Gamla Bjallan var í framleiðslu í Mexíkó fyrir nokkrum árum, hún er þó ekki í framleiðslu lengur.

Ég sá einn Trans-Am '77 ca. um daginn, því sendi ég eina mynd af honum inn. Ég væri geggjað til í að eiga einn þannig líka, veit bara að ég væri ekki lengi með prófið eftir að eignast þannig bíl, skírteinið má ekki við nema 4 punktum í viðbót, og það munaði litlu með það í gær!


—

aiwa

Í sambandi við öryggið þá er það ekki alveg eins mikil breyting og sumir vilja vera láta.

Bílaframleiðendur hafa margir gengið á lagið og notað sér öryggisbúnað til að minnka styrkleika bílsins. Ef öryggisbúnaður hefði komið sem hrein viðbót þá hefði málið litið öðruvísi út.

Fyrir nokkrum árum sá ég niðurstöður rannsóknar þar sem m.a. var tekin fram manntjón á eknar mílur í USA, annað árið var rétt fyrir 1970 (fáir með öryggisbelti) og hitt árið var eitthvað eftir 1990. Hraðinn var sambærilegur þar sem að þetta var áður en hraði var lækkaður í USA. Það kom mönnum á óvart að gamla mælingin kom betur út.

Í haust sá ég nýjar tölur sem benda til að nú sé ástandið betra en það var á sjöunda áratugnum.

Ef maður hugsar aðeins um þessa tíma þá hafa bílar einmitt verið að stækka aftur. Þeir minnkuðu mikið eftir olíukreppu en fóru að stækka aftur um og eftir 1990. Með stærðinni fæst oft aðeins meira svigrúm við árekstur, og þegar við leggjum saman styrkleika bílsins og nýjan öryggisbúnað þá er útkoman góð.

Einhverja könnun las ég eitt sinn á hvaða útbúnaður bíls hefði haft mest áhrif á minni eyðslu. Maður hefði fljótt á litið grunað að bein innspíting kæmi þar fyrst en það var ekki svo. Sá þáttur sem hafði langmest áhrif var yfirgír á skiptingar. Það er líka lógíst þegar hægt er að lækka snúning vélarinnar um t.d. 30%.

Árið 1955 kom chevy með sína frægu small block. Hún var nánast óbreytt í yfir 30 ár. Einn af mínum bílum er með blöndungs small block og yfirgírsskiptingu en eyðslan um 14-16 l/h (ekki sparakstur). Ég var á tímabili með Subaru Legacy 2,0 lítra (bein innspíting og alles) sem eyddi meiru.

Afi gamli var með Ford Fairline 1955 módel með sexu og hann sagði mér að hann hefði farið með 16. Karlinn var leigubílstjóri og keyrði þennan bíl í fjölda ára.

Ef þú tækir hinsvegar Mopar með útúrtjúnaðann Hemi mótor eða Chevelle með 454 þá hefur eyðslan eðlilega verið töluvert meiri (enda keyptu menn þá ekki vegna sparneytni).

Þó vísitölubíllinn í dag eyði minnu en hann gerði þá, þá er það ekki eins mikil stökkbreyting og margur heldur.

Það væri lítið mál að notast við gamalt boddý, skella í bílinn nýlegri vél og skiptingu og vera með bíl sem gæti komið manni örugglega á milli staða án þess að eyða of miklu. Ég myndi samt bæta við öryggisbelti, og skipta skálabremsunum út.

JHG