Þessu er ég reyndar alveg sammála. Áherslan í umferðarmannvirkjamálum hér er kolröng. Það er meiri áhersla lögð á að bora göng til að stytta vegalengdir og bæta samgöngur við afskekt þorp með örfáa íbúa heldur en að laga stórhættulegar slysagilduru. Sem dæmi má nefna Vestfjarðagöngin og gatnamót Kringlumýrarbrautar og Miklubrautar, en það fara um það bil þúsund bílar yfir gatnamótin fyrir hvern einn sem notar Vestfjarðagöngin. Hvora framkvæmdina er þá eðlilegt að ráðast í fyrst? Fyrir utan allan þann fjölda árekstra sem verða á þessum gatnamótum á ári hverju.

Svo þegar loksins er ráðist í að gera mislæg gatnamót þá tekst þeim oftar en ekki að klúðra þeim algjörlega. Hvaða 12 ára krakki sem er gæti til dæmis hannað betri gatnamót en voru byggð yfir Miklubraut við Skeiðarvog og Réttarholtsveg.

Aðgerðir þurfa heldur ekkert að vera harðar til að árekstrum fjölgi. Þegar Reykjanesbrautin var upplýst þá átti árekstrum nú heldur betur að fækka, en nei, þeim fjölgaði lítillega fyrsta árið. Mikil sparnaður með þeirri framkvæmd eða hitt þó heldur (að ekki sé nú minnst á ljósmengunina af þessum gagnslausu og stórhættulegu ljósastaurum).

Mér finnst leiðinlegt að borga skattana mína þegar ég sé í hvað peningunum er sóað.

Ég ætlaði nú ekki að vera að verja þessa framkvæmd Bretanna, heldur benda á það að umferðaröryggi hér á landi (og í Bretlandi) er langt frá því að vera viðunnandi og er því alveg verjandi að reyna að auka það eins og hægt er.

Fyrsta skrefið sem ég legg til að verði stigið til úrbóta er æfingasvæði fyrir bílstjóra með hálkubraut og öllu tilheyrandi (svo væri hægt að fara þarna um helgar og keppa við vini sína á almennilegri braut;)

Næsta skref væri síðan að ráðast á allar helstu slysagildrurnar á landinu.

Svo myndi árekstrum fækka svo mikið að tryggingafélögin mundu lækka iðgjöldin og allir lifa saman í sátt og samlyndi í einni alsherjar útópíu!!! … en nú er ég farinn að steypa og kominn tími til að fara að sofa.

“1. Hvað eru margir morðingjar á Íslandi?
2. Hvað eru margir bílar á íslandi og fólk sem notar þá?”

Bíddu? Er þetta ekki sama spurningin? ;-)