danna fyrir 22 árum, 3 mánuðum Fjöldi lestra: 546

Harmleikur í Kópavogi

Æ, mikið finnur maður til með þessu fólki sem í hlut á (9 mánaða drengur sem dó eftir daggæsluaðili hristi hann harkalega).
Förum varlega, pössum börnin okkar, athugum vel þá aðila sem við treystum fyrir þeim, þetta eru varnarlausir litlir englar. :( 
Manneskjan er ekki bara röð af mismunandi niturbösum
“Kári Stefánsson” í Áramótaskaupi 2001

Kveð ykkur,

honeybun fyrir 22 árum, 3 mánuðum

Heyrðu mig, við skulum nú passa okkur á því að vera ekki að dæma fólk sem hefur verið ákært.
Það er ekki búið að dæma í þessu máli.

Maðurinn neitar að hafa hrist barnið.
Er ekki þannig að maður er saklaus uns sekt er sönnuð.

Ákæra þýðir ekki endilega að fólk sé sekt.

Ég var með son minn hjá þessum hjónum í langan tíma.
Þetta er yndislegt fólk og ég hef fulla trú á því að
hann sé saklaus. Þangað til annað kemur í ljós.

Pössum okkur fara ekki að breiða út kjaftasögur og smjatta á
annarra manna sorgum og vandamálum.

Það eru margar hliðar á svona máli.

Það eru margir aðilar sem eiga erfitt í þessu máli og eins og fram kom í Morgunblaðinu í dag, þá er búið að ákæra hann.
En…. það á eftir að fara í gegnum langt ferli til að ákveða sakleysi eða sekt.

 kveðja
honeybun

kveðja

Fyrra álit

danna fyrir 22 árum, 3 mánuðum

Samúð mín er ekki aðeins með aðstandendum heldur einnig þeim sem hugsanlega áttu hlut að máli.
Það kom fram í fréttum að daggæsluaðilarnir hefðu verið með allt of mörg börn í gæslu og einhvern veginn held ég að það yrði ekki farið út í ákæru í þessu máli ef ekki þætti sterkar líkur til að eitthvað hafi gerst í daggæslunni. Ég er alls ekki að segja að það hafi gerst viljandi enda er ákært fyrir manndráp af gáleysi.
En það sem ég var fyrst og fremst að meina er það að foreldrar bera ábyrgð á börnunum sínum og ættu t.d. ekki að hafa þau í gæslu þar sem of mörg börn eru fyrir.
Ekki bara út af þessu heldur svo mörgu öðru.
Það var ekki meiningin að “smjatta” á þessu heldur aðeins að vekja athygli á þessu og lýsa yfir hryggð yfir málinu. Af hverju má það ekki alveg eins og þegar einhver ferst af slysförum? 
Manneskjan er ekki bara röð af mismunandi niturbösum
“Kári Stefánsson” í Áramótaskaupi 2001

Kveð ykkur,

Fyrra álit

honeybun fyrir 22 árum, 3 mánuðum

Já, ég skil það alveg.
Enda var ég bara að tala svona almennt :o)
Ég var ekkert að segja að þú værir endilega að smjatta.
Ég biðst afsökunar á því ef það kom þannig fram.

Þegar þau voru talin vera með svona mörg börn auka, þá var hún í fæðingarorlofi. Það gleymdist að segja frá því.
Þau eru með 4 lítil börn á heimilinu sem þau eiga saman.

Ég er kannski svolítið viðkvæm fyrir þessu, því ég þekki þau.
Og þetta er yndislegt fólk og alveg ofboðslega barngóð.
Sonur minn var alltaf ánægður hjá þeim og það kom aldrei neitt óeðlilegt upp á. Voru alltaf til fyrirmyndar í alla staði með daggæsluna sína.

Auðvitað má tala um þessi mál, en það er eins og þú veist sjaldan talað um svona mál af skynsemi og hlutdrægni.
Þegar þetta gerðist í maí 2001, þá kom strax korkur eða grein hér inn á huga og þá voru einhverjir óþroskaðir aðilar sem dæmdu þau bæði strax og sögðu að það ætti bara að “skjóta svona fólk” og þar fram eftir götunum.
Ég veit að þú skilur hvað ég meina.

Þetta mál er sorglegt fyrir alla aðila.
Þegar maður talar um svona viðkvæm mál sem snerta svona marga, þá verður maður að passa sig að dæma ekki fólk strax og stimpla þau, eins og margir hafa gert.

Þá er ég ekki að segja það að þú sért að gera það. Alls ekki.

Ég vona bara að fólk hafi það í sér að ræða þessi mál þá af skynsemi og fordómalaust.

Það var það eina sem ég vildi benda á.

 kveðja
honeybun

kveðja

Fyrra álit

bjoggi fyrir 22 árum, 3 mánuðum

Þú ert að tala um að þau eigi 4 börn saman, þau höfðu leyfi fyrir 11 börnum en voru með samkvæmt fréttum RÚV 24 eða 26 stykki samtals þannig að þrátt fyrir þeirra eigin börn þá voru þarna alltof mörg börn, líka vegna þess að þeirra börn á að telja með, ef þú ert með leyfi fyrir 5 börn og átt 3 sjálf þá máttu ekki taka að þér nema 2. Takk fyrir daginn takk.

Fyrra álit

GlingGlo fyrir 22 árum, 3 mánuðum

Vil bara benda á að þau börn sem dagæsluaðilar eiga sjálfir og eru undir 6 ára aldri teljast með í fjölda þeirra barna sem þeir hafa leyfi fyrir.

Þetta er úr lögunum:

Leyfi, sbr. 9. gr., tekur til allt að fjögurra barna, samtímis, að meðtöldum þeim sem fyrir eru á heimilinu yngri en 6 ára, þó þannig að að jafnaði skulu eigi vera á heimilinu fleiri en tvö börn undir eins árs aldri.

Eftir a.m.k. eins árs samfelldan starfstíma er félagsmálanefnd heimilt að veita leyfi fyrir einu barni til viðbótar, enda hafi dagmóðir sýnt af sér hæfni til starfsins og veitt börnum góðan aðbúnað í hvívetna.

 Kveðja,
GlingGlo

Kveðja,

Fyrra álit

honeybun fyrir 22 árum, 3 mánuðum

Tveir eldri drengirnir voru á leikskóla, yngri dóttirin var heima og svo var konan ófrísk að öðru sem hún eignaðist í maí 2001, daginn sem Smári litli var jarðaður.
Aldrei var ég vör við svona mörg börn hjá þeim, þetta bara stenst ekki, því að það er ekki pláss fyrir svona mörg börn í húsinu þeirra.
Þetta hlýtur að vera einhver misskilningur eða að það eigi eftir að útskýra þetta eitthvað betur.
Ég hefði náttúrulega aldrei farið með strákinn minn þarna ef að það væru svona áberandi of mörg börn í gæslunni.
Ef að ég hefði orðið vör við eitthvað óeðlilegt á þeim bæ, auðvitað hefði ég hætt með hann þar, ekki spurning.

En, þetta gekk allt eins og í sögu og til fyrirmyndar eins og ég sagði áður.

 kveðja
honeybun

kveðja

Fyrra álit

winky fyrir 22 árum, 3 mánuðum

auðvitað vöru öll börnin ekki á sama tíma, sum hálfan daginn og önnur kannski svona vaktabörn! þau voru með 20 og eitthvað börn aðalega hún þá því var kallinn ekki leigubílstjóri? mamma mín var dagmamma í kópavogi á þessum tíma og daggæslufulltruinn kom og ræddi við allar starfandi dagmæður og útskýrði málið!

Fyrra álit

honeybun fyrir 22 árum, 3 mánuðum

Nei, hann var ekki leigubílsstjóri þá. Kannski að kvöldi til, en hann var alltaf þarna alla daga, enda voru þau bæði með löggild leyfi.
Hann var þarna alla daga þegar ég kom með strákinn minn og alltaf þegar ég sótti hann líka, einnig ef ég hringdi, ef að það gleymdist eitthvað eða þess háttar, þá var hann alltaf heima.

Auðvitað hlýtur það að hafa verið einhvern vegin svoleiðis skýring á því hversu mörg börn það er talið að þau hafi verið með. En aldrei var ég vör við það í þetta rúma ár sem sonur minn var hjá þeim.

Og ég vil benda á það, þar sem það býr dagmóðir við hliðin á mér (í Kóp.) þá sagði hún mér það að dagmömmurnar í Kóp. voru þær verstar í kjaftasögunum sem fóru í gang þegar þessi hörmulegi atburður gerðist.
Ég er ekki að segja að allar gerðu það eða mamma þín, en mjög margar.

Ég held að fólk sem var með börn hjá þeim viti það betur heldur en fólk úti í bæ sem kom ekki til þeirra á hverjum degi, hvernig aðstæðurnar voru.

 kveðja
honeybun

kveðja

Fyrra álit

GlingGlo fyrir 22 árum, 3 mánuðum

Ég hélt nú reyndar að ef dagmömmur eru með tvö börn sem bæði eru hálfan daginn þá flokkist það í raun bara sem eitt, enda væri nú annað hálfasnalegt. Reyndar fyndist mér í alvöru afskaplega furðulegt ef ekki eitt einasta foreldri hefði gert athugasemd við barnafjölda ef þau hefðu verið 26 stk sem voru þarna í einu.

En ég er sammála um að þetta sé eitthvað sem okkur ber ekkert að dæma um, við þekkjum aðstæður ekki neitt og vitum ekkert nema það sem fjölmiðlar blása upp. Kveðja,
GlingGlo

Kveðja,

Fyrra álit

honeybun fyrir 22 árum, 3 mánuðum

En veistu það GlingGló, ég er alveg sammála þér.

Ég er búin að hugsa þetta mál með fjölda barnanna og ég sá enga aukningu á krökkum, en ég kom náttúrulega bara með strákinn á morgnanna og sótti hann á daginn, hinir krakkarnir hefðu alveg getað verið þarna án þess að ég vissi að því.

Og mér finnst það alveg hræðilegt, því að þar með var öryggi míns barns ekki eins og skyldi.
Það er ekki hægt að sinna svona stórum hópi af krökkum eins og þeim krökkum sem ætlað er fyrir hverja dagmömmu að hafa skv. leyfinu.

En ég get alveg svarið fyrir það að ég var ekkert vör við þessi aukabörn. Ótrúlegt. En þau hefðu alveg getað verið komin og farin á þeim tíma sem ég var í vinnunni.

Ég er sjálf soldið sár út af því að hafa ekki vitað um allan þennan krakkafjölda, það segir sig bara sjálft að ég hefði aldrei verið með strákinn þarna ef ég hefði vitað af svona ofboðslega mikið af aukabörnum.

En sorglegast í þessu öllu saman er að lítill drengur er látinn, eins fallegur og hann var og skemmtilegur, með stóru brúnu augun sín og bollukinnarnar.

Hjartans litli kallinn, blessuð sé minning hans.

kveðja
honeybun

 kveðja
honeybun

kveðja

Fyrra álit

sexybitz fyrir 22 árum, 3 mánuðum

Ég held að það sé mikið meira í þessu máli heldur en við vitum. ÁN ÞESS AÐ VERA AÐ DÆMA EINN EÐA NEINN, þá las ég í blaði að við krufningu hafi komið gamalt brot í ljós, sem var ekki lagað af lækni eða neinu þannig. Annars er þetta mál í alla staði ákaflega sorglegt, það er alltaf sorglegt þegar ungt fólk deyr, hvað þá ungabarn.

Fyrra álit

honeybun fyrir 22 árum, 3 mánuðum

Já, ég er alveg sammála þér sexybitz, þetta er hrikalega sorglegt mál. Og vonandi kemur bara það rétta í ljós og að sá/sú sem var valdur að þessum áverkum hjá Smára litla verði fundinn og réttlætið nái að sigra.
Og þó svo ég hafi verið með strákinn minn þarna, þá er sko langt frá því að ég viti eitthvað meira um málið en aðrir.
Ísland er svo lítið land og það eru svo margir sem eru skyldir eða vinir og þekkjast mjög vel.

En ég vona bara til Guðs að réttlætið nái að sigra í þessu máli. kveðja
honeybun

kveðja

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Korkar - Afþreying & Almennt um börn

Harmleikur í Kópavogi

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi