veiddu þér eitt stykki loðsvín og búðu til kúst! það var niðurstaða síðustu umræðu held ég :)

en í guðanna bænum hlustaðu á hvað menn hérna hafa að segja áður en þú ferð að þrífa bílinn þinn. þeir hafa flestir sterka skoðun á því.

kíktu líka í mitsubishi 3000gt greinina, umræður um bílaþvott þar.

..ég hef ekki mikið til málanna að leggja, en langar samt að spyrja hvernig subaru þú varst að fá þér?

Hér skiptir höfuðmáli hvernig bíllinn er á litinn. Ef hann er dökkgrænn, dökkblár eða svartur ráðlegg ég þér eindregið að halda þig frá þvottaplönum bensínstöðvanna. Fáðu þér svamp, bílasápu (td Sonax), fötu og notaðu þær græjur til að þvo bílinn. Var að taka bensín á Olís um daginn og meðan ég fyllti á þá horfði ég yfir á bílaþvottaplanið og þar var gaur sem að var með kústinn í annarri hendinn en tjöruhreinsibrúsa í hinni og þegar hann spreyjaði þá dró hann kústinn eftir jörðinni og fór svo með hann beint á lakkið. Ég spyr nú bara hvað er að fólki mar.

Ágætis lesning hérna: http://www.carcareonline.com/wash_car.html

Ég er nógu fanatískur til að keyra um bæinn og leita að nógu mjúkum svampi. Þú færð margt gott svona, sérstaklega svampa og þvíumlíkt í Bílaáttunni í Kópavogi (v. hliðina á Sólningu). Gaurinn á staðnum hefur örugglega góð ráð fyrir þig!

Ég hef ekki reynt öll þessi Arexons efni sem Bílaáttan er með en mér líkaði nógu vel við vélarhreinsinn og felguhreinsirinn er mjög góður. Annars segi ég bara Autoglym. Þær vörur svíkja ekki þó dýrar séu. Ef þú getur komist yfir Autoglym myndbandið þá ertu komin í góð mál. Á því sýnir fagmaður hvernig bíll er þrifinn.

Varðandi það sem sagt var um sápuna þá skaltu þrífa bílinn í tveimur hlutum, þ.e. t.d. hægri-vinnstri eða fram-aftur. Einn vinur minn þrífur Legacyinn sinn í fjórum hlutum, hvert horn fyrir sig!

Gott bón er gulls ígildi. Athugaðu að tjöruleysir eyðir líka bóni þannig að þú villt ekki nota um of af honum. Sjálfur notaði ég oft venjulegt Sonax bón í stað tjöruleysis og bara bónaði af honum tjöruna. Svo þegar maður hafði góðan tíma setti ég Autoglym bónhúð og sérstaka gloss meðferð yfir það. Ég fékk ómælt hrós um það að bíllinn minn liti vel út. “Ha er hann svona gamall? Hann lítur út eins og nýr!”

Notaðu sem mýkstar tuskur í bónið. Grisjurnar á bensínstöðvunum tætast upp og bíllin verður loðinn. T.d. í Bílaáttunni færðu prýðis grisjur. Þegar ég fann þær hætti ég að nota bómullarklúta í bónið. Sonax torkurinn er ágætur (alltaf að eiga rúllu!) en sumir vilja bara sjá tvistinn og örugglega ekkert að honum.

Svo hefur bílaumsjónarmaðurinn í vinnunni hjá mér verið með þrýstiúðara og það kemur á óvart hve vel bílarnir líta út eftir fimm mínutur en ég myndi ekki þurrka bílinn eftir þannig meðferð.

Jæja… Nóg í bili. Svona meðferð fær minn Subaru sko ekki! :)

Ef þú vilt fara svona vel með hann mæli ég eindregið með því að við fyrstu þjónustu látirðu synthetic-mótorolíu á hann! Ég notaði Mobil 1 sem er almennt talin með þeim bestu ef ekki sú besta og ég heyrði muninn þegar ég ræsti bílinn í kulda! Mobil 1 er dýr en ég vill meina að hún sé peninganna virði.

ég hef notað mikið autoglym og glossið á og þetta þrælvrkar allt sme kemur frá autoglym er snilld.
en það betsa sem ég veit um í sambandi við vörn og endingu er gamla góða mjallarbónið það er HRÆÐILEGT að bóna með því en bíllin verðir einstakur á eftir aðalega af því að fitan í bóninu er svo mikil og þar af leuðandi mikil riðvörn og djúpur glans