Ég skil ekki afhverju mamman er að borga barnapíu þessi laun. Hún hlýtur að vera með roknatekjur, eða maðurinn hennar ef hún á einn slíkan. Sumir vilja reyndar ekki vera heima hjá krökkunum, og eru þá tilbúnir að borga öðrum aðila fyrir að hugsa um þau. En ef þetta er einstæð/ur móðir/faðir,eða hjón, sem ÞURFA bæði að vinna úti þá finnst mér þetta full mikið borgað. Sérstaklega þar sem þú segist hafa svona gaman af að passa.

Ef þau réðu þig umyrðalaust á umbeðnu kaupi hlýtur það að vera upphæð sem þau telja ásættanlega.

Ég á nú ekki barn sjálfur, en mér liði betur held ég með 18 ára stelpu (með skyndihjálparnámskeið að baki sérstaklega) yfir mínu barni en einhverja gelgju (no offence).

Það er ekki erfitt að ná sér í meira en 650 kr. í dagvinnu svo ég sé ekki að það sé svo hræðilegt að þú rukkir þetta fyrir, en ég giska á að þú fáir greitt svart sem breytir ýmsu. Reyndar er það líka ódýrara fyrir launagreiðanda og þú færð meira beint í vasann þótt þú missir af ýmsu öðru.

Þau tóku þessu og það er aðalmálið. Kannski eins og einhver sagði eru þau bara öruggari að láta þig passa sem hefur reynslu og veist hvað þú ert að gera. Ef þeim finnst þú vera peninganna virði, þá ættirðu bara að vera ánægð með það.

Ég er ekki foreldri en ef ég væri foreldri í sambúð með meðal góð laun þá myndi ég ekki borga meira en 500 krónur á tímann.

Ég meina eru ekki margir 18 ára einstaklingar að fá á milli 500-600 krónur á tímann ? Og er ekki tekið skattur af því ?

En þar sem þú ert með svona mikla reynslu já þá ættir þú frekar að leita að pössun hjá þeim sem eru til í að borga meira en þetta “venjulega”.

Svo já ég myndi segja að 700 krónur á tímann væri hámark sem ég persónulega myndi borga fyrir pössun, og þá aðeins ef það er einstaklingur með mikla reynslu eins og þú :)

Ef þú ert með eitthvað mikið meira en það þá átt þú auðvitað bara að fagna því og taka því… Ég meina þau hefðu bara átt að samþykkja lægri laun frá byrjun ef þau eiga ekki efni á þessu :)

Þú þarft ekki að hafa samviskubit. Þið sömduð um þessi laun og þú virðist vera mjög hæf. Þau hafa eflaust vegið og metið kostina, jú þú ert örugglega dýrari en 14 ára barnapía en þú ert með miklu meiri reynslu. Þau virðast svo vera sátt við þennan samning.

Ef við miðum við hagfræðina, þá hafa foreldrarnir sett dæmið upp þannig að þau gætu fengið yngri barnapíu fyrir kannski 200 krónum minna á tímann. Svo hafa þau margfaldað tímana og fundist aukið öryggi vera þessarar upphæðar virði.

Það skiptir nefnilega meira máli að vera með góða manneskju í starfinu en að spara einhverjar 2-3.000 krónur.

JHG

Mér finnst líka svolítið atriði í þessu hversu margir tímar á dag eru þetta?

ef þetta eru 1-2 tímar snýr dæmið allt öðruvísi heldur en ef þetta eru 8 tímar.

Barnapían mín er 17 ára og hún kemur eitt og eitt kvöld og ég borga henni alltaf 1500 krónur fyrir skiptið, sama hvort hún er að passa í klukkutíma eða í 5 tíma. Þetta er bara eitthvað sem við sömdum um. Þannig að stundum græðir hún, stundum græði ég. Oftast er þetta þó ekki nema ca. 2-2 og hálfur tími.

En ég meina, ef þetta fólk er vel stætt og getur borgað þér svona há laun, þá skaltu bara vera ánægð með lifið og loka samviskunni.

Kveðja
Tzip

Þau telja greinirlega að þú sért þessa kaups virði annars myndu þau ekki vera sátt við að borga þér þessa upphæð. Nóg er af barnapíum þannig að þau vilja þig og geta borgað þetta. Aldrei biðja um launalækkun. Það er rétt að það eru ekki margir 18 ára krakkar sem eru enþá að passa og auðvitað eiga þeir að fá meira borgað en yngri, meiri reynsla, ábyrgðarfyllri. Ég skil ekki hvað Slarti er að tala um, þó að hann hafi ekki efni á að borga svona þýðir það ekki að þú eigir það ekki skilið.

650 kr?
Þú hlýtur að grínast.

Það er ekki rassgat það dugar rétt svo fyrir ágætis hádegismati!!!

Ég persónulega myndi vilja að minsta kosti 1000 kall á tímann!!!

Ég myndi telja þau heppna að fá þig 18 ára í vinnu því eflaust eru flestir að fá litlar skvísur með minni reynslu á lægri launum kannski en mér finnst ekki spurning um að það eru meiri not í þér heldur en litlu skvísunum, t.d getur þú keyrt bíl! farið á námskeið og fleira kannski. En mér finnst þetta svolítið hátt sem þú setur upp og þó ef fólkið er sátt þá er það í lagi en eflaust hefði ég ekki borgað svona hátt og ef þú værir að passa fyrir mig þá myndi ég biðja þig að lækka þig. Kannski á þetta viðkomandi fólk ekki skyldmenni nálægt sér eða getur ekki beðið neinn, ég á t.d ekki foreldra sem ég get látið passa og þarf því mikið á minni barnapíu að halda og hún tekur 250kr á tímann og er 14 ára ;) svo ég er greinilega mjög heppin með verð ;) kv Saga

Ef þú ert á fá 650+ kr. á tímann svart þá jafnast það á við að fá yfir 1000 kr. á tímann í vinnu sem er gefin upp til skatts. Mér finnst það mjög skrýtið að einhver vilji borga þér svona mikið fyrir að passa barnið sitt en hvað gerir fólk ekki fyrir börnin sín?
Ef þú ert að vinna á svörtu með því að passa börn og ert á atvinnuleysisbótum þá áttu virkilega að skammast þín :@ en annars er þetta kannski of hátt kaup fyrir barnapíu :þ

Vá ég er 14 ára barnapía og ég var með 300 í sumar og var þá að passa 8 tíma á dag. nú passa ég stundum f. þau ef þau fara eitthvað út og fæ alltaf svona 2000 sem mer finnst frábært! ég hefði sett upp sama verð og ég var með í fyrri vinnunni ef ég hefði verið þú

650 er ekki mikið fyrir 18 ára stelpu, þótt þú sért að passa börn. Þú gætir verið í sjoppu og fengið meira. Plús að þarna ertu með góða reynslu + námskeið á bakinu.
Síðan er þetta næturvinna/kvöldvinna sem á að vera betur borguð en dagvinna. Ég myndi vilja 800 min fyrir þetta miðan við reynslu sem þú ert með og aldur.

Ég er 13 ára stelpa og er að passa mjög mikið og er búin að vera að passa síðan ég var 10 ára, ég á 2 yngri systkyn og er búin að fara á barnfóstru og skyndihjálparnámskeið, ég er að fá 500 á tímann!!
Það finnst mér svoldið mikið en þú ert ekki að fá mikið miðað við aldur og reynslu.

Ef þér finnst þú ekki vera að vinna þér inn fyrir kaupinu þá getur þú bara gert eitthvað til að þér finnist þú verðskulda það. t.d. vaska upp eða eitthvað. kannski ekki beint í verkahring barnapíu en lagar sennilega samviskubitið og foreldrarnir verða öruglega ekkert fúlir.

ææ

Ég er tvítug og hef ekki verið að passa í nokkuð mörg ár. Var hins vegar að vinna á leikskóla í vetur og sumar, áður en ég byrjaði í háskólanum. Ákvað síðan að það væri e.t.v. gaman að passa barn í vetur, og er núna að passa 2ja ára strák tvö kvöld í viku, ca 1 1/2 tíma í hvert skipti. Ég fæ 600 krónur á tímann, en það er það sem mér var boðið. Ég vissi ekkert hvað ég átti að setja upp - sagði fyrst ca 400, því ég væri ekki tilbúin að vinna fyrir mikið minna en það á tímann, sérstaklega ekki á kvöldin.

Hins vegar finnst mér þú ekki eiga að hafa samviskubit yfir því að þú sért að taka of mikið á tímann. Fólkið sem þú passar fyrir er greinilega tilbúið að borga þér þetta, og þá ættir þú ekki að vera að hafa áhyggjur af því! Mér fyndist þó þessi laun vera fullhá ef þú værir 13 ára, því í alvörunni, hvaða 13 ára stelpa er með “mikla reynslu”?

Ég skil þig mjög vel. Ég er 20 ára og er búin að passa meira og minna frá því ég var 10 ára. Ég var 11 ára þegar ég fór á Barnapíunámskeið Rauðakrossins og er búin að fara á fleiri skyndihjálpanámskeið síðan þá, síðast núna í sumar. Ég hef gott lag á börnum og elska að passa en þegar ég er svo spurð hvað ég vilji taka fyrir þetta þá fer ég alveg í kerfi. Ég veit ekkert hvað ég á að segja mér finnst fólkið alltaf borga mér meira en ég á skilið. En við verðum að muna að fólkið komst til þess að gera það sem það ætlaði sér að gera vegna þess að við vorum til staðar. Stundum eru að vísu einhverjir sem geta hlaupið í skarðið en ekki alltaf.

Stundum verða foreldrarnir að fara eitthvað mjög mikilvægt en stundum þá verða foreldrarnir bara að fara út og vera ein saman, svona til þess að hressa upp á tilveruna inn á milli. Þá er mjög gott að hafa einhver sem maður treystir til þess að sytja yfir barninu eða börnunum. Mér finnst þú eigir ekki að vera með samviskubit þar sem þau réðu þig. Eins og ein sagði hér að ofan, börnin okkar geta aldrei verið metin í peningum og ef maður finnur góða barnapíu þá borgar maður henni í tagt við það. Maður borgar eins mikið og maður telur rétt og ef þetta er einhver sem þau ætla að fá oftar þá kannski borga þau betur svo þau missi þig ekkert annað? Þau eiga pott þétt fyrir því að vera með þig sem barnapíu annars værir þú ekki að passa hjá þeim.

Það er líka satt hjá þér við erum ekki ornar margar eftir sem erum ornar þetta gamlar og með svona mikla reynslu á bakinu. Ef þú værir að vinna í sjopu og þú værir komin með eins mikla reynslu í því og því að passa börn þá værir þú hvort eð er með hærri laun vegna reynslu þinnar.

Gagni þér bara vel að passa og hættu að hafa áhyggjur, það er þeirra mál hvað þau telja rétt að borga mundu bara að þú fékst vinnuna ;o)

Ég er 14 og fæ 500 á tíman ég sko að passa 2 börn 8 og 10 ára og þau geta næstum séð um sig sjálf ég er ekki búin að fara á nein svona námskeið or some og er bara geggt ánægð með þetta kaup sérstaklega af því að ég bað ekki u það:/ og er oftast að pasa í sona 3-4 tíma´i einu og fæ fullt af penge fyrir;)

ok, vá sorry ég er sjálf að passa en VÁ. Greyjin þau vita líklega ekkert hvað þau eru búin að koma sér í. En þú skalt bara njóta þess meðan tími gefst. En þú átt öruggleg eftir að fá þetta í bakið einhvern tímann