fyrir sér sem æfingafélagi Joe Fraziers o.m.fl.

Hins vegar frá 1971 til 1975 vann Wepner 8 sigra í röð og þar á meðal sinn stærsta á móti Ernie Terrell fyrrverandi WBA heimsmeistara.

Eftir hinn sögufræga bardaga Rumble in the Jungle árið 1974 þar sem Muhammad Ali endurheimti heimsmeistaratitilinn úr höndum Georg Foreman með því að stoppa Foreman í 8 lotu, var Muhammad Ali lang stærsta nafn hnefaleikasögunnar og í raun stærsta nafn íþróttanna. Og blæðarinn frá Bayonne átti eftir stærsta tækifæri ferilsins þegar Ali ákvað að verja WBA og WBC meistaratitilinn við Wepner.

Þetta kom mörgum á óvart, þar sem Wepner þrátt fyrir 8 sigra í röð, var varla talinn merkilegur pappír. Nöfn kappa eins og Ken Norton, Joe Bugner, Ernie Shavers, Ron Lyle og síðast en ekki síst Joe Fraziers voru nefnd og taldir mun verðugri andstæðingar en Wepner.

Kannski vildi Ali auðveldan bardaga eftir bardagann við Foreman, en Wepner fékk þarna tækifæri sem hann ætlaði ekki að láta sér úr hendi ganga og mætti ákveðin til leiks þann 24. 03. 1975.

Þó svo að Ali hafi unnið vel flestar loturnar með yfirburða boxhæfileikum sínum, þá var Wepner kominn til þess að berjast og gafst aldrei upp, og í stutta stund í 9 lotu virtist kjarkurinn og viljinn í Wepner vera að færa honum sigurinn þegar Wepner sló Ali niður og við það komst í mjög sérstakan hóp manna, þeirra Joe Fraziers og Harry Coopers sem einir hafa slegið Ali niður, en Frazier hins vegar var sá eini þeirra sem sigraði Ali. Wepner var síðan stoppaður í 15 og næst síðustu lotunni af Ali, þ.e. dómarinn taldi að Wepner hafði fengið nóg enda blóðugur og lúbarinn. Wepner hafði hins vegar náð að vinna hug og hjörtu allra í salnum fyrir kjark og þor.

Þó svo að Stallone hafi byggt persónu Rocky Balboa á Wepner, og Wepner sjálfur takið þátt í gerð fyrstu Rocky myndarinnar þá er þeim ekki lengur vel til vina, þar sem Wepner hefur nú farið í mál við Stallone og segir að Stallone hafi grætt miljónir dollara á sögu sinni.

Wepner og Ali eiga annað sameiginlegt en að hafa barist, því báðir börðust þeir í mixed martial arts við fjölbragðaglímumenn sama kvöldið, Ali við Japanann Antonio Inoki en Wepner við hinn fræga Andre The Giant sem var um 2.25 metrar á hæð, en Andre tók Wepner upp og hendi honum úr hringnum fyrir framan tugir þúsunda áhorfanda.

Eftir að boxferlinum lauk, barðist Wepner við alkólisma og eiturlyfjaneyslu, og var dæmdur í 10 ára fangelsi fyrir fíkniefnabrot árið 1985, en var síðan sleppt á skilorði 20 mánuðum síðar og hefur síðan haldið sig þurrum og hreinum.

Í dag vinnur Wepner fyrir sér sem bílasölumaður, og með því að koma fram við hinn ýmsu tilefni. Auk þes hefur hann verið aktívur í starfssemi J.A.B. sem eru samtök sem einbeita sér að því hjálpa boxurum að takast á við lífið eftir að ferlinum er lokið.

nóg í bili
kv. ASTASI