Ég ráðlegg ykkur að fara saman með strákinn til barnasálfræðings eða einhvers fagaðila sem getur ráðlagt ykkur(Hörður eitthvað sálfræðingur er ágætur)og láta lækninn kanna hvort þetta fyrirkomulag hentar ykkar barni, því sum börn þola bara alls ekki svona rót. Þessu fylgir nefnilega að sjálfsögðu talsvert rót en ef það er rétt staðið að þessu er ég persónulega hrifin af svona umgengni.

Það sem mestu skiptir er að þið hugsið þetta út, t.d stækkar strákurinn og það er vonlaust að hann eigi sitthvorn vinahópinn, viku og viku í senn. Hann getur átt í hættu að tapa tengslum og jafnvel eiginleikum til að tengjast alvöru vináttuböndum ef þið búið ekki í sama hverfinu. Og það er líka pínu mál að fá hann til að samþykkja að hann eigi tvö heimili, það er ekki í eðli mannsins að eiga tvö heimili sem skipta hann jafn miklu máli, þannig að sú staða er oft erfið. T.d mæli ég persónulega ekki með því að þið séuð að flakka með fatnað og annað á milli, þið þurftið hreinlega að eiga tvo sett af öllu.

Kostirnir eru að sjálfsögðu að báðir foreldrar fá að eyða tíma með barninu sínu á sínum heimavelli og á heimavelli barnsins og ná því að tengjast barninu jafn mikið, og þó maður sé að sjálfsögðu alltaf smá eigingjarn þá verðum maður að spá líka í að öll börn eiga skilið að kynnast og umgangast báða foreldra sína ef það er möguleiki og tala nú ekki um ef báðir foreldrar geta og langar að hafa barnið jafn mikið.

En svona okkar á milli þá mundi ég aldrei gera þetta nema vera 100% viss um að vinátta ykkar sé nógu sterk og passaðu þig að strákurinn sé með lögheimili hjá þér, því ef eitthvað breytist hjá ykkur og dæmið gengur ekki upp þá er það foreldri sem hefur lögheimilið sem hefur allan rétt ef t.d þú lendir í forræðisdeilu, en því miður þá endaði málið svoleiðis hjá mér á sínum tíma.

Kv. EstHe

nú get ég bara horft á þetta mál út frá sjálfri mér og ég er ennþá í sambandi með barnsföður mínum en ég veit að ef við myndum hætta saman þá myndu við búa í sitthvoru sveitafélaginu sem þýðir að svona skipting væri ekki góður kostur fyrir okkur… hinsvegar fynnst mér sniðugast að hafa t.d. alla fimmtudaga pabbadaga og svo önnur hver helgi.. sem gæti meira að seigja náð fram á mánudag(meðskutli í leikskóla eða skóla) þannig að barnið hittir pabba sinn aðrahverja helgi og þá langa helgi, frá fimmtudegi til mánudags og svo alla fimmtudaga… þannnig líða í raun aldrei nema nokkrir dagar á milli hittings…

í 28 daga mánuði yrði þá skiptingin 12dagar fyrir pabban og 16 fyrir mömmuna…… eða 10 og 18, fer eftir því hvort mánudagurinn er með…..

kv.GiRND

hehe … ég var svona viku - viku skiptingu barn …

mér fannst það engan veginn meika sig, ekkert smá bjánalegt.

Kannski vegna þess að foreldar mínir skildu þegar ég var sjö en þetta kerfi fór ekki í gang fyrr en ég var fjórtán…

og þa´var þetta ekkert að ganga. Fannst mé

Ég á lítinn frænda sem er viku hjá mömmu og viku hjá pabba. Þetta þarf að vera eðlilegt flæði og þetta þarf að vera í gangi öll árin sama hvernig sambandið ykkar á eftir að þróast.vonandi heldur það áfram að vera gott..sem á að vera mjög sjálfsagt.Litla frænda mínum líður mjög vel í þessu kerfi..Hann hittir báða foreldra sína og eyðir með þeim jafnlöngum tíma og þetta eru eðlilegir dagar..Þeim fannst það vera út í hött að hafa helgarforeldra… maður fer alltaf í þessa skotskó að gera allt með þeim.. og barnið verður oft bara útúrtjúnað þegar það kemur heim. Þannig þetta þarf að vera vel úthugsað og þá gengur þetta.

Ég þekki eina 2 ára sem er í svona viku skiptingu. Hún þrífst á þessu. Þegar hún kemur aftur til mömmu sinnar endurtekur hún alltaf aftur og aftur að hún eigi pabba ;) Það græða allir á þessu fyrirkomulagi.

Það sér hver heilvita maður að það er ekki hægt að sinna uppeldi á þeim 4 dögum í mánuði sem flestar mæður vinsamlegast úthluta föðurnum. Þá vill öll regla fara út í veður og vind. Börn þrífast á reglu og því finnst mér persónulega vera betra ef barnið er lengur þannig að það sé regla í þessu.

Spurningin er hvað er best fyrir “barnið” ekki foreldranna.Hver vill eiga tvö heimili og vini sem þú sérð aðrahvora viku.Það verður minni rútína og meiri ruglingur að þvælast með barnið framm og til baka.Þegar það verður eldra endar það kannski þannig að því finnst það hvergi eiga heima. Auðvita vill faðirinn vera meira með sínu barni og barninu þykir gaman hjá pabba. En þú skalt íhuga hvernig líf barnsinns verður ekki líf pabbans þetta er tvöfallt líf fyrir hann.


Gangi ykkur vel kv Kydda

Syni þínum líður vel hjá pabba sínum og er ánægður þar, og því ekki að leyfa honum að eyða meiri tíma hjá honum? Reynslan mín er sú að það borgar sig að rugla ekki í kerfinu. Ég lærði til dæmis á því að þegar minn strákur gisti hjá mér eina nótt í miðri pabbaviku, var hann ómögulegur daginn eftir. Það hefur hins vegar engin áhrif að ég kíki í heimsókn til hans eða sæki hann og keyri hann til pabba síns í miðri pabbaviku. Þetta geri ég yfirleitt amk. einu sinni í vikunni af því að ég á gríðarlega erfitt með að sjá hann ekkert í heila viku. Þar að auki hefur það sýnt sig að ef ég geri þetta ekki, þá er hann mun tregari til að koma heim til mín þegar mín vika byrjar, hann verður feiminn við mig í smástund og rígheldur í pabba sinn. Ég held samt að aðalatriðið í þessu sé að þekkja barnið þitt, fylgjast með áhrifunum sem svona sviptingar hafa á það og læra hvað ber að varast og hvað gengur upp, því börn eru bara gjörólík innbyrðis og mín ágæta reynsla af viku-viku kerfinu, gefur ekki nokkra tryggingu fyrir því að reynsla þín verði góð. Endilega leyfðu okkur að fylgjast með hvernig gengur hjá ykkur, svo við getum skipst áfram á reynslusögum og skoðunum. Gangi ykkur vel :o)

Kveðja,
Hildur.

Ég þekki dæmi þar sem foreldrar einna 3ja ára stúlku skidlu. Þegar veður fór að lægja hjá þeim báðum flutti mamma með stelpuna í sömu götu og pabbinn. Það var höfð þessi viku-viku regla en það sem hún græddi mest á þessu sérstaka fyrirkomulagi foreldranna var að hún átti ekki á hættu að eignast svona “aðra hverja viku vini” þar sem þau búa í sömu götunni, og hún má skottast á milli húsa, til mömmu, til pabba þegar hana langar (með leifi að sjálfsögðu).

Þetta er það besta “forræðisFIX” sem ég veit um.