spacey fyrir 23 árum, 3 mánuðum Fjöldi lestra: 196

Jól með fyrrverandi 2

Takk fyrir svörin.
Mig langar aðeins að svara svolitlu.
Þetta er mjög viðkvæmt mál. Áður en ég hóf samband við kærastann minn þá var ég spennt því hann átti barn. Ég hefði aldrei getað trúað því hvað það að vera stjúpmamma er erfitt, vanþakklátt og í allt ömurlegt hlutverk. Ég er mjög barngóð og börn hænast að mér en þetta……. ef samband okkar klikkar einhvern tímann þá verður það mín hugsun þegar ég leita á ný mið að sá aðili sé ekki pabbi, ég hef það slæma reynslu af þessu að ég er farin að hugsa svona.
ADD ! Það er auðvitað eðlilegasti hlutur í heimi að hann vilji vera hjá barninu sínu um jólin en það eru takmörk fyrir öllu sérstaklega þegar báðir aðilar eru komnir í nýtt samband… það hefur í 90% tilfella vondar tilfinningar í för með sér. Trúðu mér ég hef farið til sálfræðings útaf þessu og viljað bæta mig…. málið var einfaldlega það að þetta var alls ekki vandamál mitt…. þetta var þeirra vandamál og þau áttu að læra að slíta á samband sitt (annað en samband v/barnsins) og taka tillit til nýju makana. Mér finnst ekkert eðlilegt við það að maðurinn minn sé að eyða ja…… helgasta tíma ársins með sinni fyrrverandi og í þokkabót hennar famelíu. Ég get sagt þér það að þótt ég vildi og ég hef reynt að sætta mig við þetta þá finnst mér þetta alltaf óviðeigandi.
Í svona tilfellum finnst mér að þau eigi að skiptast á að hafa barnið um jól og áramót en eins og þetta hefur verið t.d. hjá þeim þá er barnið alltaf hjá henni á aðfangadag en svo hefur maðurinn minn barnið öll jólin og áramótin. Barnið lærir það sem fyrir því er haft og því sem það venst. Barnið á ekki að fá að ráða endalaust. Ég hef nefnilega rekið mig á það að þessi “skilnaðarbörn” eru dekruðustu börn sem fyrirfinnast, án þess að ég sé að alhæfa neitt…. það eru náttúrulega til undantekningar. Þessi börn eiga t.d. oft a.m.k. fjóra “afa og ömmur” sem gera allt fyrir það…. og það fær oft t.d. tvöfalt-þrefalt fleiri jólapakka en maður var sjálfur vanur að fá sem “ekki skilnaðarbarn” o. þ.h. En það er annað mál.
Vildi bara segja mitt álit á sumum svaranna….. tók þau samt sem áður til mín og hugsaði um þau.
Takk takk og gleðilegt nýtt ár til ykkar allra.
Spacey

lhg fyrir 23 árum, 3 mánuðum

Það er nú ekki almennt að helgarpabbar fái barnið annan hvern aðfangadag. Mömmurnar ráða því að mestu leyti sjálfar. Bróðir minn á t.d. tvö börn af fyrri hjónaböndum og hann hefur aldrei fengið þau á aðfangadag. Hann má þakka fyrir ef hann fær þau á annan í jólum í mesta lagi og glætan að hann fái að vera hjá mömmunum á aðfangadag, í fyrsta lagi væri það spurningin hvorri hann ætti að vera hjá og í öðru lagi eru þær báðar giftar aftur og það er nefnilega málið.

Þetta er nefnilega ekki viðvarandi ástand. Um leið og barnsmóðir kærastans er komin í samband þá hættir honum bráðlega að vera boðið. Á meðan held ég að það sé bara ágætt að hann byggi upp gott samband við barnið sitt. Seinni kona bróður míns var mjög afbrýðisöm út í það samband sem hann hafði við fyrri konuna sína, þ.e. að þau voru vinir og töluðu saman í síma af og til þó það hefði ekki alltaf neitt með barnið að gera. Hún setti sig á móti þessu og eyðilagði að miklu leyti samband hans við barnið. Láttu það ekki koma fyrir þig.

Annars er eins og ég sagði, eðlilegt að barnið sé númer eitt hjá honum. Þegar fólk er komið með barn er það jú búið að skuldbinda sig þessum einstaklingi þannig að önnur sambönd hljóta að sitja á hakanum. Viltu virkilega að hann velji á milli þín og barnsins?

Fyrra álit

spacey fyrir 23 árum, 3 mánuðum

Nei ég vil alls ekki eyðileggja samband hans við barnið enda kemur það ekki til. Það er heldur ekki hægt að bera saman ást hans til mín og til barnsins. Auðvitað myndi hann velja barnið frekar en mig og ég er ekki að keppa við barnið. Ég vil bara ekki þurfa að “keppa” við hans fyrrverandi og það eru takmörk fyrir öllu eins og Sáli sagði.
Ég og hans fyrrverandi erum ágætis vinkonur en samt sem áður særir þetta mig alltaf jafn mikið.
Takk fyrir svarið.

Fyrra álit

ADD fyrir 23 árum, 3 mánuðum

Ég er nú ekki mikið fyrir að ráðleggja öðrum þó þú gætir haldið annað. En gætirðu ekki hætt að sjá þetta sem keppni um kærastann. Þetta er þinn kærasti. Hún tapaði honum og ekki einu sinni í keppni við þig. Hún tapaði honum alein - kannski með smá hjálp frá honum sjálfum.

Fyrra álit

Tzipporah fyrir 23 árum, 3 mánuðum

Já, barnið er númer eitt, en hann á í tveimur samböndum og á ekki að láta annað sitja á hakanum.
Ef þú ert í tveimur fögum í skólanum og færð 10 í öðru þeirra en 1 í hinu þá ertu ekki með mjög góða heildareinkunn. Hann á að vera bæði faðir og kærasti og verður að samræma það eins vel og hann getur.

Fyrra álit

ADD fyrir 23 árum, 3 mánuðum

Kannski vill hann fá 10 sem pabbi og hitt skiptir hann minna máli. Það gæti verið hans val. Ef svo er þá þarf spacey að ákveða sig - læra að lifa með þessu eða dumpa honum. Það er einfalt að dumpa honum, flóknara að læra að lifa með þessu. En hvað svo sem spacey ákveður þá er það rétta fyrir hana. Alveg eins og að hvað svo sem kærastinn ákveður að gera þá er það rétta fyrir hann.

Fyrra álit

Tzipporah fyrir 23 árum, 3 mánuðum

Það er einmitt þetta sem ég er að segja. Það virðast bara flestir hér líta á það sem sjálfsagt mál að sambandið þeirra eigi að sitja á hakanum af því að hann eigi að rækja sambandið við barnið sitt.
Auðvitað á hann að rækja sambandið við barnið sitt en hann má ekki vanrækja kærustuna sína.

Spacy, ræddu við hann sjálf, það allra mikilvægasta í samböndum er að það sé hægt að ræða alla hluti og það séu engin óuppgerð mál. Það hefur í öllu falli reynst mjög vel í mínu hjónabandi.

Fyrra álit

honey fyrir 23 árum, 3 mánuðum

sko það er ekki bara flóknara að lifa með þessu heldur er hún að setja sjálfa sig á hakann með þessu láta sig í síðasta sæti. hún mun aldrei sætta sig við þetta ekki myndi ég gera það! þetta er út í hött ef ég myndi gera svona og blanda fjölskyldu minni í þetta þá væri ég að gera það vegna sjálfselsku ef ég á að segja satt frá!! ég vildi ekki segja það áður en komst að því að ég þarf að vera hreinskilnari við sjálfa mig, svo ég skal segja þér það að til að halda einhverjum hlut af honum þá myndi ég vilja láta hann hitta mig sérstaklega ef hann ætti kærustu til að láta hana vita hver ræður, og hver hefur yfirhöndina!! ég er að segja það að þetta er bara sjálfselska!! svo ekki sætta þig við þetta.

ok honey

Fyrra álit

ADD fyrir 23 árum, 3 mánuðum

Gangi þér vel! Mér sýnist þetta vera erfitt mál fyrir ykkur bæði. Ef þú krefst þess að hann velji þá neyðist hann til þess og ég er ekki viss um að hann velji þig. Það var bara það sem ég hafði áhyggjur af. Ég nefnilega veit að ef ég væri í sporum hans þá myndi ég velja barnið.

Ég vona að þetta fari vel - hvernig svo sem þetta endar. En reynið að tala saman um þetta. Og enn og aftur - Gangi þér vel!

Fyrra álit

ollana fyrir 23 árum, 3 mánuðum

Finnst honum þetta bara vera þitt vandamál?

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Jól með fyrrverandi 2

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi