Matra Murena er ákaflega áhugaverður franskur sportbíll. Grindin er galvaniserað og húðað stál en ytri byrði er úr plasti. Vélin er fyrir miðjum bíl, á þessari “S”-gerð frá 1984 2.2l og 142 hestöfl, en það merkilegasta er að bíllinn er þriggja sæta, með þrjá stóla frammí! Þessir bílar er heldur fágætir og verð í samræmi við það þótt hann sé varla dýr, enda sérstakur bíll.
Jaguar CJX Broadspeed - ég átti svona bíl í bílabrautinni minni þegar ég var polli. Ansi vígalegt tæki, 550 hestafla V12. Bílarnir voru með smekklegar brettaútvíkkanir og kæliraufar, létta skel og þróaðri fjöðrun. Þessir bílar slógu mörg met í tímatökum en endust ekki nógu lengi í akstri til að vinna keppni - flottur samt. Hinn bíllinn í bílabrautinni var BMW sexa í Jagermeister litunum, það kemur mynd af honum síðar.
Þessi er til sölu hjá bílahöllinni uppi á höfða, þetta er einn flippaðasti ameríski bíll sem ég hef séð. 8 lítra vél og fjólublá nælon innrétting…
Vegna fjölda áskoranna ;) ákvað ég að senda aftur inn mynd af bílnum mínum, 1986 Pontiac Firebird Trans Am. Ég reyni svo að redda nýjum myndum af honum eftir helgi :)
Þá hefur BMW svipt hulunni af nýja ásnum sínum. Ekki jafn slæmt og ég bjóst við af síðustu njósnamyndum sem ég sá, en mittislínan virðist samt full há. Enginn horror, en mig hlakkar samt til að sjá 3ja dyra útgáfu ásamt tvistinum, sem kemur vonandi fljótlega.
Þetta svæði er rosaskemmtilegt leiksvæði fyrir þá sem vilja leika sér á bílunum sínum í hálkunni..
Sá þennan Lotus Elan '66 til sölu á http://www.classicdriver.com. Glæsilegur bíll, en kannski ekki merkilegri en hver annar Elan, nema fyrir það að hafa áður verið í eigu Peter Seller.
Hér getur að líta BMW Z21 hugmyndabílinn. Hann var kallaður “Just 4/2” eða aðeins fyrir tvo.Bíllinn var frumsýndur 1995 og byggir á akstursbíl með 1100 vél úr BMW K1100 mótorhjóli.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
