Það á að vera alveg óþarfi að gefa börnum auka kalk eða járn ef þau bara fá fjölbreytta fæðu. Það er einmitt mikið kalk í mjólk og mjólkurvörum og ef strákurinn þinn drekkur mjólk ætti það að duga. Aðrar kalkríkar fæðutegundir eru t.d. sardínur (er í beinunum sko sem maður étur með þeim :), spergilkál (brokkolí) og baunir. Járn er í öllu rauðu kjöti, kjúklingakjöti, fisk og skelfisk, eggjum, baunum, þurrkuðum ávöxtum (t.d. rúsínur) og svo er margt morgunverðarkorn og flestir barnagrautar járnbættir.

Það eina sem maður verður kannski aðeins að passa stundm er að ef barnið manns þambar mikla mjólk, og mjólk og mjólkurvörur er kannski ein meginuppistaðan í fæðunni, geta fengið minna járn, þar sem mjólk og mjólkurvörur draga úr upptöku járns í þörmunum. <br><br>Kveðja,
GlingGlo

það er hægt að kaupa mjólkurvörur fyrir börn sem eru með mjólkuróþol … t.d. búðingar, jógúrt, is , smjör , ost, ofl ofl i heilsuhúsinu og þær vörur innhalda kalk :) sniðug verslun sem ég legg til að sem flestir skoði.. :)

Bara að benda á að möndlur og sesamfræ eru sérstaklega kalkrík fæða, og líkaminn á auðveldara með upptöku kalksins úr þeim heldur en flestum öðrum fæðutegundum.

Ég veit ekki hversu gamalt barnið þitt er en ef hann er ekki ennþá míníkríli þá ætti að vera frekar auðvelt að fá hann til þess að borða þessa fæðu, voða spennandi puttasnarl, sérstaklega þegar hunang kemur líka við sögu (Heilsuhúsið og Yggdrasill eiga ýmislegt til).

Mikilvægt er samt að passa upp á að fræin fari bara ekki beint í gegnum littla meltingakerfið og lendi í bleiunni. Þú gætir t.d. prófað Halva sem eru maukuð sesamfræ en er líka hægt að fá með möndlum, pistasíum eða hunangi (kannski hægt að blanda út í graut, er dáldið bragðsterkt).

Okei, ég ætlaði ekki að skrifa svona mikið en so be it, vona að þetta hjálpi eitthvað. Annars er ég sammála GlinGló um að ef mataræðið er nógu fjölbreytt þá ætti ekki að vera nein hætta á kalkskorti!