aqulera fyrir 19 árum, 7 mánuðum Fjöldi lestra: 940

Rifrildi á heimilinu!

ég er ekki viss hvar ég get sett þetta en ætla að prófa hérna.

Þannig er það að ég á alveg æðislega foreldra og allt það. Um ævina hafa þau auðvitað rifist stundum en nú er þannig komið fyrir að þau eru farin að tala voða lítið saman og í þau fáu skipti sem þau tala saman eru þau bara að rífast.
Pabbi er þannig að hann er mikið í tölvu og er að spila Bridge. Hann er að tala við einhverja konu sem býr í öðru landi og þau eru öll kvöld að tala saman. Ég hef oft talað við hana og hún er voða næs :)
Ef hann er ekki í tölvunni þá er hann að veiða eða á skytteríi eða hnýta flugur. Þar af leiðandi hefur hann lítinn tíma til þess að vera með fjölskyldunni og við erum alveg hætt að vera með fjölskyldustundir saman.
Mömmu finnst þetta að sjálfsögðu mjög leiðinlegt og vill að hann verði einhverntíman með sér. En mamma er í skóla og þarf því að læra öll kvöld og pabbi vill ekki trufla hana. En mamma lætur hann aldrei vita þegar að hún er að læra svo að þetta er þeim báðum að kenna að þau eyða engum tíma saman.
Nú eru þau heilu og hálfu tímana að rifast um þetta og margt annað. Þá loka ég mig inni í herbergi því að mér finnst ekkert verra en að heyra þau rífast :(
En svo varð þetta enn verra um daginn þegar að ég var í bíl með pabba og hann fór að baktala mömmu! Ég hef aldrei vitað neitt annað eins! Hann sagði að mamma væri að láta sig koma út sem vondi kallinn og var að segja að hún væri fýlupúki og annað slíkt sem ég hafði engan áhuga á að heyra því að jú…þetta er mamma mín og mér þykir vænt um hana alveg eins og pabba minn. En svo núna í kvöld (þegar að ég skrifa þessa grein) þá fór pabbi á skytterí og ég var eitthvað að tala við mömmu að hún fer að baktala pabba! Ég bara átti ekki til aukatekis orð. Hún fór að segja að hún væri góða konan en pabbi vondi kallinn. Svo fór hún eitthvað að segja hvað hann væri ekki að leyfa mér að gera en hún væri að leyfa mér. Mér leið svo illa. Ég er bara farin að halda að þau séu hætt að elska hvort annað jafn mikið! Eða er þetta bara tímabundið? Hafiði lent í svona? Mun þetta kannski enda með skilnaði? :S :( ég er að farast mér líður svo illa. Hvað er til ráða?
Ég þarf hjálp!
Aqulera

SuperNinja fyrir 19 árum, 7 mánuðum

Æjj….ég vorkenni þér.

En ég held samt að öll pör og öll hjón eigi sína erfiðu tíma…..prófaðu að biðja þau um að eyða smá tíma saman (með þér þá líka)
ég hef reyndar ekki lent í svona með foreldra mína þar sem þau skyldu þegar ég var svo lítil.
Ég skil samt ekki afhverju þau baktala hvort annað, ég meina…..þetta er fullorðið fólk!

Ég og kærastinn minn rífumst en ég held að við mundum aldrei baktala hvort annað, maður getur elskað fólk þó maður rífist við það.

Getur samt prófað að biðja þau um að verja smá tíma með þér ;)
Kannski ástandið lagist ef þau vita að þetta er orðið of mikið hjá þeim :)

*vona að þetta blessist allt saman*

"All we have to decide is what we do with the time that is given to us"

Fyrra álit

Purra fyrir 19 árum, 7 mánuðum

Hæ ,

ég held að þú verðir að skýra fyrir þeim að þú viljir ekki vera í miðjunni í rifrildum þeirra… þau eiga ekki að stilla þér upp á milli sín og baktala hvort annað…
Fáðu þau til að setjast niður með þér og segðu þeim það að þú viljir ekki vera á milli þeirra og þau verða að geta fundið lausn á sínum málum í sameiningu…
Sambönd ganga mikið út á samskiptum og það er frekar augljóst að þau eru ekki að tjá sig sín á milli…
Ekki rífast eða öskra á þau það nær engum árangri ræddu frekar við þau og biddu þau þín vegna að reyna að leysa það sem er að flækjast fyrir þeim og að þú viljir ekki vera í miðjunni í þessum deilum þeirra.
vonandi leystist þetta á einfaldan hátt án þess að særa neinn !!!
Kv.
Plebba

Fyrra álit

sveppurinn fyrir 19 árum, 7 mánuðum

mér finnst að þú eigir að sýna þeim þetta bréf eins og okkur þá vakna þau kannski og fatta hvað þau eru að gera þér.
það er kannski erfitt en borgar sig örugglega,
þau vilja örugglega ekki að þér líði illa.

Fyrra álit

[Notanda eytt] fyrir 19 árum, 7 mánuðum

Ég skil þig nokkuð vel…ef þetta gerist aftur skaltu reyna að segja eitthvað á móti, eða segðu þeim að þér líði illa, ef þau hlusta ekki, öskraðu á þau.

Það þarf stundum svolítið mikið til að foreldrar hlusti á mann…ég væri alveg örugglega búin að öskra á mína foreldra ef þetta væri svona hjá mér.

Fyrra álit

[Notanda eytt] fyrir 19 árum, 7 mánuðum

Hefur þú náð miklum árangri í að leysa þín vandamál með því að öskra á fólk.

Mér finnst persónulega ekki rétt hjá þér að benda ungu barni á að reyna að leysa svona mál með öskrum.

Ekki taka þessu illa en það er ein góð regla sem gott er að fylgja og þú myndir örugglega vilja að yrði farið eftir þegar þú átt í hlut og sú regla er.

EKKI REYNA AÐ KENNA ÞAÐ SEM ÞÚ KANNT EKKI

Fyrra álit

[Notanda eytt] fyrir 19 árum, 7 mánuðum

Ég kann þetta VÍST. Veist þú semsagt allt fullkomlega hvað ég hef lent í og hvernig mín reynsla er? Þú hefur bara ekki hugmynd um hvað þú ert að tala. Stundum verður maður að tala foreldrana til, en stundum þarf maður að hækka röddina til þess.

Fyrra álit

[Notanda eytt] fyrir 19 árum, 7 mánuðum

Sæl og blessuð india.
Ég sagði ekkert um það að ég vissi hvað þú hefur lent í og svo sagði ég að þetta væri mín persónulega skoðun.

En miðað við minn aldur og það sem ég hef lent í þá get ég sagt að þetta hefur aldrei hjálpað mér og ég hef aldrei orðið vitni að því að þetta hafi hjálpað neinum, þess vegna benti ég þér á þetta.

En það er greinilegt að þú ert frekar reið útí samfélagið og mjög margt í kringum þig en trúðu mér það mun breytast með tímanum og þó að þér finnist þú vita ýmislegt byggt á þinni reynslu þá er ekki þar með sagt að það sé heilagur sannleikur og þú munt alltaf læra eitthvað nýtt á hverjum degi. (þ.a.e.s. ef þú vilt það).

Ég held að það sé alveg sama hvað ég segi þér þú munt ekki taka því sem fróðleik heldur bara þannig að ég sé einhver hálviti útí bæ sem veit ekki neitt. En það er allt í lagi því ég er ekki ábyrgur fyrir þér en langaði samt að ath hvort þú myndir pæla í Þessu.

Hafðu það gott!!

Fyrra álit

[Notanda eytt] fyrir 19 árum, 7 mánuðum

Mamma og pabbi minn skildi þegar ég var 10 ára og mér var alveg nákvæmlega sama. Og það var ekki það að ég skildi þetta ekki eða eitthvað svoleiðis útaf því að þegar maður er orðinn tíu ára að þá er maður nú kominn með smá vit í kollinn. Mér er reyndar ennþá alveg nákvæmlega sama. Þetta þýðir bara að maður fær fleiri jólagjafir og afmælisgjafir. Það var það eina sem að þetta þýddi fyrir mig. Þau eru bæði miklu miklu hamingjusamari. Það er miklu betra ef þau bara skilja heldur en ef að þau reyna að laga sambandið því að það verður aldrei alveg eins og þeim á eftir að líða illa. Það er bara fínt ef að þau skilja finnst mér ef þau eru hamingjusamari.

Fyrra álit

[Notanda eytt] fyrir 19 árum, 7 mánuðum

Ég myndi ekki kvíða skilnaði, þeim líkar greinilega ekkert hvort við annað núna og það væri bara betra fyrir ykkur öll. Það eru líkur á því að þau munu vera miklu meira nice við þig, gefa þér meiri athygli, þú munt ekki þurfa að hlusta á þau rífast og baktala hvort annað, og jafnvel getur séð þau hamingjusöm.

Fyrra álit

Rumms fyrir 19 árum, 7 mánuðum

Kjörið tækifæri til að sannfæra þau um að gefa manni Hvað sem maður Vill!

Þannig að ef allt fer á versta veg geturu lifað Lúxus-lífi á meðan

Allavega einsog ég sé þetta þá Stjórnar þú den hele ( at the moment )

Fyrra álit

lhg fyrir 19 árum, 7 mánuðum

Foreldrar mínir fóru í gegnum svona tímabil þegar ég var 12-13 ára og þau eru ennþá gift 20 árum seinna. Annars er það ekki heimsendir þó foreldrarnir skilji. Ef þau geta ekki leyst sín mál, þá verða þau bara hamingjusamari sitt í hvoru lagi og eru þá alla vega ekki lengur að rífast.

Ef þú vilt ekki hlusta á þau baktala hvort annað, þá skaltu bara segja næst þegar annað hvort byrjar að þú viljir ekki hafa að þau séu að baktala hitt foreldrið við þig. Þér finnist þau bæði ágæt og þú eigir ekkert að þurfa að hlusta á þetta.

Fyrra álit

[Notanda eytt] fyrir 19 árum, 7 mánuðum

Hæ

Ég hef lent í þessu bæði með foreldra mína sem endaði með skilnaði og svo aftur með fósturpabba minn og endaði það ekki vel en það er auka atriði.

Sem faðir 3 barna í dag og með mína reynslu af þessu öllu saman vill ég segja þér (og þú getur sagt foreldrum þínum)en það er að foreldrar þínir tóku þá ákvörðun um að eignast þig og þú baðst ekki um að fæðast í þennan heim þannig að þau hafa tekið á sig ábyrgð sem er endalaus.
báðir foreldrar þínir eru hættir að taka tillit til hvors annars og eru greinilega hætt að eyða “quality” tíma saman. svona spes tíma fyrir þau en það þurfa allir foreldrar að gera.

Það sem þú þarft að gera er að segja þeim nákvæmlega hvernig þér líður og ekki halda neinu aftur, láttu þau vita hvað þetta lætur þér líða illa.

Allt of margir foreldrar halda að skilnaður sé lausnin en gleyma svo alltaf hvaða áhrif þetta hefur á börnin. þú getur sýnt þeim greinar um skilnaðarbörn á www.doktor.is og þar geta þau séð hvaða áhrif skilnaðir hafa á börn en það er merkilegt hvað vísindin hafa sannað um þau mál.

Vandamálin eru verkefni sem þarf að leysa og það er ótrúlegt hvað er hægt að gera með viljanum einum saman (kannski er bara viljinn til að vera saman farinn hjá þeim) en það er akkúrat það sem þau verða að vita áður en haldið er áfram. Ef viljinn er ekki til staðar þá verða þau að gá aftur og ath hvort það sé einhver snefill af vilja eftir og ef ekki þá verða þau að reyna að búa hann til því að þau verða að reyna allt fyrir þig þau skulda þér það fyrir það að taka ákvörðun um að eignast þig.

Það er þinn réttur að þau leggi sig öll fram.

Ekki leyfa þeim að tala illa um hvort annað við þig spurðu þau hvort þetta sé það sem þau vilji að þú lærir (að tala illa um fólk á bakvið þau).

Segðu þeim frekar að segja hvort öðru hvernig þeim líður það er miklu áhrifaríkara (án þess þó að öskra því að öskur hafa aldrei leyst nein mál og það vitum við alveg)

Gangi þér vel

EKKI GEFAST UPP

Fyrra álit

sage fyrir 19 árum, 7 mánuðum

Það rífast allir og eru fúlir útí hvorn annann. Það er bara auðvelara að einbeita sér að vondu hlutunum. Hættu að hugsa um þetta, þá ferð það eventually

“There are two kinds of people, those who like me and those who can go to hell!”

Fyrra álit

[Notanda eytt] fyrir 19 árum, 7 mánuðum

ég er svona eiginlega í þessu núna.. mamma og pabbi rifust alltaf þannig að það endaði á að þau skildu loksins í fyrra.. og nú þarf ég að hlsuta á mömmu vera að baktala pabba… sounds like fun..

en samt, ég er ekkert að seija að foreldrar þínir eigi eftir að skilja því þetta er náttla allt annað mál þannig að..

Fyrra álit

[Notanda eytt] fyrir 18 árum, 12 mánuðum

Oj! Ég vorkenni þér ógeðslega mikið. En foreldrar mínir (sem eru by the way löngu skilin) fóru geðveikt að rífast (daginn eftir jarðarför ömmu minnar, en næs af þeim) og öskra á hvort annað og það var gestur hérna aem var ekki lengi að kveðja. En þau fóru að öskra á hvort annað um peningamál og eitthvað slíkt enda gerði ég það sama og þú; lokaði mig inni í herbergi því það er ekkert verra en að heyra foreldra sína rífast.

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Rifrildi á heimilinu!

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi