[Notanda eytt] fyrir 20 árum, 7 mánuðum Fjöldi lestra: 596

Er leikskóli mikilvægur?

Þið hugsið alveg örugglega: Hún hefur ekkert vit á þessu eða hún veit ekkert hvað hún er að tala um.

Ég er aðeins þrettán en þrátt fyrir það þá veit ég sitthvað og skil.

Krakkar eiga oft sín bestu ár á leikskólum. Sandur í munni, ‘ég býð þér ekki í afmælið mitt’ setningin og væl og grenj. En þrátt fyrir það er auðvitað mikilvægt að vera í leikskóla. Þó að mamman hefur tíma og getur verið með barni heima þá er alltaf gaman að vera í leikskóla. Leika sér við aðra krakka og læra mannleg samskipti, meira að segja að ákveða hverjum maður ætlar að giftast þegar maður verður stór.

Ég er ekki að skrifa þetta bara til að fá stig heldur því að ein bekkjarsystir mín á í miklum erfiðleikum við að eignast vini. Eða réttara sagt hún kann eiginlega ekki að eignast vini. Hún er fín stelpa og allt það en það er eins og hún fatti ekki hvernig maður fari að. Hún fór ekki leikskóla, þar sem maður lærir allar reglur um vináttu. Þessi stelpa er dáldið utanveltu og sú leið sem hún kýs að eignast vini er greinilega ekki sú rétta. Hún er alltaf að sleikja sér upp við ákveðnar stelpur og með öllum þeim afleiðingum sem fylgir því. Hún er oft að apa eftir og þannig.

Ég spyr: Gæti verið að þessi stelpa, eigi erfitt með að eignast vini því hún fór ekki í leiskóla, þar sem maður eiginlega lærir að eignast vini?

Ég veit að ég veit ekki mikið um þetta, en gæti verið að það séu einhver tengsli á milli þess að fara ekki í leikskóla og eiga síðar á ævinni erfitt með að eignast vini eða er það nú þegar sálfræðilega sannað eða er þetta bara bull í mér.

Takk fyrir mig

Saga

(fyrirgefið ef þetta er algjört BULL eins og það er)

SpaceBoy fyrir 20 árum, 7 mánuðum

Þetta er allt í lagi hjá þér!

Ég er 2x eldri en þú og þekki nokkra sem haga sér ennþá eins og þú ert að lýsa, halda að leiðin til að kynnast fólki sé að sleikja það upp og haga sér eins og fífl til að vera með. Það held ég að snúist lítið um leikskólavist þó að það sé ábyggilega þáttur. Sumir hafa einfaldlega ákaflega lítið félagsvit og oft spilar inn í það lágt sjálfsmat.

Þeir sem ekki hafa sjálfstraust treysta oft ekki eigin skoðunum, þora ekki að tjá sig og eiga erfitt með að vekja á sér athygli, þá fara þeir að leita annara leiða eins og að sleikja sér upp við.

Sad but true.

Fyrra álit

YAWN fyrir 20 árum, 7 mánuðum

ég er bara 11 en ég mundi efa þér 20 stig

Fyrra álit

[Notanda eytt] fyrir 20 árum, 7 mánuðum

Fyrra álit

skaarjking fyrir 20 árum, 7 mánuðum

Margt til í þessu en leikskólinn er ekki það eina sem skiptir máli. Börn verða að eiga kost á að eiga full samskipti fram yfir unglingsárin og ekki bara heyra foreldrana endalaust segja þeim að þegja og fara inn í herbergi annars hefur það gífurlega neikvæð áhrif á félagshæfni einstaklinganna. þeim fleiri árum sem þú missir úr þeim erfiðara er að bæta það upp og er hætta á að viðkomandi nái aldrei að eiga eðlileg samskipti ef einangrunin er það rosalega mikil.

Fyrra álit

[Notanda eytt] fyrir 20 árum, 7 mánuðum

Ég fór ekki í leikskóla og hefur gengið betur en nokkrum sme ég hef kynnst að eignast vini(svona nokkurn veginn ;)) annars hef ég prufað margar tegundir af vinahópum t.d. töffana,tölvu náungana og margt fleira og hef valið mér hvað mér lýst best á. Ég hef verið í 4 skólum og hef alltaf náð góðum vinskap og í skólanum sem ég er í núna hef ég mjög góða vini og mér gengur bara vel þar :D og já gleymdi einu það skiptir ekki svo miklu með leikskólann en það fer bara eftir sjálfum þeir og hvernig þú dílar við þín vandamál og náttúrulega fer allt eftir fyrirmyndinni þinni og hvernig þú hermir eftir henni ;)

Fyrra álit

lhg fyrir 20 árum, 7 mánuðum

Ég fór ekki á leikskóla en ég held að það sé mjög sjaldgæft að barn alist upp aleitt með mömmu sinni. Ef hún er heimavinnandi, þá kíkir hún með það á mömmumorgna þar sem það getur leikið við aðra krakka eða fer með það á róló af og til. Svo eru nú oftast systkini.

Ég var sjálfur á róló og var það oftast ill vist. Rólóhliðið var læst með hengilás og var heitasta ósk flestra krakkanna að strjúka. Mér tókst það einu sinni með því að klifra yfir girðinguna og henti skóflu í hausinn á einni rólókonunni sem var að reyna að fá mig niður meðan hin var að leita að lyklinum svo hún gæti opnað hliðið og náð mér hinu megin en hún var of sein og mér tókst að hlaupa heim. Rólókonurnar áttu skúr þar sem þær sátu inni að reykja og drekka kók og éta snúða sem þær hleyptu stundum elstu börnunum út af róló til að senda þau að kaupa. Það fékk enginn krakki að fara inní skúrinn nema hann dytti á hausinn og færi að grenja eða þegar var mikil rigning fengum við að sitja á gólfinu í nestistímanum að borða samlokurnar okkar. Alla vega held ég að ég hefði alveg lifað það af að vera ekki á róló. Krakkarnir allir hvort sem er vitlausir á þessum aldri og sitja og éta sand eða bíta einhvern.

Ég held sem sagt ekki að það sé sérlega mikilvægt fyrir börn að vera á leikskóla.

Fyrra álit

[Notanda eytt] fyrir 20 árum, 7 mánuðum

Mikilvægt eða ekki mikilvægt? ÞAð er málið.
Fólk í dag þarf að hafa mikla félagslega eiginleika og getað teki sjálfstæðar hugsanir og hafa frumkvæði. Þú hefur kannski einhverja meðfædda stjörnu-eiginleika, hver veit, og þú et vinsæll og allt það. Þó að þú hafir upplifað ógeðslega vist hjá rólómömmunm (var það ekki bara á sumrin?) þá þýðir ekki að allir hafi gert það. Mér fannst mjög gaman á róló og heimtaði að fara þangað.

kv. Saga

Fyrra álit

lhg fyrir 20 árum, 7 mánuðum

Það sem ég er að reyna að segja er það að margar kynslóðir á undan þinni komust ágætlega af án þess að hafa verið á leikskóla en vegna þess að þú varst á leikskóla og hefðir ekki viljað missa af því, þá finnst þér að það hljóti að vera mikilvægt. Kannski álíka og þeir sem voru í íþróttum, skátunum, sveit, sumarbúðum eða whatever sem krakkar og geta ekki ímyndað sér að hafa misst af því finnst að það hljóti að vera mikilvægt fyrir börn meðan hinir sem gerðu ekkert af þessu sakna þess ekki neitt.

Fyrra álit

Tara fyrir 20 árum, 7 mánuðum

Ég verð að vera óssammála þar sem ég vinn nú á leikskóla.
Áður en ég byrjaði hélt ég að leikskólar væru bara “geymsla” fyrir börnin,þ.e. að börnin fengju bara að leika sér þangað til að vistin væri á enda og svo ekkert meir.
En ég átti aldeilis eftir að læra um mikilvægi leikskóla,Í leikskólum eru fínhreyfingar og grófhreyfingar æfðar,börnin fara í leikfimi,þar sem samhæfing og jafnvægi er æft ,tónlist,þar sem hrynjandinn er æfður og börnum kennt að greina tóna,hlusta,skoða og spila á hljóðfæri,
Leikskólakennarar eru líka alltaf meðvitaðir um mikilvægi þess hvernig maður talar við barnið,hvernig maður skammar barnið og hvernig maður leiðbeinir barni,allt með það í huga að barnið komi út úr leikskóla með sterka sjálfsmynd.Börnin læra að sitja kyrr,bíða og deila með öðrum,þau læra einnig samskipti í gegnum leik og starf.Í leikskólum er einnig hægt að sjá ef eitthvað er ekki í lagi,ef vantar upp á málþroska eða félagslega hæfni eða annað,og er þá hægt að komast í samband við sérkennara,talþjálfara eða sálfræðing,allt í gegnum leikskólann.
Ég tel það vera göfugt og mikilvægt verk sem er unnið í leikskólum landsins,en því miður svo fáir sem gera sér grein fyrir því,Leikskólavistinn er frábær undirbúningur fyrir grunnskólann.
Annars svo ég svari nú saga05
þá veit ég ekki um tengsl á milli þess að fara ekki í leikskóla og eiga erfitt með að eignast vini síðar á ævinni,Það fer nátturulega algjörlega eftir manneskjunni sjálfri hvað hun er dugleg að koma sér á framfæri við annað fólk,og hvernig hún gerir það,mér heyrist þessi stelpa vera með lélega sjálfsmynd og í staðinn fyrir að gera það sem hún vill þá gerir hún eitthvað bara til að þóknast einhverjum öðrum,sem er að sjálfsögðu alrangt,þú ættir að benda henni á að maður velur sér ekki vini eftir útliti og vinsældum,heldur eftir þeim persónuleika sem fólk hefur að geyma,svo er það bara þannig að sumt fólk á fullt af kunningjum,en aðrir bara einn eða tvo góða vini,enda eru það vinirnir en ekki kunningjarnir sem hægt er að treysta á, í hverju sem er,yfirleitt alla ævi.

Kveðja Tara

Fyrra álit

Tzipporah fyrir 20 árum, 6 mánuðum

Heyr Heyr!!!

Glæsilegur pistill. Ánægð með þig.

Það eru alltof fáir sem gera sér grein fyrir því mikilvæga starfi sem fram fer á leikskólanum. Ég myndi persónulega vilja sjá að síðasta árið í leikskólanum yrði skylda. Það þurfa öll börn að komast í leikskóla. Það er svo margt sem þau læra þar sem þau læra ekki annarsstaðar.

Ég hef unnið á leikskóla í mörg ár en er núna í Kennó í grunnskólakennaranámi. Ég heyrði sögu af tveimur kennaranemum sem fóru í heimsókn í 6 ára bekk. Þær höfðu aldrei kynnst starfinu hvorki í 6 ára bekk né í leikskóla. Áður en þær fóru inn í bekkinn sagði kennarinn við þær að það væri eitt barn í bekknum sem ekki hefði verið í leikskóla. Þær voru búnar að átta sig á því hvaða barn það var á innan við 5 mínútum.

Í leikskólanum læra börnin að sitja kyrr og hlusta. Þau læra að þau eru ekki miðja alheimsins, það eru fleiri sem þurfa athygli en þau. Þau læra þolinmæði. (Auk alls þess sem Tara benti á hér að ofan). Þetta læra þau ekki þegar þau eru ein heima með mömmu. Ekki heldur á mömmumorgnum, eða heima hjá ömmu, eða með vinkonum mömmu og börnunum þeirra því að þá er mamma, amma eða einhver annar alltaf til að hjálpa. Þau eru alltaf númer eitt hjá einhverjum, hugsanlega deila þau því sæti með systkinum en ekki alltaf.

Varðandi félagstengslin, þá held ég að leikskólinn geti skipt sköpum í að hjálpa börnum með lélegan félagsþroska að átta sig á hvernig best er að kynnast öðrum börnum og læra að þekkja þau. Að sjálfsögðu er fullt af börnum sem ekki fara í leikskóla og standa sig samt vel í að eignast vini, ekkert mál. En ef barnið á erfitt með að eignast vini og er feimið eða óöruggt, er ekki spurning að leikskólinn getur bætt úr því. Kanski ekki þannig að allt verði 100% í lagi, en allavegana er hægt að gera aðstæður betri fyrir barnið.

Kveðja
Tzipporah

Fyrra álit

ibbets fyrir 20 árum, 7 mánuðum

Góð pæling, en ég held að það sé bara jafnt misjafnt eins og fólk er flest.

ibbets úber alles!!!

Fyrra álit

[Notanda eytt] fyrir 20 árum, 7 mánuðum

Það gæti verið margt annað en leikskolinn.
t.d hefur hun verið lögð i einellti a yngri arum, eg þekki nokkra sem hafa verið lagðir i einellti og mörg þeirra eigi erfitt i samsiftum við annað folk, það veit ekki hvernar a að hætta og þau reyna of mikið að þau verða bara oðolandi.

svo veit eg um eina sem er frekar seinþroska hun atti mjög erfitt með að eignas vini, folki fanst hun uppaþrengjandi en þau hugsuðu ekkert hvernig henni liður en nu er hun komin i menntaskola og þar er folk mikklu meira þrosaðra þar eru allir vinir og engin er skilin utundan.
þetta kemur allt hja henni þegar að krakkar eru buin að þroskast meira.

en það getur lika verið ut af leikskolanum, mamma eða pabbin hafa haldið henni inni og ekki latið hana verið innanum annað folk og þa kann hun ekki að haga ser i kringum það.

En ef að eg væri þu þa myndi eg tala við hana og reina að vingast við hana af þvi að henni liður abiggileg illa.

kær kveðja:
Unnu

Fyrra álit

[Notanda eytt] fyrir 20 árum, 7 mánuðum

eg meinnti að það gæti verið að hun hafi verið lögð i einellti a yngri arum.

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Er leikskóli mikilvægur?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi