chloe fyrir 21 árum, 10 mánuðum Fjöldi lestra: 579

Börn og mataræði

Ég er mikið búin að velta fyrir mér mataræði ungra barna. Sjálf á ég tvö, eins árs og tæplega þriggja ára.

Hvað varðar mín börn þá eru þau mjög mismunandi hvað varðar mat og matarvenjur. Það hefur alltaf þurft að halda mat að stráknum (sem er eldri) og hvetja hann til að vera duglegur að borða. Stundum borðar hann vel, stundum næstum ekkert. Hann er svolítið matvandur en þó held ég ekkert meira en gengur og gerist. En það virðist vera alveg sama hvað hann er að borða, hann fitnar aldrei. Hann er greinilega eitt af þessum börnum með “ofurbrennslu”.
Stelpan er allt öðru vísi. Alveg frá því að hún fór að fá “mat” þá hefur hún tekið vel við og borðar næstum hvað sem er og mikið af því. Samt er hún bara í meðallagi hvað varðar þyngd.

En það sem ég hef nú verið mest að spá í hvort að ég sé að gefa börnunum mínum slæman mat? Ég hef rosalega mikið orðið vör við heilsubyltinguna sem virðist vera í gangi hjá ungum foreldrum. Sérstaklega hjá þeim sem hafa verið að eignast sitt fyrsta barn. Það virðist vera svo algengt að nú eigi aldeilis að standa sig vel og aldrei sjást gefa barninu neitt nema það sem sé einstaklega hollt og gott. Sem er svo sem gott og blessað.

En hver getur sagt okkur fyrir fullt og allt hvað sé best fyrir börnin? Er það rangt hjá mér að fjölbreytt fæði úr öllum fæðuflokkum sé það besta? Hver er þá glæpurinn við það að gefa börnunum sínum einstaka sinnum “óhollt”, eins og t.d. skyndibita. Ég fæ stundum þvílíkt augnaráð þegar að ég kem með börnin mín inná skyndibitastaði. Strákurinn minn veit ekkert betra en hamborgarana á American style. Er ég slæm mamma að láta það stundum eftir honum (og okkur)? Börnin mín fá stundum kex á milli mála, aðallega þó ef að lengist eitthvað í næstu máltíð. Er ég syndug af því að einstaka sinnum gef ég þeim súkkulaðikex í staðinn fyrir gróft matarkex sem þau fá þó oftast?

Ég tek það fram að eflaust eru til foreldrar sem ala börnin sín eingöngu á skyndibita og slíkum mat, ég er ekkert endilega hlynnt slíku. En er ekki í lagi að blanda þessu með hinu?

Hvað finnst ykkur? Tilheyrið þið súper foreldra flokknum sem aldrei gefur börnunum sínum neitt óhollt?

bkv.
chloe

það besta sem Guð hefur gefið mér……… eru börnin mín

GlingGlo fyrir 21 árum, 10 mánuðum

Ég gef mínum börnum óhollustu í hófi og tel það vera mjög hollt fyrir sálina :)

Það er alveg rétt að fjölbreytt fæða úr öllum fæðuflokkum er það besta og það skaðar barnið ekki neitt þótt það fái smá óhollustu einstaka sinnum.

Reyndar þá finnst mér algjör óþarfi að vera að troða sælgæti og öðrum sætindum í börn sem hafa ekki vit á hvað þau eru að láta í sig. Þá er ég nú kannski að tala um þegar verið er að troða kóki og ís í krakka sem eru kannski rétt rúmlega hálfs árs.

En krakkar sækja reyndar í sætindi. Blóðsykurinn fellur fyrr hjá þeim en hjá fullorðnum (lítill líkami) og þar sem heilinn nærist eingöngu á blóðsykri finna þau fljótt þörfina fyrir meiri sykri og sækja í það sem er sætt.

Ég held að margir foreldrar setji sér há markmið fyrst varðandi börn sín, bæði í sambandi við mataræði og uppeldi. Svo komast nú flestir að því að það er ekki allt bara svart og hvítt. Ef maður á t.d. barn sem varla borðar neitt þá er maður hæstánægður ef það borðar smá súkkulaðikex eða fiskibollur í bleikri sósu ;)

Kveðja,

Fyrra álit

lhg fyrir 21 árum, 10 mánuðum

Maðurinn er með það innbyggt að sækja í orkumesta matinn. Þess vegna ekkert skrítið að við sækjum í sætan og feitan mat.

Annars sá ég það í imbanum að börn upp að 3ja ára borða bara eins mikið og þau þurfa en þessi eiginleiki eyðileggst og um 5 ára éta þau sig í spreng ef eitthvað gott er í boði.

Það er held ég allt í lagi að gera sér dagamun annars lagið, bara ekki venja börnin á það að lifa eingöngu á skyndibita eða nammi :)

Fyrra álit

akroklem fyrir 21 árum, 10 mánuðum

Mér finnst nú ekkert hræðilegt að gefa barninu sínu af og til óholla fæðu, svo lengi sem það er gert í hófi. En eins og GlinGló finnst mér óþarfi að vera að ota sætindum að börnum sem ekki hafa nokkurt vit á því og auðveldlega er hægt að plata.

Ég hef alltaf verið mjög passasöm á hvað ég gef dótur minni, en þar sem hún er farin að fatta núna ef hún er ekki með eins og hinir þá bara læt ég það eftir henni. Var til dæmis í afmæli í dag og hún fékk súkkulaðiköku í fyrsta sinn, 21 mánaða. En það er langt síðan hún fór að fá hamborgara og franskar og svona, elskar tómatsósu og svoleiðis. Börn eru líka misjöfn og það er ekkert hægt að segja hvað er rétt og hvað er rangt, maður verður líka bara sjálfur að vera sáttur við hvað maður gefur barninu sínu að borða, ekki endalaust að vera að spá hvað aðrir gera og hvað öðrum finnst.

Mér líður líka til dæmis betur að gefa henni smá nammi, því það er í einu skiptin nánast sem hún fær sykur. Ég gef henni alltaf bara hreina jógúrt eða súrmjólk, nánst aldrei djús, nema það sé e-ð spes og sykra aldrei matinn hjá henni (nema þegar hún fær tómatsósu). Mér er líka illa við að gefa henni mikið unna matvöru, en það er bara þannig með þessi blessuðu börn að það er oft nánst það eina sem hægt er að koma ofaní þau, þannig að ég geri það bara samt, vil frekar að hún borði það heldur en ekkert.

Þannig að ég tilheyri kannski ekki alveg súperforeldraflokknum, en samt að sumu leyti. Aðallega því ég er algjör sælgætisgrís og er alltaf að berjast við aukakílóin og vill reyna að gera það sem í mínu valdi stendur til að forða dóttir minni frá því!! En ég er samt ekki að hneykslast á því þótt aðrir gefi börnunum sínum e-ð sem ég mundi aldrei gefa mínu barni. Mér kemur það ekki við og ef foreldrarnir eru sáttir þá er það bara í lagi!!

Fyrra álit

Xenia fyrir 21 árum, 10 mánuðum

Fjölbreytt fæði úr öllum fæðuflokkum er það eina sem virkar, bæði á börn og fullorðna. Við þurfum t.d. líka að borða fitu og raunar á hún að vera um 30% af heildarfæðunni og okkur er líka nauðsynlegt að fá sykur(náttúrulegur sykur t.d. úr ávöxtum er auðvitað bestur).

Ég hugsa að þú(chloe) nærir börnin þín alveg á eðlilegan hátt þó að það sé ekki hrein hollusta í hvert mál.

En það er eitt sem ég held að ætti alveg að strika út úr mataræði barna sem eru undir 8 ára og það er kók, það er nefnilega svo rosalega mikið af örvandi efnum í því sem hafa ekki góð áhrif á líkamsstarfsemi lítilla barna.

Kveðja, Xenia

Fyrra álit

lhg fyrir 21 árum, 10 mánuðum

Já, kók er algjört eitur. Í einni lítilli kók eru alla vega 5 teskeiðar af sykri og u.þ.b. jafn mikið koffín og í 1/3 bolla af kaffi.

Fyrra álit

Olversdottir fyrir 21 árum, 10 mánuðum

Börn þrífast vel af fjölbreittu fæði.
Það er ekkert sem mælir móti því að skreppa einhvað út að borða með börnin annað slagið. Hjá mér er það að fara á McDonalds, við förum þangað 1 sinni í mán minnsta kosti fyrir börnin. Og það er ekkert sem segir að börnin geti ekki þrifist vel af skyndibitafæði eingöngu, en hversu hollt það er er aftur önnur spurning. Við fluttum til Danmerkur í jun í fyrra og þurftum að bíða tæpan mán eftir húsnæði, og það var lifað á svona sjoppufæði mikið, ég passaði bara að börnin fengu mikið af ávöxtum á milli. Ég get ekki séð að þau hafi haft neitt slæmt af því. Ég er mikið með tilraunir hérna með mataræðið og elda allskonar mat fyrir fjölskylduna og þau taka því þegjandi :) . En það sem mín börn dýrka eru soðin hrísgrjón og pasta með allskonar sósum. Ég held að sé bara um að gera að passa uppá að þau fái ávexti og grænmeti með allri óhollustunni sem við erum annars að gefa þeim. Sonur minn sem er 6 ára hefur alltaf borðað vel, hann borðar ávið fullorðinn mann í dag en hann er samt að mér finnst allt of grannur.

Fyrra álit

lhg fyrir 21 árum, 10 mánuðum

Þau hafa ekkert slæmt af því að lifa á sjoppufæði í mánuð og jafnvel þó það væri alla barnæskuna. Hins vegar er hættan þá að þau venjist ekki á annað og þegar þau halda áfram að lifa á sjoppufæði þá endar það með því að koma niður á heilsunni hjá þeim seinna, kannski þegar þau eru komin á miðjan aldur.

Fyrra álit

holmfrg fyrir 21 árum, 10 mánuðum

Nákvæmlega það sem ég sé við þetta. Það sem maður borðar sem barn borðar maður framvegis. Svo ef maður venur börnin á einhverja óhollustu getur maður reiknað með því að það eigi þau eftir að borða það sem eftir er… ef maður er óheppinn. En hver vill taka sénsinn á því? Það sem mestu skiptir þegar að heilsunni kemur er hvað maður borðar venjulega, ekki það sem maður borðar einusinni á ári eða einn mánuð af lífinu.

Kv holmfrg

Fyrra álit

Cruxton fyrir 21 árum, 10 mánuðum

Ég veit um móður sem þambaði kók eins og kálfur á spena…á meðan meðgöngu stóð.

Barnið sem hún gekk með er 4ára stelpa í dag og ef maður segir orðið “kók” nálægt henni þá sér hún rautt! :-)

Sorglegt…

“True words are never spoken”

Fyrra álit

kona83 fyrir 21 árum, 10 mánuðum

hæ mamma þambaði líka kók á meðgöngu og bróðir minn (sem hún gekk með) er 15 ára og drekkur að minnstakosti tvo lítra af kóki á dag og getur drukkið meir.

Ég á eins árs dóttur og við foreldrarnir ákváðum að gefa henni ekki neitt sætt vegna þess að við féllum með strákinn.
En börn eru bara svo vitur, ef það skröltir í poka þá gargar hún…(þó að hún fái ekki neitt aðsjálfsögðu nema afarsjaldan)

Það sem mér þykir sorglegt að heyra er þegar ég er í búðum og barn kallar á nammi og bendir á epli þá er svar foreldranna yfirleitt á þennan máta: við erum ekki komin að namminu strax elskan.
Það er einsog fólk átti sig ekki á því að börn kalla allt sem þeim þykir gott nammi og ala uppí þau sykur át.

Fyrra álit

blom fyrir 21 árum, 10 mánuðum

ég held að það sé mikill munur á hollu mataræði og vera svo þessi ofursúpermamma. Ég var vanin á það að ég fékk ekki nammidag fyrr en ég var svona 8 ára en aftur á móti þekki ég manneskju sem að fer yfir um ef að barnið fær opal eða tyggjó sem er ekki sykurlaust og ég verð að viðurkenna að það finnst mér 2 much. Það er gott að venja krakka á að borða hollan og góðan mat og reyna eftir fremsta megni að venja þau af matvendi. En það má hinsvegar ekki gleyma að kynna þau líka fyrir hugtakinu að allt sé best í hófi.
Mig langar líka til að benda á eitt, það er ekki betra að gefa barninu mjólk með mat, mjólk er nenfilega líka matur og þar af leiðandi er það eins og 2faldur skammtur ef barnið (eða fullorðin) fær mjólk með mat og í því tilfelli er kókið betra heldur en mjólkin, maður nýtir þó sykurinn í kókinu. Það er líka sannað að maður fær ekki allt þetta kalkmagn beint í æð og í beinin við að drekka mjólk.
Það er ekki nóg að vera meðvitaður um hvað maður er að gefa börnunum sínum að borða það þarf líka að vita hvað það þarfnast og hvsð er hollt. Það er að segja ef maður ætlar að standa við það að vera “hollt foreldri” (ef að svo má að orði komast).

Fyrra álit

Xenia fyrir 21 árum, 10 mánuðum

Ég get ekki orða bundist vegna þess sem blom skrifar og ég vona að sem fæstir trúi því sem skrifar þarna.

Það sem blom skrifaði:
“Mig langar líka til að benda á eitt, það er ekki betra að gefa barninu mjólk með mat, mjólk er nenfilega líka matur og þar af leiðandi er það eins og 2faldur skammtur ef barnið (eða fullorðin) fær mjólk með mat og í því tilfelli er kókið betra heldur en mjólkin, maður nýtir þó sykurinn í kókinu. Það er líka sannað að maður fær ekki allt þetta kalkmagn beint í æð og í beinin við að drekka mjólk.” -blom

Af hverju ekki að gefa barninu mjólk með mat? Ég lít svo á að allir drykkir séu matur, ertu ósammála því? Það sem við drekkum með “matnum” er hluti af máltíðinni og gefur vissan hluta af næringarefnum máltíðarinnar.
Og hvað meinaru með því að kókið sé betra en mjólkin því að við nýtum sykurinn úr kókinu? Er þá ekki miklu betra að fá mjólk og nýta öll þau góðu næringarefni sem þar er að finna: kolvetni, prótein og fita(þar af minnst af fitu), svo eru í mjólkinni B-vítamín, kalk og fosfór. Af hverju er þetta verra en sykurdrullið CocaCola?
Og þú segir “það er líka sannað að maður fær ekki allt þetta kalkmagn beint í æð og í beinin”. Það getur vel verið að þetta sé rétt, EN við fáum samt slatta af kalki úr mjólkinni og hún er líklega besti kalkgjafi sem völ er á, þó svo að við fáum ekki allt það sem magn sem er uppgefið á fernunni beint í æð.

Ég verð bara að segja að ég er mjög hneyksluð á þessum skrifum þínum, hvaðan hefuru þetta? Hefuru einhverntíma lært smá vott af næringarfræði?
Með kveðju,
Xenia

Fyrra álit

GlingGlo fyrir 21 árum, 10 mánuðum

Mikið rosalega verð ég að taka undir með Xeniu. Þetta er nú bara alveg út í hött sem blom skrifar. Það er meira að segja mikið áhyggjuefni með unglingsstúlkur í dag hvað þær drekka lítið af mjólk því þetta setur þær í rosalega áhættu varðandi beinþynningu (unglingsstúkur meira en strákar því konur eru almennt í meiri beinþynningarhættu en karlar).

Kveðja,

Fyrra álit

blom fyrir 21 árum, 10 mánuðum

mér er slétt sama hvort að þið trúið mér eða ekki, en mjólk og kók eru jafn “fitandi” … en mjólk er meiri “matur” en kókið … þetta er bara sannað. Ef að þú færð þér t.d. fisk og kartöflur og mjólk með þá ertu komin með auka mat í mjólkinni og það er meira fitandi. Þið ráðið hverju þið trúið … en þetta er satt og sannað …. Já ég hef lært hellings næringarfræði … en þú Xenia??????

Fyrra álit

GlingGlo fyrir 21 árum, 10 mánuðum

Það var enginn að bera saman kaloríufjöldann í kóki og mjólk, heldur næringarlegu gildi þessara drykkja. Kók er bara sykursull með óhollum sýrum og koffeini og fleiri aukaefnum sem eru alls ekkert holl og veita enga næringu. Mjólkin veitir þér hins vegar góða og holla næringu, vítamín og steinefni. Því finnst mér nú ekki spurning að mjólk er hollari en kók. Fyrir utan það að sýran í kókinu spænir upp tennurnar á krökkunum, en mjólkin veitir þeim kalk sem hjálpar til við uppbyggingu tannanna.

Ertu virkilega að segja mér að þú myndir frekar gefa börnunum þínum kók en mjólk með mat af því að mjólkin er svo fitandi? Þú kannski áttar þig ekki á því að börn þurfa meiri fitu en fullorðnir þvæí hún er mjög mikilvæg fyrir þroska þeirra, sérstaklega taugakerfisins.

Kveðja,

Fyrra álit

Xenia fyrir 21 árum, 10 mánuðum

Þetta er svo mikil vitleysa hjá þér. Reyndar er mjólk meira “fitandi” en kók. Í kóki eru 43 hitaeiningar en í nýmjólk eru 68 hitaeiningar. Í hverju felst það að mjólkin sé meiri matur en kókið? Í mínum huga getur það hugsanlega falist í því að í mjólkin inniheldur langflest næringarefnin þar af mest af B-vítamíni, kalki og fólasíni. En kókið inniheldur ekkert nema örlítinn vott af kalki, natríum og kalíum en það inniheldur aftur á móti MJÖG mikið af viðbættum sykri og alls kyns aukaefnum s.s. koffein og litarefni. Ég vona að þú mælir ekki með því við foreldra að láta barnið frekar drekka kók en mjólk.

Þú segir:
“Ef þú færð þér t.d. fisk og kartöflur og mjólk með þá ertu komin með auka mat í mjólkinni og það er meira fitandi.”
Hvurslags vitleysa er þetta eiginlega? Ef þú færð þér síðan hrásalat með þá ertu líka komin með “aukamat” í því. Kókið er líka “aukamatur” þó að það innihaldi færri hitaeinginar.
En hvernig er það þegar maður drekkur rauðvín eða hvítvín með mat, er það aukamatur? Mig langar að benda þér á að það er meira “fitandi” en mjólk meira að segja, heilar 79 hitaeingar.

Ég hef lært töluvert í næringarfræði í framhaldsskóla. En ég held að þú hafir annaðhvort ekki verið að fylgjast með í tímum eða hreinlega lært næringarfræði á einhverri lélegri líkamsræktarstöð.
Með kveðju,
Xenia

Fyrra álit

hilll fyrir 21 árum, 10 mánuðum

bíðiði!!!!!!
Ég hef verið vanin á að drekka vatn (er með mjólkur óþol!!!!) ég drekk ekki djós ekki gos heldur VATN!!!!! er það ekki hollast?????? mjólk get ég ekki drukkið og gos hef ég aldrei drukkið!!!! Ég held að það sé bara best að venja börnin á vatn (og mjólk!!) Ég held að ég sé góð fyrir mynd fyrir börnin sem ég er að passa!!! núna er ég að passa frænkumína sem er 1 árs og hún drekkur vatn á daginn og smá mjólk á kvöldin!!!! (hún vill altaf drekka þegar ég drek!!!!!) mamma hennar segir að ´´eg sé góð fyrirmynd (allavega með vatnið )Því þegar hún er þirso mamma hennar er með hana þá labbar hún að vaskinum og vill vatn!!!!

mbk,
hill88me

Fyrra álit

lhg fyrir 21 árum, 10 mánuðum

Gott hjá þér að vera gott fordæmi og drekka bara vatn. Krakkar éta alltof mikinn sykur hvort sem er og flestur djús er mikið sykurbættur. Ég sá breska heimildarmynd um sykurát fyrir nokkrum árum og þeir sögðu að það væri ekki nokkur ástæða fyrir fullorðinn mann að éta meira en sem samsvarar 12 tsk. af sykri á einum degi, hvað þá börn. Flestir krakkarnir sem þeir fylgdust með í myndinni borðuðu miklu meira og einn strákurinn var með um 35 tsk. sem kom aðallega úr sykurbættum djúsi. Það eina sem gerist er að blóðsykurinn rýkur upp og fellur svo strax aftur og þá langar þá í meira. Í einni kókdós eru 7 tsk. af sykri.

Fyrra álit

EstHerP fyrir 21 árum, 10 mánuðum

Ef ég hefði val um mjólk eða kók til að gefa mínum börnum mundi ég hiklaust velja mjólk! Annað er bara fíflagangur og ef að barnið mitt ætti við offitu vandamál að stríða og ég væri að halda í við það mundi það fá léttmjólk eða undarennu, aldrei kók eða died kók!
Annars tel ég að börn hafi gott af smá fitu úr mat, mun frekar en að fitna af nammi og gos þambi!

Kv. EstHe

Kv. EstHer

Fyrra álit

GiRND fyrir 21 árum, 10 mánuðum

ég held að það sé eitt sem blóm er ekki að koma frá sér nógu vel sem meikar alveg sense, það er að mjólk er mjög seðjandi og ef fólk(börn) drekka mikið af mjólk(t.d. með mat) þá geta þau orðið södd og ekki haft lyst á miklum mat…. en við þurfum jú hellings næringu úr matnum sem við borðum!! þetta held ég að sé pointið hjá henni!

ég held að enginn hefði mótmælt ef hún hefði sagt vatn… eða ávaxtasafi sem hvorutveggja eru góðir við þorsta en ekki nærri jafn seðjandi en mjólk… kók er óþverri og þá sérstaklega fyrir krakka, koffein og mikið af sykri er alls ekki hollt sérstaklega fyrir litla kroppa!!

kv.GiRND

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Börn og mataræði

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi