danna fyrir 22 árum, 3 mánuðum Fjöldi lestra: 392

Feðraorlof

Ég hef svolítið verið að spá í framkvæmd nýju laganna um fæðingarorlof, þ.e. hvernig þetta nýtist okkur og þá helst börnunum okkar.
Fyrir þá sem ekki vita er verið að lengja orlofið í áföngum og kemur lengingin öll til feðranna, einn mánuður á ári fram til ársins 2003 og þá er talað um að orlofið sé 9 mánuðir alls. En mér sýnist á öllu að þetta sé ekki lenging fyrir börnin því flestir feður virðast taka orlofið strax í byrjun og þá með móðurinni þannig að orlofið er bara 6 mánuðir þegar upp er staðið.
Auðvitað er það misjafnt hvað hentar fólki best og sumum er það kannski meira virði að vera heima fyrstu vikurnar en aðrir vilja lengja orlofið (eins og við ætlum að gera, pabbinn tekur við stráknum þegar mínu orlofi lýkur). En þá finnst mér svolítið hjákátlegt að tala um að orlofið sé 9 mánuðir árið 2003. Hefði ekki verið nær að innleiða t.d. 2ja vikna extrapabbafæðingar-mömmuaðstoðarorlof strax eftir fæðingu (fyrst það er svona mikil þörf fyrir það) og síðan kæmu þessir 3-6 mánuðir?
Hvað finnst ykkur?
Hvað gerðuð þið/ætlið þið að gera?
Eru mömmurnar kannski bara upp til hópa heimavinnandi áfram að loknu fæðingarorlofi þannig að þetta skiptir ekki máli?
Eru (o.k. nú verða sumir súrir!) pabbarnir kannski bara að kría sér út smá svona þægilegt aukaorlof, barnið á brjósti og mar þarf bara ekkert að gera, í staðinn fyrir að þurfa að basla einn heima með barnið?!

Kveð ykkur,

hulda fyrir 22 árum, 3 mánuðum

ef ég ætti von á barni þá myndi ég allavega vilja að pabbinn myndi geta fengið frí fyrstu dagana/vikurnar til þess að vera heima.
Því ég veit að þetta er meira mál en þetta lítur út fyrir að vera, konan er auðvitað þreytt líka og hún þarf hjálp við helling.
Svo þegar mitt orlof væri búið og ég þyrfti að fara að vinna og barnið ennþá svona ungt, þá myndi ég nú vilja að pabbinn gæti verið með það aðeins svona áður en það færi til dagmömmu.

Fyrra álit

harpajul fyrir 22 árum, 3 mánuðum

Við ákváðum að hann tæki þennan 1 mánuð sem hann átti rétt á strax eftir fæðinguna það hentaði betur en eftir að mínu orlofi yrði lokið,bæði vegna þess að við erum með það stóra fjölskyldu og svo það að ég ætla að vera heimavinnandi allavega eitthvað lengur.

En það sem mér finnst aðalmálið við feðraorlofið það er það að pabbi nær að tengjast barninu á fyrstu vikunum í lífi þess…allavega þá finn ég mun á því hvernig tengslin hjá mínum yngsta eru við pabba sinn og svo aftur hvernig tengslin voru hjá hinum syni mínum þegar hann var á sama aldri við pabba sinn.
Það var þannig þegar hann fæddist að pabbinn hélt bara áfram að vinna eins og venjulega og þegar hann var nokkra mánaða þá fór hann útá sjó og var úti 3-4 vikur í einu…og stundum þá var strákur hálfhissa að sjá þennan ókunna mann.. :)
En það er auðvitað í besta lagi í dag en munurinn er mikill svona fyrstu 1-2 árin.

Kveðja

Fyrra álit

honeybun fyrir 22 árum, 3 mánuðum

Ég er víst ófrísk aftur núna, Snorri er orðinn 3 ára og er á leikskóla. Ég á að eiga í lok ágúst skv. snemmsónar. Er sem sagt komin 9 vikur núna.

Minn kall ætlar að taka sumarfríið sitt þegar ég er búin að eiga, þannig að hann hefur góðan tíma saman með okkur. Svo þegar ég er búin í fæðingarorlofinu þá ætlar hann að taka sína tvo mánuði.

Bara til að barnið getur verið lengur heima áður en það fer til dagmömmu og líka til að hann fái að kynnast barninu og prófa það að vera heimavinnandi í þennan tíma, sækja Snorra á leikskólann og svoleiðis.

Annars kemur það bara í ljós hvernig verður, þetta er allt skipulagt svona, en svo ef að það kemur eitthvað upp á, alvarleg veikindi eða eitthvað, þá breytist þetta náttúrulega allt.

Ég er mjög ánægð með þetta fyrirkomulag sem við erum búin að ákveða, þegar Snorri fæddist þá átti pabbi hans bara 2 vikur í feðraorlof, það er allt of stutt og hrikalega fljótt að líða.

kveðja

Fyrra álit

hulda fyrir 22 árum, 3 mánuðum

Til hamingju honeybun ;)

Fyrra álit

honeybun fyrir 22 árum, 3 mánuðum

takk takk fyrir það :o)

kveðja

Fyrra álit

danna fyrir 22 árum, 3 mánuðum

Þetta finnst mér flott plan og kemur barninu örugglega mjög vel.
Svona myndi ég líka fara að :)
P.s. til hamingju með kúlubúann!

Kveð ykkur,

Fyrra álit

jettyIS fyrir 22 árum, 3 mánuðum

Við hjúin eignuðumst barn á síðasta ári og átti maðurinn minn rétt á eins mánaðar barneignarfríi. Hann tók þann mánuð strax eftir fæðinguna þar sem þetta var fyrsta barn, við bæði splunkuný í þessu og okkur veitti ekki af hjálp hvors annars og slíkt :c) Ef við myndum eignast barn á þessu ári eða næsta þegar barneignarfríið er orðið 3 mánuðir myndi hann alveg örugglega ekki taka 3 mánuði samfelt frá fæðingu. Þú hefur rétt á að taka þetta orlof allt þar til barnið er orðið 18 mánaða og hann myndi eflaust hafa það þannig að taka mánaðarfrí þegar barnið fæddist og svo hina tvo einhverntíman seinna. Margir hafa það líka þannig.

Fyrra álit

danna fyrir 22 árum, 3 mánuðum

Já þetta verður einmitt fínt þegar þeir eru búnir að fá 3 mánuði en eins og þetta var á síðasta ári finnst mér þessi tími (1 mánuður) ekki til skiptanna. Þess vegna er ég svo hissa á því hversu margir “eyða honum” öllum í fyrstu vikurnar eftir fæðingu en ekki til að lengja fæðingarorlofið og kynnast barninu þá vel.
Auðvitað skiptir máli að pabbinn sinni barninu vel frá fæðingu en ég held að það sé ómetanlegur tími sem faðir og barn geta átt saman þegar mamman er úti að vinna. Engin afskiptasöm mamma og þeir fá alveg að spreyta sig á sínum forsendum.
Fyrir utan hvað það er gott fyrir barnið að þurfa ekki að fara strax til dagmömmu.

Kveð ykkur,

Fyrra álit

[Notanda eytt] fyrir 22 árum, 3 mánuðum

Ég held að þetta feðraorlof skipti líka gífurlega miklu máli í sambandi við jafnrétti.
Loksins hafa feður lögbundinn rétt á því að vera heima og sinna ungabarninu sínu.
Það skiptir máli bæði upp á að karlmenn hafi “leyfi” til að vera menn sem hafa áhuga á börnunum og heimilinu og svo skiptir það konurnar líka máli því það hefur hingað til verið algengt að vinnuveitendur séu smeikir við að ráða konur á barnseignaraldri því þær gæti droppað úr vinnu hvenær sem er. Þetta hefur meira að segja verið notað sem afsökun til að halda launum kvenna niðri.
(ég hef heyrt fleiri en 1 og fleiri en 2 forstjóra segja þetta)

Svo mér finnst alls ekki að það hefði frekar átt að lengja frí konunnar í 9 mánuði og hafa kallana enn bara með 2 vikur.
En hitt er svo annað mál að það mætti LÍKA lengja fæðingarorlofið í heild sinni.
Í Svíþjóð fá t.d. hjón eitthvað í kringum 400 vinnudaga(það gerir hátt í 2 ár) í frí sem þau geta skipt eins og þau vilja á milli sín.

En eitt skref í einu er ágætis leið og ef við krossum fingurnar verður þetta kanski einhverntíman enn betra !

Fyrra álit

honeybun fyrir 22 árum, 3 mánuðum

Já nákvæmlega, bara eitt skref í einu er fínt.

Ég bjó í Texas í eitt ár og hef mikið samband enn við fólkið sem ég bjó þar hjá.(Fór út 1991)

Þar er nú bara fæðingarorlof 2 mánuðir.

En þar er líka gert ráð fyrir því að konur séu heimavinnandi kannski.

kveðja

Fyrra álit

gmc fyrir 22 árum, 3 mánuðum

ef ég væri faðir, myndi ég vilja vera heima fyrstu dagana eftir að barnið fæðist, en það er voða lítið sem tveir foreldrar geta gert saman fyrstu dagana, held ég, en ég vona að feður séu ekki bara að þessu til að fá smá orlof, því vonandi taka þeir mikinn þátt í uppeldinu

Fyrra álit

icecat fyrir 22 árum, 3 mánuðum

Sælar, það hefur verið mjög gott fyrir mig að fylgjast með umræðunum ykkar um allt sem tengist börnum, ég er komin rúmlega 5 mánuði á leið með fyrsta barn þannig að mér veitir ekki af öllum þeim upplýsingum sem ég get fengið.
Ég og minn maður höfum ákveðið að fyrsta mánuðinn verðum við bæði heima og í framhaldi af því fer maðurinn minn í sumarfrí sem hann ætlar að nota í að byggja nýtt þak á húsið okkar. Seinni mánuðinn sem hann á rétt á ætlar hann að taka þegar ég fer út á vinnumarkaðinn aftur en ég hef ekki ákveðið hvort ég fer strax þegar barnið er 6 mánaða eða seinna. Það verður í rauninni bara að ráðast þar sem ég veit ekkert hvernig aðstæður verða.
Kannski ein spurning, það er alltaf talað um feðraorlofið í mánuðum, er þá verið að tala um ef pabbinn fer í orlof 1. júní að hann komin aftur 1. júli ?
hvað þá með þá sem fara t.d. 1. febrúar sem er styttri ?
Eða er kannski bara verið að tala um ákveðin dagafjöld ?
Ein græn,
Icecat

Fyrra álit

danna fyrir 22 árum, 3 mánuðum

Nei það er talað um mánuði. Þú færð bara ákveðna upphæð á mánuði (eins og mánaðarlaun) og það er sama upphæð fyrir febrúar og fyrir júlí.
Í foreldraorlofinu (sem er launalaust leyfi sem foreldrar mega taka á fyrstu 8 árum barnsins) er hins vegar talað um vikur.
Gangi ykkur vel,
kveðja,
danna

Kveð ykkur,

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Feðraorlof

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi