Ég var líka svona, sérstaklega fyrstu mánuðina. Svo batnaði það sem betur fer.
Það var einu sinni óléttuleikfimi í Baðhúsinu, en ég held að það sé hætt……yoga geturu farið í í Kramhúsinu. Hef heyrt margt gott um það.
Svo er einnig rosalega gott að fara í sund.

Hvað ertu komin langt á leið? Það er mjög algengt að konur séu mjög þreyttar í byrjun meðgöngu og ekki gleyma að þetta eru líka skilaboð frá líkamanum um að taka því rólega. Það er svo mikið að gerast á þessum tíma, blóðið er að aukast, fylgjan að stækka, hjartað að þjálfast (þarf að dæla meiru) o.s.fr. Um miðja meðgönguna eru konur oft fullar af orku (ekki allar samt:) og svo fara þær að þreytast aftur á seinni hlutanum þegar þær eru orðnar fyrirferðarmiklar og stirðar :)

Hvíldu þig bara þegar þú þarft. Sund er fín hreyfing fyrir ófrískar konur. Annars er nú aðalreglan að það sem þú gerðir fyrir meðgöngu geturu haldið áfram að gera á meðgöngunni. Passaðu bara að ofgera þér ekki og forðastu æfingar sem fela í sér hopp og mikil læti. Það er ekki sniðugt að fara að byrja eitthvað svaka líkamsræktarátak á meðgöngunni.

Ágætar styrktaræfingar eru t.d. æfingar upp við vegg til að teygja á kálfum, gott til að fyrirbyggja sinadrátt. Fyrir bakið er ágætt að sitja á stól eða standa upp við vegg og þrýsta mjöðmum og mjóhrygg að honum. Svo er hægt að gera teygjuæfingar fyrir bak á fjórum fótum; skjóta upp kryppu og slaka svo á. Það er í lagi að gera magaæfingar flöt á bakinu í byrjun meðgöngu, en þegar á líður er það ekki æskilegt, þar sem í þeirri stellingu þrýstir þyngdin af leginu og fóstrinu á stóru bláæðina og veldur súrefnisskorti til þín og fylgjunnar og þar með barnsins. Að sitja á hækjum sér er fín æfing til að æfa lærvöðva og liðka og slaka á grindarbotnsvöðvum. Það er hægt að gera það með því að styðja sig við stól, eða án stuðnings. Ekki svo gleyma að gera líka styrktaræfingar fyrir grindarbotnvöðvana.

Það er gott að slaka á með því að liggja á hlið, með annan fótinn boginn og kodda á milli fótanna. Ekki hafa of hátt undir höfðinu til að reyna ekki um of á hálsliðina. Ef þú vilt liggja á bakinu skaltu ekki vera marflöt (nema það er í lagi í bryjun meðgöngu) heldur hafa vel af koddum undir baki og höfði. Svo er gott að hafa hátt undir fótum til að hvíla þreytta fætur, sérstaklega ef þú ferð að safna á þig bjúg.

Til hamingju með kúlubúann :)

Þetta er fullkomlega eðlilegt, það er ekkert smá viðbrigði fyrir líkaman að láta nýtt líf vaxa inn í þér ;) Ég var svona fyrstu vikurnar, mikið til af því að ég náði ekki að halda niðri einu einasta matarbita og svo var ég orðin ægilega þreytt á síðustu mánuðunum. Ef þú ert dugleg að hvíla þig þegar líkamin kallar á hvíld og tekur öll vítamín þá getur þú varla gert betur, leikfimi er sniðug ef þú ert vön og sund er rosalega þægilegt þegar kúlan fer að stækka og verða þung að bera.
Mér fannst líka frábært að liggja í baði tímunum saman, sérstaklega á kvöldin áður en ég fór að sofa. Þá setti ég rólega tónlist á, jafnvel smá freyðibað og lá bara og lá…ohh það var svo gott :)

Innilegar hamingjuóskir með kúlubúan :)

Kv. EstHer

p.s á þriðja eða fjórða mánuði hjá mér kom yfir mig svona slen og þá vantaði mig auka járn, kannski er það að angra þig.