eg er fullkomnlega sammála þessu, hef verið að rífast fyrir þessu MJOG lengi, eg væri til i að safna undirskriftum og senda þetta í þingið. :) þeir sem eru til förum saman!

trausti@trausti.com

Þessi lög hérna í íslandi eru bara RUGL!

Akkuru má hafa orginal litað gler en ekki láta filmu?

Eru rökin ekki eitthvað á þá leið að þá sjá löggæslumenn ekki inn um rúðurnar?

“Original” dökkt gler, en ekki filmur hm.. minnir að það sé prósentu tala hversu glerið má vera dökkt.

Það væri samt út í hött að leyfa dökka framrúðu hérlendis.
Sæir ekkert út á veturnar eða á kvöldin.

Bílar sem eru notaðir í bílaauglýsingum eru einmitt með litað gler allan hringinn, og ég hef setið inn í svoleiðis bíl að kvöldlagi þegar það þurfti að færa hann yfir í annað stæði.
Og þú einfaldlega sást bara ekki út.

Annars finnst mér með fram-hliðar-rúður að það mætti alveg leyfa svo og svo dökkar rúður.
Hálf bjánalegt að banna það.

- Natti

Rökin fyrir að banna þær eru að þú getur tekið sólgleraugun af en þú tekur ekki filmurnar úr þegar það er dimmt og það getur skert útsýni þitt út úr bílnum og þar með skert aksturshæfileika þína.

Hver eru hins vegar rökin fyrir að leyfa þær? Svo ég svari þínum:

Sólgleraugu koma líka í veg fyrir að fólk blindast við akstur þegar mikil sól er úti.

Börn koma seint til með að stikna í bílstól á Íslandi svo fremi að þú getir opnað gluggann enda alltaf skítakuldi. Þar að auki geturðu haft þau í aftursætinu og haft dökkar filmur í afturrúðunum.

Glærar filmur myndu líka vernda þig gegn fljúgandi glerbrotum.

Þetta með USA er nú ekki alveg svona einfalt. Ég bjó þar 1998-2001, þessar reglur eru mjög breytilegar eftir fylkjum en það má hvergi hafa framrúðu dekkri en það sem framleiðendur bjóða upp á í nýjum bílum. og það er mjög ljóst. Og td. þar sem ég var eru takmörk á hversu dökkar fram-hliðarrúður mega vera, en þær mega vera mjög dökkar. Hins vegar hafa löggæslumenn þar í landi fundið út að tímanum er betur varið í að sinna alvöru glæpum, í staðinn fyrir að vera í þessum kúrekaleik sem oft vill verða hjá lögreglunni hér. Þannig að mjög sjaldgæft er að menn séu stoppaðir fyrir svona. Hins vegar gæti þetta verið skoðað ef þú ert stoppaður fyrir of hraðan akstur eða ölvun eða eitthvað slíkt svona bara af því að þú ert stopp. Ég var með allar rúður mjög dökkar nema framrúðuna og það truflar bara ekki nokkurn skapaðan hlut. Myrkrið hér er ekkert svartara hér heldur en þar nema síður sé því þeir eru nú ekki að vesenast við að lýsa upp hverja einustu götu eins og við. Mér finnst þetta bann vera gjörsamlega út í hött en það er allt í lagi að nota svolitla skynsemi í filmuvalinu fyrir þær rúður sem ökumaður notar mest, og framrúður eiga náttúrulega ekki að vera mikið litaðar, bara halda sig við það sem framleiðandi býður upp á.

Ástæðan fyrir banni er eins og einn hérna sagði að þú getur tekið sólgleraugun niður þegar myrkur er en ekki filmurnar. Auk þess verður lögreglan að geta séð inn í bílinn.

Margir af þeim, sem eru ósáttir við bannið við dökkum filmum í framrúðum og fremri hliðarrúðum ökutækja, halda að engin rök liggi við þessu banni. Það er auðvitað af og frá. Allskyns mis- og rangtúlkanir eru auk þess í gangi. Ég held að rétt sé að koma á framfæri ýmsum staðreyndum áður en lengra verður haldið með þessa umræðu.

Í 9.gr. reglugerðar um gerð og búnað ökutækja, nr. 411/1993, lið 09.10 (5), segir:

“Óheimilt er að þekja framrúðu og fremstu hliðarrúður að hluta til eða alveg með litarefnum eða með litaðri plastfilmu”.

Það er meginregla samkvæmt evrópskum reglum um gerð og búnað ökutækja, í þessu tilfelli gerð og búnað rúðuglers, að ef um einhvers konar litaðar eða mattar rúður er að ræða verða slíkar rúður að vera innifaldar í gerðarviðurkenningu ökutækisins. Með tilskipun ráðherraráðs Evrópubandalagsins nr. 92/22 er aðildarríkjum gert að stefna að samræmdum kröfum er varða öryggi, gerðarviðurkenningu og sameiginlegar framleiðslu- og prófunarkröfur rúðuglers í vélknúnum ökutækjum. Þessar reglur eru hluti af EES samningnum og hafa því gildi hér á landi.

Það er ríkjandi lagatúlkun dómsmálaráðuneytisins, sem ber ábyrgð á þessum málaflokki, sem einnig styðst við lagatúlkun samsvarandi ákvæða meðal helstu nágrannaríkja, að ekki séu fyrir hendi neinar lagalegar heimildir til undanþágu frá umræddu reglugerðarákvæði, en ákvæðið á rætur í tilskipunum Evrópubandalagsins. Þannig setur 9. gr. reglugerðarinnar, liður 01.03 þá lágmarksviðmiðun, að ljósgegnumstreymi framrúðu og fremstu hliðarrúða skuli innan eðlilegs sjónsviðs vera a.m.k. 70%. Ekki er unnt að gera undantekningar frá því viðmiði.

Rökin bak við þetta eru öryggisrök, þ.e. að aðrir ökumenn og vegfarendur, t.d. lögregla, eiga að geta séð inn í ökutæki og skynjað viðbrögð og bendingar ökumanna í umferðinni. Hér er um einn mikilvægasta öryggisbúnað bifreiðar að ræða. Því er ljóst að við mat á gæðum rúða í ökutækjum verður að leggja til grundvallar almenna gerðarviðurkenningu enda ekki mögulegt með fullnægjandi hætti að ganga úr skugga um einstök öryggisatriði á annan hátt, s.s. varðandi gagnsæi, ljósbrot, styrkleika o.fl. Einnig hefur verið talið að litaðar filmur valdi speglun í glerinu vegna tvöfalds ljósbrots svo og að þær hafi ekki sömu gæðaeiginleika og almennt gerðarviðurkenndar rúður samkvæmt Evrópustöðlum. Þetta mál hefur margoft komið til kasta íslenskra yfirvalda og hefur m.a. verið aflað upplýsinga um framkvæmd þessara mála í nágrannalöndum okkar. Danir hafa til að mynda komist að þeirri niðurstöðu að slíkar plastfilmur hafi ekki sömu gæðaeiginleika og almennt gerðarviðurkenndar rúður, og telja þeir að slíkar filmur auki hættuna á ljósfræðilegri afbökun og skerði auk þess burðarþol rúðunnar.

Læknisfræðilegar ástæður, svo sem mígreni, hafa ekki verið taldar nægja til svo viðamikillar undanþágu frá ákvæðum um einn helsta öryggisþátt bifreiða. Hefur viðkomandi einstaklingum verið bent á að verja sig gegn sólarljósi með öðrum hætti s.s. með notkun augnlinsa og sólgleraugna.

Sumsé:
1) Öryggisrök eru á bak við þetta bann eins og að framan er rakið.
2) Bannið er við dökkum filmum í framrúðum og fremri hliðarrúðum - en ef dökkar rúður eru innifaldar í gerðarviðurkenningu ökutækisins koma þær að sjálfsögðu til greina að því gefnu að ljósgegnumstreymið sé nægjanlegt, sbr. framangreint.
3) Þessar reglur eru samræmdar evrópskar reglur, ekkert sem sérvitrum íslenskum embættismönnum datt í hug, og gildir þetta á öllu EES-svæðinu. Íslensk framkvæmd er því í samræmi við evrópska framkvæmd.

Vona að þetta varpi ljósi á málið.

ef þú ert á Ford Mustang Cobra SVT 2000 R á 367 km/h á miklubrautinni og ferð yfir gagnamót og tekinn er mynd af þér þá sér myndavélinn þig ekki. svo þegar þú ert kominn heim og löggann kemur heim til þín til að sekta þig út af því að du varst böstaður á mynd þá hefðir þú getað sagt að einhver vinur þinn (veist ekki hver) tók bilinn og þú vissir ekki af því. löggann hefur eingar sannanir að ÞÚ hefur að verið að keira.

Það á að leyfa í hliðar rúður en ekki í frammrúðuna eða aftrurúðuna

Ég var með dökkar filmur frammí í Volvo 850 bílnum sem ég á núna, þetta voru frekar ljósar filmur en trufluðu mig verulega við akstur í myrkri og ég var í sífellu að renna rúðunum niður til að sjá betur. ÞEss vegna lét ég taka þær úr.
.

Ég hef nú nokkrum sinnum(2-3) forðað árekstri, eða nálægt því, með því að sjá í gegnum fram-hliðarrúðuna hjá öðrum bíl þar sem hann var að beygja fyrir mig og ökumaðurinn horfði ekki í mína átt.

Jæja Daníel.

Rúður í bílum eru þannig að þegar þær brotna þá molna þær bara niður og eiga ekki að skaða neinn kannski mesta lagi nokkrar skrámur. Og þegar að þú ert að keyra þá áttu ekki að horfa í sólina… bara til að minna þig á…
og eitt í viðbót…

…Íslensk lög eru ekki fáránleg hvernig væri landið án laga. En það er margt sem má breita og bæta til þess að þóknast sem flestum í landinu.

AxelF

Ég hef heyrt að leyfilegt sé að kaupa tilbúnar dökkar rúður í fram hliðarrúðurnar með mjög lítilli skyggingu. Og ef þú ert með mígreni á háu stígi, var mér sagt, þá máttu kaupa sérstaka rándýra framrúðu með lítilli skyggingu. Hef þó ekkert kynnt mér þetta.
Mér var bent á Subaru Imprezu turbo í sumar og mér var sagt að þessi aðili hefði fengið einhverja undanþágu frá þessum lögum, sökum mígrenis, og væri kominn með skyggða framrúðu. Ég er ekki frá því að framrúðan hafi verið aðeins dekkri, þó ekki viss…

Ég sé nákvæmlega ekkert að þessum lögum.
Allt það sem mælir með þessum lögum sést í greinasvörunum.

maður sér mjög ílla út í myrkri

Í fyrra vor fór eitt svona mál fyrir héraðsdóm.

Þar var leigubílstjóri stöðvaður af lögreglu fyrir að vera með filmur í fram-rúðum.

Hann neitaði að taka þær úr, og fór með málið fyrir dóm.

Frá Ríkislögreglustjóra koma það, að ökumenn ættu ekki að skygga framglugga sína. Það myndi skyggja útsýnið.

Dómarinn skoðaði bílinn, og kvað þann úrskurð að filmurnar skerðu ekki útsýni útúr bifreiðinni.

Þá breytti Ríkislögreglustjóri skoðun sinni skyndilega, og taldi að ekki væri nægjanlegt útsýni inní bílinn.

Svo að útrfrá því sjá lagana verðir málið.

Mín spurning er þá sú. Á ekki líka að skylda ökumenn til að hafa ljós kveykt inní bílnum á meðan akstri stendur. Þá sjá lögreglumenn enn betur inní bílinn.
Eða banna gluggatjöld í húsum, það skerðir útsýni lögreglumanna inní híbýli.

Hvar á að setja mörkin???

Svona öfga-reglugerðir ættu að heyra sögunni til. Það er réttur einstaklingsins að fá að keyra um götur bæjarins án þess að vera áreittur af lögreglu fyrir að hafa dökkar rúður.

Ef það er glæpur, þá má telja flest til glæps.

Kv. 1til2

Þetta er reyndar ástæða ef rúðan brotnar framí perlast hún en sker ekki! það er staðreynd auk þess er leifilegt að hafa filmur eins og i minu tilfelli ef þu þolir illa sól (migreni) til dæmis. síðan er lika sagt að ef billinn lendi i vatni se erviðara að na framruðuni ur með filmu í henni. en þetta er fín hugmynd að safna undirskriftum það þarf bara einhver að gera það. Það er ekki nó að koma bara her og segja ja þetta verður að gera. eingin móðgun þetta er bara staðreynd það gerist ekkert nema það se gert!!

Það stendur hvergi í lögum að ekki meigi hafa lítaðar filmur í rúðum bifreiða. Hér er um reglugerð að ræða frá lögreglunni.

Skrifaði hér áður um sama efni og hvernig ég taldi að reglugerðin stæðist ekki lög um friðhelgi einkalífsins.
Skoðið ofstæki lögreglu, var stöðvaður í umferðarátakinu en þurfti ekki að taka filmurnar úr. Mun alfarið neita að gera slíkt, þeir þurfa þá að kæra og ég tel að kæran standist ekki lög.

Kveðja Feelix

önnur ástæða fyrir þessu er að þetta takmarkar útsýni fyrir aðra ökumenn/vegfarendur sem þurfa að sjá í gegnum bílinn einsog til dæmis á gangbrautum. Og ef einhver er með 45% skyggðar rúður allan hringinn þá er það 90% fyrir þann sem reynir að horfa í gegnum hann og það sést varla neitt í fljótu bragði í gegnum 90% skyggða rúðu. Og til hvers að hafa skyggðar rúður ef sólgleraugu gera sama gagn? Af því að það er svo Uber cool eða?

Er virkilega ennþá bannað að setja filmur í fram-hliðarrúður? Mér finnst það mjög skrýtið því að eftir dómsmál fyrir nokkkru (þar sem úrskurðað var að dekktar framhilðarrúður (í pickup reyndar) væru ekki ólöglegar) hef ég séð lögreglubíla með allar rúður dekktar nema framrúðu (ekki þó nýlega).

Rx7

Við glímum að mínum dómi við mörg verri vandamál í umferðinni en dökkar rúður, og í mínum huga eru dökkar rúður algerir smá munir, en íslensk lög, ja þau eru sko eins og áður, alveg úr sambandi við veruleikann. Það er allt lögreglulaust í þessu landi en boð og bönn renna út af alþingi um alla mögulega hluti. Umferðin er geðveik og dökkar rúður, ja guð minn, þær eru sko algjör tittlingaskítur í mínum huga.

Til hvers viltu dökkar rúður?

Ég væri alveg til í að vera með dökkar rúður í hliðarrúðum en ekki til að auka öryggi mitt eða til þess að fólk sjái ekki inn í bílinn eins og sumir hafa verið að benda á. Mín ástæða til að fá að vera með dökkar rúður í hliðarrúðum að framan er vegna þess að það er töffff! ekki út af öryggi og mér finnst að fólk ætti nú að viðurkenna það fyrir sjálfum sér og hætta að reyna að réttlæta dökkar rúður fyrir yfirvaldinnu nema bara því það er töffff! að vera með litaðar rúður……

einnig er ég alveg á því að litaðar rúður frá framleiðenda eru betri/löglegri heldur en filmur einfaldlega vegna þess að hægt er að setja dökka filmu í bílinn og þá er hægt að segja bara “þetta er ljósasta filman sem ég fann” en það er engin vottun um það annað en þín frásögn (ef þú setur þær í) eða nóta frá fyrirtækinu sem setur þessar filmur í.

Þeim sem nægir að fá ljósar filmur í bílinn ættu frekar að berjast fyrir því að fá fyrirtæki í borgini sem sjá um þetta til að gera samning við bifreiðaskoðun um það að fá einhverskonar vottun á filmurnar og reyna að fá þær samþykktar þannig. Ef það gengi upp væri hægt að setja í skráningarvottorðið að þessi tegund af filmu er í bílnum og sett í af “viðurkenndum aðilla” og bifreiðaskoðun myndi framfylgja eftirlit með þessu þegar bíllinn kemur til skoðunnar árlega….

Eg er sammala der ad dad etti ad leifa dad en er dad ekki bara ad okumenn eiga ad geta seå i kringum sig myrkri a nottinni en samt asnalegt.

Afhverju á lögreglan að þurfa að sjá inní bílinn? Ef þú ert að gera einhvað ólöglegt þá bara stoppar hún þig, sama hver þú ert!… Og við sem erum ungir “gúmítöffarar” :) á rúntinum um helgar höfum alveg lent í því að lögga komi við hliðina á okkur og bara af því að við erum unglingar á “BMW” þá stoppar hún mann stundum án þess að maður hafi gert nokkurn skapaðan hlut!! og þeir geta ekki einusinni svarað þegar maður spir akkuru þeir séu að stoppa mann! -> Ég vil fá mitt privat á helgar-rúntinnum…! :)