SusieB fyrir 22 árum, 1 mánuði Fjöldi lestra: 541

Enn og aftur-hvað er list????

Þetta skrifaði kennarinn minn upp í heimspekitíma:

* Sérhvað sem veldur fagurfræðilegri reynslu (of víð skilgreining
sagði kennarinn um þetta)

* tjáning eða miðlun tilfinninga

* eftirlíking náttúru eða einhverskonar fulltrúi raunveruleikans

* allt sem hefur verið viðurkennt sem list af hæfum aðila eða
stofnun

* eitthvað sem býr yfir fegurð (sem er hlutlægur eiginleiki og
felur í sér jafnvægi og samsvörun hluta. Formið er
grundvallareiginleiki listar)

Símon Jóh. Ágústsson segir: “List er tjáning einstæðrar,
persónulegrar reynslu, endurtekur sig aldrei (er aldrei eins)

Kant segir: ”List felur í sér stefnu án skýrrar hugmyndar um
markmið.“

höldum svo áfram með það sem er haldið að list sé:

* List er jafneinföld og það er erfitt að skilgreina hana

* List (og fegurð) er í auga sjáandans

* List er sérhver hlutur eða mynd sem er skilgreint sem list af
skapara sínum.

* List er þá hlutur eða mynd sem virka á sjáandann sem
tjáningarrík eða vekur með honum fagurfræðilega reynslu

* Heimspeki kom á undan list. Fyrstu kenningar um hvað list sé.
talað um Platon: ”Sjónræn list er eftirlíking, hæfni, leikni,færni.

auka grein um listina: Stærðfræðin var mikilvæg Platoni, algild
sannindi um hvað “hið góða” er. Eftirlíking af eftirlíkingum.
Að áliti hans voru myndlistarverk ekkert annað en
skuggamyndir…lélegar eftirlíkingar.
Platon var listamaður-mesti rithöfundur sem uppi hefur verið.
Myndræn blekking getur verið varasöm, þegar kemur að listinni er
það tvöföld blekking, segir Platon.
Platon var líka á því að listaverk veki upp tilfinningar hjá fólki
sem eru óæskilegar og ekki af hinu góða. List sé siðspillandi og
pólitískt hættuleg. Myndir sýndu frávik frá sannleikanum

KaZoom fyrir 22 árum, 1 mánuði

Það er ekki list að setja fjögur spurningamerki í fyrirsögn

Fyrra álit

[Notanda eytt] fyrir 22 árum, 1 mánuði

Né heldur að nota enter þegar þess reynist ekki þörf :)

Fyrra álit

kokos fyrir 22 árum, 1 mánuði

Jú mér finnst einmitt mikil entertakkanotkun merki um listræna tilburði ;)

Fyrra álit

kokos fyrir 22 árum, 1 mánuði

Af hverju segirðu það? Því kemur fjöldi spurningamerkja í fyrirsögn í veg fyrir að fyrirsögnin teljist list?

Heldurðu að það að fara eftir réttritunarreglum, sé forsenda þess að e-ð teljist list? hehe ég held að Laxness aðdáendur væru ekki sammála því ;)

Fyrra álit

tebolli fyrir 22 árum, 1 mánuði

Ég held nú að Hokeypokey hafi ekki skrifað þessa grein með það í huga að vera skapa e-ð mikið listaverk og því er mun sniðugra fyrir hana að fylgja réttritunarreglur þar sem að fólk sem fer eftir réttritunarreglum er frekar tekið alvarlega heldur en fólk sem stafsetur allt vitlaust. Mjög slæmt í raun því að hugsunin þarf ekki að vera verri þó uppsetningin sé léleg. En ef þú t.d. stafsettir alltaf allt vitlaust myndi ég og eflaust margir fleiri frekar telja að þú værir einhver kjáni heldur en ef þú settir mál þitt fram samkvæmt ríkjandi reglum. Staðreyndin er sú að stafsetningarvillur og “uppsetningarvillur” ef svo má segja fara bara alveg óstjórnlega í taugarnar á flestum :) Sem dæmi má nefna þessa grein. Hún fjallar ekki um stafsetningu eða uppsetningu heldur list en erum við að ræða hvað list er? Nei, ég er ansi hrædd um að við séum komin langt út fyrir umræðuefnið :)
Úff hvað ég vona að ég hafi ekki stafsett neitt vitlaust því þá er ég nú aldeilis búin að skjóta mig í hausinn :)

Fyrra álit

marxus fyrir 22 árum, 1 mánuði

Æ voðalega eruð þið leiðinleg við hokeypokey. Þetta er ágætisgrein. Ætli list sé ekki einhvers konar tjáning ásamt tækni í framsetningu. Það má svo deila endalaust um hvað sé góð eða slæm list. Annars er þetta útþvælt umræðuefni frá mínum bæjardyrum séð. I rest my case.

Fyrra álit

[Notanda eytt] fyrir 22 árum, 1 mánuði

Er ekki bara eins með list og svo marga aðra hluti að hún verður aldrei útskýrð nema með tilvísun í eigin upplifun?

Fyrra álit

kokos fyrir 22 árum, 1 mánuði

Jamm eflaust hefurðu margt til þíns máls ;) En ég var nú bara að kommenta á þessa fullyrðingu: “Það er ekki list að setja fjögur spurningamerki í fyrirsögn” List er nefninlega ekki virðing fyrir reglum (þó hún þurfi ekki endilega að vera óvirðing fyrir þeim heldur :)) En já, það er eflaust rétt hjá þér hokeypokey skrifaði greinina varla með það í hug að hún væri listaverk, en þá skiftir það varla heldur neinu máli hvort fjögur spurningamerki í fyrirsögn teljist list eður ei ;)

Annars get ég alveg viðurkennt að ég stend ekki í neinu ástarsambandi við stafsetningu, og mér er sosem á sama ef ég er álitin kjáni eða fer í taugarnar á fólki vegna stafsetningar minnar. En engu að síður tel ég nú hentugra að fólk fylgi réttritunarreglum, því það yrði nú ansi mikið vesen að skilja skrifað mál ef allir stunduðu stafsetningu eftir sínu höfði ;)

Fyrra álit

tebolli fyrir 22 árum, 1 mánuði

Já ég var kannski fullpirruð þarna í gær :) Kannski væri sniðugt að búa til stafsetningaráhugamál. Ég er reyndar alveg sammála því að það getur vel verið list að setja fjögur spurningamerki í fyrirsögn en á móti kemur að ég er í hálfgerðu ástarsambandi við stafsetningu svo ástin og listin togast á í mér. Brot á reglunum geta vissulega verið list líkt og þú segir. Nefndir t.d. Halldór Laxness en það er einmitt mjög skemmtilegt hvernig hann notar stafsetninguna. (Ótrúlegt en satt þá fer það ekki í taugarnar á svona stafsetningarbesservisserum eins og mér :)) Svo var ég aðallega að reyna koma því til skila að fólk væri komið út fyrir efnið og hversu leiðinlegt það væri þegar hugsunin týnist í stafsetningarvillum :) Gott mál að kokos og drengur eru búin að draga okkur aftur inn í umræðuna.

Fyrra álit

kokos fyrir 22 árum, 1 mánuði

Stafsetningaráhugamál? hehe ég held að ég myndi aldrei þora að segja orð þar inni ;)nema kannski ef ég væri í vondu skapi og langaði ergja e-n ;)

Gott hjá þér annars að reyna að beina umræðunni i í réttan farveg. Þó ég verði nú að segja að þetta komment mitt á glósurnar hennar hokeypokey var nú ekki alveg sanngjarnt, ég held ekki að kennarinn hennar hafi ætlast til að e-r þessara skilgreininga væri fullkomin skilgreinig á list, heldur það sem list gæti TIL DÆMIS verið, en ekki hvað hún ÞARF að vera. Einsog málverk geta til dæmis verið blá, en þurfa þess ekki, einnig getur margt annað verið blátt en málverk.

Æi ég var bara í e-u nöldurstuði þegar ég skrifaði þetta :)

Fyrra álit

kokos fyrir 22 árum, 1 mánuði

Ok, best að hætt að tuða um stafsetningu og kommenta á greinina ;)

Ég er voða lítið sammála kennara þínum..;) en taktu því ekki alvarlega ég held að að ég sé bara með einhverja mótmælaáráttu ;)

“* Sérhvað sem veldur fagurfræðilegri reynslu (of víð skilgreining sagði kennarinn um þetta)” -já þetta er of víð skilgeining sammála því, því þá gæti td fallegt landslag verið list, en mér finnst þetta líka of takmörkuð skilgreinig, þar sem ekki öll list er fagurfræðileg t.d. konseptlist.

“* tjáning eða miðlun tilfinninga” -Þetta er sömuleiðis of víð skilgreining að einu leiti og of takmökuð að öðru, því þegar ég segi “mér er kalt” eða þegar ég öskra í reiðiskasti, eða klappa í lok leiksýningar, tel ég mig nú ekki vera að framkvæma list. Engu að síður er ég að tjá eða miðla tilfinningum. svo er ekki öll list tjáning á tilfinningum!

“* eftirlíking náttúru eða einhverskonar fulltrúi raunveruleikans” -Eru þá landakort, og hnattlíkön list? og hvernig er fellur t.d. abstraktlist undir þetta? Og tónlist fellur hún undir þetta? En dans?

“* allt sem hefur verið viðurkennt sem list af hæfum aðila eða stofnun” -Hmm.. sko ég hef soldið verið að pæla í þessu þeas því að list þarf að uppfylla vissa “staðla” til að verða viðurkennd. En það að e-ð sé viðurkennt sem list þarf það þá að VERA list?

“* eitthvað sem býr yfir fegurð (sem er hlutlægur eiginleiki og felur í sér jafnvægi og samsvörun hluta. Formið er grundvallareiginleiki listar)” -Hvað þá með konseptlist? Hvernig nær þetta t.d. yfir ready-made Duchamps? Einnig getur náttúran fallið undir þetta, er þá náttúran list?

“Símon Jóh. Ágústsson segir: ”List er tjáning einstæðrar, persónulegrar reynslu, endurtekur sig aldrei (er aldrei eins)“ -Erum við þá alltaf þegar við segjum frá atburðum í lífi okkar að gera list? Líka þegar ég hringi í vinkonu mína og segi henni hvað hún Sigga sé mikið fífl að hafa rænt skónum mínum?

”Kant segir: “List felur í sér stefnu án skýrrar hugmyndar um markmið.”“ -Nei markmið listar getur verið mjög skýrt, söguljóð, sögumálverk, og sérstaklega allskyns áróðurslist og auglýsingar.

”* List er jafneinföld og það er erfitt að skilgreina hana“ -Þetta segir manni sosem ekkert nema það sem vitað var fyrir, að það er erfitt að skilgreina list, ”jafneinföld og“ gæti allteins verið ”jafnflókin og“

”* List (og fegurð) er í auga sjáandans“ -Já, en samt hefur sú list sem er í auga sjáandans lítið með list skaparans að gera, ef listin er í auga sjáandans hver er þá sérstaða listaverka umfram td landslag?

”* List er sérhver hlutur eða mynd sem er skilgreint sem list af skapara sínum.“ -Jamm ég er mest sammála þessu atriði ;) Engu að síður það er ekki gefið má að öðrum en skaparanum finnist verk hans vera list (en það skiptir kannski ekki máli?)og þurfa því varla að viðurkenna það sem list, auk þess gæti skaparinn logið því, að hvað sem hann gerði væri list.

”* Heimspeki kom á undan list. Fyrstu kenningar um hvað list sé. talað um Platon: “Sjónræn list er eftirlíking, hæfni, leikni,færni.” -Hvernig fær kennari þinn það út að heimspeki hafi komið á undan listinni? Á hann ekki frekar við að heimspekin hafi komið á undan listfræðinni? Maðurinn er búinn að stunda list frá örófi alda elstu hellamálverk er að því ég best veit um 30.000 ára gömul en heimspeki varð til í Grikklandi um 600 f.kr held ég.

Fyrra álit

Bókmenntir og listir

Bókmenntir og listir

Ofurhugar

Hverjir eru inni

Greinar

Enn og aftur-hvað er list????

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi