Þessi bíll er ein sú mesta snilld sem framleidd hefur verið.

Árið 1998 setti hann met sem hraðasti “fjölda”framleiddi bíllinn, upp á 390 kílómetra hraða. Einungis hafa 3 fjöldaframleiddir bílar náð hærri endahraða.

Bíllinn hóf framleiðslu árið 1992 og voru rúmlega 100 bílar framleiddir, og þar af var gerð raceútgáfa af þessum bíl til að keppa í sólarhrings kappakstrinum á LeMans brautinni í Frakklandi. Eftir að hafa googlað LeMans keppnir sem McLaren F1 tók þátt í þá vann hann þó nokkra sigra.

Þessi skutla er búin 6,1 lítra V12 bensínmótor frá BMW sem er með þeim flottari mótorum frá því kompaní.

Bíll þessi var smíðaður í Bretlandi og átti að vera hugsaður fyrir snobbarana í golfklúbbum landsins. Má því geta þess að bílstjórasætið er fyrir miðju bílsins til að fá sem best handling.

Ekki eru farangursgeymslur til að hrópa húrra fyrir, en kommon, þetta er supercar. Fyrir snobbarana var komið fyrir hólfi á hliðinni til að geta lagt frá sér golfsettið og þar sem mótorinn er afturí er því svona aumingjaskott ef svo má að orði komast í “húddinu”.

Eftir að hafa hugsað um það í mjög langan tíma (tek ekki fram hve langan, en hann er búinn að vera langur) þá hef ég komist að því, að ef ég fengi nokkurntímann að velja mér bíl til að prófa og leika mér á í einhverri af þeim brautum sem þessir bílaþættir eiga, myndi ég ekki hika við að velja mér McLaren F1.


Ég leyfi svo eldgömlu Top Gear myndbandi að fylgja þar sem Tiff Needell fer yfir þennann frábæra bíl, löngu áður en hann hóf að framleiða Fifth Gear.
[youtube]http://www.youtube.com/watch?v=t7Azl-drqMk