Bæði börnin mín eru þurrmjólkurbörn, það er einmitt vegna þess að ég framleiddi ekki næga mjólk fyrir þau, svo þau fóru eingögnu á þurrmjólk, ég byrjaði á að gefa syni mínum SMA, hún fór alveg vel í hann þar til hann varð 4 mánaða þá fór hann að æla og æla af henni og leið ílla við að drekka hana svo hann fór yfir á NAN2 sem er fyrir 4 mánaða og eldri, hann varð allur miklu betri af henni :)

Dóttir mín byrjaði á SMA en fékk alltaf íllt í mallann af henni svo hún fór núna nýlega yfir á NAN1 sem er frá fæðingu, og hún sefur miklu betur og er miklu sáttari með NAN, þannig ætli ég mæli ekki með NAN frekar en SMA, NAN er miklu líkari brjóstamjólkinni en SMA, ég hef smakkað báðar og mér finnst NAN mun betri og lykta minni, finnst SMA meira svona brasaðari mjólk og mun meiri lykt og hræðilegt óbragð af henni, ekki það að mér finnist þurrmjólk eitthvað góð haha.

En vonandi sagði þér þetta eitthvað :)

Bætt við 10. júní 2009 - 19:11
Já og einnig til að bæta við þá var sonur minn að þyngjast meira á NAN heldur en SMA og einnig dæmi tekið að skvísan þyngdist um 90 grömm á 3 dögum eftir að hún fór yfir á NAN, hún var að taka 100 gr á viku á SMA svo NAN virðist fara betur í börnin mín :)

Mín litla fær þurrmjólk með brjóstamjólkinni og ég hef verið með hana á sma og nan, nan fyrstu 2 vikurnar en sma síðustu 2. Hvort tveggja virkar vel á mína, kannski vegna þess að hún er hreinlega orðin algjört matargat!

En ég er sammála PINKY með lyktina, NAN er lyktarminni.

Hún þyngdist aftur á móti mun hraðar eftir að hún fór að fá SMA.

Hugsa að þú verðir að prófa þig áfram því börn eru svo misjöfn. Þurrmjólk er samt orðin það fullkomin að þú ættir ekki að vera í neinum vandræðum:)

Gangi þér og snúllunni rosa vel!!