Hehe, svo sem ekki við öðru að búast en að menn hrósi ekki dekkjatýpum sem þeir selja ekki sjálfir og hvað þá dekkjum á þessu verði.

Mér finnst það ansi ólíklegt að Kumho dekkin myndu fá svona góða einkunn hjá öllum sem hafa kosið hjá www.tirerack.com ef þau væri eitthvað rusl. Einnig hef ég talað við menn á spjallkorkum út í heimi og flestir eru ánægðir með þau.

Ég hugsa að það sé rétt að Michelin eru betri dekk en þau eru örugglega ekki það mikið betri að það réttlæti þennan gífurlega verðmun. Það er næstum hægt að fá tvo umganga af Kumho á móti einum af Michelin. Einnig keyra fæstir það hart að þeir þurfi allra bestu racing dekk á markaðnum, allaveganna ekki ég :)

Auðvitað er líka erfitt að vera ekki fordómafullur í garð merkja sem maður hefur aldrei heyrt um. Þegar ég heyrði fyrst um Kumho datt mér ekki í hug að kaupa þau, það var ekki fyrr en ég fór að skoða tirerack og fór að rannsaka þau frekar að ég skipti um skoðum.

Ég mun láta ykkur vita seinna í sumar hvernig mér líkar við Kumho dekkin, kannski hafa sölumennirnir rétt fyrir sér og ég þurfi að éta þetta allt ofan í mig ;)

Michelin dekk eru prýðileg en það er hér á landi einhver Michelin dýrkun sem er úr hófi. Hér kemur reynslusaga:

Ég átti Peugeot 306 XS ‘98 sem ég skipti yfir í Mazda MX-5 Miata ’94. Puginn var á 185/65R14 Michelin MX Energy á sumrin og Continental ContiViking2 á veturna. Bæði dekkin reyndust vel og bíllinn höndlaði með ólíkindum. Ég vill sérstaklega benda á ContiViking dekkin sem frábær vetrardekk (naglalaus). Þegar ég fæ MX-5 þá er hann á NÁKVÆMLEGA eins Michelin dekkjum (þó rétt stærð væri 185/60R14) og ég lét setja hann á eins vetrardekk og Puggann vegna góðrar reynslu. Næsta sumar fer Miatan á Goodyear Eagle Venturi 185/60R14 og viti menn hann snarbætist, aksturseiginlekar verða mun miklu betri án þess að aðrir eiginleikar skaðist. Þetta eru kannski ólík dekk en mér fannst þau (án samanburðar) fín á Pugganum meðan að það kom í ljós að Mözdunni líkaði þau ekki.

Athugið að ef ending er málið og allt annað er jafnt (veghljóð er fyrir mig no big deal) þá þarf Michelin að endast mjög miklu lengur til að borga sig m.v. Kumho. Ekki að ég myndi kaupa Kumho…

Eftir því sem ég best veit er enginn að selja Dunlop nema Vélar og þjónusta. Þú getur prufað að hringja í þá en þeir eiga örugglega ekki þessa stærð á lager, yrði þá að sérpanta.