Það eru meiri líkur á að það sé eitthvað að heima hjá stelpunni sem sparkaði í dóttur þína. Ég veit ekki hvort þú þekkir foreldra stelpunnar en ég myndi nú ræða við þau lítið eitt.

Þetta fer eftir uppeldinu á krakkanum meira en hvað hann horfir á eða leikur sér að. Ég lék mér að alls konar ofbeldisleikföngum þegar ég var lítill (Action Force, He-Man osfrv.), Ég horfði á Aliens þegar ég var 13. Hef spilað bardagaleiki og skotleiki frá því að ég var 4. Ég hef meira að segja æft bardagaíþróttir. En ég hef aldrei lent í slagsmálum og aldrei lamið einn né neinn til óbóta. Ef tölvuleikir og sjónvarp hefði áhrif á krakka þá ætti ég að vera algjör Stalín en ég er langt frá því. Ef það er einhver útskýring fyrir þessu þá er það að ég átti mjög góða foreldra.

Það er allt gott og blessað með það að börnin eigi að vera vernduð fyrir öllum þeim sora sem til er í þessari veröld okkar.

Spurning er hinsvegar afhverju á samfélagið að sjá um að ala upp börnin. Er aðal ábyrgðin ekki á höndum foreldrana? Eru þeir ekki manneskjurnar sem eiga að vernda börnin sín?

Þegar verið er að banna tölvuleiki og sjónvarpsefni svo að krakkarnir geti ekki séð þennan sora, þá er líka verið að taka þennan valkost af markaðnum fyrir fólkið sem vill hafa val í sínum skemmtanarhugleiðingum.

Persónulega vill ég ekki sjá allar hillur í BT eða Skífunni fyllast af My Little Pony-, Barbie- og Lego leikjum bara vegna þess að foreldrar barna sinna hafa ekki áhugann eða tímann til að halda þeim frá þessu.

Það er allt gott og blessað með það að börnin eigi að vera vernduð, en í guðanna bænum byrjum á því heima áður en við förum að heimta lagabreytingar og takmarkanir.

ATH: Ég er ekki að segja að pollyana sé með óraunhæfa hræðslu við nútímafjölmiðla né hún sé vont foreldri. Ég er aðeins að benda á það að við skulum ekki vera að láta aðra þjást fyrir eitthvað sem er einstaklingsbundið vandamál.

ArabStrap

P.S. Ef ég hef sært blygðunarkennd einhverns með bréfi þessu þá biðst ég afsökunar. Engin þörf er á “gelgjulegum” svörum.

Það hafa verið margar kannanir gerðar og seinast þegar ég vissi var það um 1 af hverjum 100 sem varð meint af sjónvarpsofbeldi, má þess geta að margar kannanir hafa sýnt að 1 af hverjum 3 hafa eitthverja geðbilun í sér(oftast þunglyndir) en miðað við það er hitt voða lítð. Oft hefur verið talað um að banna ofbelds í sjónvarpi og tölvuleikjum en mér finnst þá eigi líka að banna allar íþróttir, afhverju, jú í mörgum löndum verða óeirðir þegar eitthver íþrótta lið tapa leik, það er líka ofbeldi sem krakkar sjá, banna verður líka að sýna fréttir, og ja, hafa þetta bara eins og í kína, allt ritskoðað og allt bannað.

Þú ert eitthvað að rugla þarna. t.d. á steinöld þá voru börn örugglega að slást og þá var ekki til sjónvarp! eða tölvuleikir! og með byssurnar.. það er eitthvað sem maður sér í fréttum, tölvuleikjum, búðum, o.s.frv. og það er ekki hægt að komast hjá því 11 ára gömul/gamall, að vita að það séu til ruglað fólk sem er að nota byssur til að skjóta annað fólk. Þú þarft bara að útskýra fyrir henni hvað börn geta verið cruel við hvort annað og fólk getur verið “plain” crazy! þó það tengist ekkert TV eða leikjum!
stop the bullshit.

Mér þykir líklegra að það sé eitthvað að foreldrum hinnar stelpunnar ef þau eru tilbúin að ræða spark í hausinn. Mér þykir síður líklegt að þessir foreldrar séu svona slappir í uppeldishlutverkinu vegna þess að þau hafi spilað of marga tölvuleiki. Meðan ég man þá er haus spark í tölvuleikjum frekar óalgengt. Líklegra að maður sjái það í RÚV.

Ég skal ekki segja um áhyggjur hinnar dótturinnar. Þegar ég var lítill gat ég ekki sofnað af áhyggjum út af kjarnorkustríðum. Ég hef heyrt fleiri lýsa þessum áhyggjum þegar viðkomandi voru yngri. Ég er ekki viss um að tengingin við tölvuleiki eða sjónvarp sé nógu skýr til að við förum að ræða frekar um hana.

Mér sýnist krakkar nú til dags vera mun betur gerð en krakkar á mínum aldri. Minna um slagsmál og einelti. Verðum við þá ekki líka að þakka sjónvarpi og tölvuleikjum fyrir það?

sæl pollyanna

ég hef tekið sérstakan kúrs um akkúrat þetta efni uppi í HÍ. (valkúrs í hagnýtri fjölmiðlun).

Hef skoðað fullt af rannsóknum um þetta efni sem eru frekar misvísandi. Sumar segja að ofbeldi í fjölmiðlum ýti undir ofbeldishneigð, aðrar ekki. Telja verður að þetta sé ósannað mál, vísindalega.

En það sem komið hefur út úr þessu er að þetta virðist aðallega hafa áhrif ef börnin eru að horfa á ofbeldisefni ung og ef þau horfa mikið á sjónvarp (nokkrar klst á dag) þótt áhrifin virðist oft ekki vera marktæk. Við ca 15 ára aldur er í raun óhætt að láta krakka horfa á hvað sem er, það hefur ekki áhrif á hegðunarmynstur þeirra.

En ef mjög ung börn eru látin horfa á ofbeldisefni, eru ákveðnar vísbendingar til staðar um að það geti haft áhrif á þau þannig að þau grípi frekar til ofbeldis, strax eftir það eða jafnvel verði ofbeldishneigðari almennt. Það er þó alls ekki algilt og verður að teljast ósannað þótt einstaka rannsóknir hafi komist að þessari niðurstöðu. Margar aðrar hafa nefnilega sýnt að fjölmiðlar hafi engin áhrif á þessa hluti.

Niðurstaðan er sú að aðrir hlutir en sjónvarpsgláp virðast hafa mun meiri áhrif, svo sem ofbeldi í umhverfinu, félagsleg tengsl, líðan barnsins og slíkt.

En það sem þú ættir að gera Pollyanna er að halda ofbeldisefni frá krökkunum þínum eins og hægt er fram á unglingsaldurinn og þá á allt að vera í lagi þótt þær hafi kannski skelfst við að sjá einhverja eina mynd. Það jafnar sig.

En eins og ég segi þá er samt ósannað mál að fjölmiðlar séu sú ógn að þessu leyti sem fólk vill láta í veðri vaka þannig að þú ættir mun frekar að hafa áhyggjur af því að eitthvað sé að heima hjá telpunni sem sparkaði í dóttur þína en að hún hafi horft of mikið á sjónvarpið.


bestu kveðjur
holmfrg

Af hverju verður sumt fólk svona paranoid ef einhver vogar sér að velta því fyrir sér, hvort ofbeldi í sjónvarpi hafi áhrif á börn?
Ég get nú ekki séð á þessari grein hennar pollyönnu, að hún sé að tala um að BANNA eitthvað, mér sýnist hún nú bara vera að spyrja einfaldrar spurningar, og draga ályktun (rétta eða ranga) útfrá sinni reynslu.

Hefur umhverfi okkar ekki áhrif á okkur? Og er sjónvarp og tölvuleikir ekki hluti af umhverfinu?

Sum börn (og fullorðnir), horfa á sjónvarp og stunda tölvuleiki í einhverja klukkutíma hvern dag (ath! ég sagði SUM ekki öll),væri ekki soldið skrýtið ef þetta hefði engin áhrif ?
Sjónvarpið getur haft áhrif á tískuna, skoðanir okkar, hvað við kaupum í matinn osfr. og afhverju ætti ofbeldi að vera undanþegið?

Hvaða áhrifum þetta ofbeldi getur valdið er spurning…fer eflaust eftir aðstæðum hvers barns. Hjá einhverjum hér að ofan, Gourry minnir mig, varð áhorf á ofbeldismyndir kannski til þess að hann fékk áhuga á bardaga og sjálfsvarnaríþrótum, þannig að hugsanlega hafa áhrif ofbelisins haft jákvæðar afleiðingar ;)En hann segist líka hafa haft góða uppalendur.
Hjá stelpunni sem hendir dóttur pollyönnu í götuna og sparkar í höfuðið á henni virðist eitthvað allt annað vera uppi á teningnum…móðir hennar réttlætir ofbeldisverk hennar!…hmm efast um að sjónvarpsofbeldi hafi góð áhrif á það barn.

En ofbeldi í “barnamenningu” er ekkert nýtt ,fullt af því sögum og ævintýrum fyrri alda.

Og þyrstir okkur, hvort sem við erum börn eða fullorðin kannski í ofbeldi? það er allavega næg eftirsurn eftir þannig afþreyingu…

Það er alveg öruggt að ofbeldi í bíómyndum er ekket nýtt. Ofbeldi hefur alltaf verið til staðar í bíómyndum.
Það sem hinsvegar hefur breyst er að hugarfarið og viðhorfið í bíómyndum gagnvart ofbeldi hefur breyst. Hver man ekki eftir því þegar Bogart kýldi einhvern kall einusinni og viðkomandi lá flatur. Síðan breyttist þetta aðeins og þá þurfti að lemja kallin nokkrum sinnum til að hann lægji, gott og vel. En í nútíma bíómyndum þá vinnur enginn slagsmál nema hann taki rosalegt hringspark, kýli óvininn í punginn og bæti svo rjómanum ofan á alltsaman með því að handleggsbrjóta óvininn eða jafnvel drepa hann með því að kýla nefbein uppí heila.

Þetta er það sem er að hafa slæm áhrif á krakkana nú til dags.
Ég man þegar ég var í grunnskóla þá var það álitinn mesti fauta- og aumingjaskapur að sparka í liggjandi mann og hnefum var ekki beytt nema í ýtrustu neyð.
Nú virðist hinsvegar enginn harður/hörð nema andstæðingurinn sé meiddur sem allra mest og gildir þá einu hvort notuð eru barefli eða hvort sparkað er í liggjandi manneskju.

Það að svona fautaháttur sé bara fyrir aumingja er eitthvað sem allir foreldrar verða að brýna mjög skýrt fyrir börnum sínum.

Rx7

Ég er hjartanlega sammála GlinGló þar sem hún segir að það sé frekar hætta á að börnin geti orðið mjög hrædd við myndirnar heldur en að þau berði ofbeldishneigð.

Þegar ég var yngri fékk ég að horfa nánast á það sem ég vildi. Í dag er ég 23ja ára og hef greinilega beðið þess skaða. Ekki vegna þess að ég sé e-ð ofbeldishneigð heldur einmitt vegna þess að ég er rosalega myrkfælin, eða öllu heldur bara hrædd við að vera ein. Ég get t.d. ekki tannburstað mig fyrir framan spegil eða bara staðið fyrir framan spegil þegar ég er ein á kvöldin. Allt Poltergeist að “þakka”. Svo á ég erfitt með að beygja mig niður að krananum og fá mér sopa eftir á, muniði eftir IT! Það eru mörg fleiri dæmi. Svo er ég bara eitthvað ofsalega draugahrædd og hrædd um að sjá eitthvað sem er ekki til!. Einnig er ég ofurhrædd um að það verði brotist inn um nótt þau fáu skipti sem ég sef ein. Ég veit þetta hljómar fáránlega en þetta er bara svona.

Ég er viss um að þetta hafi bara þróast í mér því ég var að horfa á myndir sem ég hafði engan þroska til að horfa á þegar ég var yngri. Ég man meira að segja efti fyrstu “hryllingsmyndinni” sem ég sá. Það var Ghostbusters og ég var 6 ára. Ekkert hræðileg mynd en samt of fyrir svo ungt barn.

Jæja nóg blaður í bili.
Laalaa.

Ég var 6 ára þegar ég byrjaði að spila tölvuleiki
og er 16 núna og það eru semsagt 10 ár síðan og ég hef spilað marga tölvuleiki og hef aldrei lent í svona dæmi t.d. slagsmálum(er frekar rólegur og er talinn besti unglingur sem mamma getur átt!) og ég skil ekki af hverju fólk er að kenna tölvuleikjum um. er þá ekki bara eithvað sem örvar börn til þess að gera þetta og eru þau ekki bara … hvað á maður að segja….. heimsk?
#ekki beint#
þetta hefur ekki komið fyrir mig af hverju ætti það að koma fyrir önnur börn?
og er þetta ekki allt undir fullorðna fólkinni komið?! ég fór fyrst á horfa 16 ára myndir 15 ára!
er ég þá eithvað afbrygðilegur?????