Samkoman í gær var góð þrátt fyrir vænan kulda sem hrjáði marga. Ég mætti þó fullbúinn, næstum! Ég var í tvennum buxum, tvennum pörum af sokkum, tveim peysum og þykkum bol and I felt good :) Það var gaman að sjá svona marga bíla og margmenni og fólk hagaði sér almennilega, þökk sé settum reglum.

Ég get ímyndað mér að það sé erfitt að mæta á svona stórar samkomur þegar maður er nýr og kannski þekkir fáa eða engan. Þá mæli ég bara með því að fólk labbi á milli og reyni að heilsa fólki. Við sem eru búin að vera lengst í þessum reynum að labba á milli og taka í spaðana á fólki en oft erum við króuð af. Svo við getum ekki heilsað öllum :/

Ég sá ekki þetta karaoke dæmi en mig grunar hver stóð fyrir því ;) algjör snilld! Einnig var sá bíll þátttakandi í kosningaáróðri innan klúbbssins hehe. Það er verið að kjósa í nefnd innan klúbbssins svona fyrir þá sem ekki vita.

Eins og ég sagði þá hagaði fólk sér mjög vel. Enginn var að gefa í eða með læti. Tja, nema smá eltingaleikur sem var í nálægð við bílinn minn og var ég ekkert sáttur. Þið sem ætlið í einhvern eltingaleik, hagið ykkur! Ekkert grín ef þið hlaupið á bíla!

Ég vona bara að fólk hafi gaman af þessum samkomum. Þær eru orðnar mjög stórar og voru fyrstu samkomurnar bara einhverjar prósentur af stærð miðað við gærkvöldið ;) Sem dæmi þá var ein af fyrstu samkomunum bara 3 bílar hehe. Hvað voru margir í gær? Skoðið bara Samkomur á heimasíðunni okkar og berið saman :) Sjáið vöxtinn! Ég hvet alla bílaáhugamenn að skella sér í klúbbinn og mæta á skemmtilegar samkomur, þær eru farnar að veita verðskuldaða athygli!

www.live2cruize.com