Nei, enda varð ég reið þegar ég sá þetta. Mongólítar, eða einstaklingar með Downs syndrome eins og mér finnst nú fallegra að nefna það, eru oft alveg einstaklega hjartahlýtt og glaðlynt fólk. Sem betur fer hefur nú viðhorfið til andlega fatlaðara einstaklinga breyst mikið og ég get bara ómögulega skilið svona komment eins og eins og gunnih kom með. Hér einu sinni var nú varla litið á þetta fólk sem fólk og má sem dæmi nefna að margir af þeim sem eru með Downs syndrome hafa einnig hjartagalla og það er bara alls ekkert svo langt síðan að þessi börn áttu ekki einu sinni rétt á hjartaaðgerð, það var bara ekki talið forsvaranlegt að eyða dýrri aðgerð í svona börn.

Auðvitað hlýtur að vera sjokk að eignast svona barn og ég efast um að nokkur manneskja óski sér slíks, en fólk bara sættir sig við það sem er og það er margt sem þessi börn hafa að gefa þó að þau læri kannski ekki að lesa eða verði ekki lögfræðingar og læknar. Ég skal alveg viðurkenna að ef ég kæmist að því að ég gengi með barn með Downs syndrome myndi ég láta eyða fóstrinu, en ef ég eignaðist svona barn myndi mér auðvitað þykja jafnvænt um það og hin börnin mín og ég get alveg verið 100% viss um það.