Nýskráning

Bílar

8.430 eru með Bílar sem áhugamál
56.694 stig

585 greinar
12.031 þræðir
56 tilkynningar
11 pistlar
3.596 myndir
920 kannanir
111.284 álit

Meira

Ofurhugar

Mal3 2.052 stig

KITT 1.632 stig

Aiwa 1.088 stig

JoeyThunder 866 stig

stakka 622 stig

JHG 498 stig

flat6 466 stig

Stjórnendur

Aiwa

CarreraGT

Stöðugleiki bíla

Ég var að spá í stöðugleika bíla og ætla aðeins að reyna að skýra hann út frá beinni eðlisfræði.

Hugsum okkur bíl með massa m, hæð í massamiðju H og bil(breidd) milli hjóla D. Sést vonandi á lélegu myndinni sem ég teiknaði í paint.

Til að finna þann hraða sem bíllinn þolir án þess að velta þurfum við að skoða fyrst hvaða kraftar verka á bílinn:
1. Fyrst ber að nefna þyngdarkraft mg sem vísar niður um massamiðju.
2. Móti mg verka tveir kraftar sem koma frá veginum upp um sitthvora dekkjahlið, köllum þá N1 og N2.
3. Síðan verkar á hlið miðsóknarkraftur(miðflóttaafl) mvv/r (vv þíðir v í 2.veldi) sem núningskraftar f1 og f2 veita með mótstöðu dekkja við veg.

Nú þegar allir kraftar eru ljósir þá getum við sundurliðað krafta á hlið(x-ás) og í gegnum(y-ás) og loks kraftvægi um massamiðju:

Fx: f1 + f2 = mvv/r (i)
Fy: N1 + N2 = mg (ii)
Kraftvægi: (f1 + f2)H + (N1 - N2)D/2 = 0 (iii)

Ef við leysum (ii) þ.a. N2 = mg - N1 og setjum inn í (iii) ásamt því að setja (i) inn í (iii) fæst:

(mvv/r)H + (2N1 - mg) = 0 og
N1 = mg/2 - vvmH/rD

Þar sem N1 = 0 þegar dekkið snertir veginn ekki lengur þá eru mörkin við N1 = 0. Því fæst:

0 = mg/2 - vvmH/rD og þá
v = sqrt(grD/2H) (sqrt = kvaðratrót)

Við sjáum því að stöðugleikinn(hærri hámarkshraði fyrir veltu) er betri eftir því sem massamiðjan er lægri og bil(breidd) milli dekkja lengra. Einnig sést að hann er ekki háður massa sem styttist út.

Bara svona smá eðlisfræðipæling um bíla.

I WAS BORN FOR DYING!

gdawg fyrir 21 árum, 12 mánuðum

Eðlisfræði er skemmtileg :) Annars vantar alveg möguleikann á að skrifa jöfnur almennilega á netinu, það er mjög erfitt að rýna í á þennan hátt og ef menn hafa ekki aðgang að þessu í eðlisfræðibókunum sínum þá mæli ég með að þeir sem vilja skoða þetta betur skrifi þetta upp á blað til að átta sig betur á hlutunum.

-Herra Stór!

Fyrra álit

ih8 fyrir 21 árum, 12 mánuðum

Já það er erfitt að skýra þetta út þegar það er ekki hægt að skrifa jöfnurnar almennilega.

Síðan vantar þætti eins og fjöðrun inn í þetta sem hefur jú mikið að segja er varðar stöðugleika og handling. Þetta sýnir kannski að jeppar sem búið er að hækka mikið er ekki mjög stöðugir í beygjum.

I WAS BORN FOR DYING!

Fyrra álit

[Notanda eytt] fyrir 21 árum, 12 mánuðum

Það væri eflaust hægt að skrifa þetta með MathML

Fyrra álit

[Notanda eytt] fyrir 21 árum, 12 mánuðum

http://www.w3.org/TR/REC-MathML/

Fyrra álit

Partytruck fyrir 21 árum, 12 mánuðum

Smá innskot hérna af því að það er verið að tala um jeppa. Mikið hækkaðir jeppar eru hækkaðir á tvo vegu: Boddýhækkun og undirvagnshækkun.

Bílar sem eru eingöngu hækkaðir á boddý eru ekki sérstaklega verri í beygjum á mikilli ferð en óbreyttur bíll þar sem megnið af þunga bílsins er enþá á sama stað þ.e.a.s. Vél, gírkassi, millikassi, eldsneytistankur og annað sem er fest í grindina.
Bílar sem eru meira hækkaðir á fjöðrun eru aftur á móti mun svagari en óbreyttir þar sem er búið að hækka allan bílinn frá hásingum og hjólum.
Langaði bara að skjóta þessu inn áður en Snikkarinn fer að moka einhverjum athugasemdum inn yfir jeppa sem keyrðu á skódann hans.

Fyrra álit

stakka fyrir 21 árum, 12 mánuðum

HAHA Miðsóknarkraftur og Miðflóttarafl er EKKI, EKKI það sama.

Ég skal lýsa þessu fyrir þér. Ef að strákur heldur á bandi með stein í endan og sveiflar því í kringum sig þá er það Miðsóknarkraftur svo þegar að hann sleppir bandinu þá leitast steinnin við að fara sem beinustu leið í burtu og það er Miðflóttarafl.

puntum basta.

Fyrra álit

stakka fyrir 21 árum, 12 mánuðum

Partýtruck: það er nú bara svoleiðis að öll hækkun bíla hefur áhrif á miðflóttarafl.

Þessvegna eru sportbílar lágir frá vegi og lágir frá botn uppí topp.

Jeppar eru drápstól og ætti að taka af öllum sem líta á þá sem stöðutákn eða reyna að réttlæta það fyrir sér hvað jeppinn sinn kostaði að þá hlýtur hann að “liggja” jafnvel í beygju. Sannleikurinn er jeppinn liggur mjög vel eftir beygju. “útí vegkanti á hliðinni”

Nefnum eitt dæmi með þessa jeppamenn. Ég tek upp byssu inní banka og miða henni á alla en hún er tóm. Víkingasveitin er kominn ég beittur ofbeldi settur í járn og í steininn og get fengið tveggja ára fangelsi. Hinsvegar get ég verið á jeppa og ógnað öllum með vítaverum akstri á drápstóli og ég verð í mestalagi ef ég næst sviptur í 6 mánuði.

Fyrra álit

stakka fyrir 21 árum, 12 mánuðum

Þetta er nú líka bara stigahóruskapur því að öll formúlan er tekin uppúr bók og fullt að upplýsingum vantar. Ég efa það að sá sem að lætur svona útskýringar frá sér viti mikið um efnið, heldur hefur aflað þessara upplýsinga til þess að sinna, sinni græðgi (Stig). Eða að vera með sleikjuskap yfir hvað hann er klár og gleymir þar af leiðandi fullt af upplýsingum um liði til að leysa jöfnuna. T.d. kemur hvergi fram hvað “r” eigi að vera, en getum gert ráð fyrir því að það tákni radíus.

Fyrra álit

stakka fyrir 21 árum, 12 mánuðum

Það vantar líka inní utanaðkomandi þætti t.d. veghalla, gerð vega því að grunnverð vega er 6 - 7 milljónir fyrir utan malbik. Malbik=parket miða við fermeter. Það sem að ég er að segja er að þú getur fengið mismunandi endingargóð eða gripmikil vatnshrindandi og dýr malbik. Stærð dekkja og hönnun bíls miða við vind. T.d. Sá þáttur sem kemur fram að bílar fjúka ekki af veginum heldur sogast, þetta virkar með veghalla, hönnun bíls, hraða, grip dekkja, fjöðrunarbúnaðar. Vindurinn myndar sog hinumegin við bílinn og soga hann af.

Fyrra álit

[Notanda eytt] fyrir 21 árum, 12 mánuðum

Fyrir mitt leiti þá er mér skítsama um einhverjar jöfnur. Ég gleymi þessu um leið, en á meðan ég finn fyrir árangri af góðri hönnun þá er ég glaður.

Og fyrir stakka, þá þýðir ekki að vera að reikna óvissuþætti inn í jöfnur - “in theory” virkar ekki þannig og því er þetta síðasta komment frekar eins og þú hafir farið öfugu megin fram úr í morgun.

Fyrra álit

ih8 fyrir 21 árum, 12 mánuðum

Are we grumpy to day or what?

Ég skal viðurkenna það að ég kynnti mér efnið og vann greinina upp úr eðlisfræðibókum (fleirtala). Mæli með t.d. University Phisics eftir Harris Benson. Ekki get ég farið að búa til nýjar formúlur bara til að vera frumlegur sem segja svo tóma vitleysu.

Mér er svo skít sama um öll stig, segja þessi stig eitthvað annað en að maður hefur ekkert líf og hengur alla daga á huga eða er stjórnandi.

Hvað varðar míðsóknarkraft þá veldur hann því að hlutir haldast á hringhreyfingu en það er ekkert til sem heitir miðflóttaafl. Ég setti það bara inn svo fólk vissi hvað ég ætti við með að bíllinn leitaði út úr beygju því hann vill í eðli sínu halda hraðanum í eina átt, ekki í snúning. Það sem heldur bílnum í begjunni er núningskraftur dekkja við veg.

Tilgangur þess að ég sendi inn greinina var að sýna til hvers menn breikka og lækka bíla. Ég veit ekkert mjög mikið um eðlisfræði en ég veit þó eitt: eitthvað ógnar þess grein þér fyrst þú stekkur upp eins og óður hundur og fárast út í allt.

I WAS BORN FOR DYING!

Fyrra álit

Moen fyrir 21 árum, 12 mánuðum

ég vil benta ykkur á að Eðlisfræðin er ekki óskeikul.
Samkvæmt Eðlisfræðinni eiga húsflugur ekki að geta flogið vegna of mikillar þyngdar. En eins og við vitum flest þá fljúga þær og því virðast húsflugur ekkert vita af eðlisfræðinni.

moen

Fyrra álit

JHG fyrir 21 árum, 12 mánuðum

Þarf ekki einhver að segja þeim frá því? Þær eiga ekkert með að brjóta lögmál ;)

JHG

Fyrra álit

Partytruck fyrir 21 árum, 12 mánuðum

Grumpy ol' bastard bara mættur á svæðið.

Hvernig geturðu kallað jeppa “drápstól”, fólksbílar drepa líka og hafa eflaust drepið fleiri á Íslandi en jeppar. Þessi skrif þín segja mér það að þú veist ekkert hvað þú ert að tala um og trúir því þá sjálfsagt að húsflugur geti ekki flogið.

Dæmi:

LC 90 á 35“ dekkjum, vinsæll jeppi í dag.
Bíllinn er mjög lítð hækkaður, fær mun breiðari dekk og útstæðari felgur og ekkert er átt við fjöðrunarbúnað.

Núna ættir þú að fara að prófa svona óbreyttan bíl og svo breyttan bíl og dæmdu svo sjálfur um hvorn er betra að keyra og reyndu að finna eitthvað sem gerir hann að óstöðugu ”drápstóli". Það er nefnilega ekki nóg að troða hausnum ofaní einhverja bók og halda að maður viti allt, stundum þarf að reyna hlutina sjálfur og miða ekki alla jeppa við td. einhvern gamlann bronco haug með allt ónýtt í undirvagni.

Fyrra álit

[Notanda eytt] fyrir 21 árum, 12 mánuðum

Ég hef prófað nokkra krúsera alveg upp í 38". Mér finnst hann nú áberandi bestur standard, eða skástur. Ég er ekki mikið fyrir jeppa nema til að nota þá í ferðalög, ekki sem spíttkerrur.

Fyrra álit

ih8 fyrir 21 árum, 12 mánuðum

Einhver sagði mér það að löggan kallaði LC 90 “Roll-On” því þeir væru alltaf að velta, en ég ætla ekki að selja það dýrara en ég stal því.

Ég keyrði Nissan Patrol,´94 módel mynnir mig, fyrir og eftir 35" breytingu og hann varð mikið stöðugri við breytinguna því hann breikkaði og þyngdarpunkturinn lækkaði. Því eru ekki allir jeppar verri eftir breytingu.

Ég efa að eðlisfræðin geti ekki skýrt hvernig vissar flugur fljúga því flug byggist á þrýstimun fyrir ofan og neðan væng sökum mismunar á vegalengd sem loftið þarf að fara. Stærri flugur hafa stærri vængi og yfirvinnur þyngdina en þær hreyfa vængina aðeins til að bera sig áfram.

Er annars rétt að tala um flug og flugur á huga.is/bílar…:)

I WAS BORN FOR DYING!

Fyrra álit

Partytruck fyrir 21 árum, 12 mánuðum

Ég veit ekki hvaða mörgæs kom með þessa kenningu en ég veit það að ég er löngu hættur að hlusta á löggur, nema Þær sem ég þekki vel og þá tek ég allt sem þær segja um bíla með fyrirvara. Að ganga í lögguna breytir hugarfari 99% einstaklinga og verða flestir þeirra besservisserar í sambandi við bíla á eingöngu því sem þeir kynnast í gegnum starfið. Ég var að vinna innan um löggur í 4 ár og allt saman tengt bílum og VEIT það að ég hef RÉTT fyrir mér.
Það er líka hægt að eyðileggja jeppa með því að breyta þeim á “einu kvöldi” eins og menn vilja oft monta sig af með því að boddýhækka um 100mm og rífa balansstengur undan og setja svo óbalanceruð 7 ára gömul gatslitin dekk undir sem hafa kanski staðið úti í garði í 2 ár.
Þetta er mjög leiðinlegt sem að stakka gerir hérna á síðunni og það er að stimpla alla jeppa sem “drápstól” og hafa ekkert fyrir sér í því. En ég get verið sammála honum í einu og það er það að það þarf að fara að fækka þessum “stöðutáknum” í umferðinni og koma gömlu köllunum af Landcruisernum og yfir á 700 bimma eða benz.
GAMLIR KALLAR Á “STÖÐUTÁKNS-JEPPUM” DREPA EKKI VIÐ SEM NOTUM ÞÁ TIL AÐ FERÐAST Á.

Fyrra álit

stakka fyrir 21 árum, 12 mánuðum

Þetta er sú argasta heimska sem ég hef heyrt. Þú heldur því líkast til fram að jeppar hafi álíka hemlunarvegalengd og fólksbílar. Já já trailerar eru líka mjög stöðugir en ef að eitthvað bregður útá þá eru þetta erfið tæki að stjórna.

Mér þætti gaman að sjá hvernig þú myndir bregðast við ef að þú værir á cruiser á 38 á 110 og það myndi hvellsprynga hjá þér vinstra framhjólið.

Meðhöndlun fólksbíls er mun betri en á jeppa.

Það sem hefur áhrif á hemlunarvegalengd er þyngd, bremsur, dekk og fjöðrunarkerfi.

Og ef þú værir á fólksbíl á 15“ 205 dekkjum þá hefðirðu alla þessa þætti yfir jeppa á 38”.
Þetta er bara dæmi.

Miðflóttarafl er til það er sá kraftur sem togar í massamiðjubíls í beygjum og vill viðhalda eðli sínu.

Ég hef séð landcruiser 100 taka nýjubrúnna í mjódd á leið í Breiðholt og mér persónulega hefði ekki liðið vel. Þar sem að húsið á þessum bíl ætlaði nánast af bílnum.

Þegar að upphækkaðir bílar eru að taka beygjur þá kemur sá þáttur inn að miðsóknarkraftur minnkar. Sem leiðir að því að miðflóttarafl stækkar og því mun meiri líkur á að bíllinn velti. Til þess að miðflóttarafl fái virkni er hæð bíls, hraði, beygja. Svo koma inn þættir eins og dekk, lögun bíls og fjöðrun.

Og þið skulið ekki reyna að segja mér það að jeppar séu eitthver farartæki til að geta stundað ofsaakstur á götum. Þetta er mesta argasta vitleysa sem ég hef heyrt. Þá styð ég það að trailerar og vörubílar geri þetta líka og vil ég þá benda á að þeir eru mjög stöðugir á götunni útaf því hvað þyngdarpunktur bílsins er lár og hvað þeir eru á mörgum dekkjum. 10 hjóla kranabíll hlýtur að vera afspyrnu gott tæki til að taka beygjur á. Og eiginþyngd hans er 23 tonn þannig að möguleikarnir á að hann velti í beygju eru sáralitlir. Aholes.

Fyrra álit

JHG fyrir 21 árum, 12 mánuðum

Ertu í heilögu stríði gegn jeppum? Þú (og sumir hér) getur ekki skrifað texta án þess að í honum komi áróður á móti jeppum.

Hvernig væri að leifa okkur að hafa okkar sport í friði?

JHG

P.s. það á ekki að stunda ofsaakstur á götunum, hvorki á fólksbíl né jeppa!

Fyrra álit

Mal3 fyrir 21 árum, 12 mánuðum

Mig langar til að svara því sem JHG skrifar með að lýsa aðeins mínum skoðunum.

Er mér illa við jeppa? Já, í rauninni er ég mjög pirraður á jeppum. Ástæðan kemur hinsvegar jeppunum sjálfum í rauninni lítið við heldur tveimur aðalþáttum.

Annarsvegar sá þáttur að jeppar eru fyrir marga (ekki alla!) malbikskrúsandi stöðutákn sem er asnaleg notkun á slíku tæki (mín skoðun) þótt að fólk megi að sjálfsögðu eiga jeppa til þess eins að skjótast í Hagkaup og taka rúntinn. Leiðinleg hliðarverkun er sú að mikill hluti af dýrari bílum á götunum eru jeppar sem setur mark sitt á hinn íslenska bílamarkað, sportbíladellukalli eins og mér til mikils ama.

Hinn þátturinn er sá að það fer verulega í taugarnar á mér að sjá jeppaökumenn sem aka eins og þeir séu ódrepandi og almáttugir. Enn og aftur er þetta aðeins hluti af jeppamönnum. Þetta fer sérstaklega í mig fyrir þá ástæðu að árekstur jeppa við fólksbíl er að öllum líkindum mun alvarlegri fyrir þá sem í fólksbílnum eru en ef annar fólksbíll myndi rekast á hann.

Ég ætla alls ekki að gera lítið þar með úr hættunni sem stafar af þeim hluta ökumanna sem hagar sér eins og bjánar á sportbílum eða bara fólksbílum! Allir bíleigendur þurfa að gera sér grein fyrir þeirri miklu ábyrgð sem þeir bera en kannski þurfa sumir að átta sig á henni betur en aðrir og kannski má beina þeim orðum sérstaklega til ökumanna jeppa og sportbíla svo dæmi séu nefnd.

Að lokum vill ég segja við þá jeppaeigendur sem nota jeppana sín eins og við á með slíkt tæki og stunda sport sitt af öryggi og ábyrgð: Respect! Við erum ábyrgir bíladellukalar, bara með mismunandi áherslum.

Fyrra álit

Mal3 fyrir 21 árum, 12 mánuðum

Það er allt gott og blessað að geta fært rök fyrir máli sínu en eru þeir sem annaðhvort eru ekki sammála eða hafa ekki meðtekið rökin sjálfkrafa “heimskir” og “aholes”?

Stakka: ég held að fólk myndi öllu frekar leggja við hlustir ef þú myndir leggja mál þitt fram án dónaskapar. Það nenna fæstir að lesa skrif manns sem þarf að “krydda” mál sitt með fúkyrðum í garð þeirra sem verið er að svara eða lesenda.

Fyrra álit

Partytruck fyrir 21 árum, 12 mánuðum

Svo er eitt að lesa og annað að reyna. Það er ýmislegt til í því sem þú hefur verið að skrifa hérna en það réttlætir ekki að kalla jeppa “drápstól”. Það á enginn að stunda ofsaakstur á götum bæjarins hvort sem hann er á fólksbíl á 205x60x15 eða á jeppa á 38x15,5x15.
Mokaðu hausnum á þér uppúr bókunum og reyndu þetta sjálfur, það þarf óhemju tilburði og mikinn hraða til að velta jeppa þó svo að fólksbíll þurfi meira.

Fyrra álit

stakka fyrir 21 árum, 12 mánuðum

Það er ekkert sport að vera á jeppa og nota hann svo bara á malbik. Jeppar eiga að vera notaðir utanvegar og það nær eingöngu. Ef fólk er að velja sér bíl þá væri það viturlegast að velja bíl eftir því í hvað það ætli að nota hann í. Ef fólk fer ekkert af malbiki þá ætti það að kjósa fólksbíl en ef að fólk er að leika sér á þessu og nota þá sem sport. Sem mikill minnihluti jeppaeigenda gerir. Þess má geta og ég skil þau vel að vilja ekki rústa nýja 8 milljónakróna jeppanum sínum sem Glitnir á í raun.

Það er sorglegt að fólk skuli vera að borga fleiri milljónir fyrir eitthvað sem það kemur lítið til með að nota og allt sem fer í þetta er kostnaður. Það er ekki eins og meginhluti jeppamanna starfi að útgerð á þessum tækjum og hljóti fé í staðinn. Nei þvert á móti þetta er hérna blússandi um göturnar eyðileggjandi malbikið. Leikandi sér í brekkum innanbæjar og tæta grasið upp. Það er fátt ljótara og sorglegra en að einhver jeppi sem hefur fundið hól innanbæjar og ákveðið að fara í jeppaleik, svo sjást eftir hann hjólför í brekkunni. Þessi jeppamaður er sorglegur og ætti helst að gera sér þann greiða að losa sig við bílprófið og taka strætó. Því að hvað er sportið við það að stunda jeppamennsku innanbæjar. Og hvaða virðingu hlýtur sá jeppamaður sem ÞORIR ekki að nota hann á fjöllum í þeim aðstæðum þar sem að aðrir bílar komast ekki.

Mér finnst það fáránlegt að kaupa svona “jeppa” útá Lúxusinn einn saman og borga fyrir það morðfjár. Nær væri frekar að fá sér lúxusbíl eða fallegan sportara fyrir þennan pening.

Fyrra álit

stakka fyrir 21 árum, 12 mánuðum

Partytruck:

Jeppi getur aldrei náð sama eðli fólksbíls með stöðugleika á malbiki þar sem að jeppinn er gerður fyrir akstur utanvega. Þetta er alveg eins og að láta fólksbíl á fjöll og reyna að nota hann sem jeppa.

Willys er jeppi, allt hitt er eftirlíking.

Fyrra álit

JHG fyrir 21 árum, 12 mánuðum

Yfirleitt gildir það að jeppi er verri í beygjum en fólksbíll vegna staðsetningu þyngdarpunkts. Þetta er samt ekki algillt. Trukkurinn minn er mjög breiður (2,30) og er merkilega góður í beygjum (samt ekkert hjá Transaminum).

Ódýr japanskur fólksbíll er í flestum tilfellum (allavegana þeir sem ég hef prófað) verri í beygjum.

Ég held að flestir þeir jeppamenn sem eru hér á huga séu alvöru jeppamenn. Partytruck er á gamalli Toyotu og ég á gömlum Blazer (hvorugur kostar 8 millur). Við vinnum í bílunum okkar sjálfir og notum jeppana sem jeppa. Það er ekki þar með sagt að við notum þá eingöngu sem jeppa enda væri það fáránlegt. Ég tími ekki að nota Transaminn yfir háveturinn og nota þá Blazerinn dagsdaglega.

Og nei, Glitnir (eða aðrir lánadrottnar) eiga ekki krónu í mínum bílum og hafa aldrei átt!

Það væri ekki viturlegt að banna jeppa af götunum og skylda menn til að nota þá eingöngu á fjöllum. Með því myndum við koma í veg fyrir alla nýliðun og þeir einir sem hefðu efni á því að eiga jeppa og fólksbíl keyptu sér jeppa. Það er hætt við að sportið myndi fljótt leggjast af eða yrði aðeins á færi pabbadrengja eða þeirra sem búnir eru með sitt nám. Ég hefði örugglega ekki tengst þessu sporti nema af því að ég smitaðist sem unglingur og byrjaði að stunda fjallaferðir/ófærðarferðir mjög ungur.

Það sem mér finnst einkennilegt er að það er næstum því sama hvað menn ræða um hér á huga, alltaf þarf að dissa jeppa, og við erum alltaf að ræða sama hlutinn. Það er greinilegt að menn eru ekki sammála, það er búið að ræða þetta endalaust og hefur ekkert upp á sig að halda því áfram.

Jeppi er ekki eingöngu ætlaður til aksturs utan vega, jeppi er samgöngutæki sem hefur sannað sig við erfiðar aðstæður. Þetta er eins og að segja að BMW sem kemst á 250 km/klst sé hraðbrautarbíll og eigi þar með eingöngu að vera notaður á hraðbrautum.

Hvað málfræðina varðar (ég hélt að við værum að tala um bíla?) þá er það málvenja á Íslandi að kalla þessa tegund farartækja jeppa. Auðvitað var fyrsti jeppinn Jeep, og var kallaður jeppi. Svo komu fleiri tæki sem höfðu sömu eiginleika (t.d. Land Rover) og menn kölluðu jeppa. Þessi “villa” sem varð þarna til er nú málvenja og þar af leiðandi kominn inn í íslenskt mál. Því telst þetta vera rétt málnotkun.

JHG

P.s. Ekki er ég að dissa menn þó ég sé ekki sammála þeim, t.d. um gagnsemi tveggja púströra á 4cyl Lancer :D

Fyrra álit

[Notanda eytt] fyrir 21 árum, 12 mánuðum

LOL :)

Fyrra álit

[Notanda eytt] fyrir 21 árum, 12 mánuðum

Svona fyrir forvitnis sakir þá væri ég til í að fá skýringar á notagildi þessa púströrs á Lancernum. En þar fyrir utan, respect til alvöru jeppamann (kannski verð ég einn af þeim, myndi þá fá mér gamlan Benz Gelandewagen) og disrespect til hinna sem vilja bara sitja ofar en aðrir í umferðinni.

Fyrra álit

JHG fyrir 21 árum, 12 mánuðum

Ég held að það sé stöðutákn ;)

Svo þurfum við öll hin að hlusta á fretið í bílnum (hljóðmengun).

JHG

Fyrra álit

[Notanda eytt] fyrir 21 árum, 12 mánuðum

Ég vona að stakka taki þetta nú ekki ílla, en hann má nú eiga von á smá skotum miðað við textann sem hann skrifar.

Fyrra álit

JHG fyrir 21 árum, 12 mánuðum

Ég bara stóðst ekki mátið :)

JHG

Fyrra álit

Mal3 fyrir 21 árum, 12 mánuðum

Hvað hafa margir fólksbílaeigendur notað grasbala til að leggja á einhverntíman innanbæjar? Örugglega ófáir og það eru mun meiri líkur á því að fólksbíllinn skilji eftir sig slóð en jeppi enda er þyngd jeppans dreyft á mun stærri dekk, a.m.k. ef um breyttan jeppa er að ræða.

Hvað varðar það að spæna upp göturnar á stórum jeppm þá er rétt að þeir gera meira af því pr. bíl en fólksbílar en þeir borga líka meiri skatta af tækjunum sínum.

Fyrra álit

[Notanda eytt] fyrir 21 árum, 12 mánuðum

Ég ætla nú ekki einu sinni að byrja á nagladekkjaumræðunni, ég verð svoooo reiður:)

Mér datt í hug í gær þar sem við stóðum fyrir utan stærsta reðurtákn landsins, hve margir keyptu sér bíla til að upphefja sjálfa sig. Það eru örugglega nokkuð margir, en gallinn er bara sá að menn sem eru enthusiasts og menn sem eru með reðuröfund geta ekið um á eins bílum án þess að við vitum um hvor sé hvað.

Fyrra álit

JHG fyrir 21 árum, 11 mánuðum

Það má alveg eins segja að þeir sem hefja keyra á flottum bílum séu að kaupa sér reðurtákn. Getur ekki BMW alveg eins verið reðurtákn eins og upphækkaður Patról?

Margir pirra sig á jeppum, alveg eins og margir pirra sig á sportbílum. Ég verð t.d. oft fyrir áreiti í umferðinni (að ég tel) vegna þess að ég keyri um á sportbíl.

Fólk telur líklegast að ég telji mig vera eitthvað merkilegri en hinir af því að ég keyri ekki um á Toyotu.

Það að keyra um á BMW bendir til að þú sættir þig ekki við normið, þú sættir þig ekki við að keyra um á Toyotu og ert þar með að setja þig á háan stall. Þessvegna þola aðrir bílstjóra þig illa.

Ég tek fram að ég er ekki á þessari skoðun en það má færa sömu rök fyrir þessu og með jeppana.

Öfundarmenn kalla þetta svo reðurtákn, gráa fiðringinn og ég veit ekki hvað.

Málið er að við erum áhugamenn um bíla/jeppa. Við fáum eitthvað út úr því að keyra góðan bíl/jeppa og borgum fyrir það. Við tékkum örugglega oftar á olíunni og bónum bílana okkar oftar en venjulegur ökumaður og sættum okkur ekki við að vita ekki upp á hár hvernig bíllinn okkar virkar.

Þetta er náttúrulega geðveiki en ég held að við séum allir haldnir þessum sjúkdóm (annars værum við ekki hér að rökræða um þetta).

Ef menn vilja kalla það reðurtákn þá mega þeir það en ég áskil mér á móti rétt til að kalla þá öfundsjúka.

JHG

Fyrra álit

Mal3 fyrir 21 árum, 11 mánuðum

Tjah… ég vill keyra góða bíla og Jói út í bæ vill horfa á enska boltann…

Ég held að “alvöru” bíladellukallar kaupi bíl fyrir sjálfan sig en ekki aðra. Þeir sem kaupa bíla til að upphefja sig koma mér bara í rauninni ekki við. Bíladellufélagar eru hinsvegar fólk sem er oft gaman að skeggræða við.

Fyrra álit

[Notanda eytt] fyrir 21 árum, 11 mánuðum

Það er nákvæmlega það sem ég átti við með þessum texta “Mér datt í hug í gær þar sem við stóðum fyrir utan stærsta reðurtákn landsins, hve margir keyptu sér bíla til að upphefja sjálfa sig. Það eru örugglega nokkuð margir, en gallinn er bara sá að menn sem eru enthusiasts og menn sem eru með reðuröfund geta ekið um á eins bílum án þess að við vitum um hvor sé hvað.” Maður veit ekki hvort maðurinn er enthusiast eða með reðuröfund í flestum tilfellum….. Og þá átti ég ekki bara við jeppa heldur alla bíla sem menn kaupa mögulega til að upphefja sjálfan sig.

Þetta er bara mjög algengt held ég. Þetta er sennilega mest áberandi í Grandlooser jeppum og pussujálkum frá Benz.

Fyrra álit

Moen fyrir 21 árum, 11 mánuðum

Sælir ég ek um á nýjum BMW og ef þið viljið kalla BMW-inn minn reðurtákn þá megið þið það alveg. Ég hinsvegar elska reðurtáknið mitt. Ég smyr og þríf hann reglulega alveg eins og hann væri sjálfur félaginn.

Annars fór ég á námskeið B&L og ég varð alveg hissa að ég skildi ekki velta bílnum þegar ég var að undirstýra honum. Ég er nokkuð viss um að til að velta bíl eins og BMW þá þurfi talsvert meira en ég myndi nokkurntíma þora að gera. Bæ the way þá prófaði ég minn bíl á þurru málbiki og sama þar ekki valt hann.

p.s. Ég fór eitt sinn í tjónaskoðun sjóvá og þar voru nokkrir smájeppar sem allir höfðu farið smá hring.

Fyrra álit

JHG fyrir 21 árum, 11 mánuðum

Svo velta fólksbílar líka :(

Auðvitað geri ég ekki sama stunt á Blazernum og Transaminum, það kallast almenn skynsemi (sem maður á kannski ekki alltaf nóg af :)

JHG

Fyrra álit

Mal3 fyrir 21 árum, 11 mánuðum

Common sense isn't ;)

Fyrra álit

[Notanda eytt] fyrir 21 árum, 11 mánuðum

Jæja… nú er bimminn spyrnufær, búið að skipta um spyrnugúmmí. Og vil ég af því tilefni láta vita af því að þjónustan hjá Tækniþjónusta bifreiða hefur enn einu sinni verið frábær.

Einni vil ég mæla með að menn láti Dyno mæla hjá sér bílana, það kostar ekki nema 6 þús og finnst mér það nokkuð sanngjarnt.

Fyrra álit

Moen fyrir 21 árum, 11 mánuðum

Hvað er að Dynomæla?

Fyrra álit

[Notanda eytt] fyrir 21 árum, 11 mánuðum

Þá á ég við hestaflamælingu á þar til gerðum bekk. Þetta kostar 6 þús og segir manni ýmislegt um bílana. Þó held ég að flestir verði fyrir miklum vonbrigðum þar sem að MJÖG fáir bílar eru að ná þeim tölum sem framleiðendur gefa upp, nema þeir séu nýjir.

Í því sambandi má nefna að Honda Vtec fari úr 160 hestöflum í raunveruleg 136 hestöfl og M5 t.d. úr 315 í 270.

Ef menn ætla sér eitthvað fyrir með breytingar á vél, þá er þetta náttúrulega eini mælikvarðinn, þá er þetta gert á undan og á eftir. Kostar talsvert meira.

Fyrra álit

Partytruck fyrir 21 árum, 11 mánuðum

Það er gott að umræðan er að komast á skynsamlegra plan og dónaskapurinn að minka. Mig langar samt að minnast aftur á jeppana og þá af eigin raun.
Ég er búinn að eiga 8 jeppa um ævina og hef aldrei velt einum þeirra. Heppinn? Nei þegar ég fer útaf veginum í þeim tilgangi að leika mér á jeppanum þá má segja það að öll almenn skynsemi sé skilin eftir í kantinum og set ég vanalega jeppana mína í það mikinn hliðarhalla að flestir af þeim sem ekki hafa stundað jeppasport myndu svitna og hjartað tæki aukaslag. Einn reyndi að opna hurðina og hoppa út. En ALDREI velt. Og það sem ég hef verið að reyna að segja hérna er það að þó svo að jeppi sé valtari en fólksbíll (sem segir sig sjálft) er hann ekki það valtur að þú þurfir að hafa áhyggjur og passa þig í beygjum.

Hvernig væri að fá skilgreiningu á bíltegundinni “Grandlooser”. Allir sem hafa sagt þetta við mig vita ekkert um hvað er átt en finnst þetta bara fyndið.
Grand Cherokee eða Landcruiser……..Hvort er það?

Fyrra álit

[Notanda eytt] fyrir 21 árum, 11 mánuðum

Grandlooser=Landcruiser… rímar fullkomlega.

Grandlooser með skuldahala er Landcruiser með fellihýsi;)

Fyrra álit

gdawg fyrir 21 árum, 11 mánuðum

Eitt sem vert er að nefna varðandi dyno mælingar er að þær eru ekki endilega mjög nákvæmar. Það eru mjög margir þættir sem spila þar inní og til dæmis úti í UK þar sem er dynobekkur á öðru hverju verkstæði eru menn að fá mjög misjafnar tölur frá hinum og þessum bekkjum, ég heyrði af manni sem fékk venjulega um 90 hö út í hjól á 1430cc mini fór svo annað og fékk 75 að mig minnir.
Eini verulega góði mælikvarðinn er að halda dyno shoot out, þar sem allir mæta sama daginn og þá er hægt að prófa bílana við nokkurn veginn sömu aðstæður.

-Herra Stór!

Fyrra álit