Það er mitt mat að það séu meiri líkur á að ökumaður jeppa líti á ökutæki sem eitthvað meira en aðeins tæki til að komast á milli a-b en flestir aðrir ökumenn.

Þeir hafa almennt meiri áhuga á sínum ökutækjum og afla sér þekkingar (ef þú ætlar að ferðast um hálendið þá er ekki verra að þekkja þitt tæki).

Ökumaður sem að þekkir sitt ökutæki (hvort sem að það er jeppi eða fólksbíll) ætti að eiga meiri möguleika til að annaðhvort forða árekstri eða lágmarka tjón.

Eins og þú veist þá eru áhugamenn um bíla þekktir fyrir að prófa sína bíla við öruggar aðstæður, sem hefur oft bjargað þeim þegar eitthvað bjátar á. Það reynir mikið á jeppamenn við ýmsar aðstæður sem þvinga þá til að læra á sitt tæki.

Það sama getur átt við aðra áhugamenn um bíla, en það sérstaka við jeppamenn er að margir hverjir vinna í sínum bílum sjálfir (ólíkt sumum bílamönnum) og auka því enn meira við sína þekkingu.

Því má kannski segja að jeppinn geri betri ökumann en margir aðrir, því þú verður að læra margt í sambandi við jeppann til þess að geta bjargað þér á honum (og stundum verður þú að finna útúr þessu í hríðarbyl með takmörkuð verkfæri).

JHG

Tetta er mjog einfalt sko. Ef ad storir bilar eru bara oruggari i arekstri gagnvart litlum bilum,en tu ert i jafn mikilli hattu gagnvart odrum storum bilum, ta hlytur tu ad vera oruggari i storum bil, tvi ad stor bill er 50 50 gagnvart odrum storum bil en hefur vinningin gagnvart minni bil ekki satt? Hvad med litin eda minni bil, hann er 50 50 oruggur gagnvart odrum minni bil, en mun verri gagnvart starri bil, ekki satt.Hvort viltu vera i Ford F150 eda Toyota Corolla a ljosum a kriglumyrabrautinni tegar annad okutaki kemur a fullu inni hlidinna a ter? Systir min og madurinn hennar lentu i tvi arid 1996, ad madur a Toyota landcruser keyrdi i veg fyrir tau a tjodvegi1 i adaldal sem er fyrir nordan, og voru tau a Dahatsu og voru svo sannarlega heppin ad sleppa lifandi,voru reyndar milli heims og helju i langann tima a eftir,en ad sama skapi var madurinn sem keyrdi i veg fyrir tau heppinn ad vera a svona sterkum bil, hann slasadist ekki vankadist sma vid hoggid allt og sumt.TVI SPYR EG HVOR VAR I STERKARI BIL OG HVOR SLASADIST EKKI??? Og vid getum alveg snuid daminu vid sko, og sett sem svo ad tau hafi keyrt i veg fyrir hann, tau a Dahatsu og hann a Landcruser og i hvorum bilnum mindud tid nu vilja vera i??? Mig langar ad spurja JHG sem ad minu mati veit hvad hann syngur (i bilavisum allavega)hvort viltu vera i Trans Am eda Suzuki Swift ef ad keyrt er a tig eda tu keyrir a einhvern? Og eg er ekki ad tala um einhvern steinvegg sem eru svo vinsalir i arekstrarprofunum heldur annad okutaki. Likurnar a ad eg keyri a steinvegg a leidinni heim ur vinnu eru hvervandi litlar, en ad eg keyri a annad okutaki eru ju mun meiri. Ef ad eg keyri a steinvegg a Toyota Corolla og er a 75 km/h hrada og svo aftur keyri a sama vegg a sama hrada en bara a Chevrolet Surburban ta eru nu likurnar a ad eg sleppi med meidsl nokkud svipadar tvi ju steinveggurinn gefur ekki eftir en tad gera onnur okutaki, nidurstadu tu ert alltaf oruggari i storum og sterkum bilum to ad tu sert ekki alltaf oruggur.

Ég verð að mótmæla því sem JHG segir að Volvo hafi gert meira úr því en efni standa til hvað þeir framleiða örugga bíla. Ef eitthvað er þá hafa þeir frekar gert of lítið af því að koma þessu á framfæri. Ástæðan liggur kannski í kúlturnum hjá Volvo þar sem heiðarleiki skiptir öllu máli. Þess vegna er lögð áhersla á það að lofa ekki upp í ermina á sér og frekar að draga úr en bæta í.

Kannski sem gott dæmi um að Volvo hefur ALLS EKKI gert meira úr sínum árangri en efni standa til að þá var í áratugi stefna Volvo að nota aldrei niðurstöður úr árekstrarprófunum frá öðrum aðilum í auglýsingar þó þær væru nánast undantekningarlaust góðar fyrir Volvo. Mönnum finnst þetta kannski skrítið en ástæðan var sú að þessar prófanir gengu yfirleitt út á eitt próf (einn árekstur) og bara við einar kringumstæður (t.d. beint framan á). Volvo gerir aftur á móti hundruðir prófana á sömu gerð árekstrar og einnig prófar Volvo margar gerðir árekstra t.d. beint að framan, ská að framan, beint á hlið, ská á hlið, beint aftan, ská að aftan, veltur og svona mætti lengi telja. Því er það heildaröryggið sem skiptir máli en ekki eitt próf og Volvo lagði ávallt áherslu á að koma þessu á framfæri. Síðan þá hafa próf annarra aðila orðið fullkomnari en samt sem áður fer Volvo varlega í að nýta sér niðurstöður þeirra því sem fyrr eru prófanir Volvo mun víðtækari.

Varðandi þetta Buick dæmi þá hef ég aldrei heyrt um þetta og hef unnið með Volvo í 16 ár og myndi vilja fá að vita hvar þetta birtist svo ég geti svarað því.

Varðandi auglýsingar sem þú nefnir í USA þá var sá atburður, sem gerðist fyrir ca. 10-12 árum, ekki gerður með samþykki Volvo enda fullkomlega á skjön við stefnu Volvo og siðferði. Málið snérist um að Monster trukkur (man ekki hvað þeir heita lengur) var látinn keyra yfir Volvo til að sýna styrkinn en einhverjir starfsmenn Volvo höfðu styrkt þakið áður. En svona hlutir geta því miður gerst þegar einstakir starfsmenn hunsa reglur. En það sýnir styrk Volvo að um leið og málið kom upp var það rannsakað og hlutaðeigandi látnir fara en hluti þeirra sem komu að málinu unnu reyndar ekki hjá Volvo heldur auglýsingastofu í USA.

Volvo var stofnað 1927 og alveg frá stofnun hefur öryggi bíla verið þeirra aðall. Stofnendur Volvo sögðu strax frá upphafi að það er fólk sem keyrir bíla og því þarf öryggi þeirra að vera númer eitt. Það hafa þeir staðið við og get ég nefnt tugi og jafnvel hundruðir atriða þar sem Volvo hefur verið fremstir í flokki hvað öryggi varðar. Ég vil fyrst nefna mikilvægasta öryggisbúnað bíla sem hefur bjargað fleiri mannslífum en nokkur annar búnaður - bílbeltið. Það var Volvo sem fyrst setti bíl á markað með bílbeltum, fyrst tveggja punkta og síðan þriggja punkta og gerði fyrstur bílaframleiðanda bílbeltið að staðalbúnaði. Það tók aðra framleiðendur nokkur ár að innleiða þennan búnað. Ég fullyrði að Volvo hefur ekki gert meira úr þessu en efni standa til enda væri það ekki hægt þó menn reyndu. Bílbeltið er einhver merkilegasta uppfinning allra tíma og var reyndar valin í þann hóp fyrir ekki löngu síðan.

Eins og ég sagði get ég nefnt mýgrút annarra dæma og nefni t.d. SIPS-hliðarárekstrarvörnina sem kom á markað í Volvo 850 bílnum og gerði styrkarbita í hurðum nánast hlægilega og WHIPS-bakhnykksvörnina en nýjustu rannsóknir sýna að hún dregur úr líkum á hálsmeiðslum um meira en 50% og í sumum tilvika um allt að 75%. Volvo er núna að setja á markað BLIS-blind information system en það er búnaður sem varar ökumann við því ef hann ætlar að skipta um akrein og annar bíll er á BLINDA svæðinu fyrir aftan. Þessi búnaður verður fáanlegur frá og með haustinu í fjöldaframleiðslu. Ég hef áður í þessum þræði nefnt veltivörnina í Volvo XC90 og árekstrarbúnaðinn framan á þeim bíl sem gerir hann öruggari gagnvart árekstri á minni bíla.

Volvo rekur í dag öflugustu öryggisþróunarmiðstöð fyrir bíla í heiminum og sér um öryggisprófanir fyrir öll vörumerki Ford Motor Company eftir að Ford keypti Volvo 1998. Slysarannsóknardeild Volvo rannsakar síðan á hverju ári þúsundir bílslysa þar sem Volvo kemur við sögu og hefur gert í meira en 30 ár. Gögnin þaðan ásamt gögnum úr árekstrarprófunum eru notuð til að meta hvers vel nýir bílar standast árekstra og er þessi gagngrunnur Volvo einhver sá öflugasti sem þekkist í víðri veröld.

Í raun tekur JHG undir þetta í lok skrifanna þegar hann segir að áhersla Volvo á öryggi hafi haft áhrif á aðra bílaframleiðendur. Það er auðvitað rétt og stórmerkilegur árangur og hlutur sem mætti gera meira úr.